錦麗 (綠楊坊)

屋企太少人，出街食更方便。想食清啲，汤面系一个选择，突然发现呢间分店都开左一段时间，仲未帮衬，所以落去食越南河粉 ，原来越南本店，更加系2023同24年必比登推介 。睇下餐牌先胡志明综合河粉 $88 可以拣生牛肉或者小鲜嫩肉，因为唔知咩叫小鲜嫩肉，所以拣左，原来系无咩肥嘅牛肉片，另外仲有、熟牛肉同牛丸。汤底好清又够味，河粉好滑，咩都未落饮一啖，之后再加九层塔、青柠汁同芽菜，感受唔同嘅口味。熟牛肉系牛腩，切到咁大件，应该已经本地化左，不过呢个方法更加吸牛骨汤，味道更足，又唔会太鞋，系一个好改变，但牛丸就唔算太特别啦！绝配油炸鬼（即炸半条）[$8推广价]炸得好香脆，原来浸牛骨汤，吸晒啲味，半脆半软，感觉好正，正过配粥。酥炸软壳蟹 （2只） $66软壳蟹好大只，大到一定要切件，呢个价钱真希好抵。软壳蟹炸得好酥脆，仲有少少胡椒粉，所以就算无点甜酸汁，都完全唔会酸。牛油果米纸卷 （2件）$40传统米纸卷包住沙律菜，可能有肉类或者虾，加啲檬粉，不过呢个里面完全无淀粉，直接用牛油果加沙律菜，取代檬粉嘅角色，非常creamy ，点埋鱼露，清新好多。紫薯春卷（2件） +$26米网包住紫薯，非常松化香脆，原来里面紫薯馅系甜嘅，整体好夹。越式蒜蓉牛油鸡翼（2件）+$10呢度嘅牛油鸡翼非常松化，但粉唔算厚，仲比平时多左蒜蓉香味，更惹味。咸柠檬青柠梳打 +$10成日都会叫青柠梳打，贪佢够清新。原来加埋咸柠，感觉又唔同，少少咸系会开胃啲，又更加解腻。越式椰子咖啡沙冰 +$22见到个椰子系列好想试，原来佢唔系椰子咖啡，系椰子+咖啡，饮下面嘅部分，系有奶香嘅越南咖啡，比较香甜。咬到沙冰上面嘅椰丝椰糖就即刻够味啦！梦幻彩虹多士 （配滴滴咖啡鸡蛋酱）$42多士本身无味道嘅，需要点酱。多士烘得好脆，蛋浆本身好香甜仲有椰香味，味道本身已经好足够，底下嘅咖啡少少苦味，纯粹用来平衡上面嘅甜，令佢更有层次，好食过茶木 。小计 $312服务费10％ $31.2 总计 $343…查看更多

上次食左生牛肉汤粉，今次家人聚会，食火车头饭有猪扒鸡翼鱼片煎蛋，咖哩薯仔 生炸鸡批饭，个鸡批好正，仲有小食，越式蔗虾好好味，网炸春卷，家乡鱼饼，样样都整得好好味，餐碟好越式…查看更多

讲真几贵，一餐河粉78蚊。QR code落单仲有+1要俾，想爆粗口添。个河粉未有我系街市40蚊有找好食。同时都唔多添，夜晚未食饱。服务态度算ok嘅。店面装修系几靓嘅，座位都算系大啦。不过呢两样系我呢到加分唔多。另外，八达通俾钱，睇唔到俾左几多钱，呢个系第一次见到咁样收钱嘅。其他啲野未有尝试，不作评价。大家可以尝试一下，咁就知我有几绝望啦。总结：环境几好，服务态度算好。河粉唔多，味道可以接受到（个碟芽菜系点食嘅，好似未熟？）。…查看更多

今午点了下午茶，香茅猪扒公仔面加配蔗虾（加 10元），炸猪扒香脆味美，非一般茶餐厅有此腌功水平，汁多肉嫩。原鸡汤公仔面，面身刚刚好，有弹力，鸡汤清甜汤浓，最重点就是那面上的葱花，使整碗面更上一层楼。越式咖啡都十分香浓，细心嘅就是配上热咖啡奶。十分超值，我长者还可以减3元。…查看更多

法式蕃茄牛颊肉捞檬($58):本身以为会系平时食开猪扒捞檬咁样会有汁俾你捞嘅，但系呢一个呢就系蕃茄牛肉嘅汁。佢嘅汁捞喺热嘅檬粉上面其实都几惹味，虽然自己唔会觉得呢一样系好传统嘅越南菜。但系绝对值得一试。+$26:追加椰青班兰椰汁糕，纯粹见到佢卖相好靓，如果钟意椰香朋友一定唔可以错过。质地就好似大菜糕咁样火车头粉($89):佢呢度可以拣小鲜肉或者生牛片，我哋就拣咗小鲜嫩肉，好似特别少少咁样，食落去好滑，而且都好重牛味。配料都算好多，其实如果一个女仔就咁食一碗应该会好饱。汤底亦鲜甜。食越南嘢又点少得佢哋嘅小食拼盘呢，我哋嗌咗一个($76)，分别有蔗虾，牛油鸡翼，炸猪扒，炸春卷。自己好钟意每一道𩠌，真系新鲜炸出嚟嘅，虾够弹牙，而且炸猪扒都好有香茅嘅味道。自己觉得如果可以多少少配菜多少少腌萝卜丝就更加好啦。最后我哋每人叫咗一杯嘢饮，我就叫咗椰青，呢一个我相信系我近呢几年饮得最开心嘅一个椰青！好鲜甜好清新好清爽，而且入边嘅椰子肉都好滑好容易就整出嚟食。朋友就嗌咗咸柠檬青柠梳打，正常发挥。总结：喺荃湾要揾一间坐得舒服，而且又干净嘅越南舖头都唔容易，而且呢一间舖头原来已经系集团式经营，自己反而就冇乜听过，下次会同爹哋妈咪一齐再嚟食嘅。价钱唔算贵，而且食物都有质素完全值得一试。…查看更多