錦江軒 (已結業)

今日同屋企人食上海菜，依間我由細個食到大，每年都總會去幾次😂今次3個人食左5樣野，超飽😋1. 砂鍋雲吞雞湯(半隻) $112- 半隻都已經好大份，仲有大約6粒雲吞，個湯好鮮！好好飲，我一次過都飲左3碗😆😆2. 招牌小籠包(4隻) $48-皮簿，豬肉juicy，個湯汁都鮮味嘅！正常發揮，唔會話好特別🙈3. 蔥爆羊肉(配薄餅6件) $108-羊肉味係有嘅，不過唔濃，份量正常，連埋薄餅食都幾入味。不過坦白講就係喊左啲😅4. 乾煸四季豆 $70-四季豆都偏喊少少，不過係好食嘅！同埋份量幾夠！5. 火腿烤箱方(配方餅3件) $96-依個係我最期待嘅，不過已經同以前食嘅差左好遠！以前塊火腿係依家嘅一倍！米通都厚依家一倍。。。雖然味道仲係咁好食，但係價錢貴左，份量少左，所以唔抵食！👎🏽*茶位$6/人; 仲有10%服務費*…查看更多

今次來到這間餐廳，真係滿足到我對上海菜嘅所有想象🌟！首先，小籠包真係做得掂，啖啖肉汁流出嚟嗰陣，簡直係幸福滋味💖。薄皮攬住鮮嫩嘅肉餡，入口即化，瞬間明白點解呢碟係必吃之選。再嚟，講下京醬肉絲，嚟緊呢，肉絲既滑又嫩，夠晒味，加埋京蔥同青瓜絲，一卷薄餅咬落去，鮮美同酥脆竟然咁夾！真係唔好意思，搶咗鏡頭啦📸。至於水煮魚，我就係愛上嗰種辣得嚟又唔會過火，魚又滑順得嚟無骨，麻辣飄香，令人一次過攞晒兩碅。（當然啦，依家講緊嘅係用筷子，唔係真係一次過攞晒兩碗啦 😂）總括來講，呢間餐廳提供咗個正宗上海味既美食體驗，食物質素同服務都算係上乘，適合同親朋戚友一齊享受幾盤好菜，我堅信，下次再來，標準必須再點小籠包，無得輸啊！🥟🎉…查看更多

話說今日同友人又來到北角尋找美食友人就唔係太喜歡西餐所以就帶佢去咗食中菜-上海菜北角有一間好出名嘅上海餐廳出名正宗上海料理-位置挺為隱秘位於城市花園庭園外側 內在環境以香港黎講 都稱得上係舒適有圓台 有卡位 適合2-8人家庭/朋友聚餐基於今次聚餐都係午餐但係午餐選擇都超過20種送豆漿或者例湯我哋就選擇咗糖醋魚 &紅燒獅子球講真，佢嘅糖醋魚真係好出色外脆內滑 再加埋椰子果 同菠蘿 完美做出左上海菜嘅傳統手法不過紅燒獅子頭就麻麻地 味道奄得唔夠耐唔太推薦不過我哋都在嗌咗個小籠包同埋醉雞小食兩樣都出色嘅總括而言，評分8.5/10…查看更多

北角上海菜小店 - 錦江軒Fb:下一站豬欄; IG@Pig7station今日黎到城市花園附近，見有間小店上海菜館，就黎試試，當晚唔太多人，唔使等位就入得啦😗因為唔係好餓，就叫左個酸辣湯，素鵝，蔥爆羊肉，口水雞同埋蔥油餅仔😅羊肉好香好惹味😋孜然味好濃郁😗口水雞都唔錯好惹味，肉質還可以，不過有啲位置就唔算太滑啦😅而素鵝同蔥油餅就麻麻喇，素鵝唔同出面😅餡料係表面😅下次黎可以試佢既小籠包同生煎包喇😙都係推介架😝…查看更多

很久已沒有吃錦江軒的上海菜了，今天午飯便來個外賣，嚐嚐上海傳統的味道。這店的午市套餐選擇頗多，既有客飯套餐，又有湯麵炒飯套餐。套餐除主食外，還奉送例湯、凍豆漿或熱豆漿。～蔥爆牛肉客飯蔥爆牛肉頗為惹味，牛肉一點也不會韌。最愛還是那些青蔥和蔥白，有著其獨突的味道，配上醬油和牛肉來吃，配合得宜。喜歡將蔥爆牛肉配白飯來吃，不消一會兒便吃掉整個客飯了！～上海炒粗麵傳統上海粗炒也非常受歡迎。今天的粗炒也不太肥膩，可惜配料不多，只有少量肉絲和冬菇絲，可幸的是有大量椰菜。可能是外賣關係，粗麵今天有點兒淋了，但亦不算其味道。～凍豆漿入口清涼，又有淡淡豆香，不會過甜，非常理想。…查看更多

平日午飯時間，不好找地方吃飯，這裡位置較偏，人流不多，隨便吃一頓吧。點了擔擔麵套餐，有一杯熱豆漿，職員送來熱茶和熱豆漿，很快擔擔麵上桌，碗不小，份量很少，不是食量大的，也吃不飽，還是算了吧，不再加食。…查看更多

雖然餐廳大廈比較舊，但係環境非常清潔衛生，食物質素極超，性價比高 。如果唔係朋友介紹應該唔會識去到咁入嘅地方食飯。穿過城市花園公園惠康隔離便找到，因為今次人少嘅關係食唔到走油元豬蹄。好快就會再去。…查看更多

錦江軒 @北角📍北角城市花園8座地下平時出面食開既上海菜的確係幾油膩 今次搵度呢間位於城市花園既上海菜 菜式選擇都幾多 重點係唔會重口味同好油膩！！而且價錢親民🌟▫️上海炒飯 $68炒飯好大碟好足料✨入面有好多配料 炒飯炒得夠乾身 粒粒分明 飯落有咬口 夠鑊氣同香口😋重點係唔會好油膩👍🏼▫️奶油津白膽 $88soo creamy既津白！煮得好淋好甜 仲有少許帶鹹香既火腿粒 係一道令人食唔停既小菜🤤🤤▫️招牌小籠包 $46小籠包由細到大都咁鐘意食 一咬落去就會爆湯汁係最正👅 小籠包皮夠薄 餡料足 夠多汁鮮甜 又唔油膩👍🏼▫️上海生煎包 $40記得生煎包要趁熱食但要小心唔好辣親個口！生煎包煎得好香😍肉汁juicy 外皮唔會太厚 不過生煎包底層可以再煎得脆d變到外脆內軟更perfect～▫️高力豆沙 $48香港愈尼愈少地方有得食高力豆沙🥺 不過呢呢個高力豆沙就比我預期中冇咁好食 唔夠砂糖同油去炸 變相質感比較粉同乾身🥺 唔夠綿密 係勝在唔會好甜～▫️豆漿 $10大大杯都係$10 好抵 而且係幾好飲！不過就甜左dd🤏🏻👅好味：3.8/5💲價錢：3.9/5🌟性價比：3.8/5👀環境：3.4/5👥服務：4/5…查看更多

本來去附近做野，諗住冇咩地方好去，求其食。點知比我意外入左泥呢間，我覺得入面既菜式多 價錢又抵食 最緊要係吾會好油膩同重口味 環境係溫馨小店feel~ 乾淨企理，員工會主動介紹野食之餘，仲會問你食後感同意見，睇得出佢地注重食客既感受同意見🤩 素鵝係必食！😋 外皮香脆，入面足料，口感十足！ 咕嚕魚好香同滑，d 調味吾會搶左個魚 小籠湯包 d 湯好juicy 之外，皮夠薄，呢個十分驚喜。 奶油津白係好特別既烹調方法，甜甜地，我反而覺得好清新同帶出菜既原味道 上海粗炒彈牙，夠晒香👍🏻👍🏻👍🏻係離遠已經聞到香味，急不及待想試！…查看更多

今日去北角附近搵朋友，咁岩又見到呢間上海菜，就行左入去。食上海菜當然唔少得小籠包，啲皮好薄，直程見到入面啲湯，點埋醋黎食真係一流。糖醋魚塊既魚好滑，皮都好夠薄，上菜時仲好夠熱，即叫即炸。仲叫咗餐廳推薦嘅奶油津白、蔥爆豬頸肉，豬頸肉好夠薄，包住薄餅黎食真係好夾😋當然唔少得上海粗炒，好夠穫氣，味道好夠，唔會太濃或太淡。仲有我最鍾意食用腐皮做嘅素鵝，簡單精緻嘅一道涼菜最重要係價錢非常之親民！我大家想食高質素嘅上海菜，又唔想太貴既話，呢間真係一個唔錯嘅選擇。仲有好多其他特色菜都未試過，一定要再嚟過！…查看更多

今日同朋友黎左食晚飯，店內嘅裝潢簡潔明亮，座位都好鬆動，唔算多人，唔會好嘈。可能係因為舖頭唔係好近地鐵站嗰邊，所以都係做街坊客生意，都見到幾多人叫外賣返上樓，如果住附近偶爾同屋企人落嚟食餐好既都幾好！就算由地鐵站行過去都只係五分鐘路程~呢度食物選擇好多，我同我朋友都係選擇困難症所以睇咗好耐😂最後揀咗呢幾樣:本幫燻魚 $72 侍應介紹我哋嗌呢樣，我以前未食過，原來係酸酸甜甜咁，好開胃，朋友覺得最好食係呢樣🤣 不過魚骨都幾幼細，食嗰陣要小心。招牌小籠包 $46 一籠有四隻，每一隻夾起無互相黐住，而且皮簿多汁，呢個價錢來講真係幾唔錯，必嗌！😋山東手撕雞 $92半隻雞既肉質都算滑同嫩，而且唔乾，啲汁鹹鹹地幾好味。朋友減緊肥，豐富蛋白質，個雞都唔肥，正！ ！🤣四川擔擔麵 $58 少少辣，濃既花生味，都幾惹味！少少美中不足係麵條有啲軟，同埋比較短有啲難夾😖高力豆沙 $48 香港地好似越嚟越少有呢道菜，一直好想食呢個，所以見到就即刻嗌左！好好食，熱辣辣，大大件，口感正，而且唔會超甜，食完唔會好guilty🤣🤣總括而言，食物抵食，員工友善。(不過朋友出到嚟嘅時候發現咗幾噠蚊咬🥲)…查看更多

今日去咗近炮台山地鐵站嘅一間上海舖食飯，咁啱朋友話想食中菜就喺OpenRice揾到呢間入到去餐廳都有啲裝修，企企理理，員工幾熱情咁介紹我哋好食嘅嘢。另外，睇吓餐牌，發覺佢啲嘢都唔貴，啲套餐都好相宜，每人幾十蚊就有幾樣推薦嘅菜式，唔錯！同朋友傾吓偈，野食就到啦！我哋叫咗個套餐再加咗幾樣呢度出名嘅菜式，例如火腿烤雙方、酸辣湯、高力豆沙！套餐包括小籠包、薰魚等等，4個菜！小籠包皮薄肉香，細細粒幾好食！清炒河蝦仁都好幼滑，簡單而精美。火腿烤雙方用金華火腿夾脆餅，好惹味又咸香，正！酸辣湯酸辣度適中，好開胃。我最鍾意食嘅高力豆沙當然都冇得輸，外微脆內軟，豆沙又好食！餐廳雖然地理位置未必最好，但勝在夠地道、價錢相宜、有人情味，有時入嚟同朋友食吓都好好👍🏼…查看更多

因為住附近 所以時不時都會落去錦江軒度飲個茶 嗌個客飯食吓咁 琴晚屋企人人話想食上海菜但又唔想堂食 所以就打電話叫定先再落去攞 都幾快 半個鐘左右就攞得平時比較少喺錦江軒食佢地嘅晚市 今次叫到擺滿哂屋企張飯枱 都係幾百蚊 仲要個質素都比得起嗰啲所謂嘅高級上海餐廳 甚至有啲我覺得仲好食啲添 個量又多 屋企4個人都食唔哂我唔係啲資深食家 唔識用咁多字去形容啲野食 所以我只可以講真係好味😂我媽係上海人嚟 佢都讚啲野食的確係以前喺上海食嘅味道 睇嚟之後都會成日幫襯佢哋個晚市👍🏻…查看更多

今天在錦江軒帶了些外賣回家享用，吃回舊日上海傳統的家常味。～上海湯粗麵傳統上海家常麵，材料簡單，有肉有菜，再配粗麵，全靠湯汁令整個麵變得好吃。味道恰到好處，不會過濃或過淡，能吃回舊日的味道。～上海炒粗麵豬肉絲和蔬菜炒得入味，醬油的功用發揮得淋漓盡致。上海粗麵極有口感，吃起有點煙韌，不會過腍。～上海話梅小排骨小排骨非常有咬口，味道討人，有點糖醋的味道，再增添了微鹹的話梅味，味道極多元化。第一次吃這話梅小排骨，感覺特別，配白飯吃是最好不過。但個人認為如果小排骨，尤其豬軟骨部分，可炆得再腍些，那便更理想了。這店的午餐均配有熱豆漿或例湯。豆漿味道不會過甜，而是日例湯的絲瓜豆腐雞蛋喝起來味道清新，令人感覺健康。…查看更多

上星期六去了一間朋友介紹的上海餐廳吃晚飯，覺得不錯，所以想推薦給大家。進店後比較熱鬧，同行的朋友想在安靜點的環境享用晚餐，於是詢問店員可否讓我們到包廂裏用餐，而店員亦馬上招呼我們到包廂裏坐，隨即遞上了餐牌及把房內的冷氣和電視也開了給我們，服務態度不錯。我們三人一共叫了八道菜，其中最值得推薦的就是他們的小籠包、水煮魚和京醬肉絲配薄餅，由於小籠包應趁熱吃，所以還沒來得切影相，已經全部吃光了，小籠包皮十分薄，餡料也很足，湯汁亦十分鮮甜，絕不油膩，再光顧時也一定會再叫。再來就是京醬肉絲，肉絲粗身足料，而且全為瘦肉，配上幼切京蔥和青瓜絲，十分惹味，加上酥炸脆皮，在口感上增添了層次感，而同行的其中一位友人，則對薄餅讚不絕口，猛在乾吃薄餅，讓我們哭笑不得，於是我們再添了兩碟薄餅。然後就是我的最愛，水煮魚，首先魚片非常鮮嫩、十分滑，骨亦不多，整煲看上去像十分辣，但吃進口卻剛剛好，反而麻味夠重，合我心意，裏面的配料亦很足料，值得推薦。…查看更多