鋿晶館

鋿晶馆今次到访一间人气连锁点心店，主打每日即制手工点心。先讲环境，老实讲卫生一般，🫖茶壶柄同枱布都系油笠笠。职员系姨姨居多都算友善。温馨提示，平日来会有较多优惠🈹。言归正传，茶拣左铁观音，唔好抱太大要求，茶味苦涩而不生津，冇乜茶香。食物方面点左几款传统点心同特色小食。月半弯晶莹鲜虾饺-$45/4粒 $24/2粒饺子皮烟靭，但略嫌厚薄唔太平均，有少少影响口感。馅料有三只虾，咸淡适中，味道唔错。推荐指数⭐️: 2.8/5紫金名酱蒸凤爪-$30个名好有架世🤣凤爪好入味，冇雪味，肉质软腍嘅程度适中，蒸嘅时间啱啱好，唔系蒸到烂晒嘅口感。酱汁浓郁，有豉汁味同蒜蓉香，咸甜适中。推荐指数⭐️: 3.5/5齿颊留香脆萝卜肠-$38呢个小编唔推介，单纯见个配搭几特别就试吓。系肠粉皮包住炸萝卜丝+萝卜蓉+葱粒。先赞嘅系口感唔错，肠粉皮薄，炸萝卜香脆，有爱软内脆嘅口感。但味道上较为单寡，主要得萝卜味同香葱味，同埋都几油腻，食一件就已经唔想再食。推荐指数⭐️: 1.5/5蒜香虾春卷-$42呢个好食，首先佢份量都几多，有四件。外皮炸得好香脆，食到第四件都仲系热嘅。馅料有鲜虾同埋蔬菜。椰菜丝同萝卜丝处理得好好，好爽脆香甜，配搭弹牙嘅鲜虾，味道唔错。佢亦都有喼汁跟埋，建议沾来食，可以解腻。推荐指数⭐️: 3.8/5Payment: 现金💰 店舖推荐指数: 💫3.2/5…查看更多

地方干净 每日见到佢哋系新鲜制作 现场即制的手工点心 我觉得好过有啲大酒楼， 佢哋一班同事 见到佢哋非常之落力， 唯一系厕所细啲， 但系都算干净， 所以系见唔到 香港人比较少去帮衬大酒楼的， 不知不觉间这间点心舖已经开业 三年几 同时都赔咗我全家人 三个年头的寒冬， 估唔到佢响 疫情期间都挨得住， 而家通关之后见佢哋生意都冇乜点样回落到， 佢哋呢间食店都算了不起了， 所以系我哋全家人长期支持及捧场的，还有！ 佢哋出嘅套餐系非常之贴地 及好优惠 因为一个饭有个汤一个菜加埋都系60零蚊 对于我哋嚟讲系完完全全 一种享受，希望呢啲小店能够 继续 为我哋香港美食之都出一分力，加油。…查看更多

一间好冇礼貌的店，只想俾人知道，今时今日咁样对啲客，你估你真系镶金嘅咩？以往食过呢间店好几次，都系一个嚟嘅，嘢食正常，价钱正常，吾特别好，吾特别差，今日假期，谂住叹番一盅两件，见佢都几多人等位，即管攞飞睇下要等几耐，好耐心咁等佢个收银兼坐位安排做完面前嘅工作先开口问，点知换来一句好冇礼貌嘅回覆：「一位冇位！」完全冇讲过可能要等几耐，又或者半个唔好意思嘅态度，我问自己：「点解还要乞求帮衬你？」以后都唔会！…查看更多

北菇滑鸡饭块冬菇连蒂都俾客食，鸡系碎湿湿，唔系一嚿嚿，奶黄饱的奶黄漏晒出来，扁的；马拉糕好似蒸过龙啲水蛋咁有窿嘅，烧卖啲肉散嘅，味道又唔得，价钱又贵，仲要收现金。珍珠鸡理论上系独立一嚿嚿，但系拆出嚟嘅时候就发觉原来佢系将旧糯米鸡一分为二然后再包返好；虾饺就叫做正常啲㗎啦，不过皮好厚，马拉糕就好似喺粥舖买𠮶啲大发不过形状整到似马拉糕，仲系湿湿地嘅，如果想饮$8一位茶嘅呢就系得普洱同铁观音拣要饮其他茶叶就要加钱，都唔明点解啲人话好食…查看更多

今日公众假期，所以同咗屋企人去荃湾饮茶，间唔中都会嚟呢一间鋿莹馆，除咗点心新鲜之外，最重要系唔会太多味精，而且服务态度都几好🔥脆炸北海道牛奶 🥛🍰经过油炸后，表面金黄酥脆，内部却保持著牛奶的滑嫩和香甜。每一口都散发著浓郁的奶香，口感独特鲜虾肠 🍤制作而成的肠粉口感滑嫩，鲜美的虾肉在口中弹牙而出。配搭住特制嘅甜豉油，让整道菜品的风味更加丰富，是一道经典的广式小吃秘制叉烧包 🥟叉烧的酱汁渗透入包中，口感鲜美。每一口都能感受到叉烧的丰富风味，配合柔软的包皮，令人回味无穷山竹牛肉球 🍖搭配山竹，创造出独特的口感和风味。牛肉的鲜嫩与山竹的甜美相结合，形成了丰富的口感层次，外酥内嫩，最紧要多喼汁，正…查看更多