影片
放工同朋友仔去咗锋之味食川菜，真系一个令人回味无穷嘅晚餐体验！呢度嘅川菜除咗返大陆食之外，我觉得已经系我心里数一数二正宗，味道、份量同质素都令人惊喜。我哋点咗几款招牌菜，包括水煮牛肉、辣子鸡同埋我最钟意嘅酸菜鱼加薯粉。酸菜鱼绝对系全场焦点，汤底酸辣开胃，鱼片滑溜无骨，酸菜嘅酸味同辣椒嘅香气完美结合，加埋薯粉吸满汤汁，每一啖都充满层次，真系食到停唔到口！水煮牛肉麻辣鲜香，牛肉嫩滑，豆芽同宽粉吸尽汤汁，辣得过瘾。辣子鸡炸得外脆内嫩，辣椒同花椒嘅香气扑鼻，辣度十足但唔会盖过鸡肉嘅鲜味。每道菜嘅份量都好大，两个人食到捧住个肚走。餐厅环境干净企理，座位宽敞，适合一班朋友聚餐。服务方面，店员态度友善，上菜速度都算快。总括嚟讲，锋之味嘅川菜质素高、份量足，味道正宗得嚟又够地道，酸菜鱼加薯粉绝对系必试之选，钟意食辣嘅朋友一定要嚟试吓！
继续阅读
最近天气冻，中午想食啲辣辣地嘅嘢，就嚟咗公司附近一间川菜馆。餐厅改左名，前身叫朱敏记。改名之后第一次食。餐牌同以前相约，价钱亦冇大改变。三个人食饭，叫咗个例牌酸菜鱼，一个皮蛋，一个煎饺子，一个手撕包菜同羊肉串。全部份量都好大碟，好抵食。酸菜鱼叫左小辣唔算辣！手撕包菜好好食，推荐！煎饺子同羊肉串就普普通通！仲叫咗三杯冻柠宾，超级大杯，一路食辣嘢一路饮冻柠宾解辣，食饱都未饮完，爽！埋单$660 ，每人$220，饱到捧住个肚走。唯独系环境唔太好，当日我哋坐既位置好近厨房，所以食完件衫好大阵油烟味。希望呢个位餐厅可以改善吓。
继续阅读