銘陽車仔麵

近排系荃灣工作，突然想食車仔麵😄即睇食評的D人話銘陽車仔麵好好食，咪去試吓店面光猛乾淨好方便，而且好方便可以用支付寶同埋微信支付八達通，我自選咗冬菇牛腩，'瑞士雞中翼清甜蘿蔔豬頸肉配公仔麵，加腩汁浓湯底小辣真係好OK嘅食，蠔油花菇套入味厚身，😛牛腩炆得好入味，炭燒豬頸肉好味道一流😀😄。蘿蔔清甜冇喳。配叫飲珍珠奶茶🧋 OK嘅值得推介大家經開荃灣，侍應有禮貌唔錯不妨試吓經開荃灣就去試吓啦！😄…查看更多

又係荃灣收工搵宵夜食，今次試咗呢一間銘揚車仔麵叫咗個自選5餸麵，牛腩、牛柏葉、豬紅、雞腎、蘿蔔。呢度嘅餸菜真係冇得彈，牛腩炆到淋滑入味，仲帶住啲筋膜咬感；牛柏葉爽脆得嚟完全吸收晒滷汁精華；豬紅滑溜冇腥氣，雞腎鹹香有嚼勁；最驚喜係蘿蔔，清甜無渣又煮到透心。個汁醬應該落足料熬，每啖都濃到黏嘴唇，不過對我嚟講有啲過鹹，可能重口味朋友會更啱。米粉就正常發揮，索汁能力唔錯，但如果再彈牙啲就完美。整體嚟講用料實在，味道傳統，如果汁醬可以揀濃度就更好，值得比個中上評分！…查看更多

「不添加味精，新鮮食材熬製湯底」呢度仲有台式飲品❗️為食🐑都好鍾意食車仔麵，今次同朋友專登走入「路德圍」試吓呢間小店～環境唔算好大，但係勝在夠地道💖💛車仔麵除咗湯底之外，自選醬汁真係好關鍵！呢度嘅湯底偏向清徹，唔會太鹹，主要靠醬汁帶出味道～特別推薦沙嗲醬同招牌辣醬，撈勻之後真係幾香，必加！🍜 套餐送飲品 $55麻辣豬脷墨魚餅 公仔麵價錢算係幾合理～墨魚餅外皮薄身，咬落去有少少蜜糖甜味，幾得意！麻辣豬脷就帶微辣～🍜 五餸· 炭燒豬頸肉：切得幾厚身，有炭燒香，邊位少少燶，鍾意濃味嘅人先啱～· 滷水豬大腸：大大粒，滷得入味，外皮軟腍，入面保持到少少咬口～· 手工韭菜餃：真係見到姐姐即場包，餡料飽滿，菜肉比例剛好，有家嘅味道～· 甜酸齋：分開上，味道酸中帶甜，面筋煮得剛好～· 生菜 + 米線：正常發揮，份量夠飽肚。🍹 蜜桃茶 跟餐加$13✨整體來講，餸菜質素合格，以呢個價錢同份量來講算係平民之選～下次有機會想試吓佢哋嘅炸墨魚卷同雞翼～…查看更多

🍜好耐冇食車仔麵喇，最近搵到間有好多車仔餸選擇嘅小店，自己揀鍾意食嘅餸，超正呀，呢度仲有好多特色嘅飲品🥤跟餐叫做平啲💕抵食✅🍜自選車仔麵：跟住張紙填，先揀麵條🍝今次我唔揀油麵揀左蘭州拉麵🍜質地好似日本拉麵，都唔錯👍樣樣餸都想試😜今次揀左牛筋、豬軟骨、木耳餃同埋菜心🌽個牛筋同豬軟骨都滷得好入味呀💯跟餐加$要杯凍抹茶紅豆🫘不錯👍🍜自選車仔麵：另一碗我就叫左佢地嘅招牌鮮切麵👍麵嘅質地好柔軟，口感好新鮮💯餸就揀左牛腩、豬大腸、韭菜餃同埋生菜🥬豬大腸乾淨又大粒，個韭菜餃脹卜卜好香好好食🤤配杯凍柚子蜜茶❤️透心涼呀🥳🐙炸墨魚卷：呢度有好多小食選擇，今次叫左炸墨魚卷🔥不過不失，墨魚肉唔夠多😜…查看更多

#20250917 📝📍 #銘陽車仔麵 @ming_yeung_noodle荃灣荃興徑17號地下C號舖➖➖➖➖➖➖➖➖➖➖➖➖➖➖➖➖➖#銘陽自選 #米粉 $12 🥢 #辣醬 #炸蒜 🥢 #咖喱辣魷魚 $15 🥢 #瑞士雞中翼 $13 🥢 #惹味豬紅 $10💭 路德圍呢度一向都多野食，次次尼都係掃街，原來呢度有間野都好正😊標榜全店食品都無添加味精，辣醬揀左小辣但係都唔惹少，食食下都要飲返啖凍野解解辣🥵想講佢啲餸全部都超入味，雞翼同豬紅隻甜係浸係個湯度食到最尾先食都仲係度，咖喱魷魚又係，可以醃到啲咖喱色都入晒肉，勁好味🦑.#銘陽自選 #招牌鮮切麵 $14 🥢 #沙嗲醬 #炸蒜 🥢 #麻辣金錢肚 $15 🥢 #手工香菇餃 $12 🥢 #陳皮魚蛋 $10 🥢 #紫菜 $9💭 另一醃試左個佢地既招牌叫鮮切麵，望落個粗幼有啲似河粉，食落又有啲似刀削麵果種感覺咬口，金錢肚又係入晒味唔使講啦，重點係佢唔韌，淋到一咬就斷咁濟😎佢有幾款手工餃揀，香菇比較似素餃果啲風味🍄‍🟫陳皮魚蛋同紫菜都係正常味道，不過值得一提係佢魚蛋個份量都幾多下，抵食🍜.#椒鹽金沙骨 $42💭 點諗到車仔麵檔會有呢啲咁有鑊氣既野食，呢啲應該要係大排檔先食到架嘛，金沙骨咬落好淋，一咬就咬得開，啲椒鹽包住晒成粒金沙骨，好夠味又好惹味😋.#腐乳通菜 $18💭 見個菜先$18，兩個人尼每人自己碗麵叫個菜做餸都一樣價錢，不如叫碟share食仲有汁揀，呢度可以揀通菜、生菜、菜心，汁就有蠔油、腐乳、腩汁任意配搭，本身想試下腩汁通菜咩味，後尾理智都係揀返腐乳通菜，因為出街先食到😂. 🥢 #芒果奶茶 +$15 🥢 #朱古力珍珠 +$15💭 呢度除左麵正，野飲都係一大賣點，幾時有試過飲住台式野食車仔麵，佢所有野都可以加珍珠或者紅豆，朱古力珍珠好新奇，芒果奶茶完全係復刻左細個食芒果布甸陣味，好似多左個甜品咁幾正🍮.#荃灣美食 #🐷在荃灣 #🐷_食 …查看更多

荃灣路德圍一向都以掃街聞名，但系吾講吾知原來有間好低調既車仔麵今次就跟住小編同友人，一齊黎到荃灣路德圍，同大家一齊食返碗車仔麵 一 銘陽車仔麵🌟銘陽自選雖然佢地都有吾少車仔麵組合比大家參考，但系小編都系決定自選：招牌鮮切麵 $14、腩汁、柱候牛腩 $15、 秘製牛筋 $14、瑞士雞中翼$13、瑞士雞尖 $11、香菇貢丸 $11 、炸紅腸 $10腩汁幾香，牛腩同牛筋都燘得腍而不爛，而佢地自家調配既瑞士汁居然系小編以前讀書時候小賣部滷雞脾既味道，令人懷念🤤👍🏻而友人就嗌左：拉麵 $14、腩汁、牛筋 $14、瑞士雞中翼$13、香茹餃 $12、牛肉丸 $11、紅腸 $10📍銘陽車仔麵地址：荃灣荃興徑17號地下C號舖…查看更多

食過好多次，標榜無味精同有得飲台飲係路德圍人氣店，小店位置唔多，不過啲人都快黎快去唔使點等位，小店隔局，不過都乾淨，特別係餐具，講下我推介食咩小食：台式炸豆腐，皮薄豆腐滑，個甜醬汁加左豆辦醬(我估)幾惹味椒鹽雞中翼：有小小似土匪雞翼，小辣但無咁濃味脆炸墨魚卷：之前食過炸得幾好同彈牙小食類普遍炸得幾好車仔麵餸：甜酸齋，香茅豬扒，瑞士雞翼，豬紅，蘿蔔我都比較推介，鐘意佢部分係自己，個汁都係自己調教，而家咁多預製菜，仲肯花心機去整食物實在難得…查看更多

員工態度OK，唔錯，不過餐廳處理方法就有待改善。話說我叫咗份豬扒、雞扒雙拼小食，點知一食，個豬扒酸嘅，我仲問嘅員工，跟著她哋就拎入廚房拎走啲豬扒然後加返雞扒（仲要用返同一隻碟）俾我之後話，計我單拼就算，我有一刻o咗嘴雖然冇乜expectation，不過係咪應該同我講聲唔好意思呢？所以唔會有下次..…查看更多

朋友推薦嘅抵食嘅下午茶粉麵，所以試下😙🌈環境 一間小店，餐廳有特登設計幾個單人位比自己食飯嘅客人💁🏻‍♀️其他都係卡位🤓每張枱枱面都有寫住「每位最低消費$30」入到餐廳，我坐嗰張枱地下有啲油油地🛢️😹枱嘅櫃桶有自助餐具🥢，牙籤，白糖等等🥣食物🥟瑞士豬軟骨魚皮餃麵 ($38) 我點咗腩汁加炸蒜🧄腩汁唔算特別濃，但都OK瑞士豬軟骨一共有5嚿，色澤唔錯👍🏼🤎夠入味不過痴住係瘦嘅肉🥺比較乾同柴，唔係入口即化嗰種🤔對佢有少少失望🥺另外，魚皮餃只有2粒不過下午茶嚟講又好似make sense🤌🏼 👄飲品 🧋芋香珍珠 - 跟下午茶餐 ($8)正常用粉沖嘅芋頭奶，珍珠就係新煮同舊煮嘅混合埋一齊第一啖飲落去，要咬得郁佢哋真係要啲牙力😹飲到後嚟，又飲到有彈性嘅珍珠🤲🏼但都仲係有幾粒好硬…🙋🏻‍♀️服務 店員好有回應，要杯熱水🫖會即刻叫水吧攞，唔會話等陣先比錢時有啲阻濟，佢都會有耐性咁協助👍🏼💓✨推薦分數 : 6 / 10…查看更多

新年想去路德圍篤串魚蛋食，點知幫襯開嘅都冇開，機緣巧合就入左哩間車仔麵店。嗌左個自選5餸車仔麵加野飲（蘿蔔/ 韭菜/ 豬腸 / 韭菜餃/ 金沙骨），蘿蔔太大舊唔入味 / 豬腸太瘦，難食 / 韭菜同韭菜餃都算正常。侍應送碗麵上黎嘅時候同我講爭個金沙骨（我都明白炸野要等耐啲），好啦食完晒成個麵個金沙骨都未上，我就問吓佢地做緊未，之後個侍應冇答我然後擰轉身行去廚房問，一陣之後就拎左碟金沙骨出黎，仲話唔知係我嘅。即係碟野其實做好左但一直冇送黎，講到好似我有問題咁。其實果陣仲有個野飲未到咁我就順手追埋，點知個侍應話點解唔一次過追，搞到佢要行多幾步。老實說，我乾哽晒成個麵依臨尾先有野飲又真係幾委屈你地要行多轉喎。下次洗唔洗我入埋廚房淥自己個麵，出埋杯野飲比自己？跟餐收得我10蚊罐可樂我就期望佢有基本嘅服務啦，與其受佢氣不如食完自己過隔離7仔買好過，仲要平啲。好啦講返個金沙骨，好咸結論係如果想生腎石同時又有被虐傾向嘅人，哩間係一間唔錯嘅餐廳…查看更多

朋友帶我嚟銘陽車仔麵近來要減肥，所以注重低碳飲食，呢度有一個好處，就係可以唔需要有麵底，點淨餸都可以，我同朋友都掂咗淨四餸，但其實呢度嘅手工麵都好好食👍特別要讚蘿蔔非常入味，牛筋亦都好好咬口，個湯底飲完一啲都唔口渴朋友嘅杏霜夠濃，而我杯朱古力珍珠好滑，甜度適中，正👍呢度仲有好多套餐選擇，要嚟多幾次試吓…查看更多

一路都知哩間車仔麵存在, 因為路德圍實在太多競爭就一路忽略咗, 但試過一試次就變左常客了。入面小店格局, 坐位僻窄, 一個人食通常要搭枱, 餐廳主打啲餸係自家製, 自己食過幾款都幾唔錯甜酸齋食麵會分開上, 酸甜口感無出面咁酸, 面筋煮得剛好, 唔會太腍或太硬未熟透瑞士雞翼 新鮮煮起的雞翼, 肉質仍然保持但炆得入味豬紅無腥味, 挺身又帶點滑牛筋炆得好腍好入味蘿白清甜無渣魚蛋, 魚皮餃, 等食材都正正常常, 飲品就不過不失普通D, 價錢絕對對得住味道, 適合日常食…查看更多

叫咗個$55套餐，包6樣餸的一碗麵（6餸配搭餐廳已一早選好，只是從6款配搭中揀邊一款）+一杯飲品。餸雖然俾得多，但個麵真係「油麻地」（麻麻地）🍜，叫的是紅薯粉，但個粉味未索，就出餐，完全冇味。但佢個餸尤其雞尖，又真係勁好食😋，滷水醃製很好。餐廳叫套餐，會送特飲🥛，（最初也是衝着手搖😂），款色挺多，如水蜜桃冰茶、百香果冰茶、苿香奶茶等。最終選擇了珍珠奶茶🧋，太甜，下次一定會叫少甜😂，珍珠有口感。…查看更多

環境唔算窄，不過有陣異味時不時飄出嚟。。。都唔算強，所以都冇理太多好多唔同組合嘅餐/定食，或者自己揀材料魚蛋、豬皮、豬紅呢個係老豆話食車仔麵嘅傳統，咁先係食緊車仔麵喎。。。我嘅係牛4寶？（$55）我唔記得咗 有牛丸、金錢肚、牛筋、牛腩同白蘿蔔。白蘿蔔清甜冇渣牛筋好軟滑金錢肚太淋，留返少少爽口質感更好牛丸正常牛腩一般跟杯水蜜桃紅茶，唔洗加錢…查看更多

噚日(11-8-2024 Sun)晏晝，同老公去寄賣舊衫前食晏，又唔知食乜好，行嚟呢頭睇，台蔡滷肉又要等位，唔等啦，於是喺呢頭睇，十八座狗仔粉？老公話睇環境應該會好熱，重要食熱嘢，咪攪。行吓行吓，不如呢間啦，搬咗嚟都未幫趁過。入到去，店員叫我哋坐嗰張枱，冷氣開得好大，我哋睇完menu剔餸，要咗：2. 跟餐價$10.00嘅熱檸水擺到最後至飲，正常冇問題。3分4. 跟餐價$13.00嘅薄荷冰其實老公要冬瓜冰，但落單時話冇，係得呢個冇。嚟到，成杯嘢好綠，我驚難飲，但又唔係，可能糖漿落得夠，不過薄荷味唔多飲到，但老公話飲到冰涼。2.5分3. 好耐，老公嘅麵到嚟，佢要嘅係紫菜，木耳餃，沙薑豬肚，牛丸紅薯粉要沙爹湯，盛惠$56.00。佢俾咗木耳餃同沙薑豬肚我食，呢兩樣口感正常冇問題。3分當我搵吓老公重有咩食時，發覺有貢丸，乜佢有剔貢太咩？佢話食牛太𠺝，於是問店員呢粒係咩嚟，佢答牛丸。老公照食，話係貢丸喎。個店員至話加返俾佢，我睇價錢係一樣，老公話咁唔使喇，算啦。1. 炸支竹，沙薑豬脷紅薯粉，要清湯共$33.00餸嘅份量夠，炸支竹夠腍，沙薑豬脷同紅薯粉口感正常，但啖湯有啲怪。3分不過有沙薑醬嘅餸係咪要另上，而唔係放埋喺湯麵喥?服務：其實我哋喺等嘢食時，另一枱客話叫韭菜餃,但俾咗魚皮餃，點知同類事件發生喺我老公身上，佢哋嘅廚師隨意幫客人改單？2.5分環境：除咗話冷氣大外，卡位有啲迫，半背靠椅令我成日撞到手踭。而呢喥全新都係卡位。抵食係2.6分上次食評係2020年8月14日刊登嘅呢篇: https://www.openrice.com/zh/hongkong/review/%E7%AE%97%E6%8A%B5%E9%A3%9F-e3792089…查看更多