銀龍粉麵茶餐廳

炸雞髀配薯條雞髀即叫即炸，外皮金黃酥脆，咬開肉汁豐盈，醃得入味，帶微微蒜香；薯條粗身夠脆，撒上淮鹽，邪惡但滿足！略嫌油膩，配凍飲剛好。 牛雜河粉牛雜處理乾淨，無異味，燜得軟淋入味，尤其牛肚爽彈；湯底清甜帶淡淡柱候香，河粉吸湯不爛。份量足，牛雜愛好者必試！ 凍檸茶（跟餐+$3）茶底濃而不澀，檸檬新鮮，酸甜平衡，少甜剛好，解膩一流，典型港式水準推薦組合：牛雜河＋凍檸茶，地道港味之選！因為炸髀薯條太香，忘記影相已經食完🤣🤣…查看更多

【九龍城銀龍茶餐廳下午茶短評】 九龍城銀龍茶餐廳下午茶時段性價比合理。牛雜粉麵屬穩陣之選，湯頭不過鹹，牛雜處理乾淨，大腸ok干淨、金錢肚夠彈牙，搭配河粉及格有餘。可惜炸雞髀嚴重失準，外皮和肉質偏乾偏柴，與記憶中招牌水準差太少少。凍奶茶仍然保持水準。整體而言下午茶性價比還可以，地方就腳，又開得夠夜，粉麵類可一試，但專程為炸髀而來難免失望。晚餐早餐不過不失，幫襯左甘多年水準有小小下滑，服務可以，街坊支持下…查看更多

銀龍粉麵茶餐廳叫了外賣，有酸菜鯛魚片米線和時菜豆腐火腩飯。酸菜鯛魚片米線有秘製二字，增加不少神秘色彩，結果論的確值得一點一吃。酸菜，鯛魚和米線都相當好吃。首先酸菜不會太嗆，亦沒有臭味。很易入口同時不會太搶味，讓我仍然吃到魚塊的鮮味，沒有喧賓奪主。魚肉很鮮味，有肉味，質感又嫩，僅熟，不會散開，煮得相當好，展示相當專業的烹飪技巧。份量相當多，吃到很夠飽，有肉有菜又有均衡營養，好吃又健康之選。外賣亦很快到埗，整體我亦相當滿意。…查看更多

黎到九龍城又比較夜, 都無點搵野食就揀左銀龍食, 諗住速食一個晚餐不過真係比較失望。點左個晚餐黑椒汁豬扒飯，熱檸檬茶。呢個豬扒既口感真係唔岩我口味，食落肉質口感比預期差，唔好味，感覺有點肉太硬既口感。而白飯都唔夠軟熟，成個配搭出黎既賣相同口感都係失望。熱檸檬茶就算係正常既茶記味道，沒有甚麼特別。呢個晚餐價錢食呢個質素就真係唔值了，因為豬扒唔岩我口味之下，成個餐其實已經沒咩好食，只係仲有火腿叫做係正常既味道。真係唔會再食了。。。…查看更多

茶餐廳嚟講銀龍茶餐廳唔算特別平，但係以前都叫幾出名，今次去試吓，但係啲嘢食就好細分，嗌完嘢食等咗30分鐘都未到追咗佢兩次都唔敢追第三次，費事陣間佢加料，之後比我嘅時間仲要態度好差，個楊州炒飯好油，同張枱一樣油淋淋，唔怪得知食飯時間都冇客，同對面大城小廚一樣係垃圾餐廳，我喺附近住，真係唔會再去第二次😔😣😖推介可以去隔離海景餐廳，或者羊鞍餐廳，或者九龍城廣場大把餐廳千祈唔好去呢間銀龍茶餐廳食飯。差劣。…查看更多

話說一直冇試過呢間，所以就去試試，買個外賣既晚餐，去叫野時已被經典茶記既態度聲線招待，ok既.... 你又真係茶記黎既. 香港都唔係以前既咩禮貌之都，明既. 咁順利拎左外賣返到屋企，好野呀，咁薄既盒都比你搵到，下面仲要墊菜，我明白你關心客人飲食均衡，所以主張多菜少少肉嘛. 但我叫得豬軟骨，其實就真係好想食肉囉. 定係呢款係咩特級豚肉，所以係淺嘗架？ 我粗人唔識野，sor. 最樣衰係，屋企個個見到都問，嘩，得兩塊，幾錢呀？平時果間冇咁少架喎. 我都唔好意思講，自己無聊去試左係另一間買，咁樣就74蚊架喇，香港宜家生活好難. 係得兩塊肉，一個飯，一個水同杯熱飲. 不過，果兩舊又炆得淋同入味既，呢樣又真係抵讚個廚師既. 只可惜係以我既食量，呢兩舊只可以當前菜囉. So sorry. 我呢d粗人想食飽架ja. 下次都係去返第二間. Sor. …查看更多

非常失望😞叫咗个168兩人餐_沙薑雞_魚香茄子只雞毛都未掹齊，仲有種怪味茄子冇味就咁放生粉水兜兜就算同點菜啊姐講聲啊姐就眼望望唔多覺就咁就算唉😞最後講聲門口收銀啊姐黑口黑面好似老闆欠幾個月人工咁…查看更多

在九龍城做完facial之後都差不多9點半，在附近找地方吃晚飯，好多餐廳都已過了last order，準備打烊。幾乎就只有銀龍還未關店，點餐之後才發現10pm開始提供宵夜餐點，只差15分鐘左右，就錯失了便宜一點點的宵夜餐了。金銀蛋芫茜鮮魷肉片湯飯，魷魚份量多，夠爽口，但金銀蛋芫茜湯的味不算煮得好出，令湯飯味道不夠香。$60/碗就稍為貴了一點吧！秘製豬軟骨撈粗麵，有分大和小兩個份量，我選了細份的，份量恰好，不會太少。粗麵爽口，豬軟骨入味，稔得來軟骨爽口易咬，醬汁微甜而不鹹，用來撈粗麵，味道不錯，但醬汁份量稍稍少了一點。配撈麵的湯清清地，不會重味精味。凍檸茶的茶底夠濃，檸檬不會澀。連鎖茶餐廳的食品不會太難食，讓人填飽肚就是了。…查看更多

昨天叫咗個常餐C外賣，蕃茄湯蟹棒烏冬+吉列豬，職員話冇哂蕃茄湯，唔緊要，清湯都ok, 點知，返到屋企一打開個烏冬，就發現疑似塑膠包裝袋既物體浮喺湯面…..真係嚇咗一嚇，感覺好似廚餘咁職員蓋上外賣盒時冇理由睇唔到呀 ？都唔知個舊膠係從何而來！唔敢食，成個麵倒咗….…查看更多

吾係附近好多餐廳都早收，好日吾會幫襯銀龍，論食物質素～某幾樣好食囉，不過就吾好叫涼瓜炒牛肉，涼瓜真係夠膽死同你「涼伴」牛肉熟，涼瓜無炒過咁，非常「新鮮爽口」，正👍。講返正題，打算叫個外賣，見有晚餐叫，咪叫個蒸雞(心唸正路野吾會有伏），收銀阿姐掛住同個客傾計都吾落單，落單時話蒸雞要等20分鐘，叫我叫其他， 好～我就叫個快少少既豬軟骨撈面， 加雲吞，蠔油菜心。收銀姐姐：雲吞賣曬，叫其他，好～咁墨丸啦， 叫完， 打錯單，蠔油「生菜」，咁算啦，無謂改來改去， 點知一等再等，遲過我落單既都拎曬外賣走，我等左15分鐘先話整緊，下？整個麵同蒸雞要差唔多時間？等左差吾多20分鐘，由無汗等到出汗，拎住外賣返屋企，一打開～ 咦～無左墨丸既， 咪打去餐廳問返係咪比漏左， 收銀姐姐： 吾好意思，頭先太忙， 你幾耐來到？補返比你？ 下？ 太忙？忙都仲可以同客傾計吾落我單？餐廳又吾係好多客，忙咩？你做錯野仲叫我落去拎返？無野呀？即刻將電話交比經理？射波？態度想點？ 經理仲離譜， 話下次送返比我， 哈哈， 仲有下次？你咪處理問題？你話餐廳爆曬人你忙既我可以體諒， 解釋都搵個合理少少理由，我又吾係打電話叫外賣，我係落去餐廳叫，有幾多客我一眼睇曬，咁忙不如吾好做堂食， 落錯單，整漏野，態度差， blacklist ~ …查看更多

4:00pm去食下午茶，諗住叫豆腐火腩飯，點知阿姐話廚師要食飯唔煮。明明餐牌有都晤俾叫，真係聞所未聞，咁嘅管理模式，點會仲有人幫襯，一肚氣, 最終叫西多士，味道一般，下次唔會再嚟！…查看更多

星期三早上9點， 遇上難食的早餐經過福佬村道， 見門面ok便入內食過快早餐。見有粉麵餐及熱狗， 便嘗試下， 點知質素差過食普通腸仔蛋或三文治早餐1）A7 魚皮餃魚片河粉 + 熱咖啡 $38 ＜4分＞魚皮餃質感硬實， 以為食硬肉丸，又以為未熟，總之同一般魚皮餃不同， 超難食。魚片薄薄二片， 正常水準， ok.河粉幼幼都ok2）特色熱狗🌭 ＜5分＞甜餐包加腸仔， 加生菜🥬及蕃茄片🍅完全唔知什麼叫特色，用甜餐包？ 怪冇特別又冇什麼好味道， 差。🍅冇想過連早餐都咁差難食。非常失望…查看更多

前幾日收工同老公去銀龍食飯，諗住坐得舒服啲，又有電視睇下，平時我地會叫餸食飯，但老公話想食手乾炒牛河，所以叫左乾炒牛河加煲仔飯，一黎到個牛河份量勁，得幾啖，好似下午茶咁，仲要$6x ，老公當然唔夠飽啦,好彩有我個煲仔飯頂一頂,不過佢最後返到屋企都係有食宵夜😂😂個煲仔飯都麻麻地，飯太淋，無乜飯焦，我地都不約而同咁講，下次都係食返兩餸飯算luuu…查看更多

行過福佬村道幾間茶記，諗住食個快飯。格過價，呢間比較平，於是入去坐低。環境寬敞，舒服。叫咗兩個小菜套餐，送一碟油菜。碟油菜唔係好新鮮，有啲黃黃地 。 雖然係送嘅，但係都唔好畀啲下欄嘢人啦。魚香茄子 算係正常，不過好細碟。油爆脆肉鯛魚片扒西蘭花鯛魚扒好薄，冇乜味，炒到好老，有啲硬。西蘭花正常，係爽脆嘅。不過整體都係冇乜味，好淡。 又係好細碟。呢個價錢，咁細碟，有啲覺得被坤，食完都唔覺得飽，中伏。食完之後，個肚係咁搞，咕嚕咕嚕咁叫，之後仲肚瀉。唔知關唔關佢事，可能係我狀態唔好卦。唔會再去。…查看更多

我11:15分坐底，問左佢地宜家係有午餐食之後嗌左個蘿蔔牛腩飯，張單係11:17分落單朋友嘅野食一早黎曬食埋之後唯有追追單啦之後第一個阿姐就話要耐啲架，無辦法架，等下啦（乜蘿蔔牛腩飯唔係一早整到淨係畢出黎架咩？）之後佢係無幫我追個飯到第二個阿姐再叫佢追追，阿姐又話：無辦法好多外賣，要等架又係追都唔追，行去無行去個廚房咁你好多外賣咁堂食唔洗做？同埋咩叫無辦法你唔追梗係無辦法最後同個樓面追，佢話都無辦法都要排隊明明隔離枱5分鐘前先坐得啲野都到曬最得11:39到隔離枱都叫左牛腩飯先一次過出咁就唔係無辦法啦22分鐘先畢到碟蘿蔔牛腩飯味道難食已經算我當口味唔啱同係全部伙記啲態度非常有問題以後都唔係幫襯…查看更多