銀座 篝

晚餐時候都需要排一陣隊。餐牌頗多選擇，除咗雞白湯，仲有加左唔同味道。有d 新鮮感。雞白湯特製拉麵湯底：雞湯味濃郁。相對於坊間有d 比較奶味嘅湯底，呢個嘅雞味相對重一啲，似係傳統雞湯但呈現杰身濃稠嘅質地。另外佢多咗一層油喺面，令到味道再濃郁一點，如果怕油嘅朋友就可能有啲介意。麵條：正常日本生麵嘅味道，份量頗多。食到最後都冇咩鹼水味係個湯到。材料：特製套餐比起普通餐多左一碟配菜。有兩片雞肉，一件比較嫩滑，一件正常水準。唔鞋口但又未去到好嫩滑好驚喜嘅地步。🤔松露雞白湯醬油拉麵湯底 :  松露味係非常充足，濃郁到完全遮蓋左雞白湯嗰種鮮甜嘅雞味，淨係飲到好似忌廉黑松露汁咁樣。我原本以為係雞湯味為主，再帶少少松露增添多一點層次，但係而家松露嘅味道完全over power咗。本身個味道唔差，但就冇雞湯味。除非一心只係想食到松露湯底味，否則唔推介。🤔雞白湯抹茶Soba湯底 : 第一次見有抹茶味嘅湯底，好奇心起點來試下。其實味道唔伏嘅，帶有淡淡嘅抹茶甘香，居然成件事係夾到。不過如同上述，抹茶嘅甘香味遮蓋左雞湯果種鮮甜味。自己試一次就好，比較上來都係原味嘅雞白湯最鮮甜最推介。餃子：正常日式餃子嘅味道。…查看更多

《銀座 篝 - 尖沙咀》原來雞白湯可以咁濃郁架😍前排睇雜誌見有介紹呢一間日本過江龍既拉麵店，每逢搭飛機番香港前都會食多碗拉麵先走💁🏻‍♀️呢度同樣由日本人坐陣監控品質，重點係喺正我返工地點附近，趁住一個人食lunch唔知食咩好，就一於去食雞白湯拉麵啦🥰本人其實都好鍾意雞白湯，平時喺香港食到嘅通常都比較水一啲，但係呢度製作嘅雞白湯濃郁到掛湯，有啲似忌廉汁嘅口感，今次我就揀咗松露雞白湯拉麵加玉子 $133 + $38，另外仲叫咗份煎餃子 $38 同埋炙燒叉燒飯 $38煎餃子作為前菜幾惹味，一共有五隻，如果一個人食略嫌有啲多，如果之後可以推出一人份就好啦💁🏻‍♀️個人覺得第一次食應該要食原味雞白湯，因為松露雞白湯拉麵個松露油味道都幾霸道，會搶咗少少本身雞湯嘅香氣，但係如果你同我一樣都好鍾意食松露嘅產品，呢一款拉麵嘅松露味道絕對係夠晒，個麵係用咗粗太麵製作，口感比較爽口同埋掛汁，個擺盤其實係靚的，但係有幾款配菜我都麻麻哋鍾意😆個麵會另外配咗薑蓉同埋炸蒜俾你提升味道嘅層次，食完個麵就可以好似日本人咁加個叉燒飯，用埋雞白湯拌勻再食，咁就唔會浪費咗咁濃郁嘅湯啦嗰炙燒叉燒飯比想像中淡味，如果唔係配埋個醋汁的話本身唔夠惹味，我自己個人一開頭係配醋汁，後再用雞白湯汁拌勻再食，叉燒唔係入口，即溶嗰一種口感，比較似我哋平時食到嘅豬肉片感覺，個人覺得拉麵比個飯出色😌…查看更多

《銀座 篝》拌麵 (連湯) 🍜📍尖沙咀河内道18號K11購物藝術館B2樓B232號舖原味，松露，抹茶，都試過晒，今次試拌麵。碗麵未送到前，職員比定支醬汁我，話唔夠味可以加，我心諗，會唔會又係 d 淡茂茂嘅麵，將加味嘅責任交比食客自己話事？非也，碗麵一上，一夾，發現所有麵都上晒色，食落其實都幾夠味，完全冇需要額外加味。同拉麵唔同，拌麵用嘅麵係較粗身嘅麵，中太麵至太麵之間，口感扎實煙韌，幾有咬口。食到咁上下，撈埋生雞蛋。呢隻蛋蛋香好夠，撈埋食口感變得更滑溜，有蛋香加持下層次感又上一層。呢款麵佢會連一杯仔雞白湯，上嘅時候我問職員個湯嘅建議食法係點，職員呆一呆，尷尬笑左野，之後叫我等等，去班救兵。另一個職員叫我可以就咁飲，或倒埋落去食都得，真係唔該晒嘅。見個答案咁行，我就冇理佢，當平時食沾麵咁食。不過事實係唔太work，因為個湯太稀，個麵唔多掛得起佢，所以其實一啖麵，一啖湯咁食會好d。整體我都覺得還好，因為呢碗麵可以就咁食，撈生蛋食，同配湯食，體驗還算完整。而麵本身嘅調味都幾香，醬油鹹度剛剛好，趁天氣咁熱，呢款拌麵都係唔錯嘅選擇。…查看更多

《銀座 篝》雞🐓白湯拉麵🍜+ 炙燒叉燒🍖飯🍚📍尖沙咀河内道18號K11購物藝術館B2樓B232號舖今日終於有機會一探近來討論度甚高嘅《銀座 篝》。見之前唔少麵友分享過，睇食評似係未夠理想。我就未响日本食過佢，今次係第一次食，所以冇任何前設，只有用以往我食過其他店嘅雞白湯拉麵去量度好與壞。《雞🐓白湯拉麵🍜》碗麵未上前，見佢比左一碟薑蓉同乾蔥碎，職員就冇主動介紹，追問下，薑蓉係用黎解膩，乾蔥碎用黎增加口感。香味 (4/5)香味充足，主要都係雞香味，其他味就聞唔到。湯 (3.5/5)湯嘅部份有d出乎意料，唔知店家係咪想增加口感，質地並不順滑，反而係有少少食到湯渣嘅粗糙感。後來有請教過响日本有食過嘅朋友，原來日本店都係咁，或者係特色，不過我個人口味會鍾意幼滑d嘅口感。味道方面我收貨，雞味係幾香濃，而䶢甜度正常，油香都足，由頭到尾都唔會膩。麵條 (3/5)中細麵，正常爽口，配個湯幾夾，不過略嫌冇乜特色，個麵並冇任何記憶點可言。配料 (3.5/5)雞叉燒一如所料都係用雞胸肉，正常嫩滑，鮮甜度就唔太夠，比較啖。因為呢間店咁大名氣，我對雞叉燒自然期望較高，所以有少少失望。具材當中，較深印象就係塊筍，佢並唔係用平時常見嘅筍乾，而係用原塊新鮮筍。口感比較腍，唔夠爽脆，亦唔算甜，未夠滿意。另一罕見具材係心裡美蘿蔔，不過味道相當普通。荷蘭豆佢切走左一面，賣相夠晒特別，誠意度係夠。番茄仔同紅椒就冇乜好講，普普通通。《炙燒叉燒🍖飯🍚》重點想講講個炙燒叉燒🍖飯🍚。原先見佢有更招牌嘅松露雞肉飯，不過我又貪心想試埋佢嘅豬叉燒，所以揀左佢。我從來未响拉麵店食過一塊咁硬咁鞋嘅豬叉燒，下面張相都大概可以反映到。飯本身真󠄉係相普通，飯香麻麻，口感太軟，可能因為水份太多。個醬汁呢，似係平時食天婦羅會跟嘅醬汁加蘿蔔蓉，再加意大利醋汁嘅混合體。因為個豬叉燒太差，個飯普通，個汁幾好都冇用。結果個飯我只食左一半。整體 - 不推薦。不過如果你係拉麵迷，就點都應該去試一試，碗麵並唔係差，只係，如果以一間咁出名嘅人氣過江龍店來話，食客期望高就一定，所以同期望有落差係好正常。…查看更多

去日本食拉麵銀座篝大家都不會陌生，特別是去到成田機場通常都會碰到。銀座篝終於在香港開分店，選舖位置很有眼光，位置在尖沙咀河內道K11地庫，前往非常方便，人流亦極旺，毗鄰一蘭拉麵及三田製麵所。在日本成田機場吃銀座篝，往往又多人節奏又快，感覺像吃快餐。香港新店雖然多人，但節奏比較慢了一點，可以舒緩一下。香港店座位約有三十個，有四人座及二人座，亦有吧檯位，吧檯座位可以透過玻璃看到廚房。麵店設計舒適，空間感隨和而不侷促，麵店是開放式的設計，冷氣不強，吃完熱燙的拉麵會冒汗，亦偶有虫子飛過，外面嘈雜的人聲亦可聽到。我在平日下午5:30入店，座位未滿可以直接進入，不用排隊，被安排坐在吧檯的座位，我點選了雞白湯Soba及煎餃子，銀座篝最揚名的是擺盤，拉麵上檯時給吸引客人眼球，配菜鮮艷的顏色在奶白色的雞白湯及Soba的襯托下顯得份外美艷。雞白湯温度很熱燙，湯的濃稠度雖然與罐頭雞蓉忌廉湯相若，味道頭段不搶口不濃郁，雞味只有一點，中段滑溜，尾段没有後續沒有餘韻，舌頭雖然不留香，但似乎讓人留意到麵條質地的順滑。調味醬有特設的炸洋葱蒜片及薑蓉，而檯頭上有黑七味粉、洋葱油、黑胡椒粒及美濃有機玄米酢，各位吃拉麵到中途時，本人建議可以加入一點配醬試試，玄米酢我的建議是用來點配菜蔬果；薑蓉是用在低温慢煮雞叉燒，炸洋葱蒜片灑在拉麵上，感覺似吃越南湯河或印尼撈麵；黑七味粉及洋葱油建議多加一点在湯內，口感很新奇亦特别。副菜煎餃子一碟五隻，外形微漲似金元寶，煎餃子餃皮咬口感不俗，咀嚼時感到有嚼勁，餃肉的份量剛好夠兩口，味道平凡有點缺乏鮮味，只是一般可口。銀座篝要收加一服務費，我這份餐結帳埋單剛好$150，我用八達通支付，沒有任何優惠或免費招待。尖沙咀銀座篝我認為可以一試，銀座篝除了拉麵，亦有沾麵。副食除了煎餃子，亦有唐揚炸雞及叉燒丼。…查看更多

呢一間日本過江龍拉麵店之前試過佢地嘅湯底好出色😙，今日就決定再去試下其他菜式啦😜雞白湯醬油拉麵湯底濃厚順滑🤪，雞白湯同醬油平衡得啱啱好，飲完唔會口渴。麵質軟硬適中，慢煮雞肉口感同味道都係一流😌炙燒叉燒飯叉燒表面燒到微焦帶炭香😝，肉質保持鬆化。醬汁香甜惹味，撈勻日本米飯真係停唔到口🤤黑松露薯條即炸薯條熱辣脆身😍，松露醬落得大方，每條都沾到濃郁香氣。薯條內裡綿密🔥綠茶（三得利伊右衛門）…查看更多

上星期喺K11終於試咗一本過江龍溝篝,對上一次係日本機場臨飛走嘅時候食過~嗰陣係食佢哋濃厚嘅雞白湯~所以今次就選擇試佢哋既新品- 就係咖喱湯底嘅拉麵~日本個menu 好似冇依個味~除咗面頭嗰層咖喱油多咗少少之外,佢個湯汁都幾濃,個咖喱味仲有香港地道風味,仲幾掛汁!!佢個set仲送上一碗白飯,食完唔夠飽,用埋佢哋嘅咖喱湯汁撈飯~另外仲叫咗一份章魚小丸子,一份五粒~🍡每粒都粒小章魚~期待佢地出多D香港口味既拉麵湯底🤭…查看更多

🫠去左好多次日本，都冇食過篝，見香港開咗分店，終於可以一試～首先，啤酒配冰杯已經好有誠意！😻📍松露奶油雞肉飯好好食喎喂！雞肉粒用火槍燒過、好香，口感彈牙唔鞋口；仲有米香、奶油香、黑松露醬香，幾樣嘢混合埋一齊之後，非常之夾🤩📍 雞皮餃子外皮好薄好脆、餡料札實、好夠熱，仲夾雜雞軟骨，好多唔同口感🤤📍 雞白湯拉麵好濃郁creamy，係雞湯再加少少雞油，好掛湯蔬菜，好清新爽口，可以中和吓濃湯嘅膩。（有片紫色嘅心內美蘿蔔，第一次見😮）雞叉燒，口感唔會好鞋，腍得嚟、又有咬口👍🏻睇食評都有人俾負評，但雞肉飯&雞皮餃子真係 >90分🫠同d店員交流入面，聽得出佢哋有用心做食物😌…查看更多

朋友知我鍾情雞白湯，便介紹我到K11吃米芝蓮推薦的銀座篝拉麵，吃完令人十分回味，不愧這麼多人推介。K11店分吧枱和卡座，餐牌簡潔，我點了特製拌麵，唐揚炸雞及冇酒精梅酒。店員送上餐點時感覺賣相精緻，拌面上放上慢煮雞肉及多款時令時蔬，有粟米仔、豆、紅椒、車厘茄、南瓜片，糖心蛋，色彩豐富，令人食慾大增。除此之外，還有一碗雞白湯及雞蛋黃，店員推薦先將蛋黃及麵拌勻，而雞湯可以直接飲用或是以沾面方式享用。雞白湯看上去奶白濃郁，入口鮮味不膩，麵條煙靭有咬口，點雞白湯吃時湯掛滿在麵條上， 十分美味。慢煮雞肉嫩滑美味，配上蔬菜食用口感更豐富。唐揚炸雞一客四件，外脆內Juicy ，味道剛好。整體服務及環境也不錯，期待下次吃其他湯麵。…查看更多

喺東京食過一次之後就對佢既雞白湯湯底念念不此，終於等到佢開黎香港!香港餐牌都有齊哂日本店既item。雞白湯特製拉麵 |特製拉麵比普通雞白湯拉麵多一碟配料，除左雞肉，仲有叉燒!雞肉用上低溫烹調既手法，雞肉軟嫩又唔會過柴。湯底用日本國產雞同雞大骨熬製，濃郁香醇，而且唔油膩。麵條用上中細麵，爽口彈牙。配料中仲有多款蔬菜，包括心裡美蘿蔔、荷蘭豆、日本南瓜同荀等，不過太薄切，所以無乜口感。炙燒叉燒飯 |炙燒叉燒香氣十足，叉燒表面微焦，肉質軟滑。日本米粒粒分明，配埋特製醬汁，酸酸地好開胃。章魚燒 |我都唔知原來餐廳現時仲有推出日式小食，仲非常有當地風味!章魚燒外層焦脆，入面軟綿綿既麵漿夾住大大塊彈牙章魚，每一啖都係滿足感爆棚。…查看更多

一間日本過江龍拉麵店，晚飯時間要排10幾分鐘，但係我都覺得值得一試。餐牌種類多，除咗雞白湯仲有醬油 松露等等 另外亦都有餃子等等嘅小食。雞白湯真係好鮮甜濃郁，感覺像煲咗10幾個鐘有種骨膠原嘅黏稠度，完全唔似加咗味精，雞肉低溫慢煮，嫩滑。…查看更多

銀座篝拉麵曾榮獲米芝蓮指南推薦的拉麵名店，主打雞白湯拉麵，以慢燉的手法烹煮雞湯，湯頭濃郁香醇卻不油膩。雞白湯系列有多款選擇：雞白湯Soba、松露雞白湯Soba、醬油雞白湯Soba、松露雞白湯醬油Soba等，仲有拌麵可以選擇😆我今次就試咗雞白湯拌麵🍜雞白湯精華濃厚，可以按自己嘅心意加配湯份量，配料亦都有好多：蔬菜以及三大片雞肉，非常腍！🥰 店員仲準備咗拌麵汁，如果鍾意食濃味嘅朋友可以自行添加。小食都有幾款可以揀，章魚小丸子大大粒，外皮好脆。店舖裝修有Bar枱同卡位，無論係自己一個嚟食，定係同朋友食都可以🥳…查看更多

Since a couple of years ago, I have this Japanese ramen brand bookmarked on my to-eat list. It was so popular back then and I decided not to queue for it when I visited Tokyo. Today it finally arrives in HK, and there's no more excuse not to give it a try. The signature chicken white broth ramen has extremely rich heavily creamy soup, and you can see obviously drizzles of onion oil on top of the ramen. I like the selection of seasonal veggies they put on top of three slices of chicken breasts, crunchy and very colourful. To be honest, the MVP must go to the bowl of seared charsiu rice that was 35 dollars. It came with a jar of highly sophisticated house sauce that has freshly grated citrusy mash in it, and it's super addictive to my tasting- I literally use this to pour over my charsiu rice, and dip with my chicken breast. The white grains of the rice has been specially selected, perfectly cooked with the finest degree of humidity, each grain is full in shape, tasted so good with the white flesh charsiu and has been lightly torched, and the sauce- yes the sauce was my fave!On the side: Very crispy gyoza with thin skin, and a glass of non-alcoholic Choya. ごちそうさまでした!…查看更多

💖K11 art開左間主打濃郁雞白湯拉麵🍜嘅店，仲有各種松露食物，位置方便一出地鐵站就係，今晚黎食晚餐～1️⃣松露雞白湯拉麵🍜💖一上台就見到超級濃郁嘅湯底🤤，口感厚重，面層係滿滿脂肪嘅雞油，搭配解膩嘅薑蓉同豐富口感嘅炸蔥。呢間嘅拉麵口感煙韌有嚼勁，將味道香濃嘅黑松露混入去味道更香，雞胸肉好嫩滑。仲有各種色彩鮮豔嘅蔬菜，望落好靚，最鍾意爽脆竹筍😍。2️⃣薯條（黑松露味）🍟💖份量都唔錯！炸得熱辣香脆嘅薯條，好快就比我食曬😛。3️⃣松露奶油雞肉飯🐔💖價錢好抵食，雞肉塊好嫩，搭配香濃嘅黑松露同香滑牛油🧈，令飯粒食落帶奶香，口感更creamy。4️⃣無酒精梅酒（CHOYA）🍸💖要左杯梅酒，解膩又清爽！💖位置舒服又好坐，食物擺盤都好精緻，鍾意雞白湯同松露要黎試下！…查看更多

銀座 篝 かがり 招牌餐點就是雞白湯拉麵🍜菜品材料全部日本直送，湯頭濃香醇不油膩，高雅香醇！不愧是米芝蓮推薦🥇雞白湯裡的雞肉超級軟嫩🐔，單純雞肉香味大滿足！麵條吃來就是彈性十足，搭上季節性蔬菜擺盤十分精緻，紫羅白🫜 粟米芝芯🌽筍子、雞肉片，保持原味道！拉麵附上🎌日本國產生薑末及炒洋蔥乾，因為太好味我將拉麵湯都喝光光了！另外小菜點了份雞肉餃子，椰菜雞肉配上薑汁滿滿👍 下次要試埋炸雞！雞白湯香濃Creamy, 我點了無酒精梅酒，多一份酸爽醒胃既感覺🥃…查看更多