銀座 篝

晚餐時候都需要排一陣隊。餐牌頗多選擇，除咗雞白湯，仲有加左唔同味道。有d 新鮮感。雞白湯特製拉麵湯底：雞湯味濃郁。相對於坊間有d 比較奶味嘅湯底，呢個嘅雞味相對重一啲，似係傳統雞湯但呈現杰身濃稠嘅質地。另外佢多咗一層油喺面，令到味道再濃郁一點，如果怕油嘅朋友就可能有啲介意。麵條：正常日本生麵嘅味道，份量頗多。食到最後都冇咩鹼水味係個湯到。材料：特製套餐比起普通餐多左一碟配菜。有兩片雞肉，一件比較嫩滑，一件正常水準。唔鞋口但又未去到好嫩滑好驚喜嘅地步。🤔松露雞白湯醬油拉麵湯底 :  松露味係非常充足，濃郁到完全遮蓋左雞白湯嗰種鮮甜嘅雞味，淨係飲到好似忌廉黑松露汁咁樣。我原本以為係雞湯味為主，再帶少少松露增添多一點層次，但係而家松露嘅味道完全over power咗。本身個味道唔差，但就冇雞湯味。除非一心只係想食到松露湯底味，否則唔推介。🤔雞白湯抹茶Soba湯底 : 第一次見有抹茶味嘅湯底，好奇心起點來試下。其實味道唔伏嘅，帶有淡淡嘅抹茶甘香，居然成件事係夾到。不過如同上述，抹茶嘅甘香味遮蓋左雞湯果種鮮甜味。自己試一次就好，比較上來都係原味嘅雞白湯最鮮甜最推介。餃子：正常日式餃子嘅味道。…查看更多

《銀座 篝 - 尖沙咀》原來雞白湯可以咁濃郁架😍前排睇雜誌見有介紹呢一間日本過江龍既拉麵店，每逢搭飛機番香港前都會食多碗拉麵先走💁🏻‍♀️呢度同樣由日本人坐陣監控品質，重點係喺正我返工地點附近，趁住一個人食lunch唔知食咩好，就一於去食雞白湯拉麵啦🥰本人其實都好鍾意雞白湯，平時喺香港食到嘅通常都比較水一啲，但係呢度製作嘅雞白湯濃郁到掛湯，有啲似忌廉汁嘅口感，今次我就揀咗松露雞白湯拉麵加玉子 $133 + $38，另外仲叫咗份煎餃子 $38 同埋炙燒叉燒飯 $38煎餃子作為前菜幾惹味，一共有五隻，如果一個人食略嫌有啲多，如果之後可以推出一人份就好啦💁🏻‍♀️個人覺得第一次食應該要食原味雞白湯，因為松露雞白湯拉麵個松露油味道都幾霸道，會搶咗少少本身雞湯嘅香氣，但係如果你同我一樣都好鍾意食松露嘅產品，呢一款拉麵嘅松露味道絕對係夠晒，個麵係用咗粗太麵製作，口感比較爽口同埋掛汁，個擺盤其實係靚的，但係有幾款配菜我都麻麻哋鍾意😆個麵會另外配咗薑蓉同埋炸蒜俾你提升味道嘅層次，食完個麵就可以好似日本人咁加個叉燒飯，用埋雞白湯拌勻再食，咁就唔會浪費咗咁濃郁嘅湯啦嗰炙燒叉燒飯比想像中淡味，如果唔係配埋個醋汁的話本身唔夠惹味，我自己個人一開頭係配醋汁，後再用雞白湯汁拌勻再食，叉燒唔係入口，即溶嗰一種口感，比較似我哋平時食到嘅豬肉片感覺，個人覺得拉麵比個飯出色😌…查看更多

《銀座 篝》拌麵 (連湯) 🍜📍尖沙咀河内道18號K11購物藝術館B2樓B232號舖原味，松露，抹茶，都試過晒，今次試拌麵。碗麵未送到前，職員比定支醬汁我，話唔夠味可以加，我心諗，會唔會又係 d 淡茂茂嘅麵，將加味嘅責任交比食客自己話事？非也，碗麵一上，一夾，發現所有麵都上晒色，食落其實都幾夠味，完全冇需要額外加味。同拉麵唔同，拌麵用嘅麵係較粗身嘅麵，中太麵至太麵之間，口感扎實煙韌，幾有咬口。食到咁上下，撈埋生雞蛋。呢隻蛋蛋香好夠，撈埋食口感變得更滑溜，有蛋香加持下層次感又上一層。呢款麵佢會連一杯仔雞白湯，上嘅時候我問職員個湯嘅建議食法係點，職員呆一呆，尷尬笑左野，之後叫我等等，去班救兵。另一個職員叫我可以就咁飲，或倒埋落去食都得，真係唔該晒嘅。見個答案咁行，我就冇理佢，當平時食沾麵咁食。不過事實係唔太work，因為個湯太稀，個麵唔多掛得起佢，所以其實一啖麵，一啖湯咁食會好d。整體我都覺得還好，因為呢碗麵可以就咁食，撈生蛋食，同配湯食，體驗還算完整。而麵本身嘅調味都幾香，醬油鹹度剛剛好，趁天氣咁熱，呢款拌麵都係唔錯嘅選擇。…查看更多

之前去日本大阪梅田食過這間銀座篝，佢地最近在K11 Art mall開咗分店，這間過江龍最正嘅是雞白湯拉麵，睇下水準能否保持到先. 👉雞白湯特制拉麵，雞白湯味一樣勁濃郁，不過冇日本咁白雪雪，拉麵彈牙，麵底幾厚，雞肉同日本店一樣軟淋唔會鞋 👉雞皮餃子，外脆內軟，餡料十足 👉章魚燒，神還原大阪街頭味道 👉松露奶油雞飯同👉炙燒叉燒飯，食完麵唔夠飽可以加個飯，食埋就很滿足 👉飲品推介無酒精梅酒，啱曬我唔識飲酒又可以扮飲酒嘅人.📍銀座篝…查看更多

之前去大阪旅行試過呢間雞白湯拉麵，一直念念不忘，最近見到原來香港有一間新開嘅分店，環境仲幾靚添！即刻去試吓～.✨松露雞白湯醬油拉麵✨雞白湯特製拉麵✨炙燒叉燒飯✨章魚燒 5粒✨松露奶油雞肉飯✨雞皮餃子✨無酒精梅酒（CHOYA）✨橙汁.整體而言，香港分店嘅雞白湯味道比較濃郁，湯底比較厚身❤️松露雞白湯嘅松露香氣十足，比起一般嘅雞白湯味道更加豐富🥰小息推薦雞皮餃子，雞皮非常香脆，而且唔會好肥膩👍🏻👍🏻👍🏻.📍銀座篝…查看更多

銀座篝係一間主打雞白湯拉麵嘅日本餐廳，位於尖沙咀K11購物藝術館B2，即係地鐵嗰層，好方便！呢度中午11:30開舖我就黎食lunch，環境舒適，裝修係簡約日式。今次點咗幾款招牌菜式： 雞白湯特製拉麵（$128），湯底濃郁香滑，帶有豐富雞湯味，麵質煙韌，雞叉燒嫩滑多汁，配料豐富，包括流心溫泉蛋！每啖都充滿層次感～松露奶油雞肉飯（$38）係一個驚喜，飯粒吸滿奶油同松露香氣，雞肉嫩滑又入味，份量雖然唔算大，但作為配菜一流。 雞皮餃子（$32）外皮香脆，內餡鮮甜多汁，配埋特製醬汁更加惹味。 飲品方面，點左橙汁（$22），味道清新解膩，喺食完濃味拉麵後飲一啖感覺特別refreshing。 銀座篝性價比唔錯，份量都幾大，今日竟然食唔曬哈哈，下次應該叫一個拉麵都夠。 …查看更多

來自日本嘅過江龍拉麵店終於黎左香港啦！今次銀座 篝落戶於尖沙咀K11地庫，以日系簡約的裝修為主題。➰松露雞白湯醬油拉麵 $133招牌嘅松露雞白湯拉麵，湯底非常濃郁，有好香嘅雞味和松露味，飲起黎好順口。麵條軟硬適中，掛湯能力不錯。雞肉叉燒用低溫煮成，口感非常嫩。➰炙燒叉燒飯 $35 炙燒叉燒飯係個小驚喜，叉燒碎鋪在飯上，配上醬油，拌勻後好好食。➰炸雞 5個 $32炸雞外皮酥脆，裡面嘅肉汁嫩滑豐富，味道唔錯。➰橙汁 $22橙汁唔會太甜，恰到好處。…查看更多

食物：叫左份雞白湯特製拉麵，麵身彈牙，配料多元化，份量亦到足夠，但湯底偏油，表面見到有一層厚既油係湯面服務：大約夜晚八點去食，唔洗等位，侍應態度幾好，落單後幾分鐘食物就上台了環境：正常拉麵店環境，裝修新，整體黎講舒服…查看更多

再也不用飛日本，也能喝到那碗東京米芝蓮的濃厚雞白湯！海外分店延續日式簡約美學，木質調空間溫暖舒適，讓人一秒置身東京～❤️雞白湯醬油拉麵湯頭乳白濃稠如絲綢，入口是澎湃的雞骨香氣，熬煮出膠質黏唇的醇厚感！醬油巧妙提鮮不過鹹，湯體輕盈卻層次十足。拉麵選用中細直面，吸附湯汁能力佳，每一口都掛滿濃湯精華。雞肉軟嫩不柴，低溫慢煮保留肉汁，與湯底完美呼應～🧡日本一講究的雞蛋撈飯必點！嚴選日本雞蛋，蛋黃橙紅飽滿，配上獨門醬油，與熱騰騰米飯拌勻後，口感滑順香濃，蛋液包裹每粒米，簡單純粹卻讓人難忘～💛小食唐揚炸雞外皮薄脆，內裡雞肉鮮嫩多汁，醃製入味；最後來杯鮮榨橙汁，清爽解膩，完美收尾。…查看更多

店員的服務態度非常好，而且裝飾都像日本，整體格局乾淨舒服。【雞白湯抹茶拉麵】以濃郁的雞白湯為基底，加入京都抹茶的細膩苦香，完美平衡了湯底的鮮甜與濃厚，麵條彈牙，不過較易索湯。低溫慢煮叉燒質地軟熟，加入薑蓉和炸洋蔥調味更惹味。【日本一講究的雞蛋撈飯】輕盈的蛋白泡沫搭配濃郁滑順的生蛋黃，加入醬油調味與米飯融合後散發出濃厚的米香與蛋香，簡單卻極具魅力。【煎餃子】外皮煎至金黃酥脆，內餡多汁且鮮美，咬下去時湯汁四溢！每一口都充滿滿足感。【無酒精梅酒】其酸甜的風味清新怡人，作為餐後飲品不僅解膩，是罕有拉麵店提供的飲品選擇。…查看更多

拉麵湯底唔再唔局限於豬骨湯、醬油湯、味噌湯，日本人氣拉麵店「銀座篝」以雞白湯打響名堂，並榮獲米芝蓮推介。之前喺東京為咗佢，排左一個鐘隊，而家香港都有，就唔洗嘥咗旅行寶貴嘅時間。今次午市嚟都多人，不過座位亦算多，所以好快入座。🍜雞白湯綠茶拉麵招牌雞白湯底加埋綠茶，估唔到完全冇違和感，乳白色雞湯濃郁不膩口，卻又散發抹茶香味，令湯底更有層次。慢煮雞肉嫩滑，幼身麵條彈牙，精緻蔬菜攞盤有股清新優雅感。先品嚐原味湯頭，之後隨意加入炸蒜，薑蓉，玄米醋，黑七味等，令湯頭更多變化。🥟雞皮餃子雞皮餃子炸得香脆又帶點嚼勁，雞皮炸過之後散發雞油香，肉餡咬到少少雞軟骨，比一般餃子味更豐富，送酒一流。🍚炙燒叉燒飯日式叉燒本身經過燉煮後軟嫩入味，再經過炙燒，表面帶有微焦的香氣，加入特製醬汁，日本米飯又特別好食。🥃無酒精梅酒 Choya飲返杯梅酒酸酸甜甜，仲要冇酒精，飲多杯都唔驚醉。…查看更多

一心想嚟食雞白湯拉麵差啲就俾好奇心驅使下嗌咗抹茶拉麵😆呢間係米芝連推介嘅東京過江龍趁晏晝比較少人嘅時候去食下午茶果然同我想像中嘅一模一樣！！揀咗雞白湯特製醬油拉麵佢個湯底好濃郁但唔會好厚重食到最後清晒所有麵都唔覺得太heavy可能因為麵唔會太掛汁而且味道唔鹹特別係佢個雞肉，係會感受到慢煮嘅嫩滑蔬菜睇落靚，食落肚一樣覺得新鮮下次會再揀Special係因為有個流心蛋半熟到流心嘅程度係好滑溜而且係靚蛋所有配料嘅存在都係為咗襯托返個雞白湯！另外叫咗個煎餃子同松露奶油雞肉飯呢個份量兩個人食剛好，仲可以試晒所有嘢餃子係大白菜餡好似有少少七味粉調味留意佢係粒粒都爆晒汁🤣食嘅時候要小心啲個飯嘅松露好香，松露控係一定要嚟試吓雞肉依舊係嫩滑唔柴！完全冇令我失望😆…查看更多

連續兩年獲得日本東京米芝蓮必比登推薦的人氣拉麵店「銀座 篝」😍 主打雞白湯，慚愧地我係冇喺東京食過，將第一次就獻比香港分店🙈 環境 餐牌 特製拌麵 $118第一次食又想試雞白湯又想食Q彈啲麵，所以揀咗連湯嘅拌麵！Special就多一份肉同味玉，配料有低溫調理舒肥雞肉叉燒、低溫調理豬肉叉燒、南瓜片、筍，附以生蛋黃、拌麵汁比你撈，佢又唔係沾麵咁比好大碗湯，而喺麵豉湯嘅size。無論喺雞肉叉燒定豬肉叉燒，因為低溫調理，亦無調味，風味淡雅，一啲都唔嚡，鍾意濃味可以沾湯食。好鍾意佢沾麵喺用粗麵，煙韌又掛汁，本身撈麵汁及生蛋已經夠味，但佢嘅雞白湯真係無敵😭湯頭濃香醇但唔油膩，亦無死鹹情況！鍾意再多層次啲仲有松露、醬油、抹茶雞白湯拉麵～ 煎餃子 $38另外煎餃子🥟皮薄餡靚，值得一試～…查看更多

天氣凍嘅時候最啱就係食碗拉麵，最近喺K11新開嘅日本過江龍拉麵，揀左個咖喱雞白湯😋😋咖哩雞白湯拉麵 $118 雞肉叉燒唔會韌，咖喱嘅香料味好出唔會太辣，仲有啲南瓜粟米做配菜，面嘅texture都啱啱好👍👍另外個拉麵仲會跟一個細碗白飯，係日本珍珠米，食晒拉麵之後個湯用嚟撈飯食真係好正😄😄煎餃子 5個 $38餃子外脆內餡好多汁💗 係好好食嘅餃子👍😋橙汁 $22另外仲叫咗杯橙汁飲🙂‍↕️🙂‍↕️…查看更多

東京米芝蓮推介(2016及2017年)過江龍拉麵店「銀座篝」啱啱進駐尖沙咀K11 Art Mall🎊銀座本店日日大排長龍，香港店都唔弱，今日專登過咗午飯高峰時間先嚟，可以悠閒啲啲🤏🏻香港分店keep住日本水準，推薦拉麵控嚟朝聖～喺日本已食過雞白湯拉麵，今次試拌麵🍜相機食先之後就努力撈勻啲麵+生蛋黃+醬汁+配料，配料有慢煮雞肉+叉燒+時令蔬菜，兩塊肉薄切唔韌。粗太麵口感彈牙筋道強，好有咬口另外跟一小碗湯 ，係雞白湯魚介湯底，充滿雞油油膩就預咗不過可接受，味道鹹鮮👍🏻另外加咗碟小食雞皮餃子，微脆雞皮薄得嚟有彈性，雞肉爆汁💦…查看更多