金龍

東涌行完outlet, 見到有一間餐廳主打港式鐵板, 就行入去試一試。落單點了四寶雜扒餐（$168）及爆汁挽肉餐（$128），跟餐有餐包，餐湯點了一個紅湯加一個白湯，外加一杯充滿童年回憶紅豆冰。湯品不過不失，白湯有蘑菇蓉，比紅湯出色。雜扒餐有雞扒、牛柳、香腸及夢王蛋。配合醬汁是舊港式風味的黑椒汁或蒜蓉汁。是日牛柳售罄，換了封門柳給我們，五成熟外層焦香，內裡肉質嫩滑。爆汁挽肉油脂香，內裡肉汁豐滿。味道相當不錯。最後以紅豆冰作結，除了紅豆冰，餐廳亦有提供黑牛，白牛及金牛，讓你沉醉於老香港時光，重拾童年回憶。…查看更多

晚上在東薈城搵嘢食 見依間唔洗等位 所以就揀咗依間 主打港式經典鐵板扒類 就是令人懷念的那種醬汁淋在鐵板上的”炸”超治癒的聲音 居住在東涌/在機場工作還可以打折呢！選了雜扒和牛扒套餐 有個餐湯、飲料、餐包雜扒有一片雞扒和豬扒 都不算是很少片 肉質都嫩的 配上黑椒汁 跟薯菜👍🏻另外的牛扒都是非常好味～肉質很嫩～薯條配上黑椒汁 真的好好味🤤還叫了個肉醬意粉🍝 如果喜歡食偏甜的肉醬意粉 可以選擇食這個 真的有點偏甜 個人不太喜歡🙂…查看更多

懷舊扒房，裝修滿滿的回憶感，侍應服務態度極好，味道很好，非常推介封門柳同牛柳，豐富嘅口感，牛味濃烈，入口即溶，非常推介黑椒汁，加$15可以配意粉，撈埋黑椒汁食，超好食！會再幫襯！…查看更多

早幾日下午12點3左右入座 開始咗約40分鐘非常不愉快嘅用餐體驗我地兩個人叫咗兩個鐵板set lunch 當我食到剩返啲配菜嘅時候 有位侍應伸手問我仲要唔要？我點頭清楚答咗要！佢竟然再問我係咪唔要？同時佢已經開始想移動我塊鐵板 好彩我最後成功食多幾啖先俾佢收走......過咗一陣 我朋友食到飽飽地但又唔想嘥嘢 所以放慢速度 間唔中食幾啖咁 當時仲有少少牛扒薯條未食 點知就有另一位侍應直接伸手拎起朋友塊鐵板自言自語「唔要喇！？」就收走咗塊鐵板同餐具 問都無問就收走埋碟意粉 隨即侍應光速隊部機黎叫我地埋咗張單先 但我地嘅杯飲品未飲完而侍應又識得唔收住㗎喎🤔🤔🤔我地明白午市係繁忙時間 但同時(比咗加一服務費嘅)食客都應該值得基本合理嘅用餐時間 要個客45分鐘內(連埋點餐上菜)鋸完個扒走人？不如你做快餐收返快餐價錢啦 反正你咁趕時間翻枱又無乜服務可言…查看更多

身為東涌居民，有新餐厅必定會幫衬試下這間餐廳風格是走復古路線，有點金鳳的感覺，座位間距寬闊、舒適。服務態度：門口的員工態度很親切，會真心推薦，還會主動告知有住戶優惠😊，•菜品評價： ❶ 蔥油雞扒流心夢王蛋飯：雞扒脆皮多汁，份量很大。 ❷鐵板美國頂級西冷扒餐 ❸鐵板重量級牛柳扒餐，店員推薦的，本人覺得它是全場最佳！ •性價比：午餐平均下來 150/人，三個餐全部好味，全部推薦，偶爾吃點好的也是值得的。午餐餐牌部分餐牌…查看更多

今次又去咗東涌東薈城outlet覓食👅✨上次留意到平日夜晚得呢間餐廳大排長龍🐲原來係主打懷舊港式鐵板牛扒嘅餐廳🥩食完覺得啲牛扒真係好嫩好腍好好食‼️唔怪得連平日都有咁有人啦🥳-🐲 鐵板金龍經典雜錦扒 💰$168👉🏻 雞扒、牛柳、腸仔、流心夢王蛋選擇困難的話 就可以揀雜扒餐 有晒雞同牛！而牛柳亦可以自選熟度 肉質同封門柳差唔多雞扒預先煎香雞皮位置 食落肉質都幾嫩滑-🐮 鐵板愛爾蘭封門柳 💰$158果然係自稱香港牛扒專家 可以自選熟度即使受鐵板熱力影響 牛扒肉質依然好腍身俾大家參考一下 我哋係揀5成熟~-鐵板可選黑椒汁🧂或蒜蓉汁🧄+💰$28 可配餐包、餐湯及汽水汽水以外嘅無酒精特飲都可50%半價升級 🆙我哋就揀咗蒜蓉汁 係真係用蒜蓉製作而成‼️而餐包就微温 食落鬆軟 配埋熱溶牛油🧈👅餐湯紅湯就係羅宋湯 白湯就係蘑菇湯 白湯較優勝✨總之+💰$28配套餐就好抵食！-🥤 黑牛 +💰$22.5 (半價升級 🆙)🥤 白牛 +💰$22.5 (半價升級 🆙)餐廳有港式懷舊飲品嘅選擇 黑牛、白牛 連金牛都有不過呢度配嘅唔係雪糕 而係奶味重嘅忌廉-🧆 風味牛肉丸 💰$68一共有6粒 主要係蕃茄調味 食落牛味都幾足夠-🍌 經典香蕉船雪糕 💰$68真係回到童年嘅感覺 配上朱古力及雲呢拿味雪糕再配上朱古力彩虹碎、杏仁粒、朱古力醬插上紙遮仔先係最有懷舊感覺😹…查看更多

星期六日預左人多等位，點知個叫位嘅員工，無位又一早叫飛，又話人齊先入得，即刻叫行緊街的朋友過黎，點知人齊晒又話未有位，叫啲客準備定先，而家你係客定我係客，等唔緊要仲要受氣，貼錢買難受。…查看更多

今日特意來東涌outlet買衫衫，好耐冇黎，呢度變化好大啊，多咗二期，都多咗好多餐廳！基於合眼緣，揀咗一間港式復古裝修的牛扒館，環境舒適，深色木質傢具、暖色調燈光、皮質沙發、整個懷舊風拉滿！鴛鴦扒分量好足！高溫鐵板上的肉扒，淋上醬汁後滋滋響。肉厚汁多，煎得外焦里嫩，咬落去滿淡淡肉香。鐵板金龍經典雜錦扒都係必點！呢份太過滿足啦！雞扒嫩、牛柳滑，仲有腸仔香，流心日本夢王蛋一戳爆漿✅牛扒選生熟時建議5成或7成熟醬汁選擇：黑椒汁蒜蓉汁➕💰28，有餐包、湯以及支裝汽水🥤被熱過的麵包鬆軟暖笠笠，蘑菇忌廉湯，菌味濃郁瑞士汁雞翼這家味很正！我連住食咗幾只～必點黑白奶紅豆冰，底部滿滿的紅豆粒，頂部一個雲呢拿雪糕。嘗試咗金牛 ，個人都係喜歡黑牛多啲！加上雪糕頂很冰爽😊令我比較驚喜的是焦糖西米布丁，我好鍾意😍！顏值和美味共存！…查看更多

今天周日跟家人於東涌東薈城搵食醫肚，偶爾經過這間餐廳，目測現場座無虛席，再眼看餐牌感覺很吸引，所以最後決定一試。雖然今天是周日，但當時門外沒有人等候，所以很快我們就可以進場。我們兩人分別點了焗咖哩封門柳飯和鐵板脆嫩雞扒。◾餐牌所有食物都只有散叫，所以假若鐵板想要餐湯麵包的話就需要額外加錢。◾可能食物是即叫即做的關係，所以可能需要時間等候。然後是食物評價：◾焗飯醬汁不會太辣，而封門柳肉質比較軟腍，整體口感不俗。◾鐵板可選擇蒜蓉跟黑椒兩種醬汁，而我選擇了黑椒醬汁。醬汁不會太辣，還稍為有點甜味；而雞扒整體肉質算是中規中矩，不會太軟腍又不會太韌。整體尚算可接受範圍。飲品就點了支裝可樂跟凍奶茶，◾汽水只有支裝，鐵板跟餐免費，其他飲品半價；◾凍奶茶用了比較大的玻璃杯，只是奶茶茶味稍為苦澀。最後整體而言，相比傳統扒房，我覺得還算不錯，下次應該還會再來光顧。…查看更多

牛柳鐵板$168， 加$21配菠蘿冰 （配餐湯汽水要另加$28）肉醬意粉$78瑞士汁雞翼做會員送（原價$29 兩隻）職員態度差，黑面不止，尤其是嗰個女supervisor語氣唔止差仲要惡牛柳肉質正常，但離不開茶餐廳重醃口味肉醬意粉係超市意粉醬撈出黎，唔係焗亦冇鑊氣，偏油瑞士汁雞翼勁咸，下次唔使錢都唔會食菠蘿冰係最正常食完真係唔會再試，排隊只因為係新餐廳其實個市咁既樣，真係唔明啲餐廳仲可以用呢種服務態度待客，差過大排檔嘅服務仲要加一…查看更多

✨鐵板重量級牛柳扒 （-蒜蓉汁🧄- / 黑椒汁）我地叫咗五成熟🐮🔥～牛柳嘅肉質鬆軟嫩滑，冇根、唔韌，牛柳食落唔多脂肪感。.✨鐵板金龍爆汁挽肉 （-蒜蓉汁🧄- / 黑椒汁）呢個挽肉嘅肉香比牛柳扒再多啲😋質地都係好鬆軟，同埋真係好爆汁💦🤤第一次見蒜蓉汁有好多蒜粒，令肉扒變得香口🧄🤤；配菜有薯條、西蘭花、番茄仔，味道上冇咩特別👅.前菜：✨餐包：質地好軟熟，包體好重牛油香🧈✨餐湯：羅宋湯濃郁，酸甜度適中；而蘑菇忌廉湯嘅蘑菇味唔會太過度，啱啱好的。.✨風味牛肉丸(6️⃣粒)呢個係番茄口味嘅牛丸🐮～牛丸唔係平時彈牙嗰款，而係鬆軟版本嘅牛丸，最重肉香‼️外層仲沾有番膏🍅，有蕃茄甜香➕少少肉味。.✨經典香蕉船雪糕香蕉唔會過熟，撈埋啲雪糕一齊食都幾好食🍌🍨香草雪糕冇咩特別，而朱古力味就係苦甜版本 內裡有啲朱古力粒🍫.✨飲品：黑牛係可樂加cream，白牛就係七喜加cream…查看更多

同朋友放工經過東涌東薈城，無意中發現6樓開咗間新扒房「金龍」，見到門口已經排咗一條人龍，心諗應該唔會差，決定排一排試下。餐廳裝修走懷舊港式路線，有啲似舊式香港西餐廳嘅影子，但又有少少現代感。入面坐位都幾寬敞，坐得舒服，唔會迫逼狹狹。我同朋友一齊order左兩個主食，再加兩杯童年回憶飲品，一齊分嚟食，啱晒放工後鬆一鬆又唔會太heavy。呢道係我哋一致覺得全場MVP！鐵板一上枱就「滋滋」聲加熱氣撲面，龍蝦開邊鋪面，蝦肉厚身彈牙，蝦膏香到不得了，唔會腥，仲幾鮮。中間嘅挽肉幾好食，令整個菜式層次更豐富。另外再跟一個意粉，夾住龍蝦肉一齊食，真係有種豪華版嘅feel，估唔到咁match！呢個焗飯就行另一個方向，成個焗飯香濃茄香味，唔會過酸。用料好足，入面有大蝦、魷魚、珍珠貝，啖啖都食到海鮮。飯粒偏向濕潤啲，但焗面做到微焦金黃，勁香脆，咬落有層次。整體好似港式焗飯融合少少西式做法，唔會太膩又好飽肚。另外，都同朋友一齊order飲品，因為太口渴所飲左先而無影到相。見到餐牌有呢兩杯童年回憶，即刻叫齊。黑牛係可樂加雪糕，雪糕慢慢溶入可樂，甜中帶少少汽水嘅刺激感，飲落即刻返童年；白牛係忌廉梳打加雲呢拿雪糕，冇黑牛咁heavy，帶點清新奶香，同焗飯配起嚟超夾。總結嚟講，「金龍」絕對唔係淨係靠裝修打卡，而係有心機做菜，每道菜都有啲新意思。無論係海鮮火候、口感處理，定係味道平衡都處理得唔錯。加上服務都幾有禮貌，價錢以地段同用料嚟講都算合理。下次會想試埋佢哋鐵板牛扒或者傳統扒餐！…查看更多

今日同屋企人去東涌金龍鋸扒，細個大時大節媽咪成日帶我同妹妹四圍食扒房，始終有種情意結🥹❤️就係童年回憶❤️。。最懷念就係金雀扒房，當時仲記得聖誕節有玩具派添🤣同埋食完扒一定要食雪糕甜品做總結人哋飲茶有情意結，我哋就鋸扒有情意結🤣好啦，講下今日去咗東涌新開嘅扒房，《金龍》餐廳名果然有氣勢😆而且餐廳裝修好有舊時香港扒房feel🤣🤣睇得出落咗唔小功夫‼️👍🏻食物方面，今次叫咗幾款扒🥩鐵板新西蘭肉眼扒（黑椒汁或蒜蓉汁）肉質有層次，有口感，肉汁豐富！薯菜伴碟，薯條好食過出面好多扒房餐廳！厚切多肉熱辣辣🥩鐵板愛爾蘭封門柳封門柳係牛嘅最重牛味部分，而且佢有個獨特口感，就係一定軟淋！呢款極力推介👍🏻🥩鐵板重量級巴西牛柳扒肉汁豐富，肉質特別軟嫩，牛柳油脂比較底！而且牛味較封門柳輕盈，女士至愛每款扒都可以升級為套餐！套餐包括，主食，餐湯，餐包，飲品今日非常滿足！同媽咪去食真係好有回憶🤣❤️見餐廳都多人等位，可以早小小去排隊拎飛😆金龍 (東涌東薈城)地扯 ： 大嶼山東涌達東路18-20號東薈城6樓601號舖…查看更多

放lunch個陣見到有新嘢開，加埋係附近少見的港式扒房，就抱着試一試的心態入去。入面既裝修都比較懷舊，好有味道，不過座位之間不會太逼，坐落都舒服。我就叫左個西冷扒餐，附送一個餐包，嘢飲同埋飯或者意粉。餐包送上來幾時候有經過加熱，比起直接放上來更有誠意同埋好吃。羅宋湯就不過不失，但係忌廉蘑菇湯有驚喜，幾綿密，不過有些人可能會覺得太清淡。而西冷牛扒我叫咗5成熟，係鐵板上面淋完黑椒汁，D煙同埋香味令人食慾大動。變成了7成熟的西冷牛扒，肉質同口感都幾好，配上白飯確實一流。除了要排隊同埋價錢偏貴咗少少，整體體驗都係幾好既。食物不錯，環境舒服，下次會再黎試下佢平D既餐。…查看更多

扒房啱啱開張第一次嚟食晚餐，平日夜晚要等半個鐘以上。叫咗兩份ribeye，其中一份漏咗單，朋友差唔多食完先嚟第二份。紅湯味道一般，唔夠蔬菜鮮甜味，個湯都幾䶢，仲要加$28先有湯，餐包同野飲，唔係好抵食。原本叫咗ribeye五成熟，鐵板明顯唔夠熱，倒汁落去都冇乜聲，結果切開得兩三成熟，個廚師似係冇乜經驗。塊肉好薄，肉質唔算好淋，冇乜牛味，配菜得1小粒西蘭花，1粒車厘茄及幾條薯條，似食緊大家樂根本都唔值呢個價。…查看更多