金龍珠餅店

聽朋友嘅介紹吓走咗去試蛋撻 蛋撻嘅蛋味好好食 揀咗個曲奇皮，我冇叫到酥皮 個曲奇皮好鬆化好香口 $$5一個真係性價比超值，係好經典以前嗰一種味道懷舊蛋撻 ！朋友介紹冇錯，蛋撻係好食👍🏼👍🏼👍🏼👍🏼👍🏼👍🏼👍🏼👍🏼………………………………………………………………………………買咗三個蛋撻食 影相之前俾我壓扁咗㖭…查看更多

「金龍珠餅店」喺柴灣道已有幾十年歷史，街坊人一家老細細時就會去買。鋪面唔大，但款式多又貼近港式傳統，小店氣息十足。佢嘅一試成迷，外層脆脆噹噹，金黃誘人，內餡係香脆花生粒，甜度柔和剛剛好，食落懷舊又滿足。此外，每年農曆新年前仲推出多款賀年小食，如紫菜肉鬆角仔、芝麻牛耳、笑口棗等等，包裝更升級，有送禮 feel 又實用。而家新一代接手後，亦慢慢加入啲新意：例如把「餐蛋包」改名做「流心餐蛋」，換咗靚紙包裝，賣相即刻高升，便利又有心思。仲有期間限定波羅包，出爐時熱辣辣，皮脆內軟，好熱賣才係。水準方面整體穩定，價錢依舊親民得嚇人，一件大概十幾蚊，CP值高得不得了。生日蛋糕／立體造型蛋糕選擇多，又有節日應節品，不輸大牌西餅舖。縱使唔走進商場，但堅持自家製傳統同焗包方式，令「金龍珠餅店」成為柴灣區不可取替嘅老麵包舖。下次經過，想搵返慰籍、回味舊日時光，就去呢度撳幾件麵包返屋企歎一歎啦！…查看更多

呢間係營運左30幾年既餅店老舖，細個中學年代已經係柴灣區會買佢既麵包。佢地每年農曆新年會出品各樣賀年產品，傳統小吃，賀年糕點，仲有即炸即買嘅豆沙軟角！賀年產品包裝幾新潮得體，送禮都啱！⚡️1月24日前訂有早鳥優惠9折添🤩-> 傳統小吃有：角仔，紫菜肉鬆角仔，芝麻牛耳，笑口棗，崩沙，蛋散，糖環，花生糖，芝麻花生糖。->糕點有：芋頭糕，馬蹄糕，蔗糖年糕，椰汁年糕，蘿蔔糕。.🔸金龍招牌酥皮角仔($68/磅)⭐外皮酥脆，炸到脹卜卜，金黃色，內裏餡糕係花生粒，甜度調節適中。.🔸笑口棗($58/磅)咬落香脆，外面有芝麻香，唔會太過甜。.🔸馬蹄糕($55/斤)⭐️好足料！不錯！好多馬蹄，有一片片同一粒粒，好爽甜，清甜而不死甜。.🔸蘿蔔糕($55/斤)表面好多瑤柱，蝦米，蘿蔔幾甜，可以再多啲更好。.🔸黑糖年糕($36/斤)黑糖味香，口感黏而細滑，甜度ok!.🔸椰汁年糕($38/斤)白色既年糕，椰汁味唔太出，相對味道比較甜，配茶食會冇咁膩。…查看更多

同朋友慶祝生日, 但又唔想次次都買大集團既蛋糕(個人覺得唔好食)咁就係佢屋企附近望下有D咩餅店。見到呢間鋪都好多人幫襯, 應該都有保證,就望下佢有咩蛋糕。佢除左有最普通生日蛋糕, 仲有立體蛋糕(好岩小朋友)每款蛋糕既外形都幾靚,  見芒果蛋糕咁有心整到漸變色就揀左。朋友望到個蛋糕都話好靚要影下相。蛋糕面既生果都算多, 中間都有夾住芒果粒。但唔知係咪間鋪頭個雪櫃唔乾淨,  我地食個蛋糕有一陣雪味, 搞到唔太食到正常蛋糕既味道...如果冇果陣怪味, 個蛋糕會好食好多, 本身蛋糕係夠軟身。…查看更多

冇諗過會寫麵包舖的食評，尤其係一間唔起眼的街坊麵包店，之前食過佢的曲奇(全部味都試過),燒餅, 麵包,蛋撻, 雞批, 方包都覺得CP值好高好似唔識得跟個市inflate咁但尋日試左樣新嘢真係不得不分享比大家。早餐都係食佢，麵包係ok的重點來了係芒果糯米糍....見尋日熱熱地30度想食凍野, 我食左一粒之後我竟然質疑我的味蕾之後再分享比屋企人食佢咬左一啖就丟左....所以下面張相只淨返2粒($20/4粒)我的理解，糯米糍應該係chewy 啲 軟啲 有咬口啲佢係，嗯，超級粉 好硬 冇糯米糍好似芝士可以拉個種感覺(唔知大家明唔明😂）個樣係好靚仔㗎，但個口感真係癲覆左我對糯米糍的理解。希望呢個sharing 可以幫到大家…查看更多

金龍珠餅店,成日都有新驚喜,中西式餅食都有得買,久不久仲會換款連市興既古早味蛋糕同應節食品都有供應聖誕節無地方去,由柴灣地鐵站行返屋企,經過運動場附近既麵包鋪見到佢今期又有新野喎,咪入去試下先!阿姐話今期抵食呀,20蚊有3隻,望一望,好鬼大隻囉個皮就唔算好靚仔,係抵食囉,買返黎用焗爐烘下就變返脆皮,中間開一刀夾芝士同火腿就變好好食既麵包小店一般變化不大,佢地算係比較敢試新野既,值得一試#港式麵包 #牛角酥 #柴灣小店 …查看更多

麵包小店,老派味道,當新一代人接手後,會慢慢加入新既元素入去,而家除左牛角包,古早味蛋糕仲將D新派麵包口味加入去,連包裝都升級,味道變好,價錢不變,何樂而不為?做客人最開心,幾個月無黎呢間麵包鋪買包,入店內,竟然多左好多新潮款式連麵包既包裝都升級,一個餐蛋包,改個名叫流心餐蛋,加個靚紙包裝,成件事靚左唔少!不過午餐肉同蛋片太薄啦!買左返屋企自己加返片芝士就更加好食了埋單比錢個陣,佢又搬左盤新既波羅麵包出黎,4蚊個,即夾,新鮮出爐個皮係脆既！成件事真係好好食，佢仲有好多款蛋糕，西餅選擇，仲有公仔造型既蛋糕唔食連鎖店都一樣大把選擇既！…查看更多

早幾日去柴灣戲院睇戲之前,想食少少野先走到去附近既金龍珠餅店這店麵包店應該有一定歷史了很小時候已經在這裡,因為不是在領展商場內的鋪位所以不會咁易被狂加租被迫走麵包店提供多款餅食,麵包,港式風味既麵包糕點有生日蛋糕,有蛋撻,馬仔,清蛋糕,叉燒包,餐蛋包,PIZZA包份量比起以前明顯減少了很多,但質素仍然不錯今次買了一個牛角芝士火腿包牛角比較軟身,酥脆感不重,中間比較軟熟,加入火腿芝士這無敵拍檔,吃起來不錯啦$10…查看更多

今日eatmug9 #8楊師父不嬲都對食係冇乜要求，但係今日楊師父今日終於遇到一樣要重點講一講。買咗個平平無奇嘅吞拿魚包， 有麵包有吞拿魚都好合理好似冇中伏呀， 點估到嗰嚿吞拿魚就真係好似圖入面得個丁屎咁多。食完唔覺得飽之餘仲食到一肚氣添真係嬲嬲豬啦…查看更多

行過買左一個酥皮蛋撻，一個曲奇皮蛋撻，酥皮蛋撻唔係到到有得賣，佢呢家既酥皮都整得唔錯，不過小小貴啦，$5，細細個，不過幾好食既；曲奇皮蛋撻就一般喇，個撻皮琳琳的，唔脆…查看更多

紙包蛋糕（自改，忘記實際名字）：表面瓜子放了一晚仍然香脆。沒有濃濃的牛油味，比一般紙包蛋糕厚實和大件，能吃飽。吃到底竟然有蓮蓉，有點多此一舉。芝士蛋糕：明顯很少芝士，有韌性，但7蚊一個家庭裝麵包，也不要多多要求。沒錢時粗吃也是可以的。西樵大餅：買給老人家，味道普通，但只售3蚊一個，還有獨立包裝，這價錢去哪裏找？…查看更多

我好鐘情豬柳漢堡包, 除左M記之外唔係間間麵包店都有得買, 有既話味道又唔算好味.經過此麵包店見到有豬柳漢堡包更係要試下.一塊豬柳扒略為煎過再加入生菜絲及大量沙律醬, 生菜絲都新鮮爽口而沙律醬應該自家略為調味帶點甜, 只是我縑醬太多.而麵包夠鬆軟再加上面層白芝麻更增添香口, 這一店既豬柳漢堡味道都算唔錯.…查看更多

椰撻強烈推薦!!!酥酥的，奶味濃，也不過甜，很是好吃，$4一個很好吃很大個很抵吃淋面的巧克力曲奇未見過的曲奇，見有新意買了個試試巧克力雖只黏在一邊，但咬下卻像在吃巧克力，很濃，很好吃曲奇很有牛油香味，牛奶的香也不乏，脆脆的口感使人愛上~~…查看更多

食物味道麻麻，麵包的粉團有時焗得未熟。經常沒有遮蓋一盤盤的蛋糕和硬豬仔包，街道的塵煙吹起的話，那些包和蛋糕真是「食晒塵」。…查看更多

某朝上班下遲了一個站，見時間尚早，便蹓躂一會，忽嗅到陣陣的麵包香︳於是按香味搜索，來到這店的門前，店子面積很細，多擠三個客人已沒位轉彎，包點亦是雞尾、菠蘿、餐蛋等大路款式，赫然發現新鮮出爐的焗盤上放大大塊蒜蓉多士，二話不說要了一塊，付款時又看到剛捧出來的雞蛋糕，也順手多要了一件。 蒜蓉多士極脆口，蒜蓉味勁香濃，而且好大塊，吃完已筧很飽；雞蛋糕則蛋味欠奉，糕身唔夠鬆軟，但吃剽最底會有一PAT蓮蓉，很有趣！…查看更多