金龍廷 (已結業)

朋友搞飯局聚舊,近近地就去爱東商埸呢間試下,人數不多,不用訂位,兼且閒日一定唔洗等位啦!直入開張4人枱,睇下餐牌價錢都唔算貴,好多晚餐孖寶選擇,二佰多元一set....點左蒸石斑+油鷄半隻$288；芝士蝦伊麵+菠蘿咕嚕肉$218,再加隻醉鸽$58,出品都唔错,有水準,服務員工亦好客氣,整體用餐愉快,邊食邊傾,不知不覺坐到十點半,走净貴賓房内兩圍飲宴,我哋都唔好阻人收工,埋單走人!註：相片上載完,但又貼唔到出來,搞乜呀!…查看更多

呢間酒樓喺愛東商場入面，環境唔錯，早上飲茶一中兩件$53埋單，鯪魚球有四粒，牛肉球又係有四粒，抵食！唔想食澱粉升糖一流！間中都會食下其他點心，鹹水角幾好，煙煙韌韌！…查看更多

酒樓中的菜餚美味多樣，色香味俱全。每一道菜都經過精心烹飪，展現出高超的廚藝和獨特的風味。無論是涼拌菜還是熱菜，都令人垂涎欲滴。海鮮鮮活潑，肉類鮮嫩多汁，每一口都帶來滿滿的滿足感。服務員的熱情周到也為整個用餐體驗增添了溫馨和舒適的氛圍。總體而言，酒樓中的菜餚令人難以忘懷，讓人一次次的回味…查看更多

其實都忍左段時間，不過心有不甘，決定同大家分享吓。但如果大家純粹想搵間 正常性價比，又唔怕被黑面，呢間嘢係ok嘅，佢廚房出菜都快。由落單起計，真係20分鐘嚟齊哂。燒味粉同飯都可以，係濃味左少少，烚菜不過不失，點心類都係足料嘅——————以下係我當日經歷——————見佢下午茶紙有個點心拼盤、正價紙又有另一個點心拼盤，內容除左蝦餃燒賣一樣，其他都唔同。就各寫一個。收點心紙個阿姐都有笑容，點知呢個時候就有個四眼 高級（反正係恤衫西裝，下稱眼鏡仔）企喺佢後面 伸長隻手 黑住面又唔講嘢，望左我一陣又望吓個阿姐。氣氛有啲尷尬，原來佢想攞我疊紙同叫阿姐去另一張枱加水…😓😓😓過左陣，眼鏡仔比番張電腦單我哋，我見得一個拼盤 就問佢啦，佢就大聲話「咪落咗囉！」就走左去，但係我畫單係各一，我就想問清楚佢，點知叫極都無人…搵另一個黑衫問 佢哋一句彈埋嚟就問係咪加多個，total兩個拼盤。我又衰，心急 答左係。愈諗愈唔對路，就叫黑衫幫我double check 係咪 2款拼盤各一，final answer 梗係唔係啦，原來佢間嘢從頭到尾得一個點心拼盤，一切以正價點心嗰張紙 啲 細字內容為準。 Mmmm… okay, 我mistake, 但係… 我比嗰疊點心紙圈低哂我要叫十樣嘢 你落得9樣嘢，係咪都應該埋嚟講番聲 落少個係因為 2個拼盤係一樣？😟😟之後2籠拼盤嚟到，傳菜阿姐就話幫我問吓 可唔可以取消，個傳菜阿姐走去問四眼仔，我哋相距有4張枱，我聽到佢講「佢話加嫁嘛！取咩消啊！」即刻嬲咗，諗住嚟齊哂啲嘢 先進一步行動，好奇妙地，跟住個四眼仔冇再出現過喺我視線範圍內，直到我去埋單 佢先再出嚟。有啲小插曲嘅，就係佢個灌湯餃條蟹柳個包裝重喺度 （見圖）😂😂其實全場啲人都冇乜嘢，係嗰個四眼仔好似全世界得罪佢咁，趕客到爆燈🙄🙄🙄…查看更多

其實本身都定期幫襯呢間酒樓，嘢食都好食嘅，但感覺越做越差，D伙計質數越嚟越低，之前親眼見伙計同伙計嗌交，攪到叫外賣要勸交。有一次打電話叫外賣問多兩個問題仲比伙計Cut我線……今次初四外賣體驗，我根據酒樓提供外賣紙點餐，以為全程沒有問題，到拎外賣發現每份貴咗$6，詢問之下先講新年價錢會唔同！（咁點解聽電話果陣唔講？）呢個都算，起碼有解釋。咁比完錢企咗埋一邊，有個四眼唔知係咪經理行埋嚟問我等乜？我話拎外賣，佢叫我自己揾？R哂頭……咁我話我見到，但應該有飲品，佢求其塞2罐芬達入袋，我話我想飲可樂，佢一句撻埋嚟，無得揀㗎喇！係得呢樣……（咁點解聽電話果陣唔講？）之後想要包辣椒油，四眼伙計又一句撻埋嚟，我呢度無！咁我問即係點？佢再答我呢度無！完全感受到佢拎都唔想拎比我咁……我再問咁即係點？佢先死死地氣嗌機叫個點心阿姐入比我，其實點心阿姐本身就喺佢附近……（利申：果位四眼伙計本身坐咗喺度，絕對唔係好忙嘅節奏下要求佢幫忙，搭問題九唔搭八，完全問非所答，乜嘢叫我呢度無……唔通你袋喺袋咩！跟本每架點心車都會有……）…查看更多

知道呢間酒樓逢星期六日中午都會有啲限定點心，今日專登較啱時間去食拳頭咁大嘅沙翁同煎堆，真係唔係到到都有得食，仲有幾款小食，海蜇手絲雞，冰鎖豬手，豬腳仔......不過今次無叫呢啲凍食。魚翅灌湯餃勁大隻，仲要真係有排翅係到鮮蝦沙律盞，個沙律味道好特別，有少少wasabi味，好fresh仲有蝦餃燒賣，呢啲相機未食已經夾走晒！蝦餃皮好薄，仲要一籠有5粒，中間果粒仲有裝飾好攪笑.點心款式太多，好想好想試多幾款，但奈何3仔乸食量有限，下次等埋老公約埋朋友先再試多啲。…查看更多

因為一行12人，D類飯店選擇唔多，大時大節大酒樓得套餐食到厭，即管試吓屋邨酒樓仔。訂左6:30檯，準時到已見到座無虛席，心諗應該都ok先咁爆吧！個片皮鴨雖然份量唔多，但勝在個配料超有創意，用哈密瓜、柚子肉、柚子蜜食片皮鴨真係第一次，入口清新到不得了。咸豬手配個有wasabi 味嘅甜沙律醬，入口完全唔覺肥膩。冰鎮豬手 個沙薑粒配埋啲辣汁好醒胃，唔食辣嘅我都不自覺食完一舊又一舊。炸蟹鉗夠晒大隻，啖啖肉，完全唔係食到成口粉漿嗰重。揾日都想試吓啲茶市點心。…查看更多

呢間係屋村酒樓,今次係同屋企人食飯所以食中式點心午市下午茶都有點心食牛柏葉無腥味洗得夠乾淨 口感爽口仲有好多薑絲蔥絲夠香臘腸卷做到成支花咁幾有型,入口鬆軟但臘腸噴油好夠油香煎釀尖椒,魚肉釀再煎香,微辣但魚肉鮮味夠彈牙牛肚底下係墊蘿蔔片 個醬汁夠惹味 牛肚夠爽身雞爪純粹食湯汁食口感過口引,但唔錯既蝦餃夠薄皮入口食到爽口既大蝦肉仲有2隻添鮮肉燒賣好飽滿得黎味道唔會太濃整體夠平,食物水準中上金龍廷酒家筲箕灣愛東邨愛東商場2樓202號舖平均消費$122評分8/10…查看更多

疫情下，今日同屋企嚟食晚餐。無叫套餐(散叫)。食物質素只係一般，份量偏少，而且價錢絕不便宜。 CP值極低。 唔會有下次。 今晚點咗：燒鵝拼燒腩仔 - 得幾件燒鵝，骨多肉少。花尾龍躉二食 - 炒球份量少、欖菜蒸頭腩個碟超大，更加顯得份量少。咕嚕蝦球 - 啲蝦連埋粉漿炸起都仲細過咕嚕肉海皇什菜煲 - 所有菜都淋哂。唔好意思，沒有相片提供，因為見到碟餸都無咩心機，唔想影。客唔多都仲要追單啲菜先嚟齊。不過環境及侍應服務尚可。非常認同對上一位嘅評語“搵笨，無下次”。用相同價錢，可以有好多選擇，一定會好過呢間。 最後一提，出到櫃面比錢，已講咗2之用Paywave，收錢阿姐又話唔係咁拍卡。問佢咗應該點，搞嚟搞去先話以為係Wechat Pay，一句唔好意思都無。等佢出到張單，擺係櫃面又唔出聲，仲問我地等咩？我只好同佢講，如果我做收錢，收錢後會雙手遞張單比客人，同埋同客人講聲，“多謝哂，比番張單你”。 唔會咁樣對客人。之後收錢阿姐仲想駁，我真係無佢咁好氣。 …查看更多

親友兩星期前光顧，大讚冰鎮鮑魚好食，今晚長途跋涉黎試試，點知價值$417嘅冰鎮鮑魚無冰鎮，整左個不知明嘅青介鮑魚，賣相同餐牌差勁遠，通知職員了解，職員聲稱不嬲都係咁整，不嬲都係無冰鎮，真奇怪，親友早兩個星期前先食完，我地又係指住餐牌幅相黎點菜，呢間野整錯菜式唔認，唔更換，老一輩嘅親友太好人照食，啖氣真係落唔到，紅色衫嘅女侍應仲成晚態度惡劣，大佬！你地錯呀！對唔住都唔講句，仲要客人硬食，而家咩時勢，咁嘅質素同服務態度，真係要小心！…查看更多