金鶴拉麵 (蜆殼街)

营业中

休息中

今日喺銅鑼灣行完街就諗住去醫下肚😴朋友話食厭左銅鑼灣，我地就睇下天后有咩推介食拉麵🍜！👍🏻👍🏻🇯🇵🇯🇵🇯🇵店舖裝修都富有日本風，有日本音樂聽，都舒服企理黑蒜醬油湯拉麵🍜拉麵質感控制得幾好，係我喜愛既口感，微硬湯底唔算好濃好重口味，味道好好亦好香北海道極濃蟹湯拉麵🦀超級creamy!!而且一啲都唔姑寒，好多蟹肉🥳 好濃洧鮮味片肉又好嫰，入口即溶既感覺🤪炸雞🍗意想不到既大件，即叫即炸脆到爆炸🤣肉汁流出嚟😋超正

今日下午茶想食full啲，於是去咗附近食拉麵。呢間出名雞白湯拉麵，見到佢有2-4人餐，一行二人嘅我哋諗都唔諗就叫咗二人餐： 包 2碗拉麵、二款小食、二罐飲品（$256）。《金鶴雞白湯拉麵 》雞白湯拉麵會係不二之選，雞嘅精華都盡在湯中，飲落唔油膩，夠清又香濃。慢煮日本薩摩赤雞胸肉好嫩滑，本黑豚叉燒薄身唔韌；日本溏心蛋香甜，加上炸牛蒡香脆可口。 《黑蒜醬油拉麵 》醬油豬骨湯底比白湯味濃，清而不油膩，帶有咸香，叉燒亦嫩滑。《 日式餃子 》薄多肉汁，蘸上醬汁更提味。《 芥末八爪魚 》八爪魚粒彈牙，加上芥末微辣醒胃。飲品就叫咗兩杯可樂。做埋會員儲分仲有野食送。

呢排好鍾意食拉麵😝比起豬骨湯，個人就更加鍾意雞白湯❤️🤩座銀一直係我心目中嘅no.1😌知道呢間拉麵店都有唔少人氣，呢次山開港島區就去trytry😛呢間分店算係清靜😌12月25號去都唔算多人🤣我去嘅時候得兩枱人😂店員好nice好熱情～🌟極濃雞白湯拉麵🍜$138 (4/5)上枱見到雞白湯打到起泡就知正啦🥰湯飲落去好濃郁好杰身☺️唔知點解有一種飲緊栗米忌廉湯嗰種感覺🤣不過相對上就冇座銀令我wow一聲嘅感覺～店員提醒我哋要先食咗啲炸牛蒡先😉因為啱啱炸起！夠脆！不過我就覺得偏油，食落去都有油味🙁呢間拉麵份量好多，而且麵質偏粗，夠煙韌😋蔥同木耳份量好足，啖啖都有🤓荀就有3條～味道正常🤓拉麵配有兩大塊慢煮雞肉同一大塊慢煮叉燒😉所以其實幾抵😂雞肉唔算好嫩好滑，食落有少少鞋口但可接受👌🏻叉燒都偏瘦，正常質素😌不過個人覺得肉味唔算濃～溏心蛋有半隻，呈深橙色😍做到流心效果☺️醬油味唔濃，但反而蛋味好足！幾鍾意😝🌟北海道極濃蟹湯拉麵🦀 $138 (3.89/5)呢個湯一樣係打到起泡☺️飲落去都係好濃郁杰身嘅感覺😆蟹味好足好鮮！呢碗配有一堆蟹肉碎同一塊叉燒～蟹肉都有鮮味喎！同埋呢個就冇配炸牛蒡，反而係配紫菜😗我都係鍾意

黃昏時間同朋友👩一齊喺炮台山附近，天氣凍凍哋大家不約而同想食碗熱辣辣嘅日本🇯🇵拉麵🍜然後嗱嗱聲番屋企取暖😆，朋友提議話呢間，我贊成，咁就嗱嗱聲去咗開餐😆我叫咗 $198 嘅「極濃牛骨湯拉麵🍜配A4西冷和牛(100g) 牛骨ラーメンSupreme Creamy Beef Soup Ramen」：飲一啖湯先，嘩！真係好濃郁嘅牛味，真係冇改錯名😆，湯底味道超鮮甜，好正😋；A4西冷和牛薄切🔪，有四、五片，用火槍輕輕燒咗一邊，令牛油熱溶咗更加香口🤩，反轉另外一邊依然生嘅係鮮紅色🤩，牛肉非常軟熟，又係好好牛肉味🤩朋友叫咗 $88嘅「鹽味拉麵 Shio Ramen 塩らーめん」：餐牌咁樣寫「來自北海道函館鹽味湯底配上鰹魚高湯，味道非常溫和醇厚」😋；喺日本🇯🇵鹽味拉麵多數係雞湯底，有啲餐廳仲會加埋豬骨；呢度嘅鹽味拉麵🍜湯底用 鰹魚高湯做，特別得嚟又好味(我黐咗朋一啖湯飲，味道subtle 得嚟 幾清甜）😋😆

期間限定🇯🇵極濃龍蝦拉麵🦞每年必定回訪拉麵店💯💎極濃龍蝦湯拉麵 $198必食💯💯（😋：9/10）👍🏻：個湯底係好食到爆炸🔥🔥🔥飲第一啖湯簡直係已經超重龍蝦味，令到每一啖拉麵都超級有鮮味，全碗拉麵都升華咗，仲有兩條龍蝦尾，拆咗個殼就可以啖啖肉！冇得頂😍👎🏿：湯底太濃🙈好容易食濟，最好同人share食！💎 招牌雞白湯拉麵 $98必試❗️（😋：8.2/10）👍🏻：佢有兩款雞白湯拉麵🍜一款係極濃湯底，另一款係正常濃度湯底。我自己鍾意正常嗰隻多啲，因為特濃湯底會好creamy食完會成個人好濟，正常湯底就都一樣有嗰種香甜嘅味道，但係就舒服好多😙 雞白湯同平時豬骨湯唔同，係有一種香甜、口感順滑嘅感覺🥰🥰👎🏿：冇乜✅💎 抹茶軟凍 $28可以一試✅（😋：4.5/10）👍🏻：以前好食好多，而家唔同晒🥺👎🏿：口感似桂花糕？有少少可惜我本身以為佢會係蕨餅／糬薯感覺，差好遠，而且抹茶味唔算濃淨係靠黐喺面嘅抹茶粉㊙ 仲有個要預訂嘅鰻魚飯，同好多串燒都好高質，好好食😋下次有機會再影相介紹俾大家🤤環境：7.8/10服務：7.8/10 （要加一）價錢：人均約$100-150 性價比：8/10 📍 金鶴拉麵 (蜆殼街) (

雞白湯拉麵 $98聽人講呢間係平價版座銀 無食過座銀評價唔到 但呢間都幾唔錯！首先講個湯底 雞湯呈黃白色 面頭有一層厚厚既泡沫 入口濃稠得黎又夠順滑 雞味香濃 膠質豐富有別於較大眾既魚介豬骨湯底🤓 麵質軟硬度適中 配料方面 叉燒同慢煮雞胸肉口感軟嫩 炸牛蒡新鮮香脆 略帶蜜糖既甜味 溏心蛋亦夠流心入味🤤餃子就偏乾硬 可以唔洗嗌😬順帶一提 Openrice有時仲會有啲優惠卷可以即場買黎用 抵上加抵🤭

今次嚟到呢間拉麵店又坐返角落位置，餐廳環境比較昏暗，幾啱坐低慢慢談心。上次食「瀨戶內海 - 𧐢湯拉麵」，今次期間限定係「極濃牛骨湯拉麵」可以配A4西冷和牛，成100g㗎！不過呢排係咁打邊爐食咗牛，所以都係叫返個更啱冬天食嘅「極濃雞白湯拉麵」先！✍🏻 /極濃雞白湯拉麵▪️價錢：HK$138▪️美味指數：♥♥♥♥♥睇完menu都心大心細，最後決定呢個店長推介嘅拉麵，見到「極濃」字眼都特別吸引！餐廳話呢個係用原隻雞煮咗8個鐘以上嘅濃厚雞白湯，天然骨膠原就係精華所在，食拉麵同時照顧埋健康同美顏，特別啱女士們食。拉麵有2片雞胸同1片叉燒，雞胸加埋雞白湯一齊食會比較好味啲，仲有一堆炸到脆卜卜嘅牛蒡，真係好好食，我覺得比雞胸更搶鏡呢😝✨✍🏻 /香辣豚骨湯拉麵▪️價錢：HK$98▪️美味指數：♥♥♥♥♡ 平時食拉麵我麻麻哋鐘意食辣味，因為好多時會辣到食唔出個湯式鮮味。今次朋友揀咗呢個，我順便試咗啖，又唔算好辣喎～仲食到個豚骨湯味道🐖✨✍🏻 /日式餃子▪️價錢：HK$38▪️美味指數：♥♥♥♥♡小食揀咗人氣之選嘅日式餃子，1份4件煎餃，煎得幾靚，一如既往咁好味💕✨

凍冰冰嘅天氣緊係要黎食返碗熱辣辣嘅拉麵喇😆咁多間拉麵店，平時覺得就腳所以就會黎e間🤭仲有佢最出名係食白雞湯拉麵，我地時不時都會點☺️餐廳幾有情調，有吧枱位同2人枱等☺️餐點方面，有期間限定拉麵，就係極濃牛骨湯拉麵🤩我地點左以下：🌺極濃牛骨湯拉麵(配豚肉）香濃嘅牛骨湯，配埋滑滑又彈牙嘅拉麵😆好正，豚肉又唔肥😋🌺極濃雞白湯拉麵湯底真係奶白色嘅雞湯，飲落有鮮雞嘅香味☺️雞肉肉嫩😋仲有炸牛蒡同流心蛋☺️叉燒都好正😍

呢間拉麵有好多間分店～想食拉麵都會諗起佢～價錢合理😙CP值高🧡今次係北角附近返完工又決定去食晚餐🐶今次叫左個辛辣味同蟹肉😆.辛辣白雞湯 $98有兩種肉 兩塊雞胸肉同一片豚肉🧡雞胸肉係用煮 好嫩滑🫶🏻岩哂鐘意食肉既朋友🐷麵質好爽口彈牙 好鐘意粗幼度😆辛辣唔會淨係得辣既感覺 雞味濃稠🥰北海道蟹🦀️拉麵🍜 $138滿滿既北海道新鮮蟹🦀️肉😗鮮味十足！糖心蛋好食☺️呢碗都有一片大大既豚肉🧡明太子手羽 $48肉多 超juicy~熱辣辣食 咬落去外皮好香脆🥳除左堂食 仲可以叫外賣😆

今日同女女去金鶴拉麵食下午茶🍽️🍴，餐廳雖小，但坐得幾舒服，播放住經典🇯🇵日本歌曲🎵，幾有feel❤️😍 之前食過金鶴拉麵既拉麵🍜，知道佢哋都有做串燒，係女女最愛，今日決定試下😋 味道唔錯，拍得住串燒專門店💗 🥤波子汽水 $24小朋友最愛，女女每次見到必點。店員哥哥好nice，教女女點樣開瓶。 照燒免治雞肉 $48雞肉扒咬落有少少軟骨，幾脆口，照燒醬甜甜地。 鹽燒雞軟骨 $48雞軟骨香口，充滿黑椒香味。 照燒鰻魚肝(2串) $108平時比較少食到鰻魚肝，有特色，甘香美味 ，綿密中帶點爽滑。 🍗唐揚炸雞$38炸得脆卜卜，外脆內嫩。  今次仲見到有期間限定既🐃極濃牛骨湯拉麵，等我過2日自己再來試💗😍 可以配A4西冷和牛或者慢煮豚肉叉燒。😊 

天氣轉涼，想食啲熱野見到金鶴拉麵，近年冒起得好快既連鎖拉麵店，就試下天后店質素如何😌店舖門面好靚，真係有#日式拉麵店、居酒屋既感覺，加分👍🏻店內裝修一樣咁有feel，氣氛不錯，餐牌當然係拉麵，以極濃雞白湯為招牌，亦有特式既蟹湯等，仲有串燒同小食，相當吸引🤤期間限定極濃牛骨湯拉麵配A4西冷和牛(100g)，淨係個賣相都值得叫🍜和牛可以揀生食或者火炙，梗係揀火炙🔥燒左既和牛片啲牛脂又香又好味，放係一條燒左既牛骨上面，保持牛味，賣相同風味都無得輸😮‍💨和牛片外面燒香出晒油，入面半生熟肉質嫩滑，牛味好濃，和牛就係正✨🐮#極濃牛骨湯拉麵，擺盤好精緻，湯底真係好濃，偏白色，但味道一啲都唔淡，好濃既牛骨味，加埋啲湯落去食半熟蛋實在超爽🙉麵質爽身，中等粗幼，湯太濃一定掛到，好正🤓食下和牛，又食下濃牛湯麵，牛到爆😝加左串#照燒帆立貝，size幾大粒，有焦香，口感食落半熟，都唔錯🍡整體黎講，都係一餐正既拉麵，氣氛加重左和風味道，和牛咁正，真係要把握期間限定食多次😝唔想堂食，想返屋企睇住波食既，都有外賣自取既選擇🥡小食性價比都好高！

近排身邊好多朋友都去旅行旅行癮起好掛住日本嘅拉麵呀就搵間人氣超高嘅拉麵店試吓店面細細 好有日本拉麵店既感覺北海道極濃蟹湯拉麵 ＄138蟹湯超濃郁 蟹肉份量適中 都幾鮮甜仲有木耳 豚肉叉燒 同埋流心蛋忍唔住飲埋個湯極濃雞白湯拉麵 ＄138白雞湯味道好香濃湯底有住豐富嘅骨膠原配上一塊豚肉叉燒及兩件雞胸肉 仲有流心蛋不得不提佢個炸牛蒡店員喺上菜嘅時候仲好貼心提醒要快啲食如果唔係會好快淋兩碗拉麵既麵質口感彈牙 粗幼適中一路食住碗麵仲係熱辣辣會出煙㗎就咁食碗麵 飲埋個湯已經好夠飽朋友仲叫咗店員推介嘅Coedo啤酒 $48麥味香濃 入口有清新嘅果香除咗堂食，原來仲可以外賣自取架一路食都見到唔少客人來外賣響屋企都可以享受到日本拉麵嘅風味可以再黎encore!

突然間好想食雞湯拉麵，唔使諗第二間，金鶴拉麵嘅雞白湯拉麵好正，最鍾意佢濃郁白色湯頭，之前疫情期間都嚟過買外賣，而家都仲有外賣，湯麵分開放，唔會失色，喺呢個OpenRice 平台外賣自取仲有折扣。今日得閒梗係堂食啦，即做即食始終最好。我哋兩個人一人一個拉麵，招牌雞白湯拉麵 $98 係必食嘅，最鍾意去啲炸牛蒡，係佢先做到健康食品都咁美味，另外啲雞胸肉，又係好少人做到可以咁滑，真係好好食，湯頭極濃，奶白色，極正！令一碗係北海道蟹湯拉麵 $138，麵上有蟹肉、火腿肉、木耳，配料與剛才的不同，湯底一樣係白色係雞湯，但加咗蟹熬出好香的蟹海鮮味，呢碗第一次嘗試，好鍾意。經常食餃子炸雞，今次點雞肉棒串燒 $48，雞肉與雞軟骨混合，口感一流。

💡高質雞白湯拉麵好耐無得去日本旅行，好掛住日本嘅食物，特別係熱騰騰的拉麵，呢間餐廳係主打雞白湯湯底，湯底用上日本赤雞並經過6小時以上的高溫熬製而成。🍽極濃雞白湯拉麵🐥🍜餐廳招牌雞白湯，用原隻雞烹煮8小時以上充滿膠質，一放上枱已經聞到好香雞香味，湯非常濃郁，好香好滑。入口清甜，拉麵有炸牛蒡，口感似薯片。建議我先食左先，避免放太耐變得淋左。有兩塊慢煮雞胸肉及一塊豚肉叉燒，雞肉好嫩滑🐔叉燒唔會鞋口。另外仲配左半隻流心蛋🥚，黑木耳等等，夠曬豐富。🍽鹽燒五花腩串🐷充滿焦香既表面，唔會好油身，肥瘦適中，肉質剛好。🍽唐楊炸雞赤雞三件🐔炸雞炸得香脆可口，入面仲保持到嫩口🍗值得一試😍🍹COEDO Shikkoku啤酒黑啤黎，有豐富咖啡豆及黑朱古力香氣，清爽不膩，飲落唔會覺得苦。

#金鶴拉麵 📍天后炮台山蜆殼街6-16號寶榮大廈地下E號舖今次經過天后，試下唔同分店嘅#金鶴拉麵 。之前已經食過旺角、佐敦 質素都會有唔同！厚切日本雞胸肉飯 之前喺旺角佐敦食開嘅雞胸都係好滑，但係喺天后呢間嘅雞胸就比較鞋口..希望下次可以做得更好💪🏻好有日本咖喱個味道，炸雞有3件👌🏻炸雞炸得好香脆， 即叫即炸熱辣辣☺️咬落去鬆軟，咖喱好有日本味呀！！！！糖心蛋 普通蛋而且唔夠味。日式餃子炸得香脆皮薄。