金鳳茶餐廳

網紅店，伏。相都唔想影。菠蘿油重量係夠嘅，但係完全冇麵粉香味，牛油都唔係凍嘅，個包嘅撳落去無彈性，實嘅。火腿通粉，可取之處係火腿絲好厚，但係啲通粉，好難形容，咬落去好腍又好實，個湯底有味嘅但係我真係食唔出佢係咩味。火腿煎雙蛋（反蛋），個廚係非常啲神奇咁一隻生一隻全熟。火腿冇煎過失敗，厚底。馳名凍無冰奶茶，冇奶味冇茶味冇滑度，仲要喺個萬年膠桶度倒出嚟。$56，以灣仔區嚟講佢唔算貴嘅，不過唔應該係吹捧到明星電咁囉。除非冇得揀得隔離係G奶冰室同金鳳，咁我就會揀金鳳嘅。…查看更多

今日20/11/25在湾仔金鳳茶餐廳吃了个早餐。要我咁懶的人加入apps 寫食評實在係件難事，可惜香港出名的菠蘿包變了硬油石頭，最基本的餐蛋(只得1只全熟黄及半塊薄餐肉)全油叠叠的小吃，還收$48.實在嘆息😩看似有文化氣息的古老茶餐廳原來🤢叫做難食致極，希望寫下別傷到香港菠蘿包之名。…查看更多

✩⡱菠蘿包凍的，偏硬，冇預期中嘅鬆軟感，味道普通，少咗茶餐廳應有嘅靈魂🥲✩⡱火腿奄列火腿多而厚，但蛋熟得太過，少咗滑嫩質感(◞ ̫◟) ✩⡱餐肉公仔麵簡單到有啲過頭，就係普通公仔麵加一塊午餐肉，無特別記憶點૮ ´• •` ა ✩⡱環境地方窄，要搭枱，適合快閃食一餐。 總結如果係為咗懷舊情懷嚟，可以試下；但如果純粹追求味道，未必會有太大驚喜૮ ·͈༝·͈ა 📍金鳳茶餐廳 (灣仔)灣仔春園街41號春園大廈地舖…查看更多

小編今日來到灣仔一間老字號茶餐廳「金鳳茶餐廳」，擁有超過60 年歷史，以沙嗲牛肉麵、凍奶茶和雞批聞名🙌🏻 走近門口已經聞到菠蘿包及雞批的烘焙香味，傳統港式茶餐廳氛圍，讓人瞬間穿越回60年代的香港💈推介招牌「特價午餐」由上午11時至下午7時供應，包括沙爹鮮牛肉粉麵、火腿奄列/煎雙蛋、菠蘿包/餐包，品嚐一下香港常餐的滋味✨「特價午餐」沙爹鮮牛肉公仔麵，濃郁的沙嗲醬香氣撲鼻，牛肉片厚實有嚼勁🐮 麵條彈牙有勁道，沙嗲醬香濃美味，牛肉嫩滑入味，正宗的港式風味✨火腿奄列嫩滑金黃，內餡火腿切條夠足料🍳🥓 午餐配菠蘿包，有別於其他茶餐廳或麵包店鬆軟輕身的菠蘿包，金鳳菠蘿包出名巨大而厚實，比手掌還要大個，真正的「有飽肚感」的菠蘿包，加一杯凍檸茶，成為茶餐廳午餐經典組合🧡🍽 ：特價午餐👅好味指數：8.25/10💰消費：HK$57（凍飲加HK$3）📍 地址：金鳳茶餐廳 (灣仔)灣仔春園街41號春園大廈地舖…查看更多

完全冇服務可言、冇水準、態度差、食物普通、求其一間本地茶餐廳也好過這間所謂什麼名店茶餐廳、我行入去、末座下、已經行過來好好煩厭的態度說食什麼🤔⋯⋯我未坐低、餐牌都末睇、我說等等、佢立即擺出一副極度不滿嘅樣子及妖左一聲！什麼餐廳來的！就算好好食我都不會再來、更何況食物普通到不得了、叫了個早餐、牛奶麥皮完全沒有味道、淡及入口像水一樣、煎蛋是凍的😤😤😤😤⋯⋯就連這店舖最出名嘅菠蘿包也是凍冰冰硬骨骨、真係不知所謂😡…查看更多

難得有日落灣仔開工，諗住搵間老字號早餐試一試，叫左招牌沙嗲牛麵加菠蘿油，一黎上個菠蘿油，個包凍既，好似隔夜包咁濕濕地，件牛油又薄，完全無牛油香味，已經失落緊，再上埋個沙嗲牛麵，叫醬又咸又傑，牛肉又老，個麵又係我最唔鐘意偏福麵果種質地，衰極比個大光麵我都收貨吖，個麵又淋，口感差到不得了，失敗既早餐，唯一要幫佢平反既，係杯熱奶茶都算好飲啫，無乜必要都其駛再試，53蚊個早餐，坐得又唔舒服，無CP值可言，留番比D遊客去啦…查看更多

金鳳是幫襯多年的回憶，價格因時而漲，到今天早餐賣$48，以茶餐廳的早餐來說不便宜，但以它的名氣、質素而言卻頗合理，畢竟隔一條街的牛角包可以賣$30一個，金鳳的菠蘿包才賣$9，可說是非常厚度了。去熟悉的茶餐廳用餐，總是既規律又帶點儀式感的過程：入到餐廳，自行找位子，侍應一句「食咩？」，條件反射地回答「沙爹牛米、菠蘿包、熱奶茶」，侍應隨手寫好價錢，折一角攝入玻璃與木質枱面之間的縫隙，中間一句多餘的說話都沒有，算是食客和侍應之間的一種默契。沙爹牛米最先上枱，金鳳用的是淺淺的圓碟，麵湯少，幾乎是沙爹「撈米」多過是「湯米」。金鳳的沙爹醬濃稠而偏甜，沙茶和五香粉味為主，質地順滑而沒有外間崇尚的花生碎粒，這種味道和質地反而比較合個人口味。沙爹醬不算鹹，湯少更突出了醬的濃香。牛肉片比以前少了，不過仍然軟腍入味。金鳳的菠蘿包是傳統的港式做法，一拿上手就知份量十足，絕不是「空氣麵包」。麵團密度高而有硬口，不過沒有回彈力也有些黏牙，這種樸實的風格未必人人能接受。菠蘿皮酥脆而帶吉士粉的香味。只可惜幾乎每次都不會遇上熱的菠蘿包，所以點菠蘿油的話，多半只會有「冰」而沒有「火」，介意的話慎點。金鳳的雞批也很出色，有胃口又遇上新鮮出爐的就不要錯過。…查看更多

好少何會喺灣仔食野咁啱今日嚟開灣仔做嘢，所以就決定嚟呢度食吓茶記唔係好似平日咁成日食麥當勞其實都唔係太多選擇，所以就嚟咗一間茶餐廳入到去坐嘅時候又一點中伏嘅感覺常餐居然要$65感覺上早知去其他餐廳食個真係炒粉麵仲會飽肚啲除咗比較貴之外，整體上啲食物質素都算OK 特別係佢個菠蘿包啱啱出爐真係做到外脆內軟嗰種感覺係值得稱讚嘅我都明白香港啲舖租貴但係作為一個唔係太有特色嘅普通常餐，做到$65嘅話，實在係有點太貴了吧…查看更多

之前嚟過食沙嗲牛肉麵，確實係幾好食。今次嚟食咗菠蘿油和熱奶茶，極度失望，特別係杯奶茶，已經唔係以前所講嘅出名奶茶了吧，一般茶餐廳嘅水準都好過佢！我形容為有d茶味嘅花奶👎🏻，你們自己想像吧… (仲要唔係用香嘅花奶…)菠蘿油，牛油不香，菠蘿包連暖也淡不上，包已乾硬化了，不是一個好吃的的菠蘿油👎🏻聽聞有時需要排隊入座，我相信純粹只是座位不夠這個原因，或者是裝修懷舊吧，而不是因為食物和飲品水準高….…查看更多

金鳳茶餐廳早餐食評：經典港式滋味，懷舊情懷滿載位於香港灣仔春園街41號的金鳳茶餐廳，自1956年開業以來，已成為當地一間極具代表性的老字號茶餐廳，以其傳統港式早餐和濃厚的懷舊氛圍聞名。作為香港十大老牌茶餐廳之一，這裡吸引了無數本地人和遊客前來品嚐經典滋味。以下是我對金鳳早餐的食評，分享幾款招牌菜品和整體體驗。環境與氛圍：懷舊冰室風情走進金鳳茶餐廳，彷彿穿越回上世紀的香港。店內空間不大，卡位狹窄，桌椅排列緊密，卻充滿濃濃的港式情懷。裝潢簡單樸實，燈光柔和，玻璃櫥窗展示著新鮮出爐的蛋撻和菠蘿包，散發著誘人的香氣。用餐時間人潮絡繹不絕，尤其是早餐時段，常見本地熟客悠然看報紙，或遊客慕名而來，場面熱鬧卻不失溫馨。服務員動作迅速，態度親切，雖然偶爾略顯匆忙，但整體服務效率高，令人感受到茶餐廳的獨特節奏。早餐套餐：豐富早餐B 我點了金鳳的豐富早餐B，價格親民，包括主食（可選沙嗲牛肉麵或火腿通粉）、煎蛋、菠蘿包或餐包，以及飲品。這份早餐份量十足，性價比極高，絕對能讓人飽足一餐。沙嗲牛肉公仔麵沙嗲牛肉麵是金鳳的招牌之一，牛肉片大塊且嫩滑，份量慷慨，鋪滿整個碗面。沙嗲醬汁香濃，帶有微辣的香料風味，味道不會過鹹，與彈牙的公仔麵完美搭配。唯一的不足是湯底略少，吃到後半段更像撈麵，但整體味道令人滿足，特別適合愛濃郁口味的食客。煎蛋煎蛋簡單卻不馬虎，蛋黃呈現誘人的流心狀態，煎得外層微脆，內裡滑嫩。雖然油分稍多，但這正是茶餐廳早餐的經典風味。唯一小缺點是蛋常與菠蘿包同盤上桌，蛋汁容易沾到麵包，影響口感，建議小心分開享用。菠蘿包金鳳的菠蘿包是另一亮點，外皮酥脆，內裡紮實，與坊間輕盈的「空氣包」截然不同。初次嘗試可能覺得偏重，但多吃幾次會發現其獨特魅力，特別是加$5選配鮮牛油，暖熱的菠蘿包夾著冰涼厚牛油，口感層次豐富，令人回味。凍奶茶 金鳳的凍奶茶堪稱經典，採用原杯冷藏的製法，不加冰塊，確保茶味濃郁不被稀釋。茶底用金玫瑰紅茶和立頓錫蘭紅茶混搭，搭配荷蘭黑白淡奶，入口順滑，茶香濃郁，奶味適中，完美平衡。相比坊間常見的淡薄奶茶，這杯凍奶茶絕對是必點之選，曾創下兩小時賣出200杯的佳績！其他推介：酥皮蛋撻 雖然不在早餐套餐內，但我額外點了金鳳的酥皮蛋撻。蛋撻外皮酥脆，層次分明，內餡蛋香濃郁，口感滑溜，甜度適中。熱騰騰上桌時，咬一口滿口蛋香，碎屑四散，令人滿足。總結：值得一試的港式早餐體驗金鳳茶餐廳的早餐完美體現了港式茶餐廳的精髓：簡單、實惠、美味。沙嗲牛肉麵和凍奶茶是必試的招牌，菠蘿包和蛋撻則為早餐增添懷舊風味。雖然座位狹窄，環境略顯擁擠，但這正是香港茶餐廳的獨特魅力。對於想體驗地道香港文化的遊客或本地人，金鳳絕對是早餐的不二之選。建議避開高峰時段，或選擇外賣菠蘿油和蛋撻，方便又不失美味。如果你也想感受這份港式早餐的魅力，不妨親臨金鳳一試！…查看更多

灣仔區好出名嘅傳統茶餐廳，今日咁啱行過就試一試。菠蘿油個包係凍嘅有啲失望，質感比較硬實唔夠鬆軟，好普通嘅質素。香腸奄列蛋炒得夠香又夠滑，上枱熱辣辣，比預期出色。熱奶茶茶味夠香奶夠滑，名不虛傳。不過如果茶味再濃啲就更加好。叉燒會意粉炒得好有鑊氣＇意粉硬度剛剛好，調味酸酸甜甜夠惹味，不過叉燒就咸咗少少。蛋撻食到一半蛋撻出爐，叫咗一個。佢嘅撻皮好鬆化又唔會太油膩，中間嘅蛋質感接近燉蛋，比較厚實，蛋味濃郁而唔甜，成餐最出色就係呢味！食飯期間好多街坊行過同店員吹水同埋買麵包外賣，佢嘅麵包款式都好懷舊，好有風味。…查看更多

今日去灣仔沿路經過見到終於有成盤雞尾包放咗喺度（上次晏得滯佢話已經賣晒）一直心心念念唔知點解有啲鍾情雞尾包，佢又係我鍾意嗰種類型-係傳統麵包舖成盤整出嚟嗰種而唔係連鎖餅店每一個都有一張麵包紙墊底嗰種係遺憾，佢唔係熱辣辣新鮮出爐囉！有啲份量以為味道都應該唔錯啦 ，點知同我想像嘅有啲出入佢個椰絲餡嘅味道好似有啲奶粉溝出嚟嘅臊味？感覺怪怪的。（只係單憑我嘅孤陋寡聞嘅味蕾感覺，如果唔正確唔好見怪）上次試咗蛋撻唔得，雞尾包唔得，餐廳setting唔得 ，所以可以Certified唔使再去😮‍💨🖐🏼…查看更多

見到好多人排隊，所以排埋一份！因為一個人，所以很快便有位！（門外管理排隊的姐姐相對無禮貌）Menu 其實無太多選擇，見人人都食菠蘿包麵餐，咁我又跟吓！沙嗲牛肉都可以，但同其他地方比較就冇乜特別。個即食麵其實未熟，有啲硬。炒蛋反而幾好食。菠蘿包呢，好大個，樣都靚！相信因為唔熱而令佢唔鬆軟！如果整番熱應該會好食好多！個菠蘿皮就比其他地方嘅菠蘿包厚！如果鐘情菠蘿皮就會好開心。奶茶就一般啦！其實位置都好迫，我坐一個雙人位，基本上係會撞到對方對腳！如果係當一間街坊茶餐廳，經過又唔使排的話都可以一試！…查看更多

今日要介紹我嘅灣仔食堂🤓豐富早餐B $46 （11am前）特價午餐 $55 （11am後）沙嗲牛米粉 / 通粉沙嗲醬一大pat係面頭，牛肉片大大塊，仲要俾好多塊！至於米粉、通粉定其他麵，就按自己喜好啦早餐：煎蛋 午餐：煎雙蛋 / 火腿奄列早餐、午餐既分別就係哩到。煎蛋無乜特別好講，但真係煎得幾好。火腿奄列就有驚喜，蛋同火腿都係厚身，食得好爽😝菠蘿包 / 餐包第二到食唔到既菠蘿包🤔佢既包係實的的，同佢嘅餐包一樣，食一個包可以頂幾餐既感覺。頭一、兩次食覺得好奇怪，但食多幾次會上癮🤣凍奶茶 +$3凍奶茶唔係即沖，係由一個大罐到倒出嚟，比較似樽裝奶茶。不過飲落都好香茶味同埋好滑雞批 $15 （單點）雞批外皮非常酥，餡料唔會太鹹，味道啱啱好，推薦試👍🏻總結：早餐會抵食好多，不過就無得食火腿奄列。正常男人食晒成個早餐應該都應該好飽🤣我見好多人食唔晒會打包個菠蘿包。大家行開哩頭都可以試下😝P.S. 蛋撻我都食過，不過我覺得麻麻地，所以唔推薦大家啦～…查看更多

這家茶餐廳的環境舒適，服務迅速。奶茶濃郁香滑，配上豬扒飯風味絕佳，肉質鮮嫩。蛋撻外脆內滑，甜而不膩，令人回味。價位合理，分量十足，是個聚餐的好地方。總體而言，無論是快餐還是悠閒用餐，這裡都能滿足需求，非常推薦！…查看更多