金鳳大餐廳 (中染大廈(8咪半))

今日同男朋友拍拖搵食，去咗荃灣嘅金鳳大餐廳撐枱腳。成日聽人講話呢間嘅牛扒平靚正，一於去試下佢～知道金鳳有幾間分店，呢間裝修新淨寬敞，第一印象幾好✨我哋兩嗌咗個美國牛小排餐（七成熟） 同埋個帶子牛柳餐（七成熟），跟餐有忌廉湯同凍飲，人均都係二百左右。餐湯我哋揀咗忌廉湯，幾滑，清而唔膩，個餐包都軟熟，配牛油食到停唔到，如果有得追加我會舉手🙈美國牛小排餐（$206）： 男朋友叫七成熟，佢真係煎到啱啱好，七成都唔會太熟，切開入面仲係粉嫩色～ 肉質夠淋，牛小排牛味係特別突出😋怕熱氣無揀用鐵板上，碟上會好快凍嘅，呢樣要留意～帶子牛柳餐（$182）： 塊牛柳同樣係七成熟，兩塊好厚身份量多，食唔晒。上面兩粒帶子煎到表面少少脆，加埋牛柳，好豐富🙂‍↕️。用鐵板上菜，一開始店員會倒你想要嘅汁，利用鐵板嘅熱力滋滋聲，邪惡好食🤤🤤凍檸茶： 夠凍又解膩👌🏾今餐埋單總數$427，侍應們好禮貌好helpful，有時想平平地食扒呢個水準OK! 仲有好多選擇，希望佢哋可以keep到個水準啦，金鳳絕對值得一試！…查看更多

極不滿意 6人訂位7點半 需要5人以上到達現場才可進入 然而 門外不需輪候 場內亦有空枱 完全不明白為何有此安排。 (一般餐廳在黃金時段 全場滿座 亦只需半數到達 甚至沒有入場門檻)是日家人慶生 一間普通港式餐廳 要收50元切餅費 當正自己5星級餐廳？ 冇特別服務 仲要比6個人生意你做 都要收50蚊切餅？？ 唔怪得香港飲食咁難做啦！ 咁樣搶錢要注意 餐廳位置 絕非黃金地段如尖沙咀 銅鑼灣 就算只計荃灣區內 亦非輪近港鐵站 荃灣廣場 荃新天地等核心商業區 以上切餅費及入座安排令人費解另外 是日氣溫20度左右 場內冷氣極之猛 驚死你太舒服 食完唔埋單走 靠個冷氣趕你走 未知夏天33度氣溫又會否冷氣充足？侍應服務質素 不論速度 態度亦一般收到百五至二百蚊一位 我完全覺得唔值…查看更多

最近我同男朋友去咗荃灣一間傳統扒房餐廳，聽聞佢哋嘅扒類食物正宗，於是約埋佢一齊去試下。我叫咗一個焗豬扒飯，而我男朋友叫咗鐵板牛柳，加埋餐包、羅宋湯同埋兩杯凍檸茶，真係好開心！一入到呢間扒房，環境幾溫馨，裝修有種懷舊嘅味道，整體感覺有啲復古。牆上仲掛住啲老照片，令人聯想起以前香港的日子。座位的排列唔算太密，坐落於一個唔錯的位置，點心同埋氣氛都幾好，完全唔會感到擠迫。服務員態度友善，執碟上菜速度快，真係幾有效率。### 焗豬扒飯首先上嚟嘅係我叫嘅焗豬扒飯，呢碗飯真係驚喜！焗豬扒外皮金黃香脆，肉質滑嫩，咬落去有一種滿足感。飯底好香，吸收咗豬扒上面嘅醬汁，真係好味！兼且焗焗嘅感覺令整碗飯保持住一種熱氣，食落去溫暖又滿足。豬扒配埋啲蔬菜，增加咗口感，真係無得輸！### 鐵板牛柳接住就係我男朋友叫嘅鐵板牛柳，呢個牛柳上面嘅醬汁香濃，炒得啱啱好，牛肉嫩滑，絕對冇咩筋，搭配上埋鐵板嘅熱度，食落去正！再加上啲青椒同埋洋蔥，味道更加有層次。牛柳嘅香氣彌漫出嚟，真係一個好正嘅選擇！### 餐包同羅宋湯跟餐包方面，餐包新鮮熱辣，撕開時發出陣陣香味，配上少少牛油，真係一啖啖咁食，搭配著主菜食好過癮。至於羅宋湯，湯底濃郁，味道正宗，裡面有啲洋蔥、番茄同埋肉類，飲落去好溫暖，正好中和咁重口味嘅主菜，真係絕配。### 飲品：凍檸茶飲品方面，我哋叫咗兩杯凍檸茶，呢杯茶酸酸甜甜，清新解膩，飲完咁多肉類，飲個凍檸茶真係好舒服。凍檸茶嘅檸檬味道剛好，唔會太酸，真係飲得一啖接一啖。呢間荃灣嘅傳統扒房真係一個值得推介嘅地方，食物味道正宗，環境舒適，服務周到。無論係焗豬扒飯、鐵板牛柳定食跟餐都好好味，價錢亦算合理！我下次一定會再返嚟，試下其他菜式，真係好期待！…查看更多

要講香港平民扒房的代表，金鳳大餐廳必然是本地老字號的代表👍🏻。行入店內，立刻感受到濃濃港式扒房的獨有氛圍，環境寬敞舒適😍。✨羅宋湯✨所有扒餐都配餐湯、牛油餐包及餐飲。他們家的羅宋湯非常有名，道濃郁帶點微微酸辣，蔬菜配料豐富，喝起來暖胃又開胃。隨湯附上的小餐包暖笠笠、鬆軟香滑，抹上牛油後更加鹹香迷人，好正😍。✨美式雜扒餐✨內有豬扒、牛扒、雞翼、火腿與香腸，五款經典扒物一次過上桌，份量十足，充滿驚喜🙌🏻😍。牛扒肉質柔嫩，雞翼炸得香脆，豬扒超大塊，比鐵板還要長，火腿與香腸鹹香味十足，滋味十足，對是肉食控的幸福。✨凍檸茶✨凍冰冰清甜的酸檸茶帶來爽口解膩，非常地道，解膩一流🙌🏻🙌🏻。價錢實惠，份量足又夠味，是一間寶藏餐廳，絕對值得再訪！想睇更多介紹，馬上Follow我啦😁。 …查看更多

今日同同事做嘢經過中染大廈見到依間金鳳大餐廳，都好多人食緊嘢，於是見餓餓地即刻入去試咗佢哋嘅下午茶，嗌咗嗰迷你焗金鳳豬扒飯同烤焗雞髀加薯條！等咗陣啲野食就到啦！首先，迷你焗金鳳豬扒飯份量適中，適合下午茶輕食。豬扒焗得外脆內嫩，肉質juicy，配上濃郁嘅芝士同蕃茄醬，上面仲有少少菠蘿，食落味道層次豐富，飯粒吸收晒醬汁，香口得黎唔會太膩。烤焗雞髀薯條同樣出色，雞髀烤得金黃酥脆，肉嫩多汁，調味啱啱好，帶點香草味，令人食指大動。薯條炸得夠脆，粗條設計保留咗馬鈴薯嘅原味，沾上旁邊嘅蕃茄醬，味道更上一層樓，真係好正！餐廳環境舒適，服務員態度親切，食物上枱快，價錢亦合理，$50蚊左右有咁嘅質素真係抵食。整體黎講，金鳳嘅下午茶套餐份量同味道都好平衡，下次我會再試其他菜式，期待有更多驚喜！🥰🥰🥰…查看更多

突然想食港式鐵板餐！所以去了金鳳😙上次去食都12年前😂必點🌟招牌牛柳餐牛柳口感軟腍！百幾蚊一個餐有兩塊牛柳真係抵食！上枱時仲係「炸炸聲」！真令人懷念！上枱後職員會立刻問你要咩汁！我就揀咗黑椒汁很惹味‼️入口時熱度仲鎖住肉汁！記得加$2 生蒜蓉會更好味！📌美式雜扒餐而我朋友中意大包圍！咩都要試！所以叫咗雜扒餐有豬扒、牛扒、雞翼、香腸、火腿🤩每個套餐都包含牛油餐包、餐湯及餐飲！一定夠飽👍🏻…查看更多

上星期突然間心癮起，好想走去鋸扒，於是專登揸咗架車去8咪半嘅金鳳食飯，（好彩去得早，離開嘅時候已經要排隊了）一人一個扒，嚟到嘅時候個份量令我同另一半已經滿足感100分，啖啖肉好開心，再額外加咗個生蒜試吓，原來加埋個扒一齊食，感覺除咗肉汁之外個味道好新鮮好香口，一個好好嘅新嘗試丫，另外就真係要再讚吓嗰個酥皮海鮮湯，酥皮好香脆，熱辣辣，入口嘅時候簡直係要喺個口度感受吓個濃湯嘅美味整體嚟講，係一個圓滿嘅一個晚飯體驗期待下次再試其他嘢…查看更多

好耐都無黎据扒聖地開餐，荃灣呢間坐得舒服d，同friend黎食又多野揀又唔會太貴，近我地黎親都讚門口部機，充滿懷舊味。食鐵板牛柳千祈唔好叫全熟，鐵板嘅熱會再令熟度增加。今晚叫嘅五成熟就岩哂，軟嫩juicy；加蒜蓉更加惹味，肉底仲有索哂汁嘅薯條，perfect。想講個豬扒都好食架，個friend 分左少少個鐵板雜扒比我，有鐵板香嘅豬扒香甜、仲有腸仔同牛扒，牛扒比我嘅牛柳薄，但都唔差，無咩筋有牛味。跟餐羅宋湯同餐包keep到水準，唔怪之得佢生意都唔錯。…查看更多

見佢之前都仲係有早餐食，但而家openrice顯示十一點鐘先開門 ,我自問都好有禮貌咁打去問下仲有冇早餐時間，職員答： 我哋冇咗早餐時間好耐喇喎！！ 我唔係想你當我貴賓咁樣招呼不過答人啲態度可唔可以好小小呢！！！…查看更多

金鳳裝修環境好， 食物質素都好好。 但是收銀大家姐兼事頭婆...就非常不好。他有錢應該不要做, 對顧客。 黑口黑面已經很不好 ,態度差 , 對待 客 沒有質素 絕對影響香港人 形象。 自問落嚟洗錢 多少不是問題 但是還要受氣 美食多好都背脊骨骼。…查看更多

之前去食午餐，見有空位就正常禮貌問一聲可唔可以坐呢度，畢竟食飯時段一般呢啲餐廳可能想你坐其他位，收銀姐姐就有啲串話有位就坐啦，ok沒問題坐低左，然後我問有冇QR code落單，佢直接就態度好差咁話我哋冇呢啲嘢人手落架，你諗好再叫，佢就返左去收錢機度，之後我再舉手示意佢就企喺收銀機個度沒過嚟，問我要咩，我講我要啲咩，佢就一路大大聲話聽唔到，然後我都有重覆講佢都講聽唔到😐😶個刻真係唔知想講咩，之後另一個員工就過左嚟我枱幫手落單。最搞笑係之後埋單個陣聽佢同前面啲客都好好聲咁講多謝bye bye，到我就粒聲唔出黑面🙂自問除咗落單可能唔夠大聲傳唔到去收銀機度真係唔知做錯咩，要黑面都係我黑面啦…查看更多

蒜蓉汁西冷牛扒仔（$73）有餐湯，餐包，凍飲唔使加錢。羅宋湯同粟米紅蘿蔔忌廉湯夠哂熱，味道正常。餐包室溫，有牛油。凍檸茶正常。牛扒仔有兩件，夠哂腍身，肉味欠奉，靠蒜蓉汁提味。薯條脆身夠熱，沙律菜正常但偏少。（之後見到隔離枱揀咗意粉，原來係茄汁撈意，如果早啲知就好了，好耐無食過）全日早餐（$72）有餐湯，餐飲，無餐包（可能因為有脆豬）。熱奶茶正常。份量同款式都多，有奶油脆豬（大個，脆口）、煙三文魚（上枱時無為意，原來無俾。當食咗一半時，望到餐牌先發覺，同員工講俾漏咗，好在有影相做證據，即刻後上俾返。有兩片卷成花）、碎蛋醬配美國焗薯（碎蛋醬加得太多沙律醬，偏甜，焗薯夠軟身，仲有炸煙肉碎）、扒蕃茄（有大半個，有焫過）、法蘭克福腸（脆皮）、牛乳炒滑蛋（炒得幾靚，半熟有蛋汁）、沙律菜（正常）。所有嘢嘅味道都正常，但大堆頭，五顏六色，睇見都開心。午市套餐不收加一服務費。…查看更多

好耐冇食過鐵板餐, 今日特登黎同女朋友黎金鳳鋸個扒黎到緊係要食個雜扒餐啦，雜扒非常豐富，有牛扒、豬扒、雞翼、腸仔、火腿，仲有薯菜跟首先標配當然有羅宋湯同埋餐包，個包好軟熟，羅宋湯都好濃郁個鐵板黎到啦，我就揀左黑椒汁，食鐵板就緊係要睇佢jarjar聲，個鐵板夠熱，一倒汁落去就出曬煙，正呀三塊扒都煮得好好。牛扒外焦內嫩，肉質鮮美，豬扒嘅口感滑嫩，而雞翼就係香脆可口，味道香濃，真係一啖啖都好滿足！配菜方面有新鮮的蔬菜和薯條，薯條炸得金黃酥脆，搭配上牛扒，真係開胃又過癮。女朋友唔食咁大份就叫左鐵板牛柳餐，牛柳切得都幾厚，7成熟岩岩好，外面有少少焦香，內裡卻保持住肉質的鮮嫩，而且好有牛味，唔錯唔錯整體來講，金鳳呢間老牌港式扒房都keep到水準，兩道鐵板都好出色，無論食材同味道都好好，如果想食鐵板，呢度真係一個唔錯既選擇…查看更多

金鳳大餐廳走的是港式懷舊扒房路線，讓人彷彿回到70年代的香港，非常有特式。我們二人分別點了牛柳餐和澳洲帶子拼加拿大肉眼扒餐，套餐包括有, 餐包配餐湯 (忌廉湯/羅宋湯)及餐飲，澳洲帶子拼加拿大肉眼扒餐還有沙律及雪糕。餐湯方面，我們分別點了忌廉湯和羅宋湯，忌廉湯濃郁順滑，羅宋湯則酸甜適中，都是非常港式的口味。主菜部分，牛柳五成熟恰到好處，牛柳厚切，外脆內嫩，肉質鮮美多汁，大推。帶子拼肉眼扒也是不錯，帶子鮮甜，肉眼扒亦十分夠份量。兩個主菜都配以薯菜，加上蒜蓉/黑椒汁，十分惹味。…查看更多

黎得金鳳大餐餐廳，一定係食佢懷舊嘅味道，尖沙咀山林道係佢第一間，荃灣同埋山林道嗰間都有食過，我自己本身住荃灣，所以會過去八米半食。餐廳每一晚都好多人排隊，想食就預早少少過去穩陣啲，如果唔係可以上去商場行吓先，佢哋都好快有位。佢哋嘅雜扒好好食，不過今次想叫個海鮮焗飯加個魚柳條，佢哋嘅份量一如以往咁大份，個炸魚柳條新鮮炸起，佢哋個粉漿落得好少，入口好脆身，我哋推薦食呢個。之後叫咗個海鮮焗飯，鋪面嘅芝士好多，啱晒我呢啲芝士控，另外佢海鮮嘅種類都好多，有魚柳、蝦、魷魚、青口，總之鋪滿晒成個飯上面，同埋佢嘅汁都幾多，唔會好似出邊食食吓好乾，整體嚟講好滿意呢餐。…查看更多