金記冰室 (創紀之城五期(apm)) (已結業)

香港東南亞菜式主打的茶餐廳，應該金記最為多了。他主打的東南亞菜是看到都想吃的。這天暑假開始了，金記門口都排著隊，要吃一頓並不容易。果然過了二三星期，人沒那麼多，可以進去吃一翻。我就是想吃海南雞飯，沒有骨的最想吃。雞肉嫩滑，美味且微甜，部分雞肉太厚特別是雞胸部分，就不嫩且乾，控制一只雞的嫩滑，還可能是從買雞時著手控管才行。海南雞的醬汁只有甜醬油和薑蓉，另加一個酸菜。酸菜十分好吃，雞肉配甜醬油和薑蓉似乎亦可以了。下次來不來，還是要看其他餐廳的海南雞是否更吸引。因為金記的海南雞$75，其他餐廳都沒有他的貴啊！…查看更多

是日路經觀塘，適逢午飯時間，決定來個快閃1人午餐，醫飽個肚。Lunch~~乾炒牛河 $78餐飲熱檸檬茶河粉唔太多油，炒得乾身，牛肉薄片，配埋芽菜等配料，惹味夠鑊氣…查看更多

昨日和爸爸媽媽在APM的戲院買了九龍城寨的戲票，3點3入場睇戲。睇完戲之後，去了戲院外的這間金記冰室吃下午茶餐。爸爸又是叫了他最鍾意的星洲炒米，幾乎全港九的星洲炒米都給他食過晒，他都覺得這間的星洲炒米好好味，材料豐富，有蝦、叉燒、火腿、蛋、青椒、紅椒等，米粉夠彈牙又夠鑊氣，下午茶售價$39，都算幾抵食的。我就食了個輕量芝士焗肉醬意粉，肉醬帶一點番茄醬的酸甜味，十分醒胃，意粉幾彈牙，味道豐富，都只是$44。而媽媽叫的火腿通粉只需$29，蕃茄湯濃身，偏意式疏菜湯口味，整體還好，只是火腿沒有切絲，但勝在夠抵食。…查看更多

菜係跟餐，上次黎食都唔係得嗰兩條，但今次真係少得可憐，咁大個碟得兩條真係好肉酸。搵店員詢問，佢就話係咁少㗎喇，態度令人不悅。只可以話下次唔會再order呢個餐。…查看更多

選擇太多，人也太多，煩忙時間，排了相對冇咁多人嘅金記，喜歡佢嘅自己下單系統，清楚簡單易用。選了焗豬意粉配熱飲，$76都幾貴，所以有少少期望，點知又係失望收場，豬扒好一般，無驚喜，但又未去到差，意粉太淋，有點碎，茄汁一般啦，惟一要讚是杏霜，落單系統可以選奶，配練奶少甜，仲可以選濃啲，可以沖到自己喜歡的口味😋…查看更多

每星期一定會有一日幫襯金記早晨。因為方便快捷又好味，而且一定要配凍檸茶架。選擇又多，份量都好足，食左豐富早餐，下午就可以輕食。有陣時唔食早餐，我就會選擇金記的午餐。最喜歡的是海南雞飯…查看更多

這碟雞髀沙律實在太好味！鮮嫩多汁的雞髀肉與新鮮蔬菜完美結合，吃在嘴裡的口感真是美妙。沙律醬的味道微酸微甜，恰到好處，既帶出食材的鮮美，又不會掩蓋了其他的風味。而菠蘿包更是給這道雞髀沙律帶來了另一種層次的驚喜。它的外皮香脆，內裡柔軟，搭配著沙律的口感，簡直是完美的組合。…查看更多

下午行APM 肚餓上金記食個tea... 點了 豬扒炒公仔麵份量適中，女士食剛好豬扒口感鬆軟煎得香，算厚，大舊同多，我估都有一塊既份量個麵出色，因為我唔鍾意食太林，乾身，有鑊氣。個人口味加咗包辣椒油，金記辣椒香而辣，唔會死咸。叫咗杯奶茶，茶香有奶味，好飲👍🏻我隔離嗰位叫咗個麵餐，配多士，我偷咗佢塊多士食，烘得香口唔燶又唔會搽牛油壓到肩哂，呢點值得畀好評😂 同埋偷飲㕦，佢杯咖啡少甜，咖啡味濃而唔澀，幾好飲。整體都係水準以上👍🏻…查看更多

記得疫情之前因為佢嘅裝修，喺銅鑼灣食過一次當時佢連個Menu都好有特色今次喺觀塘要食個快餐就揀咗呢間科技一日千里 宜家已經變成QR code落單了見到佢Menu有個今期流行section入面有個生炒牛肉通心粉當時我一見到呢個名就諗起最近澳門好紅嘅炒通粉二話不說嗌咗個嚟試吓唔通我唔使去澳門都食到呢啲正嘢？你都見到佢冇咩色水都知冇咩料到點知一”不”上嚟又真係有生炒牛肉嗰陣味不過就真係冇咩鑊氣不過不失咁囉😌…查看更多

星期五晚外出用晚餐，去到此餐廳，望一望餐牌，看見有三餸一湯嘅二人餐，而且菜式開胃送飯，好有住家feel，於是決定入去食。小菜大家食（二人餐）🪄🍍新鮮菠蘿咕嚕肉份量都多，大大碟，甜酸味適中，咕嚕肉啖啖肉。🪄京都肉排🥓肉質腍，唔韌，洋蔥汁味道好夾，份量都大碟。🪄油菜🥬菜芯，一條條全整上，建議可以一開二。🪄老火湯x2感覺無味精。🪄白飯x2🍚碗飯較屋企碗細碗。🪄🍞金粒西多配雪糕🍧吃飽，另加了個甜品，西多一般，雪糕唔錯:)。…查看更多

【97】用家感受，不是打手！Walk In 唔駛等，全場坐滿，好彩剛好有人走。8️⃣0️⃣CP值，2023/5/22/一/11:21，平日早餐時段二人埋單(免加一)HK$105，平均每人$53。APM近頂層，易搵嘅。裝修光猛，空間大，坐得舒服。QRcode落單，上菜快，招呼有禮，食物好味，整體很好，會再去。8️⃣0️⃣早餐$43，沙嗲牛肉麵，牛內淋及入味，麵爽，正。7️⃣5️⃣跟餐炒蛋牛油多士，炒蛋滑，正。6️⃣0️⃣跟餐罐裝可樂另加$ 3。5️⃣0️⃣早餐招牌鮮豬膶米粉$49，湯底好味，豬膶好老，不好食，見招牌先叫，失望。7️⃣0️⃣跟餐太陽蛋牛油多士，正常。8️⃣0️⃣跟餐原咪樽裝奶茶，另加$10，滑及香，正。…查看更多

嘩，我今日去咗金記冰室食嘢，試咗佢哋嘅午餐咖喱牛肉飯，真係太好食啦！食嘢之前，講下金記冰室嘅環境啦。佢哋嘅裝修好有特色，好似老舊嘅茶餐廳一樣，好有舊時香港嘅感覺。而且，佢哋嘅服務好快捷又好友善，真係好舒服啊！啊，重頭戲嚟啦 - 食物！佢哋嘅午餐咖喱牛肉飯好有料，牛肉好腍身，係肉食者嘅最愛！啲咖喱好香濃，配埋啲軟綿綿嘅洋蔥同埋青椒，好開胃啊！而且，啲飯粒係好軟糯，啱啱好，啱啱香，真係好食到停唔住啊！總括而言，我覺得金記冰室嘅午餐咖喱牛肉飯係一道必試嘅美食。如果你鍾意咖喱同埋牛肉嘅話，一定要嚟試下啦！…查看更多

哈囉！今日我嚟同大家講下我去咗香港嘅金記冰室食嘢嘅經驗。今日我就同大家介紹下佢哋嘅下午茶之選 - 雞髀公仔麵啦！首先啦，講下金記冰室嘅環境。佢哋嘅裝修好古色古香，好似廿世紀初嘅香港一樣，好有味道。而且，佢哋嘅服務好親切、好快捷，真係好舒服啊！啊，重要嘅部分 - 食物啦！嚟到金記冰室，點咗佢哋嘅招牌下午茶之選 - 雞髀公仔麵。佢哋嘅麵條好彈牙，配埋啲雞髀肉，真係好好食呀！而且佢哋嘅湯底好濃郁，好正宗嘅港式味道！啊，快啲叫多一碗啦！總括而言，我覺得金記冰室嘅雞髀公仔麵係一道好正宗、好美味嘅下午茶之選。如果你去到香港，一定要嚟試下啦！…查看更多

話說同事之前買左金記嘅Q邦，今日就約埋幾個同事去觀塘APM 金記用膳，今日午餐有個海鮮炒烏冬，睇落幾吸引，價錢$64包餐湯連飲品，個羅宋湯都幾好味嘅，非常濃郁，但個烏冬黎到就出晒事，蝦有三粒，正常size，蟹柳一條切開兩件，啲蜆肉同青口小都不在話下，蜆肉仲細過隻尾指指甲，仲有啲青口，真係可以細到咁嘅；見到部長即時投訴，雖然佢都即刻幫我取消，再另外order其他餐，但覺得呢間餐廳好搵笨囉、唔好當我地啲客傻架啦⋯⋯臨走個部長都好有禮貌解釋，已經反映左比公司，咁大家咪睇下有冇改善囉😏，不過六十幾蚊一個餐，觀塘區應有更多好選擇，本人就唔會再幫襯。…查看更多

Lunch time 想食個茶餐廳就去左附近食叫左個羅送湯鮮牛肉通粉都算幾大碗牛肉鮮嫩剛好 唔會太熟配料都足 只係唔係鮮蕃茄 係茄膏味濃總括都不過不失 送熱飲另外加左個酥皮蛋撻唔係熱辣辣就差少少:(…查看更多