金記冰室 (海港中心)

真心推介！對食材真系落足心機，份量又足，沙爹牛肉味道很好，醃製入味，太陽蛋和多士擺盤都整得好精緻，6元又➕左個麵包（麵包係現烤的，送到桌上還有溫度），真係飽到扶牆走，😝味道完全唔會踩雷，係我食過最正的沙爹牛肉麵！早餐食完幸福感爆棚。店內裝修都幾好，閒時吾使搭檯。但係繁忙時間會略顯擠逼。服務熱情又唔會黐住你，有問有答，毕竟几十块嘅餐厅，还想要怎样嘅服务，比起其它茶餐廳，我已經覺得好滿足。下次實帶朋友再黎！…查看更多

非常非常非常非常差教導的一間茶餐廳，你問佢點解你態度咁差佢，竟然同講你可以走㗎，你覺得唔鍾意你就快啲走啦。仲有冇去過一間咁嘅態度嘅茶餐廳？ 真係唔好去啊。喺網上便呢間餐廳耳機知道態度好差，但係真係估唔到差得咁最後我哋冇食到就離開咗呢一間不知所謂嘅餐廳…查看更多

海南鸡饭冇鸡油饭用白飯都係第一次見，海南雞唔夠入味裏面肉質有點淡， 海南雞醬太少，唔夠酸甜唔好食菜心有點苦，唔好食整體海南雞飯，只有40分點解咁多人揀日餐同西餐因為夠穩定啊⋯⋯…查看更多

餐廳態度奇差，門口服務員黑口黑面趕客，這麼喜歡翻白眼是不是眼睛有毛病啊，咁就不要繼續返工或者做樓面，建議老闆送她就醫。喜歡吵架就去講talkshow。食物質素就麻麻地，一般金记水準。…查看更多

上星期带朋友香港一天遊,時間緊迫.如果要選擇能夠代表香港的食物/餐廳,首選”茶餐廳“.由尖沙咀坐船到灣仔參觀金紫荊廣場（遊客必到打卡點）在附近剛巧見到金記,印象中金記的奶茶咖啡好似都可以.於是3大2小等了大約十幾分鐘正好下午兩點半下午茶時段.下午茶時段的價錢相對比較優惠所以炒粉麵的份量好像少了一點還是碟子比較迷你😅. 其餘我們點了炸雞脾都算大隻,不太油,但是炸得有少許乾. 沙律也是一般.薯條及西多士就好味. 另外,我們還加購了一碗迷你湯米粉. 每份下午茶也包一杯飲品,熱飲不用加錢,凍飲加$3. 最驚喜凍利賓納加檸檬也是加$3 （平時有好多茶餐廳也是特飲加$8-10以上）…查看更多

質素差劣的餐廳！可能因為附近沒有大眾化價位的食店，多人光顧，唔休做。職員們態度惡劣，好串。本人與友人們參加完活動，因為人數多，早初聽到叫我們籌號，結果職員說按錯。之後等了一段時間才入座，而且要分開兩枱吃飯，兩枱相隔頗遠，都算了。然後可能因為已經到晚上9點左右，女樓面經理，要我們叫指定餐牌內的食物，表示叫以下食物會直接幫我們下單，而且會好快上菜。結果我們有3個黑椒汁牛扒腸仔飯，全部漏單！其他枱的客人遲過我們入座，他們的黑椒汁牛扒腸仔飯都已經到了。而且期間，女經理更要我們提早付款埋單，說收銀職員要埋數。而且催促我們快點埋單，更要自行出去收銀處付款，但不通知。本人還以為職員親自給單，親自催促付款，原來不會親自收款。然後計入單時間是21：27，但我們發現還未有3個黑椒汁牛扒腸仔飯。其中兩位友人的滑蛋免治牛肉已經吃飽。之後我們找一位男職員，男職員態度不耐煩，之後我們說那3個餐何時到。他只說幫忙看看。結果到了21：50左右，才上3份黑椒汁牛扒腸仔飯，即表示漏單。然後其中一份牛扒很韌口，難以切割。擺明是臨急煮成。只會催人快點付款，但食物就漏單而且22點就關門，雖然沒有職員上前催促，但我們也很肚餓，而且趕著回家，急忙吃飯。成個用餐過程很差。…查看更多

OT 做到收工已經好夜，入咗金記食碟快靚正。叫咗「乾炒牛河」同「西冷奶茶走冰」，炒牛河鑊氣十足，河粉油香滲入每條粉，唔會濕濕哋，又唔黏底。牛肉用咗生粉醃過，滑而唔鞋口，仲帶肉香唔死鹹，真係幾好炒功。椰菜加豆芽啱啱熟，爽脆唔出水，炒得火喉夠。奶茶方面係港式標準，高濃度紅茶配上厚奶，走冰版本唔會太稀，啱晒我呢啲唔飲凍嘢嘅人。價錢平民，埋單唔使$60，仲要出餐夠快，唔洗等。裝修就係典型舊式冰室 feel，講求實用唔靚。唔需要打卡，純粹求一口熟悉又撐肚嘅 comfort food，呢度啱晒。…查看更多

新潮流茶餐廳，前身是金記冰室，灣仔分店係正會展地鐵站出口，位置好方便。………………………………………………葡撻⭐️⭐️⭐️⭐️⭐️葡撻皮係酥皮是常識吧，酥皮口感好酥脆，蛋撻餡甜度適中，蛋漿焗得好滑溜，蛋味香濃，好味！凍奶茶 （少冰少甜） ⭐️⭐️⭐️⭐️⭐️茶味同奶味好平衡，飲落順喉，少甜的甜度對我嚟講啱啱好。………………………………………………金記的凍奶茶不嬲都好好飲，一直都穩守保持到質素。葡撻就第一次食，值得推介。…查看更多

新潮流茶餐廳，前身是金記冰室，灣仔分店係正會展地鐵站出口，位置好方便。………………………………………………菠蘿油 ⭐️⭐️⭐️⭐️⭐️完美的菠蘿油 - 菠蘿包口感好有彈性，菠蘿皮酥脆香甜，麵包放到室溫先加牛油，唔會熱溶晒舊牛油。牛油又唔會凍冰冰，好味！凍奶茶 （少冰少甜） ⭐️⭐️⭐️⭐️⭐️茶味同奶味好平衡，飲落順喉，少甜的甜度對我嚟講啱啱好。………………………………………………金記的凍奶茶不嬲都好好飲，一直都穩定保持到質素。菠蘿油就好食左好多，希望金記可以越做越好啦。…查看更多

新潮流茶餐廳，前身是金記冰室，灣仔分店係正會展地鐵站出口，位置好方便。………………………………………………火腿蛋雙拼三文治 ⭐️⭐️⭐️⭐️餡料豐富，新鮮製造，炒蛋煮得剛剛好，唔會過熟，每一啖三文治都食到餡料。凍檸茶 ⭐️⭐️⭐️⭐️茶味夠濃，用新鮮檸檬，係港式檸檬茶正宗的味道。………………………………………………因為係灣仔返工，都算經常買金記做早餐，留意到近一年金記的變化，有啲食物好食左，當然都有啲食物水準變差。希望無論金記又好，新潮流又好，餐廳的食物質素能夠繼續保持落去。因為傳承下去的除咗係一盤生意，更加係香港茶餐廳飲食文化。…查看更多

試過咁多間鋪頭，平時食得最多嘅，始終都係金記！我對菠蘿包最最最看重嘅，就係要夠熱辣辣！每次喺金記買菠蘿包，一拎上手，暖笠笠嘅仲有餘溫佢哋嘅菠蘿包皮脆，外層酥脆得嚟，入面又軟綿綿有時路過，聞到飄出嚟嘅麵包香，再見到個個金黃油亮、熱氣騰騰嘅菠蘿包擺喺櫥窗，忍唔住要買返個…查看更多

會展活動前有少少時間，想食餐快的，剛好落雨，呢間從會展站出來都就脚，。下午茶 menu 最令我想試的就是菠蘿包+熱奶茶。菠蘿包的餡可以揀：1. 炒滑蛋2. 午餐肉3. 碎番茄4. 咸牛肉當中我覺得 1 + 2 最吸引落單後 5 分鐘内送上臺，哇，個菠蘿包真的好大件，老實講一個男人用手食都嫌太大。最後我要用刀叉切開逐件食。好滿足。奶茶不錯但我覺得上臺時已不夠熱。…查看更多

呢間餐廳個經理態度勁差，嗌號碼嗰陣，因為前面有個人早過我哋去嘅攝咗入嚟，所以同個朋友就喺出面等多陣，點知個經理同我講話啱啱嗌咗好多次，然後喺度鬧我哋，咁我當然有反駁到啦，然後又話我身為女仔應該斯文啲，但個經理都係女嘅。去到個位發現有人坐咗，之後又乜都冇講，趕返我哋出去。等到有位嗰陣，佢又係咁過嚟啤住我哋。我個朋友嗌咗個蕃茄炒蛋牛肉飯，啲汁稀度死。見到隔籬枱有個客，係一個人嘅，原本佢嘅同事請咗佢去一張二人枱食飯，然後佢又勁大聲鬧個客，叫佢去單人枱度食，咁個客唔肯，佢有啤實人哋。食完飯成肚氣，咪諗住同佢講返件事，之後又死口唔認，話係我問題，仲大聲夾惡咁鬧我，話我態度差，但我已經用平時嘅聲量同佢講嘢，而且佢又串我，不停怪我。依間餐廳真係好差，食物質素低，服務態度又衰，以後都唔會再幫襯。事後諗住打去佢哋個客服，點知原來係空號…查看更多

食茶記都係想快靚正，叫咗個星洲炒米，等咗好耐都未到，連隔籬枱遲過我叫餐食焗飯嘅客人都上齊，咁我就追單啦。點知樓面個阿姐態度超差咁話：係要等咁耐囉。分明係漏咗單，然後再等都係冇，直至表明話要退單先出到，跟進既矮小男職員又係處理得好差，態度非常惡劣，欺善怕惡，，最後埋單嗰時問佢叫乜嘢名，又縮沙唔敢講。嘢食明明嗌咗少鹽，都係好鹹，好難食，難怪執完一間又一間，永遠唔會再幫襯。食個茶記都要等咁耐，我做咩仲要食你呢？…查看更多

又一日需要食個快lunch，呢日黎左金記快手食個頹飯🤣大概12:15到達，已經滿座，要攞籌，不過由於我只係一個人，所以等咗幾分鐘就有位。全個Menu有過百種嘢食揀，如果有選擇困難既人，應該有排揀🤪我呢日呢就冇咩胃口，所以揀左羅宋湯通粉、熟蛋、熱咖啡。食物上嚟係熱辣辣嘅，不過因為搭枱，張枱本身已經好細，再加塊板，實在係好迫好迫，令到本身打算食個快飯嘅我，食得更加快😹食物整體發揮合理，羅宋湯酸酸甜甜好開胃，同埋份量一啲都唔細，應該大部分人都食得飽！不過建議大家有個飯腳，唔使搭枱先去會開心啲🤭…查看更多