金西南米線

假日同素食朋友同行, 搵食又係一種挑戰, 今次揀咗呢間位於銅鑼灣登龍街嘅「金西南米線」, 呢間米線配料選擇多, 而且仲有素湯同埋素食配菜, 肉食者跟素食者同行, 都能滿足。小店面積不大, 座位比較窄, 不過簡單食個米線, 感覺還可接受。下午兩點半起, order米線, 仲有豆漿/汽水送。而且每碗米線嘅配菜都可以自選多少, 什至走, 滿足不同人口味。我揀咗招牌小鍋米線, 自選了小辣, 配料自選了: 鹵大腸、墨魚頭、鹽香手絲雞、雪花肥牛大大碗米線, 泥黃色湯底, 味道酸辣濃郁; 米線軟淋又滑, 連湯底入口, 酸辣惹味又開胃; 鹵大腸冇異味, 煙韌彈牙有咬口; 墨魚頭爽脆, 鹽香手絲雞不算嫩, 有d乾身; 肥牛稍吸了湯汁, 同樣美味。朋友同樣order了招牌小窩米線, 自選素湯唔辣, 配料自選了: 竹笙、蘿蔔、豆卜、腐竹、豆皮結、豆卜、豆皮結、竹笙同埋腐皮都吸晒啲湯汁, 夠晒入味。米線下午茶仲送嘅豆漿, 豆味突出不會過甜。藤椒魚皮: 口感超爽脆, 麻辣開胃。炸燒賣: 外脆內煙韌, 表面加咗少少鹽調味。黃金炸素春卷: 外皮炸到脆卜卜、熱辣辣, 入邊好多蔬菜, 脆口有層次。油菜: 生菜新鮮, 正常水準。…查看更多

講真，去金西南食米線，好多人淨係掛住嗌佢哋啲酸辣湯底同餸菜，但係我同你講呀，佢哋嘅「即磨豆漿」先係隱藏大佬，絕對係全場最值得你點嘅飲品！ 唔係普通貨色，飲過真係返唔到轉頭㗎。點解咁巴閉？真材實料「即磨」嘅！ 呢個係靈魂所在！唔係用粉沖，亦唔係預先溝淡嘅貨仔。佢哋真係用靚黃豆，即場用石磨磨出嚟㗎（雖然可能係大型機器模擬石磨效果，但個心機同方向係對嘅！）。你睇到個質感就知，濃稠得嚟帶少少天然嘅豆渣感，唔係稀𠺘𠺘水汪汪嗰種，飲落好有實在感。豆味香濃到爆燈！ 一入口，個天然嘅豆香真係撲鼻而來，冇嗰陣討厭嘅「𤏸」味或者人工添加嘅假甜。甜度調得啱啱好，多數係微甜或者少甜（可以叫走甜㗎），完全唔會搶咗黃豆本身嘅甘香。飲完個豆香味仲會喺個口度徘徊一陣，好正！口感滑得嚟有層次！ 雖然話有少少豆渣感（好細微嘅），但整體個口感依然係好順滑㗎！唔會「鞋口口」，個種滑係帶住濃郁豆漿質感嘅滑，同用粉沖出嚟嗰種假滑完全兩回事。熱飲嘅話，暖笠笠咁滑入喉嚨，特別舒服；凍飲就夠晒冰涼解渴，甜度感覺會更清爽啲。配米線一流解辣！ 食緊佢哋嘅酸辣米線，辣到「嘶嘶」聲？即刻啜一大啖凍豆漿，嗰種冰涼同天然嘅甜，即刻幫你把口降溫，解辣效果一流！而且豆漿嘅醇厚感覺，同濃味嘅湯底出奇地夾，唔會互相搶味。總結嚟講： 金西南銅鑼灣店呢杯豆漿，廿零蚊杯（價錢可能浮動），絕對係超值！佢贏就贏在夠晒真、濃、純。唔係普通茶餐廳貨式可以比。你諗下，而家仲有幾多地方肯花心機做即磨豆漿？飲得出係用心製作嘅味道。所以，下次去金西南，記住唔好淨係諗嘢飲！嗌返杯「即磨豆漿」（熱/凍都得），無論係單飲定係配住你碗米線/豉油雞腸粉，都保證係成餐飯嘅完美點睛之筆。試過你就知，唔係流㗎！真係飲過返尋味！…查看更多

收工衝入金西南諗住求其食碗米線，點知$241歎到兩主食＋五小食＋兩飲品，飽到宵夜糖水都慳返！好食到變光碟🍜 湯撈雙雄｜酸辣對決► 酸辣小鍋米線 + 豬潤$9 + 滷水雞翼$9 + 魚腐$7 湯底一上枱白醋香攻鼻，BB辣溫柔帶微麻，啱晒怕辣又貪刺激嘅我！豬潤切到啱啱好，灼到剛熟粉嫩冇渣；滷水雞翼炆到離骨，嗦一啖滷汁直衝喉嚨～最驚喜係魚腐吸湯超海綿，咬落爆出酸辣精華！韭菜堆成小山，夾住米線嗦嗦聲食超爽。► 涼拌米線(凍撈) + 墨魚丸$9 + 生菜$7+酸菜 $3撈米線嘅秘製麻辣油堅邪惡！小辣麻香後勁似按摩，撈勻多到瀉嘅酸菜肉碎，每條米線掛滿紅油金光✨ 墨魚丸彈牙到可以打乒乓，生菜索咗麻辣汁，脆辣過癮～🍢 小食三重奏｜$12起跳抵到笑► 椒鹽炸燒賣$12：外皮炸到蜂巢脆，豬肉餡熱辣辣爆肉汁，灑滿椒鹽鹹香到舔手指！► 泰式炸魚餅$25：檸檬葉香氣超突出，魚肉混青豆粒增加口感，點甜辣醬食秒穿泰國～► 日式捧餃$25：脆皮似薯片！點紅醋仲可以解膩。🥤 飲品神助攻► 凍華田$0(跟餐)：少冰真係得三粒！阿華田濃到掛杯，甜度剛好中和辣味。► 凍豆漿$0(跟餐)：豆味濃到似食緊豆腐花，冇渣又夠凍，飲到尾都唔淡。💡 下午茶必殺技✅ 所有「多字頭」要求完美執行（酸菜多到遮住米線！）✅ 冷氣夠凍食辣唔流汗隱藏攻略：1️⃣ 下午茶時段(14:30-18:00)2️⃣ 炸物即叫即製，上枱5分鐘內食最脆…查看更多

🍽️ 是日𝖢餐 米線Lover🥰金西南 酸辣小鍋米線 $60🍜 （下午茶時段免費送冷熱飲品）中辣、走韭菜、走蔥、多花生配 鹽香手撕雞、豬紅凍奶茶（少甜，少冰，少奶）我係重口味米線愛好者，特別鍾意食有酸菜同辣肉碎喺湯底嘅米線🥰平時自己去開銅鑼灣獨食時，9成時間都會揀食米線，主要係會去雲X香🤣但自從金西南米線裝修咗之後，變咗好光猛之後，好間唔中都會揀去食金西南，慢慢享受me time🥰揀金西南嘅原因，係我對佢個鹽香手撕雞念念不忘，完全唔係鞋口雞絲，應該係用咗雞髀肉？呢款餸係其中一款貴餸，無記錯係要$15😗 （下午茶時段 米線未加配料前係$38）湯底方面，我今次就由BB辣升呢去到中辣（控制體重期間都要放縱一下）。之前揀BB辣係因為唔想食到成頭大汗🤣我係相當鐘意食辣的！我就覺得今次嘅中辣唔夠辣，係偏酸，應該都睇師傅手勢😗由於呢一餐係放縱自己，所以就揀咗凍奶茶，忍住飲咗一半就停口🤪我幾鍾意呢度杯野飲唔會好似其他米線舖嘅咁大杯，無咁邪惡😌同埋個杯印住金西南三隻字好有懷舊感👍…查看更多

🍜 重口味湯麵小記放工嚟食呢碗湯麵，賣相唔錯，湯底橙紅色，一上枱已經好香。第一啖入口覺得味道幾濃郁，但食多幾啖就覺得湯底同餸都鹹咗啲🥵，蘿蔔吸晒鹹味。不過講真，整體味道唔差，湯底香辣帶微酸，有層次感，仲有花生同香菜增添香氣，食落幾惹味🔥。麵條軟硬適中，份量都夠飽。好彩有杯凍檸茶🍋☕️，酸酸甜甜啱啱好，可以中和返啲鹹味，飲落都幾清爽。整體嚟講，雖然鹹咗少少，但味道唔錯，如果鍾意重口味或者辣湯底嘅人，呢碗都算值得一試😋。…查看更多

一支公連續兩日黎到銅鑼灣都係食金西南😁喺銅鑼灣嚟講都算平靚正👍出名咗咁耐，終於過黎一試究竟🧡🧡揀左冬菇，墨魚頭🤪好開心因爲唔係間間米線舖都有墨魚頭☺️冬菇都基本入味，套食加埋魚蛋/燒賣，非常豐富滿足😀🫶…查看更多

不知所謂，好難食，無禮貌，枱污糟，舖頭窄。米線唔彈牙，啲餸就求其烚熟曬佢就算。諗住天口慶就叫個凍撈。汁就熱嘅，個米線本身出咗水煮好咗，雪凍咗佢就咁掟落去就當凍撈。拎出嚟嘅時候嗰舊米線成嚿磚咁。我去嗰啲凍撈麵舖度食都無成舊磚同一餅餅啦。呢家舖現場環境衛生又唔見得好得去邊，地下就跣腳，檯面油淋淋。舖頭係好窄，明明兩個人入去係五點半嘅事，食兩碗米線都唔使佢幾多時間。正想行埋四人枱坐埋一邊時已經畀個戴眼鏡嘅阿嬸喝住唔準坐。你要入四個人嘅時候冇位畀人，重點係可唔可以好聲好氣，又無話唔合作。結果到我哋兩個起身走，都係冇四個人入嚟。計埋等佢會米線嚟最終食咗半個左右(兩個人食就只係最多10分鐘)。都只係入咗一台兩個人。又無禮又唔好食又無特色，唔係因為平都幾難做得住。…查看更多

朋友極力推介話呢間米線好好味，啱啱路過就入去試下。第一印象：位真係窄到呢！四人枱如果坐滿，手踭基本上係「近身接觸」，講真有啲拘束。塔台都算常見，但最尷尬就係一個人對住三個人嗰種，氣氛微妙到爆。落單用手機，呢點幾好，客製化做到幾盡：芫茜、花生、酸菜要幾多任你揀；辣度由BB辣到地獄辣都有；米線軟硬都可以點。點一人餐仲有小食加飲品當日見隔離枱幾乎個個辣到面紅耳赤、邊食邊抹汗抹鼻涕，似乎好多客都係為辣味而來。我唔太食辣，揀咗BB辣，食落唔會出汗，算舒服。不過有啲位真係失手：我特登揀「多花生」，但成碗都搵唔到半粒，懷疑廚房當咗「走花生」。配料叫腩肉同豆卜，以七十幾蚊一碗嚟講，份量偏少；米線份量就正常。相係食之前影，唔係我偷食，但賣相同隔離枱有啲唔同，唔知係唔係出餐時有差異。味道方面，我會形容為「過得去」：湯底唔差但未有記憶點，唔至於去到「唔食會掛住」嗰種。環境就比較扣分，座位逼、坐得唔太舒服，女士連放手袋嘅籃都無位。總結優點：點餐彈性大、客製化夠貼身；辣度選擇多，愛辣人士應該中意。缺點：坐位好逼、配料份量偏少、出餐穩定性一般；「多花生」失蹤要扣分。推介指數：想試辣味可以一試；講求整體舒適同性價比的話，未必會特登回頭…查看更多

今日難得去了銅鑼灣，我就直接選了這條街最多人排嘅鋪頭12:10 左右， 6個人排（包括我），但堂食人走得快，外面等外賣都排長龍，所以都幾期待。點左一個一人自選套餐（可選兩餸，一小食，一飲品）bb辣，出名嘅腩肉，豬皮加青瓜小食同豆漿。湯底酸辣bb辣仲以為都會有少少辣味提下味，點知一啲辣味都無。本身手機QR code落單預設係小辣，唔食得辣但都想有少少辣味嘅可以試下小辣。唔知點解唔可以擇酸度（問咗店員佢哋都無得調），唔鍾意酸嘅湯底都無得擇，最後湯底係本人唔太能接受到嘅酸度，太酸了。不過唔清楚同本人選多酸菜有關。腩肉好似好出名就點咗。肉唔係偏瘦得，一係就幾乎全肥肉，自己自行balance下，兩邊都咬一口就差唔多。不過單食瘦肉好柴，自己本身無咩味，或者湯底個酸味太重導致我食唔出腩肉本身嘅味豬皮本身有寫明係酸嘅，我本身都有心理準備。一塊ok，兩塊止，而且完全唔辣。小食青瓜無入味，自己係啲汁度轉兩下會好啲。豆漿飲到有少少豆渣，少甜唔似出面買個種甜到不得了個種，唔錯👍🏻難怪本人收到自己杯豆漿無過幾分鐘已經無了。…查看更多

今次係佢轉咗手之後我第二次嚟第一次係佢啱啱轉手之後風格同其他食物質素已經完全不能和上一手比。那時仍然會有很多人慕名而來，所以要排隊入去的。今次經過已經不用排隊裏面只有坐滿六七成座位心想，不如再試一下吧叫了一碗小窩米線，腩肉豬肚大腸小鍋米線成碗喊到你根本上唔想食，和記憶中上一次來吃的一模一樣，今次連米線也煮成糊狀…查看更多

中午過來這裡吃飯，這裡的米線配搭很多，可以選擇自己喜歡的配菜。⭐️1人餐| 酸辣小鍋米線一碗選擇了 BB辣和 走芫荽，並額外要求了 多花生。湯底一上桌就香氣撲鼻，酸味醒胃，辣度溫和。另一碗正常，兩碗都非常美味。滷水是這碗米線的靈魂！豬大腸處理得非常乾淨，燜得軟淋入味，帶有濃郁的滷香，毫無異味。豬肚同樣出色，爽口彈牙。雞翼滷得入味透骨，肉質嫩滑。必點之選！豬皮吸飽了酸辣的湯汁，本身口感Q彈爽脆。魚蛋和墨魚丸能吃到粒粒墨魚肉，鮮味十足。配料還有蟹柳和蘿蔔，蘿蔔清甜無渣，煮得通透，吸滿了酸辣湯精華後，味道層次更豐富。⭐️酸辣手拍青瓜 青瓜醃得極其入味，蒜香、醋香和辣味融合得恰到好處。口感爽脆，酸辣開胃。…查看更多

米線關注組報到！旺角金西南果然名不虛傳作為一個資深米線愛好者，發掘好食嘅米線舖頭，絕對係我嘅人生樂趣！今次就去咗試近期好多人討論嘅旺角「金西南」，餐廳環境簡約乾淨，最正係店員哥哥好熱情，未食已經有好印象。我哋兩個人叫咗兩款米線，一款湯、一款撈，試真啲佢嘅實力。我碗係酸辣小鍋米線，揀咗BB辣，酸香開胃，忍唔住飲咗幾啖湯。配料揀咗金獎腩肉、滷水豬大腸同竹笙。個腩肉真係冇得彈！肥瘦均勻，外層帶少少焦香，咬落軟腍又入味，完全吸收晒湯底精華，豬大腸都處理得好乾淨，夠晒腍滑。朋友嗰碗係自選涼拌米線（熱撈），加配嘅藤椒魚皮先係戲肉！魚皮是涼拌做法，入口爽脆不油，藤椒嘅清麻與清香一路滲出，舌尖微微發麻但唔刺喉，越食越醒神，超級開胃。總括嚟講，金西南無論湯底定配料都好有水準，選擇又多，完全滿足到我呢啲米線迷嘅心。如果你都鍾意食米線，想搵間坐得舒服、食物又有驚喜嘅地方，呢度絕對值得你專程嚟試下，保證唔會失望！…查看更多

之前經過登龍街, 見到好多人排隊已經好想試.今日終於試到依間店嘅米線喇!有湯米線同撈米線揀, 配料仲可以自選.我唔鍾意食韭菜、芫荽同蔥, 可以選擇唔要.鍾意食花生同芽菜, 都可以加多啲.辣到同酸度都可以自訂, 啱晒唔同口味.一人餐 (HK$71): 炸燒賣嗌餐嘅話就會送一個小食.我就揀咗炸燒賣.味道同普通燒賣一樣, 口感唔會好乾好硬.酸辣小窩米線 (金獎腩肉、牛肝菌)份量超大, 應該係我食過最大碗嘅米線!我加多咗花生同芽菜, 超正!米線軟硬適中.我揀BB辣, 酸辣度啱啱好, 開胃又唔唔過辣.金獎腩肉份量都幾多, 肥瘦均勻.雖然menu寫住微辣, 但辣味唔明顯.牛肝菌爽脆, 口感幾特別.凍檸茶食米線配返杯檸檬茶都幾爽!自選 (HK$54):酸辣小窩米線 (魚肉春卷、蘿蔔）蘿蔔勁大嚿.雖然食落唔甜, 但冇渣.魚肉春卷口感結實.依兩個餸同酸辣湯底好夾.整體嚟講, 呢度嘅米線性價比超高.份量多, 選擇多, 仲要好好食.經過銅鑼灣我會想再嚟試.…查看更多

据说铜锣湾有家每天都排队的XXXXL版的米线，当然要来试下喽！点了酸辣小锅米线，居然直接上了巨大的盆！配料直接堆成小山+巨浓厚汤底🆘灵魂CP：✅ 金奖腩肉吊打南记的腩肉！不愧是招牌🔥✅ 炸酱+冬菇冬菇吸饱酸辣汁好好吃💦✅ 芽菜解腻满分！咔吱咔吱超上头小吃加点▶️ 泰式炸鱼饼，甜辣酱+弹牙鱼肉▶️ 炸鱼蛋，外脆内嫩！▶️ 麻辣手撕鸡🌶️芝麻+清爽辣汁，越吃越上瘾…查看更多

以前响Times Square返工，成日嚟食！今日再食已經唔係我心目中嘅金西南，太失望。蘿蔔超恐怖，勁腍，真係唔知浸左幾耐，腩肉勁鹹勁鞋，米線超腍～唔使再嚟無下次！…查看更多