金西南米線

营业中

休息中

米線店，門面簡樸但香氣超勾人！湯底絕對靈魂！金紅色湯頭酸辣度剛剛好，飲落完全唔膩，連平時唔飲湯嘅朋友都飲到見底🤤​必試薯粉代替米線！粗身 Q 彈兼超吸湯，咬落卜卜聲軟韌有勁，每一啖都夾雜湯汁精華～金獎腩肉肥瘦均勻，肥膏軟腍瘦肉入味，表面掛滿濃湯，鹹香帶辣超過癮🥩！麻辣手撕雞都係必點，雞肉撕成細條拌麻辣醬，辣度適中麻味回甘，配蔥絲芝麻香到飛起，開胃一流🐔～​雞翼煮得夠稔，雞皮吸滿湯汁帶微辣，肉質嫩滑，作為配菜夠稱職～​服務仲要加分！門口服務員笑臉迎人，店員落單會細心問口味，上菜提醒湯熱，主動添水換碟，態度親切有禮，完全唔覺忙亂💯​！

呢間主打地道酸辣風味的小鍋米線同涼拌米線。米線配料豐富，辣肉碎、酸菜、韭菜、芽菜、花生、芫荽及蔥的搭配，帶來層次豐富口感及味覺刺激，好入味！招牌推介🔸酸辣小鍋米線 1人餐💰68起 套餐包含2款小菜、1款小食及1杯優惠飲品，人氣配搭包括金獎腩肉同滷水豬大腸，味道醇厚，腩肉肥瘦相間，豬大腸入味彈牙。仲可以自由加配多花生和多酸菜，讓湯底更加濃郁層次分明。🔸涼拌米線（熱撈/凍撈）💰38起 涼拌米線亦是店內熱門選擇，可以選擇熱撈或凍撈，配料豐富，滷水豬肚、滷水雞翼及鮮嫩墨魚頭齊上陣，辣肉碎多到滿足味蕾，吃得過癮。招牌小食推介🔸炸皮蛋豆腐配甜酸醬（5件）💰22 外層炸至金黃酥脆的皮蛋豆腐，內裡細膩柔軟，搭配酸甜開胃的甜酸醬，口感豐富，令人回味無窮。必點！！🔸鴛鴦炸饅頭（3件）💰25 創意十足嘅炸饅頭，配搭煉乳同濃郁朱古力醬，外脆內鬆軟，甜而不膩，可以當甜品～🔸黃金炸咖喱角💰25 咖喱餡料香濃，炸至金黃酥脆的餅皮包裹著濃郁咖喱，香氣撲鼻。🔸黃金炸迷你春卷-素食（5條）💰25 外層酥脆的素食春卷，內裡餡料新鮮，素食者也能大快朵頤。

被安排到一個近門口完全感受唔到冷氣既角落，但見店內已坐滿所以未有同店職員講要轉到其他位置，叫完野食一陣發現有幾張枱走左，就同男職員講位置太焗可否轉一轉，男職員用一個貌似有禮但感受唔到真心想協助既語氣同我講「叫左野食未先，叫左野食就真係冇得轉嫁喇，廚房d單會亂」，廚房d單因為轉枱而亂我係體諒既，但其實d野食出齊的話，都應該可以安排顧客轉枱啦，男職員完全冇咁既打算！！！最攪笑係見到男職員要求另一枱客人為佢轉枱，而呢位客人都係已經叫左野食，呢個又係咩玩法？ 問題真係你間餐廳太熱，仲要食辣，叫人點享受你地既食物，食到我同我朋友件衫都全濕可以扭得出水，我本身好肚餓正常食到全碗，但太熱攪到完全冇胃口食剩大半碗就走，真係食到一肚氣，就算幾好食都好，都唔會再幫襯！

一直喺銅鑼灣好鍾意呢間米線店❤️今次開左黎旺角黎試下😛座位比較闊落而且裝潢比較有設計感🎨可算是一種MK風格🤣米線果然冇令我失望無論酸辣同麻辣味道都好出色🌶️⭐️ 自選小鍋米線 🍜米線本身包含肉碎酸菜韭菜芽菜等配料🥬 酸辣得黎好有層次充滿鮮味🐷 配料選擇咗肥牛芝心丸同魚肉春卷等嘅經典配料🍥索曬湯汁好入味呢⭐️ 熱撈涼拌小鍋米線 🥘麻辣口味配上熱撈特別惹味🤪值得一讚真係滿滿麻感❤️‍🔥 秘製金獎腩肉果然名不虛傳🥇 肥瘦分明充滿油香好邪惡🥓另外叫咗大腸豬肚同雞翼蘿蔔都好入味🥩⭐️ 椒鹽炸魚蛋 🐟⭐️ 麻辣手撕雞 🍗小食同樣好有水準❤️ 手撕雞啖啖肉配上麻辣味道好正🐔 炸魚蛋就好香口彈牙🌊⭐️ 炸皮蛋豆卜 🍳釀豆卜包住皮蛋酥脆得來又有好得意既口感🥹 配上酸甜醬好有街頭小食既風味呢🍊⭐️ 油菜 🥦食完辣配返碟蔬菜就啱啱好🤪生菜十分新鮮💚

最近成日都好想食米線 今次同朋友嚟食裝修環境幾乾淨舒適 坐低係用qr code落單我叫咗一人餐酸辣小鍋米線🍜本身包酸菜 芽菜 韭菜 辣肉碎 花生 芫茜 蔥湯底揀咗小辣 酸酸辣辣 幾惹味🌶️而配料就揀咗秘製金獎腩肉 滷水雞翼 肥牛 一上枱見到碗米線就覺得好足料 份量都幾大腩肉肥瘦適中 食落幾腍 微辣幾香口而雞翼係幾入味 肥牛就正常發揮跟餐飲品就要杯凍豆漿 用嚟解辣就啱啱好👍🏻跟餐小食就揀咗椒鹽炸燒賣上枱係熱辣辣 外脆內軟 唔會太油膩 朋友叫咗碗涼拌熱撈薯粉 辣度就要BB辣 配料揀咗墨魚頭 滷水豬大腸 豬潤 蘿蔔 豬紅朋友share咗啲墨魚頭俾我試 口感食落幾爽脆👍🏻佢覺得其他配料都唔錯 食得滿足😋😋藤椒魚皮魚皮食落幾爽口 辣辣地 又麻又香 正🤤🤤炸皮蛋豆卜炸豆卜入面包住皮蛋 口感幾得意面頭有啲甜醬 食落就冇咁寡油菜啲菜心幾新鮮🥬食咁多邪惡嘢 要食啲菜平衡番😙

ෆ⃛ 金西南米線ෆ⃛終於係旺角開左分店嘅米線，店員非常有禮貌，想食米線嘅話又多個好選擇呢🍜♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 1人餐｜酸辣小鍋米線$68起 ♪今次叫分別叫左2個一人餐，米線餸菜點選左蘿蔔，滷水雞翼，滷水豬肚，腐竹，鹽香手撕雞，墨魚頭🐙酸辣湯底會跟上肉碎，味道口感豐富，米線滑身爽口份量多，非常滿足。滷水豬肚滷到已經深啡色，爽口彈牙入味有驚喜！手撕雞雞味濃郁，感覺係由原隻雞撕出嚟，而唔係單單雞胸雞髀肉嘅味道，超讚(⁎⁍̴̛ᴗ⁍̴̛⁎)而蘿蔔都係超巨型的，清甜冇乜渣🥢 ᗦ↞︎◃︎ 值quota指數: ✿✿✿✿ / 5 小食-麻辣手撕雞38$♪ -椒鹽燒賣12$♪ -日式棒餃（配紅醋）25$♪ -菜心20$♪ ᗦ↞︎◃︎ 值quota指數: ✿✿✿.✿ / 5✎ 總括：店員有禮，環境乾淨，米線無論份量同埋味道都表現出色，想食米線不妨一試✐✼ 加一服務費✘ෆ̈金西南米線（旺角）✇ 地址：旺角花園街3-5號鴻威大廈2座地下9號舖

今次嚟到位於旺角嘅金西南米線 本身係銅鑼灣已經聽咗好耐 一直未有時間去 點知見到佢喺旺角開咗新分店 咁就一定要試吓🫢酸辣小窩米線 少麻辣金牌腩肉 | 墨魚頭 | 滷水雞翼 | 蘿蔔金牌腩肉肥瘦分明 而且切到夠薄 加上用自家製滷水汁醃製過 味道甜甜地🏆墨魚頭一咬就知係好爽口 夠晒新鮮而且分量幾多🦑滷水雞翼 輕鬆咬到雞肉同埋骨頭分離 證明醃製時間啱啱好 🤏🏻蘿蔔超大嚿 我諗應該係我一個拳頭再大啲 蘿蔔清甜冇渣 幾值得嗌👊🏻酸辣小窩米線 魚肉春卷 | 魚腐 |芝心丸上面三個餸正常來貨水準🙂‍↕️不過勝在比嘅份量都幾多 同埋都煮得啱啱好～麻辣手撕雞因為佢有一人餐嘅關係 所以就加咗要麻辣手撕雞做小食 但絕對有驚喜 入口麻辣味道幾重 而且手撕雞夠滑！✨藤椒魚皮係薄身而且爽口嗰款魚皮！咬落去會有沙沙聲🤣好啱做開胃前菜！炸皮蛋豆卜由於見呢款個名幾特別🫢所以忍唔住嗌嚟試吓佢🤏🏻點知好有驚喜 豆卜入邊包住皮蛋 然後落去炸 咬落去嘅第一啖有一種臭豆腐嘅感覺🤣但係比起臭豆腐又容易啲入口！個人覺得一定要試吓！

幾年前係銅鑼灣分店食開，覺得幾好食，之後事隔多年知道旺角開分店過嚟食，湯底比之前差咗，主要係得返酸辣味，不過勝在有下午茶幾抵食。🤦🏻‍♀️重點係個2罐野飲好難飲💩一入到去座位安排，下午四點有一半座位係空，職員都專登安排我哋兩個坐喺人哋擺袋嘅位置，之後我哋要求坐去另一邊，廢事阻住人哋，佢又俾啲比較好迫嘅位我哋，但係隔離有旅客就可以兩人坐四人位。失望🥲🥲🥲🥲

週末放假同媽咪一齊試吓「金西南米線」喺旺角新分店！店內燈光明亮，新裝修感覺乾淨舒適餐廳採用自助掃QR code點餐，供應多款小食及一人超值套餐。另外設有下午茶時段仲會送飲品酸辣小鍋米線（小辣）小鍋米線本身有酸菜、芫荽、韭菜、芽菜、香蔥、花生及秘製辣肉碎。湯底惹味酸酸辣辣！米線軟硬適中幾煙韌同吸湯！配料揀咗：墨魚頭、魚肉春卷、豬紅、松茸及黑木耳，墨魚頭口感爽脆；松茸為湯底帶來淡淡香氣酸辣小鍋米線（BB辣）另一碗揀咗六款配料：鹽香手撕雞，豬紅，竹笙，日本鱈魚豆腐、肉燕餃，腐竹。手撕雞啖啖肉，竹笙吸滿酸酸辣辣的湯底🌶️ 肉燕餃皮較薄口感扎實熱檸檬茶及凍奶茶檸檬茶酸酸甜甜，可以解膩。凍奶茶茶味都幾濃

今日終於去左食呢間新開近排成日排長龍嘅金西南米線！酸辣小鍋米，湯底酸香開胃，辣度比平時食開重料啲，但唔會搶喉。米線煮得啱啱好，有咬口。配料方面揀咗，日本鳕角豆腐、芝心丸、魚皮餃。我最鐘意嘅配料係金獎腩肉，肥瘦均勻，微辣惹味，同埋竹笙吸滿湯汁，爽口又入味。小食方面，椒鹽炸魚蛋同椒鹽炸燒賣炸得金黃香脆好香口。麻辣手撕雞辣得過癮，麻香十足；藤椒魚皮爽滑彈牙，藤椒味清新帶微麻，好開胃；炸海鮮卷外皮酥脆，單吃有點膩，配沙律醬更加平衡。價錢方面相對進取，但地點方便，加上份量足，整體來說服務同食物質素唔錯，性價比尚可，難怪最近咁多人排隊一試！

為食🐑超鍾意食米線，今日去旺角食呢間小店，利申：我未食過銅鑼灣嗰間店冇比較，當然試吓招牌酸辣小窩米線啦，仲可以加勁多配菜！🥢金牌🎖️腩肉| 招牌小鍋米線小鍋米線已包含配料（金牌腩肉、秘製辣肉碎，韭菜、酸菜、芽菜，花生，芫茜🌿、蔥）+ 🐷金獎腩肉（微辣）🐖滷水豬大腸❤️豬紅 $63本身材料同份量都幾多，女仔未必食得晒。講返湯底先：點咗小辣，辣中帶酸味，感覺開胃，入面有花生同辣肉碎增加口感，湯底幾濃但唔會過鹹，食完都唔覺得好口渴，鍾意食酸辣米線嘅朋友可以試下！🐖金牌腩肉：薄切腩肉質地夠腍同入味🤎豬大腸應該醃咗好耐，似潮州滷味一樣入味！其他食材都合格，但都係腩肉🐷最好食！🌶️🐟藤椒魚皮魚皮爽口但質地偏薄，配川辣汁幾惹味！我地食得都幾開心，性價比不錯，交通位置方便，經過可以一試！🥢金西南米線 (旺角)📍旺角花園街3-5號鴻威大廈2座地下9號舖

已經第二次幫襯，覺得都幾好食，又好大碗我直頭要少粉，揀咗小辣湯底都幾好味，但是服務拍馬都追唔上福田雖然我只有一個人，但我住好多嘢，所以要求坐裏面的位置，當時也不是繁忙時間裏面整牌都沒人做，就係要個客面對住塊鏡攬住一包麵包去食呢一碗麵，其實食碗麵嘅時間都唔會阻你好多時間啦，而且直至到我食完你嗰行位都係冇人坐，這也是香港的特色吧？

一人午餐，本身坐二人卡位圓櫈果邊，男職員提醒枱底有掛勾，但背囊太重放棄使用；見對面客食完走了，於是就轉坐去對面梗卡位，可以易放置背囊，但剛巧有一位食客進來，男職員立刻叫停我不能轉位，因為落左單就唔可以轉位，好啦咁坐返去圓櫈果邊，但心想張枱得兩個位啫，最多都係得兩張單咁多，有必要咁嚴格嗎？但後來見到那位男職員，竟然都有叫另一位已落單的客人轉枱（因為見到枱上已有一張單據），希望他能讓出二人枱；我覺得非常奇怪，他不是講過落左單就不能轉嗎？唔通係轉枱就得轉位就唔得？明白你想做多些生意，但請不要雙重標準，貌似很有禮貌都只不過是虛有其表。食物品質係可以的，腩肉、魚皮都不錯，但真係接受唔到你想點就點的做法，生意難做，但請要檢討一下自己先，為客人多想一步。他這不合理處事方法，客人真係好難會再來。

✨自選酸辣小鍋米線（配肥牛）呢間肥牛肉感較多，幾啱我食🐮😋而米線份量好足➕煮得啱啱好，好掛湯汁，食落微酸微辣咁🌶️.✨酸辣小鍋米線一人餐（配金獎腩肉+蟹柳+肥牛）呢碗同上面嗰碗差唔多～都係肥牛肉感多，米線量充足🍜金獎腩肉唔係成塊係肥膏，肉嘅比例算多，食落好有鹹香。.✨椒鹽炸燒賣（6粒）炸得外脆內軟，外層薄脆 帶點椒香💛💛.✨麻辣手撕雞唔係好麻/辣，但有麻辣獨有嘅香氣撲鼻而來😂😂雞肉質感緊實。芫茜同花生嘅加入 增添不少風味🐓.✨煉奶炸饅頭炸饅頭都係外脆內軟，同香甜嘅煉奶好配🤤🤤.✨凍檸茶：比起其他茶餐廳 檸檬酸+濃度高啲

有日係米線關注組見到呢間米線好似幾出名 咁啱又係旺角開咗 所以就諗住去試下我叫咗個熱拌米線 個米線勁一般 個撈米線得個辣字 一啲都唔好食見open rice銅鑼灣嗰間分店勁多負評都知唔係好對路 真係無下次🙂‍↕️下次去其他就算了 又大份又好食然後杯豆漿得個甜字一啲都唔吸引😮‍💨唯一讚嘅係佢個椒鹽燒賣 夠脆不過鹹咗啲咁解🙂‍↕️總結個米線又鹹又無乜酸味 完全無食慾大佬 真係完全搞唔掂 埋單200蚊 真係無下次🥲🥲