金蘭花泰國菜館

营业中

休息中

今日終於都約到個friend出嚟，之前聽我個friend講話九龍城有間好好食嘅泰國菜，我就叫佢搵日帶我去，但係佢就比較繁忙😅加上我係住大埔比較遠，大家要夾下啲時間，拖左三個月今日個friend終於帶我嚟，我一向都好為食，聽到有好嘢食嘅我點會放過，呢間金蘭花泰國菜館係九龍城龍崗道，呢度人比較多，正常晚市時段都要等位，我哋就叫咗個明爐烏頭魚，泰式海南雞，大圓法包椰皇咖喱雞，明爐烏頭魚勁正🤩泰式海南雞既肉好滑，🎉大圓法包椰皇咖喱雞真係要推薦比大家，勁正勁好食😍🤤

細細個嘅時候住喺九龍城，大個之後都好耐冇返嚟呢邊，今日返嚟呢邊搵個老朋友，短短既時間，呢度都變咗好多，我個朋友帶咗我周圍行吓，跟住到咗夜晚佢就話帶我去食泰國嘢，朋友就帶咗我嚟呢間位於九龍城龍崗道嘅金蘭花泰國菜館。雖然人比較多，但等左一陣位就入得去，感覺呢度裝修冇乜特別，但總比到種感覺我係覺得好乾淨。店員亦都好親切，佢啲嘢食都幾好食，叫咗個泰式海南雞，好想同大家分享下，呢度嘅海南雞同出邊食到嘅唔同，平時食開嘅海南雞可能係點薑蓉，但呢度佢有個秘製嘅汁點好好食，而且海南雞嘅肉好嫩，我地仲叫咗碟菜，炒得好好食，連呢度嘅蒜蓉包都好好食，好想推薦比大家❤

正宗泰菜 -- 金蘭花泰國菜館😋———大家姐前日係美國翻來,兩姊妹咁耐無敘舊我就話好想食泰國菜啊! 不如入九龍城食泰菜啦, 大家姐 二話不說就話車我入去~今次來到呢間正宗泰菜 隆重推薦 ”金蘭花泰國菜館”入面既空間好大,佈置簡約,直接用食物取勝~———⭐酸辣去骨鳳爪已經去曬骨,除左方便食之外,仲吾會有損淑女之態,入面有大量既洋蔥同埋芹菜提味基本上已經醃得好入味,凍冰冰好入味———⭐咖哩大頭蝦相信呢碟咖哩大頭蝦落足左好多唔同既香料,就咁聞落去已經好香~仲好足料添————⭐泰式甜酸炸魚基本上我估已經係原條魚落去炸,因為個分量真係好多,今日叫既野都甜甜酸酸,好香,好酥,食到好開心

今日晏晝同男朋友專登過左黎九龍城呢邊同佢屋企人飲茶，飲完茶之後就同佢行下街、拍下拖、買下野，行行下見到有人拎住個椰青，我突然都好想飲...我自從8個月前係泰國飲過返到黎就已經無再飲過了...所以就同男朋友即刻上OPENRICE睇下附近有無好食既泰國菜仲有椰青。我地睇到呢間金蘭花評語都幾好，於是就決定去試下。可能因為我地太早黎，仲未算好多人。我地叫左個泰式燒牛肉，泰式海南雞，白飯同埋椰青。但我想讚既唔只係個椰反而係想講下個牛肉，肉汁鮮甜、唔肥，燒得剛剛好。海南雞更加係無得頂，所以我都要比返個好評呢間金蘭花先得﹗

好耐無食泰國野,今日同姊妹經過利間金蘭花泰國菜館,勾起條癮好想食就走左入去食啦我係一隻食肉獸,無肉不歡,利到其實有好多野都好岩我食好多都係我鍾意食既,我地叫左泰式燒牛肉,泰式海南雞,脆皮豬手,生菜包第一樣講既係脆皮豬手,好正,好多肉,個皮脆卜卜,食唔停,正第二樣想講佢個泰式燒牛肉,肉感好好,唔會硬海南雞基本上大人細佬都會岩食, 但我鍾意既原因係佢啲雞好滑,啖啖都係肉佢仲有好多野食,但無奈我地已經食唔落了,不過我同我姊妹已經約好左下個月會再黎食多次

今日我同呀哥,呀哥女朋友,出左去食左一間好多好評既泰國野,係九龍城既金蘭花泰國菜館,雖然呢到比較旺要等位,但其實問題不大,我地三個人等左兩枱就到我地,而且店員禮貌都非常好,平時一般食泰國野我最鍾意就係食生蝦,但次次都有佢份,所以今次有啲特別,想同大家分享下第二樣野!!佢既大圓法包椰皇咖哩雞超正,咖哩味濃,淡淡既椰香味,點埋包一啖咬落去,好好食,仲有個魚,煎得好香,要黎送飯真係令人食唔停,我地仲叫左個泰式海南雞,雞肉夠滑夠嫩,總括黎講,好滿意!!

今天好開心,因為同我兩個哥哥食飯,我兩個哥哥係早幾年前後腳搬左出去住,大個左之後其實唔好話一齊食餐飯,就連見面都係問題,我地好耐無三兄妹一齊坐低食飯.我係OPENRICE見到利間金蘭花泰國菜館評語幾好,重點係佢係係九龍城,好近我二哥公司,咁樣我就可以去接埋佢收工,所以就決定左食利間,我地三個去到發現原來都幾多人黎食野,我地都等位等左二十幾分鐘,我地叫左好多野食,我自己最鍾意就係佢個生菜包,熱熱既肉碎唔太咸唔太辣,佢啲串燒都好正,仲有佢既冬蔭公湯,好暖身,好滿足

我想同大家介紹間位於九龍城嘅一間泰國餐廳🇹🇭，我個人比較注重細節或者唔會太過做造嘅人，我連食飯都係。🍚-所以就算我食泰國菜我都係注重啲細微細位，就好似蒜蓉包、椰青同咖喱汁咁，🥥甚至乎椰青呢啲可能只係配角嘅嘢，我個人都會覺得呢啲配角其實先係主角嚟，而我係呢間泰國餐廳度可以搵到真正嘅美味程度。😋-就好似啲蒜蓉包🥖佢唔會烤得太硬，又唔會硬到咬落去一地都係碎，反而係外脆內軟，蒜蓉包上面嘅蒜蓉亦都好香🤤唔會好似冇咗咁或者得浸味，或者只係得隻色， 呢間餐廳完全合格，仲有呢間餐廳嘅嘢食絕對係有保證👍🏻啲嘢食食落去特別鮮甜，尤其啲肉亦都好厚身好飽滿，亦都令到入邊啲肉味入哂啲咖喱味真係好好食，😋而且呢個價位真係符合經濟之選，大人都足夠俾得起有餘，呢間餐廳大家一定要去試吓！🏃🏻‍♂️--📍 金蘭花泰國菜館 (九龍城)九龍城龍崗道10-12號

今次我想推介一間好地道嘅泰國菜餐廳，呢間係九龍城附近，大家都知九龍城周圍都有好多泰菜餐廳，但我個人就比較私心推介金蘭花泰國菜館，因為啲食物好正宗好正呢，我有幾款必點菜基本上我來親都會點，第一道係生菜包，生菜都十分新鮮，佢地啲料好足，粒粒肉碎入味，一口咬落去非常滿足。之後我就想推介呢道酸辣去骨鳳爪，泰式嘅酸辣汁配上去骨鳳爪，酸酸辣辣，好開胃，仲要去埋骨，真是必點菜式。最後要推介緊係泰式燒牛肉啦，燒個熟成度岩岩好，有牛味又唔會燒得好老，就咁食都已經好多牛肉汁，點埋個配個醬汁，真係好惹味。呢間金蘭花真係好地道GA，有機會經過可以去呢間店試試泰國風味。

中意食豬手既朋友,可以試下呢間泰式餐廳。我上星期去食左食,原來佢有兩間分店,我就去左九龍城個間, 九龍城本身就有好多泰國餐廳可以俾試到唔口味既既泰國菜,而呢間都唔錯。我想同大家介紹佢既脆皮豬手,佢有D似德國餐既豬手都係脆皮,肉質嫩滑,但是個調味都煮法就唔一樣,係整得好香,好入味,而佢既皮堅脆! 另外介紹番兩個小食，就係薄餅同蒜蓉包, 薄餅整得好好呀,唔會好似得嚿粉甘,薄得嚟亦鬆軟,而蒜蓉包仲好食,外脆內軟,好香蒜蓉,正!

同大家介紹翻一間喺九龍城嘅泰國餐廳我知道九龍城係好多好多泰國餐廳可以大家揀，但係呢間都唔輸蝕，呢間亦都好好味，大家可以一於去試吓，真係冇介紹錯我之前同朋友去食飯，我地好多人，當然亦都叫咗好多餸share食(有用公筷架)但係我最鍾意嘅都係佢嗰個燒牛肉—泰式燒牛肉，佢燒得唔會太熟，入面嘅顏色粉嫩，咬落亦都唔會鞋口大概五至七成熟左右，仲好香口入味再點埋佢隔離嗰泰式秘製醬就完全係提升美味嘅程度，鍾意食牛嘅一定唔可以放過呢碟餸第二樣我要同大家介紹嘅就係椰子飯，佢真係用原個椰子裝住啲炒飯，啲飯滿一滿炒飯都係用咗新鮮嘅餸菜，食落去唔會話好油膩，亦都係比較健康嘅最特別嘅係，每一粒飯入面都有好香好香椰子味，大家一定要試吓

星期六日同朋友去咗九龍城食飯，去咗泰國餐廳度食嗰間餐廳叫金銀花泰式菜館，嗰度唔會裝修得好華麗特別靚特別靚咁樣佢只係好地道好普通嘅裝修當然要泰國嘅裝飾啦睇落去感受到泰國嘅氣氛，我同朋友喺嗰度叫咗好多餸食而我覺得兩個餸係炒得好好味，就係咖喱牛腩同茄子豬頸肉，佢嘅咖喱味好濃郁好足料，佢個牛腩亦都炆得好入味好濃郁好淋，而佢嘅茄子炒豬頸肉都好正，佢嘅茄子唔會炒到林晒一pat pat，仲有啲咬口佢豬頸肉亦都唔會炒得太晏亦都整得好入味好爽口，咁先係豬頸肉嘅口感同味道，正！

黎食泰式料理，一定要試下啲咖哩！我地點左三樣野，咖哩炒蟹、泰式柚子沙律、泰式鹽燒側魚🤤👑咖哩炒蟹 $269呢到除左咖哩炒蟹之外，仲會有辣椒羔炒蟹同爆炸辣蟹，仲意食粉絲既仲可以點香葉粉絲蟹煲！海鮮黎講我就最仲意食蟹！呢到既咖哩炒蟹好出色！咖哩夠香夠濃味，有香蔥加色同調味，色香味俱全！👑泰式鹽燒側魚 $93呢到既魚煲平時都好出名！但原來鹽燒魚都別有一番風味！平時都食開魚煲或者蒸魚，但原來鹽燒魚都好好食！呢到既魚又新鮮又夠大條！而且好入味好香，外脆內軟既口感好豐富！👑泰式柚子沙律沙律酸酸甜甜好開胃、第一次食覺得好有趣！有興趣可以試下！

今日我同同事收工後去咗九龍城, 行街買野, 之後我地發現係九龍城周圍有好多泰國餐廳, 我地行到見有啲累就想搵個地方坐低食野醫下個肚啦, 於是我地就來到呢間金蘭花泰國菜館我地入到去店員好快就安排我地入坐, 服務態度都好好, 值得一讚👍我地點左～～～～～～～～炒河粉 泰式燒牛肉 同小食拼盤～～～～～～～～先講講個小食拼盤, 食物種類好多, 每樣都好有泰式風味, 我最愛就係串燒,之後來左個炒河粉, 河粉炒得好地道, 味道炒得岩岩好, 非常惹味, 最後我個人好推薦呢個泰式燒牛肉, 牛燒得好香, 肉質都好淋, 好好味👍配上個醬汁, 好有泰國風味,👍P.S: 我個人私心好推薦呢間金蘭花泰國菜館,係好地道嘅泰國今日我同同事係九龍城 行街買野 我地發現係九龍城周圍有好多泰國餐廳 我地行到見有啲攰就想搵個地方坐低食野 醫肚餓 於是我地就來到呢間金蘭花泰國菜館 我地入到去 店員好快就安排我地入坐 服務態度都好好 值得一讚 我地點左炒河粉 泰式燒牛肉 同小食拼盤先講講個小食拼盤 食物種類好多 每樣都好有泰式風味 我最愛就係串燒 之後來左個炒河粉 河粉炒得好地道 味道炒得岩岩好 非常惹味 最後我個人好推薦呢個

同朋友行完街肚餓，經過見到呢間泰國菜就坐低醫下個肚仔先😋我地叫咗份炒雜菜🥗魚鍋🐟同咖哩炒蟹🦀🥬炒雜菜個份量原來都幾足👍🏼仲有我最愛食既蘑菇同木耳🍄啲菜好爽口好嫩😋仲好新鮮好甜👍🏻仲有咖哩蟹都好出色🦀啲蟹夠哂大隻同新鮮😻🐟魚鍋既湯都唔錯幾好飲，夠哂鮮甜😆連份量都好夠，夠哂大條😻仲有其他配料，睇落個賣相非吸引😋我覺得呢間餐廳都幾多菜式選擇，個人推薦呢到既咖哩同海鮮👍🏼環境同服務都唔錯👍🏻都會有2人同4人套餐💖岩哂叫埋親朋戚友黎食😋