金蘭花泰國菜館

今次嚟到开咗至少30年嘅九龙城泰国菜～一入到去全部都系泰国人侍应，都已经充满泰国风味！目测到其他食客嘅份量都算大份，我哋都叫咗三款比较热门嘅菜式试一试😍我哋好彩晚上6点算早入座，因为食食吓已经陆陆续续见到出边已经排队….泰式生菜包平时系我最爱，所以食泰国菜一定要叫，呢度的生菜包酸酸辣辣又惹味，用生菜包住好清新爽口，同泰国食差不多，都值得一试💪泰式烧牛肉都几多人叫，我哋都试咗一份～肉类嘅份量都算多，烧牛肉新鲜即烧，牛肉半生熟，保留住浓厚嘅牛肉味～再点埋佢哋个秘制酸酸辣辣的酱汁，加埋辣得几过引🫣食唔到辣的人会喷火…黄咖喱鸡大圆法包🥖系正宗嘅泰国甜黄咖喱，椰香味浓郁，喺个咖喱入边仲见到椰子肉、虾肉、鸡肉～都几足料！鸡肉都算嫩滑唔难口….值得一赞嘅就系佢的大圆法包，面包软得嚟，外皮又松脆….用嚟点咖喱真系画龙点睛，食包仲好食过食鸡😂好似食错重点….叫咗两杯饮品味道都唔错～分别系龙眼冰，味道清清甜甜嘅龙眼味～都几清新，表面龙眼肉都好多～都几足料！椰汁冰都唔差，有非常浓郁嘅椰子肉味，都几甜，都值得一试！整体店员服务态度都唔错，而且店舖嘅环境气氛都充满泰国餐馆feel！屹立咗30年嘅小店，值得支持下😆…查看更多

九龙城出名泰菜老字号《金兰花泰国菜馆》，开业多年仍然保持人气旺盛，今晚等我嚟一试究竟啦！🥬 泰式生菜包 泰式生菜包系开胃小食嘅王道！新鲜脆生生嘅生菜叶包住炒得香脆嘅猪肉碎，入面仲夹埋细细粒嘅香茅、蒜头、红辣椒同青柠，淋上特制鱼露酱汁，酸辣甜咸四味完美平衡，咬落爆汁，解腻又提神，夏天食完即刻觉得清爽，份量够晒一盘分享，好啱做开胃菜刺激味蕾！🐙 泰国明炉鲜鱿鱼锅 泰国明炉鲜鱿鱼锅热辣辣明炉上枱，视觉同味道都劲吸引！整只新鲜鱿鱼整条蒸煮再切开，鱿鱼鲜嫩得嚟熟度恰到好处，弹牙唔会老韧，配埋新鲜青柠片、红绿辣椒丝、香草同罗勒叶，汤底用鱼露同柠檬草熬成酸辣清新，带淡淡海鲜鲜味，明炉火力保持汤热到最后一口都暖笠笠，汤底入味但保持鱿鱼嘅原汁原味，简单健康无负担，好啱几个朋友围炉分享，边煮边食！爽🍲 青咖哩喱海鲜捞金边粉 青咖哩喱海鲜捞金边粉绝对系泰式咖哩嘅经典代表，海鲜新鲜，有弹牙虾仁、十足咬口嘅鱿鱼圈同煮到啱啱好嘅青口，浸喺浓郁青咖哩酱入面，椰奶滑顺带青辣椒同香茅嘅清香，甜甜辣辣，金边粉细滑吸满咖哩汁，捞埋食啖啖海鲜配咖哩香够哂满足啊😌🥤 青柠梳打 青柠梳打系完美解辣饮品，清爽～新鲜青柠汁挤出酸味，泡入苏打水，饮落冰凉直入心脾，叫无糖可以完美平衡泰式菜嘅辣味同油腻，饮完即刻醒神提神，无负担又好味，感觉自己喺泰国chill紧！…查看更多

而家有左宋皇台站之后, 去九龙城真系方便左好多, 今晚想同朋友食下泰菜,行左几条街见到呢间, 写住超过30年老字号, 有两间铺头, 店员都系泰国人, 重点系不加一, 一于就同朋友试下先墙上面好多上菜都好吸引见到隔离枱叫脆皮猪手都好靓, 不过下次要多人小小先叫到而我地就叫左泰式烧牛肉见到有几枱客人都有叫呢个泰式烧牛肉我地一于跟！黎到份量都好多,牛肉烧到七至八成熟食落口感岩岩好, 唔鞋口,粉嫩juicy, 炭香扑鼻点埋个汁, 酸酸辣辣好开胃泰式烧猪颈肉每次食泰国菜都必叫既猪颈肉呢度既猪颈肉都系水准之上大圆法包椰皇黄咖喱鸡睇相已经对呢个好有兴趣, 咖喱同埋法包真系无法抗拒用左原个椰青熬煮出黎既黄咖喱鸡肉滑嫩, 最惊喜系个椰肉, 开头咬落去以为系洋葱, 点知原来系椰肉, 好清甜咖喱香浓幼滑带小小微辣香法包外脆内软, 咬落去嗦嗦声浸落去咖哩度一齐食, 最后不经意就食哂成个法包最后叫埋龙眼冰同青柠梳打透心凉之选…查看更多

九龙城呢间泰菜够晒地道，晚市同朋友去食，$400几蚊就食到地道泰国菜，仲要份量十足～ 🦐 炸虾饼即叫即炸热辣辣！外皮金黄酥脆，虾肉弹牙，点埋甜酸酱更加开胃～ 🐚 九层塔香茅泰汁炒蚬蚬肉饱满冇沙，九层塔同香茅香气满满，个汁辣辣地好惹味！ 🔥 泰国明炉鲜鱿原条鲜鱿用泰式香料汤底煮，鱿鱼弹牙鲜味个汤酸辣醒胃，饮完成个人暖笠笠～ 🍹龙眼冰龙眼肉多到满泻，甜度适中，解辣一流～ 🍋 青柠梳打清新解腻，青柠香气突出～～…查看更多

黎到九龙城食泰国野就最岩，依间小店质素都高好好食！首先叫左泰式生菜包 ，上枱份量非常充足，肉碎嘅调味好够，酸酸地辣辣地，生菜包住食系几开胃见到附近好多枱都系嗌泰式烧牛肉，就跟埋佢哋一齐试！上枱热辣辣好香，牛肉保持肉汁一啲都唔干身，配辣汁几香。仲叫左黄咖喱鸡大圆法包，个咖喱好香好甜法包吸晒啲汁好好食。初头见到白色透明嘅以为系鱿鱼，但系其实系椰子，煮到好软熟同咖哩几夹，鸡肉都非常嫩滑饮品叫左龙眼冰，饮落清清地，唔会太甜仲有叫左椰汁冰，椰香味浓郁解辣一流依间小店几出色！…查看更多