金華餐廳小廚

营业中

休息中

又是中伏, 網上的推介也不能盡信. 適逢暴雨天, 小不點一行十人遠遠跑來石硤尾晚飯, 抱著品嚐美食之心, 結果普通再普通, 沒甚驚喜之作. 什麼胡椒豬肚湯浸蜆, 胡椒湯味完全不突出, 椒鹽鮮魷, 就是鹹到要退貨, 炸子雞只有皮脆, 沒有雞味.  倒是碌鵝, 小炒皇, 味道不錯, 稍有賣點. 涼拌雲耳魚皮, 豉汁蒸鱔, 腐乳通菜, 咕嚕豬頸肉 (猪頸肉存有很多毒素和激素, 是低價食材, 绝不建議多吃, 對身體百害而不利) , 以上菜式不過不失, 平凡小店, 大眾化的價錢, 但没有再來的衝動.  

今日午餐時份就嚟到石硤尾南山邨覓食，店舖位於低層角落位，不是太好揾。店舖裡面乾淨企理，座位闊落舒適，找了個角落位坐下，睇下餐牌有什麼吸引，一睇就見到我最喜愛既什會飯，都唔使點諗就呢個啦！首先嚟個粟米蘿蔔例湯，唔錯，有d味道，跟住什會飯就到，都幾多汁，試下個汁先，略嫌偏淡，但都仲有d味道既。配料都唔錯，有豬肚，大蝦，叉燒，豬膶。整體算滿意。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚

南山邨乾淨企理嘅大排檔小炒！有傳統港式小菜，川菜湘菜都有。🔸湘式辣子雞 $168/半隻雞肉先炸後炒，外酥內嫩。第一啖辣度唔高，但後勁凌厲，而且花椒嘅麻香都幾出。🔸乾煸椰菜海味粉絲煲 $98店員形容係「人手一鍋」，果然冇誇張，好味到下次嚟都會encore。椰菜絲、粉絲（夠乾身！）、蛋碎吸收晒XO醬嘅味道，又香又惹味。撈飯超正！🔸椒鹽鮮魷 $118鮮魷全部大大件，口感爽脆彈牙。炸粉又薄又脆。🔸蒜蓉粉絲蒸扇貝 $98/2巨型扇貝，貝肉好厚身而且超級鮮甜。

位於石硤尾❣︎金華餐廳小廚❣︎係一間港式大排檔餐廳，深受街坊歡迎👏🏻我今晚來晚飯，幾乎全場full晒🤩認真厲害，呢到嘅食物款式相當多😋碟頭亦非常大碟👍🏻一入座仲即刻送例湯添，感覺非常暖心🫶🏻岩晒一家大細或者朋友飲酒晚飯聚會。❣︎奇味雞煲❣︎（半隻）$168用gags爐上，保證啲雞熱辣辣😋雞肉非常嫩滑，醬汁濃郁鹹鹹甜甜，配料仲有洋蔥，菇菌同芫荽。❣︎川辣回鍋肉❣︎$88炒得相當有穫氣😋👍🏻回鍋肉肥瘦適中，配料有椰菜，紅椒黃椒，洋蔥同蔥，望落去相當開胃，超好送飯。❣︎豉汁蒸黃花❣︎118麵豉醬汁非常香濃😋魚肉滑嫩清鮮。❣︎蒜蓉粉絲蒸開邊蝦❣︎時價開邊蝦鮮嫩又爽滑😋大量粉絲鋪底，粉絲索晒蝦汁精華，蒜蓉同豉油汁，真係超美味。

成日聽人講石峽尾好多好嘢食，今日同老公過嚟石峽尾睇下有咩好西食先，發現南山邨有間小炒價錢經濟實惠，二話不說試下先。 一坐低，職員即時送上例湯。 大漠湘式扇香骨： 扇香骨表面鋪上大量金蒜，非常香辣惹味 椒鹽鮮魷： 魷魚撲上一層薄生粉，炸至金黃。香脆可口，魷魚爽口鮮甜，椒鹽味道惹味，送啤酒一流。 馬拉盞通菜煲： 鹹香味十足，通菜爽甜翠綠，非常惹味。 鹹魚雞粒炒飯： 份量非常大碟，炒飯夠乾身，粒粒分明，有鹹香味。 滑蛋炒蝦仁： 炒蛋非常嫩滑， 配有香蔥嘅味道 ，蝦仁夠大隻，爽口又彈牙，送飯一流。

小時候經常在南山邨出沒，現在舊地重遊，面貌改變了不少。到此一遊，當然要來個晚餐，才不枉此行。金華餐廳小廚，環境乾淨企理，地方相對闊落，親切而舒適。是夜的豐富晚餐 😋😋😋艇王酸菜魚 $198賣相豪華，份量超多！魚片嫩滑鮮味，窩荀爽脆，薯粉滑漏，湯底惹味，高水準！蒜蓉粉絲蒸蟶子 @$48蟶子鮮甜，粉絲吸滿了蟶子的精華，加上豉油汁吊味，正！鹹排骨芥菜煲 $98雖未到十月，芥菜都嫩滑無渣，鹹排骨有肉香，有鹹味，好食！啖湯更是下火的好料子，熱呼呼的給喝過清光金牌炸子雞半隻 $148火紅色的賣相，雞皮脆口，雞有肉汁，不愧為大熱招片菜式凍檸檬可樂 $8及凍檸檬利賓納 $8

🍽️金華餐廳小廚 (石硤尾)📍石硤尾大坑東道111號南山邨南山商場地下1號舖新開張嘅屋邨貼地茶餐廳，聽聞菜式真係超多，位置方便！今日收工專登過嚟試下。～椒鹽九肚魚經典粵菜，炸到外脆裡嫩，魚肉好新鮮，椒鹽搭配得啱啱好，就算唔送飯都唔會覺得好鹹，份量出乎意料，夠三個人食。～順德馳名碌鵝（1/4隻）一上檯我就以為我落錯咗一隻定半隻，份量會唔會太大份太抵食咗啲？？味道可以話勝過深圳食，滷水汁濃郁夠味，肉質唔會好韌，滷到呢個質素，不愧係招牌菜。～鮑魚滑雞煲（半隻）最高性價比嘅餸，半隻雞有一個大煲，證明隻雞本身真係好肥美，最重要係鮑魚爽口彈牙，有六粒大大隻！味道比較濃啲，送飯一流。～野山椒炒牛柳粒小辣牛柳粒，辣度啱啱好，超好味一口牛，鍋氣十足，但如果兩個人食就要小心食唔曬，個個餸都係一百蚊多少少但起碼夠4個人食。南山邨真係好有歷史，一路行過黎穿過街市好似返咗90年代，屋邨小店都可以好高質素，經理話可以自帶海鮮加工，下次要試下先！

石硤尾南山邨嘅金華餐廳，勝在夠地道，想食港式小炒，呢度係個唔錯嘅選擇胡椒豬肚花蛤湯，湯底清甜得嚟帶微微胡椒辛香，豬肚爽口冇異味，花蛤鮮味突出，飲完成個人暖笠笠，尤其適合轉季時飲。金牌欖角骨係人氣之選，排骨炸得外脆內嫩，欖角醬鹹甜平衡，唔會太膩，送飯一流。 至於小炒皇，鑊氣十足，蝦乾、魷魚同韭菜花炒得爽脆，加咗啲銀魚仔增加口感，整體香口得嚟唔會太油，算係水準之作。如果想試其他菜式，蒜蓉粉絲蒸海鮮都幾受歡迎！環境方面，餐廳光猛企理，坐得幾舒服。服務就正常，上菜速度都算快。

今日去石硤尾朋友度打麻雀，打完餓到癲，就去咗佢樓下間新開咗幾個月嘅金華餐廳小廚試吓，點知有驚喜喎！ 首先叫咗個鮑魚滑雞煲（半隻）啲雞真係好嫩滑，仲要吸晒鮑魚汁嘅鮮味，估唔到啲鮑魚咬落夠淋又入味，送飯一流！ 跟住個（豉油皇海蝦）都好出色，啲蝦大大隻又彈牙，豉油炒到啱啱好，唔會太鹹，仲有少少甜味，連蝦殼都脆到可以食埋！ （西蘭花炒龍躉球）就夠晒健康，龍躉肉厚實又冇骨，啖啖肉，西蘭花炒得爽脆，個芡汁都唔會太厚，抵讚！ 最正係個（蒜蓉粉絲蒸蟶子）蟶子鮮甜到爆，蒜蓉勁香，粉絲吸晒啲精華，我同朋友爭住食！ 整體來講，呢間小廚抵食夾大件，服務又唔錯，＂如果你喺石硤尾附近，值得試吓！

城市大學工作的朋友約食飯，指鄰近大學的南山邨有間隱世餐廳小廚，位置在南山商場地下中央，地方光猛寬敞，很受街坊及大學生歡迎，有生猛海鮮、煲仔菜、蒸餸、煎炸小菜、各式小炒。我們點了金華小炒皇、椒鹽鮮魷、柚子咕嚕蝦球、金牌欖角骨、咖哩牛腩煲，全部即點即製。🫕金華小炒皇有蝦乾、魚仔、魷魚鬚、菜甫、腰果、韮菜花爆炒，鑊氣十足，非常香口惹味。🦑椒鹽鮮魷好新鮮彈牙，外層炸得酥脆。🦐柚子咕嚕蝦球好大隻，相當爽彈，柚子咕嚕汁掛晒上蝦球，酸酸甜甜有柚子香。🍖金牌欖角骨又是另一驚喜，肉質好鬆軟，咸香欖角加上蜜汁好美味。🥘咖哩牛腩煲，咖哩香濃唔辣，牛腩軟腍入晒味，薯仔鬆化。餐廳出品的確高質，各項調味都好恰當，而且價錢實惠，係受學生同街坊歡迎餐廳的主要原因。

呢晚同朋友一齊嚟咗呢間餐牌寫住《港式風味之旅》嘅餐廳食個港式晚餐🤣$128「大漠湘式扇香骨」：「扇香骨」條骨好幼黐住好多肉，加咗好多炸香咗嘅蒜頭同埋紅辣椒，香口好食🤣$88「金銀蛋浸菜心」：菜心新鮮幾爽脆，加埋大量鹹蛋同皮蛋一齊煮，味道又濃郁啲🤣$128「金華客家鹽焗雞半隻」：鹽焗雞好有鹹香，雞肉肉質整體嚟講都幾軟熟，非常有客家風味🤣$118「豉汁蒸黃花魚」：「黃花魚」肉質夠晒細滑，豉汁蒸味道又濃郁少少🤣仲叫咗兩杯「熱檸水🍋」：廚房已經落咗少少糖所以少少甜，幾清新🤣見到好多街坊嚟呢度食晚餐🤣👍

今天晚上，我們去到南山邨南山商場地下1號舖金華餐廳小廚(石硤尾)晚餐。我们點了一些令人垂涎欲滴的菜肴。首先端上桌的是椒鹽九肚魚$98，其香酥外皮和嫩滑魚肉搭配得恰到好處，讓人忍不住多吃幾塊。接著是梅菜蒸肉餅$88，清新的梅菜與肉餅的鮮香融為一體，令人回味無窮。隨後，一鍋熱氣騰騰的海鮮雜菜煲$98上桌，海鮮的鮮甜與蔬菜的健康成分完美結合。淮香生海蝦$98更是令人驚喜，蝦肉鮮嫩，帶著濃濃的淮揚風味。此外，搭配著一瓶冰涼的朝日啤酒$35，整頓晚餐的氛圍更加歡樂。一頓美食不僅是味蕾的享受，更是心靈的放鬆。今晚的用餐體驗讓人感受到美味背後的用心，這樣的時光值得珍藏。

今日嘅活動係去舊區city walk 就比我響南山商場搵到呢間小炒店 未到六點 已經好多食客再望下menu 價錢非常親民 一於就幫襯吓先～❣️中式牛柳牛柳用上西冷牛扒 啖啖肉 唔會韌食落有淡淡美極味 芡汁唔會話好杰好甜 味道恰到好處 洋蔥都爆到好香 撈飯一流❣️黃金鮮魷今晚嘅一大highlight🌟極度邪惡 但超級好味外層嘅炸漿好鬆化 沾滿滿滿嘅鹹蛋黃但食落冇油膩同成口油嘅感覺鮮魷食落唔會韌 火候拿捏得好好❣️鹹魚雞粒豆腐煲上菜時個煲燒到吱吱聲 食小炒就係要呢種感覺豆腐粒輕輕走過油 外層香口裏面嫩滑仲落咗好多雞粒 食落鹹魚香味慢慢滲出嚟食到落煲底都冇話成層油 用嚟撈飯都好安心❣️蒜香骨夠晒鑊氣 一上檯啲蒜香味爆出嚟一字骨醃得夠入味 食落好多肉位 唔會得啲骨 一碟份量好足 呢味用嚟佐酒最啱❣️金銀蛋白菜仔有誠意嘅出品 睇吓個湯都校到金黃色就知啦上湯充滿住蒜子香 同埋啲金銀蛋融合埋一齊白菜仔充分吸收咗上湯嘅味道 一啲都唔單調鹹檸七唔係度度有得飲㗎～呢度雖然係屋村小炒店 但格局非常企理而且環境乾淨 食得好舒服 老闆娘仲好鍾意同大家傾吓偈 了解吓大家口味添呢種感覺正正就係老香港嘅味道

金華餐廳小廚 (石硤尾)石硤尾大坑東道111號南山邨南山商場地下1號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：老乾媽尖椒炒大腸 $98，豆腐魚腩煲 $98，川辣回鍋肉 $88老乾媽尖椒炒大腸：新鮮的大腸與尖椒完美結合，呈現出鮮亮的色彩。大腸經過精心醃製，保留了肉質的鮮美，炒至香噴噴，外焦內嫩。尖椒則提供了獨特的香氣和微辣的口感，老乾媽的調味醬是這道菜的靈魂，濃郁的香辣味道與大腸的鮮香相得益彰，讓人一口接一口！😄😄😄豆腐魚腩煲：魚腩煲色澤誘人，香氣四溢，新鮮的魚腩搭配滑嫩的豆腐，讓人一眼就能感受到食材的鮮美。魚腩經過精心處理，保留了肉質的細膩和鮮甜，豆腐則吸收了湯汁的精華，口感柔滑，還份量十足！👍👍👍川辣回鍋肉：五花腩肉經過煮熟後再切片，炒至金黃酥脆，外焦內嫩，肉香四溢。搭配青蒜和紅椒，色彩鮮艷，增添了視覺的享受。調味方面，使用了豆瓣醬、蒜末和生抽，讓整道菜的味道層次分明，香辣中帶有一絲微甜，令人食指大動！😍😍😍

石硤尾南山邨是很多香港人的集體回憶, 最近開了一間大排檔小炒新食店 ~ 金華餐廳小廚, 除了大排檔美食, 還有很多其他特色食物, 例如順德碌鵝、炸子雞及不同的海鮮煮法, 價錢是街坊的實惠價。椒鹽鮮魷 ~ 炸漿超薄, 入口先脆後爽彈, 餐廳位於街市附近, 鮮魷極新鮮, 鮮甜爽口。金牌欖角骨 ~這個欖角骨汁液很特別, 排骨先醃製走油, 爆香欖角碎, 回鍋排骨爆炒, 再加上蜜汁, 欖角碎及蜜汁黏付在排骨上, 令排骨鹹香得來帶點欖角的香味, 蜜汁又可中和欖角的鹹味, 這個小菜煮法有新鮮感, 又美味 , 我們都很喜愛, 必食。朵椒蒸大鱔 ~ 常常吃豉汁蒸大鱔, 今天來個朵椒蒸大鱔, 朵椒除咗跟魚頭夾, 原來跟大鱔都很夾的, 香辣的朵椒可減去大鱔的油膩感, 大鱔的肉嫩鮮美肉質, 永遠是最吸引食家的原素,大鱔也有滋補肝腎的功效, 百吃不厭。金牌小炒王 ~ 小炒王是我吃大排檔美食必吃的菜式, 小炒王做得好吃的大排檔, 其他菜式不會差得去哪裏, 金華餐廳小廚的金牌小炒王材料非常豐富； 翠綠韭菜、鮮彈鮮魷鬚、爽脆菜脯、原粒腰果、咸鮮蝦干、爽口茜芹和椒絲等, 鑊氣十足, 味道豐富, 鹹香惹味, 伴飯妙品手工