金華冰廳

離開香港之前好想食菠蘿油蛋撻 其實都唔知邊間特別好上網見人食呢間就去呢間 🤔 點知都幾失望菠蘿油熱個皮又唔脆 西多士就正常發揮啦蛋撻都冇特別出色 感覺就好似周圍都有嘅茶記咁🫢…Read More

幾年前來食過豬扒菠蘿包覺得唔錯，今日突然間想食，所以特登搭車過來。但完全變質，菠蘿包層皮唔脆，口感粉粉地，雞翼唔熱，似擺左好耐。每人最低消費一杯飲品，枱面嘅menu大部份唔係餐，所以谷住要散叫飲品，$20起跳。凍咖啡酸酸地，叫凍檸茶少甜，但仲甜過你。下午茶來講20蚊一杯飲品幾貴，又難飲。服務態度唔洗講，個個都好似唔優做咁，話曬冇加你一。服務同食物質素都變到咁差，以後唔會再幫襯了…Read More

入到去打算食個下午茶，一坐底，未夠5秒個阿伯員工已經行過黎問食咩，我就話睇睇先，佢就企起旁邊一等，明顯係feel到比壓力同有眼色 。枱面咁鬼多張廳牌，想快少少我咪問阿伯下午茶menu係邊 。阿伯員工一搵到位，即刻長驅直入「你又話睇睇先？」個語氣串到呢，真係好似我好想阻佢時間咁。之後佢就指左比我「咪呢到囉」 。然後又問食咩，我3個人，諗下傾下都要啦，由坐低到比你串完都未夠廿秒，依家考我速讀？咁一個阿伯員工已經好極品，點知個收銀阿婆仲犀利，有個客人食完埋完單，比個收銀阿婆話佢同細佬唔夠低消，串佢唔好再黎 。個客即刻比佢嬲到震，原地發爛渣話要投訴佢，嘈左十幾分鐘，個收銀激嬲人好似好開心咁，托住個腮睇個客嘈佢，全體員工都覺得個客傻既，一齊睇 。我冇睇下文，食完就走人，野食好普，菠蘿油舊油又簿又細，仲要冇餐 。d雞翼做好直接櫃拎出嚟，涼就必然既，不過唔夠呢到d員工咁涼薄 。…Read More

新鮮出爐菠蘿油，外脆內軟配合牛油香味，配一杯香滑奶茶，簡直天衣無縫😍仲有新鮮酥皮蛋撻，離遠已經已經是香味撲鼻，一次過食兩個都唔過分。每次外遊幾天番香港都會掛住佢，一定要來食一次。…Read More

特登來食菠蘿油，完全垃圾今日心血來潮諗住係九龍揾間菠蘿油試下，專登上網睇睇幾個推介講金華，放棄平時食開既紅茶同敏華浪費少少時間覓食下好西。 晚市時間行到門口見裏面小貓幾隻，個心都十五十六，心諗食個菠蘿油飲杯嚼Okay掛...坐低叫左杯凍鴦同菠蘿油， 順便叫個啊姐抹枱，完全係一副唔想撈既樣。 菠蘿油來了，油細無油香，疑似植物牛油，個包皮死甜唔脆，個包先最worse，凍不特止，完全實到唔好提及鬆軟，懷疑係預製菠蘿包...成件事無溫度無口感，絕對愧對馳名菠蘿油既名諱！ 現場都係遊客居多，有三分之一香港人，仲未講杯凍鴦，甜L 過你同我條命，成個體驗炒Q曬車，一次拜拜！…Read More

太子有一間歷史悠久嘅冰室，聽聞啲遊客去香港都會食呢間，小編一直都bookmark咗，今次終於同朋友去試吓😋🩵✨芝士咖喱雞扒撈丁 $55推薦度：8.8/10咖哩味香濃，撈丁係普通公仔麵，雞扒份量好足料，雞肉好滑嫩，加上芝士好邪惡又好正😋，食落覺得第一啖好驚艷，之後越食越覺得膩，好彩係同朋友一齊食，自己一個會食唔曬🤣✨得獎西多士 $24推薦度：8.4/10 多士好鬆軟，配上一塊牛油同大量糖漿，都好大份，呢個價錢好抵食！呢個西多士拎過獎，食之前對佢有好高期望，可惜食落覺得冇特別驚艷，普普通通🥹‼️女小編👧🏻：味道：8.5/10環境：8/10服務：8/10性價比：9.3/10📍金華冰廳 (太子)太子弼街47號地舖‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚⟡˖ ࣪ 𓈒 ˖ ࣪ 𝜗𝜚‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚…Read More

今日帶住一個六歲小朋友去食飯，可能佢有最低消費啦，叫咗一個蕃茄雞扒飯冇特別加嘢飲$61，個侍應行埋嚟話一定要叫嘢飲，我問佢點解，佢話冇得解一定要加嘢飲，我問佢熱飲加幾多錢佢話唔係加幾多錢，係要散叫，一杯熱飲差唔多$20，都唔緊要，其實態度又唔使咁差嘅，我明白可能你有最低消費，但你可以好聲好氣同我講，而唔係態度咁差，我帶住一個小朋友其實真係好難嗌到兩碟嘢食，可能要叫杯嘢飲先可以滿足你嘅要求，冇問題，態度可以好啲。可能淨係做遊客生意啦，所以對於本地人唔需要態度咁好？永遠不會再幫襯。…Read More

在网上搜索香港早餐，蹦出来的第一家就是这个。有人说对大陆游客态度不好，因此还比较忐忑。来了之后店员很热情，没有网上说的那样。饭也很好吃，点了西多士和菠萝包，份量太多，实在吃不动啦…Read More

之前就常聽人說， 金華冰廳 的菠蘿油、蛋撻都是必吃的，剛好來到太子就決定吃吃看。一走進店内，發現客人幾乎都是遊客，連店員一開始已經是說普通話。能感受到這間冰廳完全是觀光客的熱門選擇。因為當下有點餓的關係，我就點了 精選麵餐 (HKD 46)選了最經典的沙嗲牛肉公仔麵。沙嗲味差不算很濃，少了我期待的花生香。牛肉片都算厚身，但吃落嚡口。整體來說覺得一般。而且這個麵餐只配一杯飲品，不過奶茶夠香夠滑，替這一餐稍微加點分數。鮮油菠蘿包 (HKD 13) 幸好這一個才是主角，而且確實也不錯。外層金黃且糖皮烤得剛剛好，咬下去又酥又甜，再加上中間的牛油，每一口都超滿足。…Read More

放學後想搵個地方俾女女食啲嘢，又唔想太嘈，最後揀咗太子金華冰廳。間舖好易搵，離地鐵站行幾分鐘就到。入到去見到幾多家庭客，枱與枱之間唔算太迫，BB車都放得落，幾方便。我哋點咗招牌菠蘿油加熱奶茶。菠蘿包一上枱仲熱辣辣，啲牛油喺入面溶到出晒油香，外脆內軟，女女食到停唔到口。奶茶唔會太濃，甜度啱啱好，我都飲得安心。女女平時唔鍾意飲茶，今次竟然話「好香呀～」餐廳整體環境乾淨，地板冇油跡，餐具亦都乾淨企理。職員都幾有耐性，見到我拎住BB袋仲主動幫我安排位。落單之後唔使等好耐，十零分鐘已經上齊晒，對小朋友嚟講時間啱啱好唔會攰。👍🍞🍼…Read More

大熱天唔捨得開冷氣，冷氣不足。檯凳之間太逼，坐的又唔舒服。啱啱坐低點單期間，小朋友鬧話肚餓想食麵包先。媽媽就拎美心麵包出來比小朋友咬幾彈，即刻比店員指住個指示牌，惡言相向話外帶食物不准食。我們第一次去食，不知貴店規矩，但都不至於如此態度。我們放棄點單，起身準備離開，店員仲寸寸貢話，88不送！行多幾步去了另一間茶餐廳，冷氣足，做得舒服，好好態度，小朋友食完整個麵包都無問題。真係天差地別！做遊客生意，讓遊客體驗下香港傳統茶餐廳的惡劣態度，可能對遊客來講是一種樂趣，但不是長久之計。食物無點，比三分，環境同態度負分。…Read More

聽講好出名就嚟試試個菠蘿油，得個包大個，入面塊牛油勁細，咬個包有一半時間都冇牛油，個包仲要唔鬆軟。個西多士花生醬又勁少，食物好伏，啲職員成張單拋過嚟，勁冇禮貌。想試菠蘿油嘅人士慎入。…Read More

今日同朋友去到太子 特登過嚟呢間金華冰廳 試吓佢最出名嘅菠蘿油同西多士 一入嚟見到門口痴咗好多同唔同明星嘅合照 3點幾去到都唔洗排隊 一坐低就叫咗個菠蘿油 西多士 同埋榨菜肉絲米餐跟凍檸茶 原來每人最低消費要叫一杯嘢飲 所以再叫多一杯熱奶茶同熱咖啡 菠蘿油一上到 發覺夾住個塊牛油細得可憐 要掀開塊菠蘿包先見到入面嘅牛油仔 完全冇冰火菠蘿油嘅感覺 個菠蘿包外皮係脆嘅 但係個菠蘿包係冇麵包個種香味 又有啲凍 一啲都唔好食西多士上到嚟 外表係正常 但食落有陣檸檬味 糖漿唔夠香 雪菜肉絲味同嘢飲就正常發揮 但唔會再嚟食 …Read More

約咗人喺太子食晚飯，但係又未夠鐘，於是就同其中一個friend去呢間非常之出名嘅茶餐廳飲杯嘢坐一陣等夠鐘，咁一場嚟到呢間嘢菠蘿包菠蘿油蛋撻文明嘅茶餐廳又點會只係飲杯嘢喎，但係因為就嚟食飯所以又唔可以食好多嘢，於是我哋就兩個人share一個菠蘿包啦，唔知係我哋唔好彩定係呢間舖頭嘅出品真係差，個菠蘿包雖然有微溫，但係明顯係韌嘅，食落嘅感覺就似用微波爐叮過一下，雖然係八蚊一個菠蘿包，不過我真心失望，又或者可能係希望越大失望越大。…Read More

我以前住喺太子，所以會經常嚟呢間店鋪食菠蘿包，呢間店鋪菠蘿包，非常出名，所以多經常推介朋友過嚟食。自從搬走去其他區住，我之後就好少嚟了。最近有朋友嚟太子，就順道嚟試下。環境比以前靚咗，裝修過。菠蘿包繼續都係個味道，唔錯。我係自己比咗一百幾蚊出來請朋友食，收據一早已經丟了，點會無啦啦影收據😡。…Read More