金色不如帰 (又一城)

九龙塘食晏冇咩特别多选择，一个人咁啱想食拉面就快快食一碗贝汁酱油拉面，晏昼2点几，唔多人，落单后好快有得食，佢地嘅拉面一般都100几蚊一碗，都算比较贵，面嘅硬度适中，汤底几清爽，唔会太咸，但略嫌配料有啲少，面量唔多，食完唔太够饱..但味道整体可以接受，但性价比就唔高咁lo。…查看更多

听讲呢间餐厅啲蚝拉面好出色，咁啱今日去开又一城又有分店所以就去试试看。我哋有事先OpenRice book到，去到人数唔算多，我谂坐咗一半都冇，但系竟然喺门口企咗成5分钟都都冇人出嚟招待过我哋。最后系煮紧拉面𠮶位师傅见到我哋企咗好耐都冇人理过我哋先帮手叫同事出嚟。入到去坐低打开餐牌，发现原来呢间并没有蚝嘅拉面，只有一啲好基本嘅盐味拉面，酱油拉面。咁都唔紧要啦，见呢间餐厅咁出名，由日本开到嚟香港，都应该会好食嘅。拉面到咗，卖相的确系唔错，但系食落口确实非常非常普通。两款味道差不多，而且份量都好细。两片豚肉好嚡好实。性价比实在唔高。都算系一间可一不可再嘅拉面店。…查看更多

#20250611 🤍📍 #金色不如帰 @konjikihototogisuhk九龙塘达之路80号又一城LG2楼LG2-25号舖 🍽️尖沙咀｜中环｜黄竹坑均有分店➖➖➖➖➖➖➖➖➖➖➖➖➖➖➖➖➖#凉拌黑松露纹甲墨鱼 $70💭 呢个小食都算系一个惊喜，面头有洋葱、青瓜丝做精美摆盘，底下有十旧左右既墨鱼肉啦，配上酸酸地既汁，爽口弹牙又开胃，呢个价钱买到咁既质素系几值得🐙.#烟熏黑椒豚骨拉面 $115💭 个碗够哂大，但唔系好饱，叉烧得一块薄薄地嫌试味都唔够，配菜例如蛋果啲系要自己加钱tim，本身跟既配菜得葱同肉碎😅面系幼身既面，最主要系配个汤底，香浓黑椒配个猪骨汤都唔错，算系呢个拉面最值得回味嘅野🍜.#九龙塘美食 #🐷在九龙塘 #尖沙咀美食 #🐷在尖沙咀 #中环美食 #🐷在中环 #黄竹坑美食 #🐷在黄竹坑 #🐷_食 …查看更多

一碗$115嘅拉面，咩𩠌都冇除咗一块薄切嘅豚肉叉烧，仲要系鞋嘅，面就得几啖。去大家乐食碗叉烧饭都冇咁嬲。想做傻仔就嚟啦！A bowl of ramen for $115, with no toppings except for a thin slice of pork chashu, and it's tough. There are only a few bites of noodles. Even eating a char siu rice bowl at Café de Coral wouldn't make me this angry. If you want to feel like a fool, go for it! 👎…查看更多

谂住依间野都叫过江龙会ok，不过真心失望左。身为和牛控既我心血来潮去试佢𠮶个A5有田黑毛和牛，今次嘅经验，令我知道叫和牛唔好同汤面一齐叫，成件事系靭晒，咬唔烂🥲浪费左两块和牛～同埋冇谂过会有块鸭胸😂鸭胸反而仲好食～溏心蛋都几好，正常发挥。男朋友系拉面控，佢叫左个贝汁酱油拉面话有啲咸～佢都失望左。不过服务都唔错既，随时有店员招呼，野食都黎得快，冻乌龙茶好饮（有茶叶👍🏽）。环境唔错，坐得舒服。不过未必会encore🫣…查看更多