金羅寶韓國料理

营业中

休息中

今年生日又去咗金羅寶食烤肉。 無論如何都唔會喺屋企燒烤所以一定要堂食。 一家三口用兩個爐頭因為堂食只限二人一檯～ 中間塊版唔係透明， 我哋三個好似好有隔膜咁樣, 好唔方便。前菜都係分開， 二人八小碟。另外坐開的有4小碟。泡菜雖然爽脆但略嫌唔夠入味， 鹹魚仔乾太硬了。 最好吃還是醃菠菜，芽菜， 甜薯仔！ 辣腐皮也不錯～牛肋骨湯， 湯底清澈味道濃郁， 還有大量京蔥，略嫌牛肋骨唔夠腍， 搏鬥了很久～每次來都吃的牛排骨， 咬落軟腍鬆化， 選了調味 更突出牛肉嘅美味！充滿橙色醃料嘅豬肉 少少辣辣～ 好惹味， 豬肉肉質唔錯， 燒過都夠嫩滑有肉味。多春魚冇之前咁肥美，有少少澀， 但係都炸得幾香口。 小朋友最喜歡吃～唔夠我五點就要我哋埋單，佢話要食飯定清潔， 感覺有點趕。。贈送的甜品雪糕清新一吓味蕾，今餐非常滿足。

鍾意食韓燒驚我今次就嚟到比一般韓國料理餐廳高水準金羅寶，同朋友今次係咪食晏晝兩個人位置非常寬敞環境都舒適 ，傾偈都唔會覺得好嘈而且食物水準高非常推介啲菜上得非常快，羊肉好鹹加甜我個人唔太喜歡，拼盤還算可接受不過不失，配埋菜食比較清爽我個人喜歡💕冷面🍜好清爽清甜好食😋地址－銅鑼灣記利佐治街1號金百利廣場6樓環境／設施－乾淨衛生特色－8碟泡菜，款式之多款款都夠晒開人均價格－$500評分－4#本地遊

東角道嘅金百利大廈一向有好多餐廳今日揀咗食韓國菜金百利大廈唯一嘅唔好處就係太多人等𨋢食完飯要走都好難上到𨋢尤其是響低層午飯時間都好多人嚟食第一次嚟食估唔到呢度地方都好大估計都容納到一百人以上感覺裝修又有啲似中式嘅茶樓雖然係午飯時間接近都坐滿晒但係好彩都唔使等位食韓國餐一定唔少得呢啲配菜呢間餐廳都提供左八款泡菜比較淡口同埋都唔係好辣牛肉蓋飯睇佢個賣相真係一啲都唔似值九十蚊同茶餐廳嘅碟頭飯冇乜分別味道都唔係好韓國不過牛肉嘅質素唔差牛肉炒粉絲食韓國菜我一定會叫炒粉絲食我係炒粉絲嘅粉絲最鍾意就係食落甜甜地咁嘅味道呢間炒得比較油牛柳條都比較乾身同埋韌

約左朋友係呢到食醬油蟹，結果一肚氣。我唔明一間完全唔平的餐廳點解可以服務態度咁差？？！！平時都十問九唔應，點左個火鍋要求加湯，結果咩都唔說明就加水，邊加邊態度好差咁話加湯要加錢，加熱水時差d整到我！永遠blacklist!

係銅鑼灣區最中心忽然落大雨, 唯有去搵間韓國餐廳dinner, 經openrice search見到依間看似正宗既韓國餐廳, 所以貿貿然沖入去食。本身以為係銅鑼灣區最中心既餐廳而以遊客為主既會係貴價兼唔好食，但原來並唔係我心目中咁諗架!!!!入面都有唔少香港人食!雖然價錢偏貴但份量就大大份，好適合一大班朋友食! 所有你up得出既韓國料理都會出現係menu之上! 今次2個女仔食我地都叫得唔少野架!首先一到就係8小碟小菜，特別薯仔(好甜)同一條條類似魚片條最啱我胃口，其餘都份外好食!1.牛肋骨湯: 本身會以為湯底會好濃，但其實係好清淡的。入面配料仲有粉絲、蘿蔔、蛋花等等… 一路食濃味食物一路飲淡淡地既湯先冇咁漏2.海鮮煎餅: 配料十足掂住醬油食令人回味! 而且個邊邊煎得香脆可口 厚度剛剛好! 係食過最好食的海鮮煎餅3.牛肉雜錦拌飯: 每一啖都夾著牛肉拌所有其他配料連埋飯焦食都係冇得彈!

曾幾何時每晚都在外面吃飯，都沒有什麼感覺，自從限聚令之後，發覺幸福不是必然的。一場疫情，改變了所有香港人的習慣，令到無飯家庭變成了外賣家庭。雖然沒有堂食，不過飯總要吃的，今晚便來到了外賣韓式料理。牛肋骨湯$148，牛肋骨肉有四大件，湯頭味道鮮甜，蘿蔔吸收了湯底，味道更佳。值得一提：這個湯除了外賣盒之外，還有膠袋承載着，可以保持溫度又衛生。韓式什錦雞肉炒粉絲$148，韓國粉絲比中國粉絲粗身一點，更加爽滑彈牙，而香濃的醬油，令到整個粉絲更加好味，如果在堂食，當然味道更佳。想不到這裏自家製的泡菜，會跟隨外賣免費附送，其中以辣泡菜，味道最為出色，如果下次再來，這是其中一個原因。

好食牛肉刺身飯，外賣仲有八折之前食過金羅寶堂食，烤肉新鮮，環境高級又充滿韓國風味。可惜而家疫情期間都避免堂食。所以決定外賣返屋企回味下。二個人一人叫左一個飯。估唔到外賣都有前菜提供，我哋買咗兩個飯所以有兩盒前菜。牛肉刺身雜錦飯$190冇諗過原來牛肉刺身飯都幾好食，牛肉食落完全唔會覺得係食緊生牛肉，加上下面有暖暖既飯，食到飽飽的。我最中意韓國嘅飯，因為只要將所有配菜同飯拌勻在一起，就已經食得，味道絕對足夠👍🏻 辣泡菜炒飯$110老公中意辣泡菜炒飯，炒得好乾身爽口，唔算太辣。而且成個炒飯份量都幾多。

最近疫情蔓延，日日有百多宗病症，令人又驚又擔心。對於一班努力翻工的打公仔來說，連外出食午餐都要隔外小心，真係令人氣餒呀。為健康著想，最近上班中午食飯，都由堂食變做外賣，拿飯盒回公司獨自食，感覺上會安全。最近不少餐廳都有提出抗疫優惠，外賣比堂食更便宜，今次就試吓公司附近的韓國餐廳，外賣會有八折，吸引不少打公仔光顧呀。辣炒豬肉年糕 $83(未折)食韓國真的不少得年糕，年糕可以自選肉類，可以選牛、豬、雞，今天和同事分享，由於他不吃牛，所以我選了豬肉。年糕好煙靭，辣度好高，好惹味！炒牛肉粉絲蓋飯 $78 (未折)這個蓋飯同樣可以選牛、豬、雞，牛肉切成細條狀，而每條都帶有肥膏脂肪，入口好甘香，韓國粉絲一向好食，又彈又粗，份量好多，食完超級飽呀。每一盒外賣，都會附送泡菜和配菜，菜式豐富，不單調，有薯仔、菠菜、荳芽，令整頓飯更加令人滿意。

最近疫情又再次嚴峻，好多餐廳都鼓勵食客外賣自取，令大家食得安心，保障健康。前日放假出咗去銅鑼灣買少少野，就順便買埋個外賣返屋企同家人食。金羅寶係一間係香港比較傳統嘅韓式料理餐廳，記得上年朋友生日都有幫襯過，喜歡佢份量夠多，味道夠正宗。餐廳午時有lunch set，依家外賣自取仲有八折，非常之抵食。牛肉石鍋雜錦飯 $83餐廳用錫紙成個飯包住先放入外賣膠盒，保持溫度。返到屋企打開仲熱辣辣😋飯身乾濕適中，入面有大量牛肉、切成絲既菠菜、蘿蔔、煎蛋、芽菜、紫菜等等，再配白飯，非常足料。 將韓式辣醬加入飯到拌勻，真係好食到停唔到口👍🏻泡菜炒飯$78泡菜不嬲都係我嘅至愛，用嚟炒飯真係絕配，酸酸辣辣。飯上面仲鋪左塊流心煎蛋，篤穿佢撈飯，配上豬腩肉同紫菜，超正。海鮮煎餅$88每次去韓國餐廳必點的就係海鮮煎餅！ 口感QQ軟軟、邊緣脆脆，而且味道非常豐富。材料包括有嚼勁彈牙的蝦，魷魚等海鮮，再加上蔥同韭菜，點埋佢個特製嘅醬汁嚟食，正就算我地係外賣，餐廳都用外賣盒準備左幾款前菜比我地，包括甜薯，芽菜，菠菜，好味又細心呀❤️

今日喺銅鑼灣打算買外賣但係又想食韓國菜，就去咗金羅寶。因為之前黎食過記得好好味，所以今次再嚟。Order咗紅炆牛肋骨同埋煎銀鱈魚。紅炆牛肋骨炆得超入味，用傳統嘅韓國製法令佢d牛肋骨好淋，咬落去出曬入面啲醬汁味，送飯絕對一流。而且入面亦都有幾舊炆到好淋嘅蘿蔔同樣係入曬味，d蘿蔔又冇渣又甜，真係好味。銀雪魚就煎得香脆可口，入面仍然有魚油同埋好juicy ，落咗檸檬汁再點埋沙律醬食簡直係絕配。另外值得一提外賣亦都會有六小碟前菜，包括甜蕃薯、泡菜、辣魚糕、芽菜、青豆、同埋青菜，樣樣都食出韓國傳統味道，下次有機會一定再嚟試堂食。

好耐冇食過韓國菜啦，今日lunch去咗銅鑼灣金百利廣場嘅金寶羅韓國料理買外賣。而家外賣自取仲有八折，非常優惠💗店員好有禮貌，招呼我哋入餐廳坐低，飲杯茶等外賣。樣樣都好吸引😋，最終叫咗三款菜式， 每個菜式都送一份前菜，入面有泡菜，薯仔，苦瓜，菠菜，芽菜等。牛肉炒粉絲 $83牛肉嫩滑，炒粉絲甜甜地好入味，份量好多，入面有好多配料👍牛肋骨肉配白飯$115 牛肋骨肉嘅肉質非常上乘，醃得好入味，送飯一流。鰻魚石窩雜錦飯$125鰻魚超肥美，雜錦飯撈拌飯醬胃口大開✨❤️

銅鑼灣, 金羅寶韓國料理,  多月前曾和妹妹來吃過午餐.  餐廳濃厚韓式風格, 給我留下好印象, 現在疫症期間, 外賣自取有八折.平日星期一至五,  我們外賣都會買簡單啲, 例如燒臘飯和漢堡包.  今日星期六搞搞新意思, 想買韓國菜.金羅寶韓國料理, 這餐廳近地鐵站, 裝修又好靚. 店員對外賣客人招呼不錯, 先給我座位. 送上餐牌及熱茶, 請我慢慢揀.我喜歡韓食, 第一是鐵板牛, 第二喜歡炆牛, 因為乾配濕好合口味.  第三更加喜歡係配韓式前菜.落了單, 付了款, 坐了約 12 分鐘便可取走.  外賣無加一服務費, 重有八折.  自取合理扺食.帶回家一共是六盒.   立即點點,   主菜:  鐵板牛肋骨肉,  紅炆牛肋骨煲, 兩個套餐各連白飯一盒. 另一盒是菜肉炒烏冬,  加一盒 韓式前菜.  勁豐富,  4  個人都夠食.   仲配埋餐具. 先打開圓盒,  紅炆牛肋骨煲要讚包裝得好細心,  先有膠袋裝住扎好, 再放入膠盒, 所以啲湯唔會倒瀉.又乾淨.打開膠袋, 紅炆牛肋骨香噴噴, 牛味濃. 有紅蘿蔔, 白蘿蔔, 蛋絲.   牛肋骨份量不少, 大大件, 炆得入味超稔.  湯味濃, 可以

自從6點禁堂食，放工後只好乖乖回家，數數手指，已經差不多兩星期以上，沒有外出吃飯了。這天媽媽不想到街市買餸，知道她愛吃韓國菜，放工就坐地鐵到銅鑼灣，買點美味的給她。以往我與媽媽都愛到「金羅寶」開餐，這次買外賣也不例外，在眾多菜式中，我揀了兩款回家，8折後不到$230，挺抵食。還記得堂食的時候，待應會為我們送上大量前菜，沒想到外賣也會附送，大大部的，共有多款，泡菜、辣魚糕、薯仔、芽菜及涼菜等等。我最愛吃這裏的泡菜，口感爽脆，酸酸辣辣的，超惹味。韓式豬什湯先喝湯底，湯底雪白香濃，味道有點像雪濃湯，就是有濃厚骨香，鮮味十足，而內裏放了大量豬什配料，最特別的還是內裏放了豬血腸(應該是吧!)，豬血腸浸泡在熱湯中，吸收了滿滿湯汁，入口香濃濕潤，又帶點煙韌，讚。菜肉炒年糕這個菜的份量非常多，肉塊及年糕煮得非常入味，層次感豐富，入口先是辣味，慢慢又會滲出甜香，最後就以酸味作結，而年糕口感煙韌，肉塊嫩嫩的，一點都不粗鞋，我與媽媽都讚口不絕。

這間韓國餐廳原來已經經營了廿年🤩🤩！位於銅鑼灣金百利商場六樓，有傳統韓國餐廳的裝潢。🇰🇷🇰🇷🇰🇷.好想食韓國菜，所以外賣同屋企人好好享受：牛肋骨湯 - 滿滿的大大舊牛肋骨，煮得軟腍又入味，仲有蛋花及白蘿蔔，湯底有啖啖牛肉味。.海鮮石鍋雜錦飯 - 熱辣辣🔥的石鍋飯，店員親自在我面前拌勻，非常熟練。 足料海鮮拌上蛋黃，韓式辣醬及配菜，味道香濃。.就算係外賣餐廳仍準備了6️⃣款泡菜： 甜薯，泡菜，辣魚糕，芽菜，青豆，青菜😋😋 好驚喜.這餐完全滿足了我😍

近日天天自煮都沒有出外吃飯，這幾天心癢癢很想吃韓國菜，想起了在銅鑼灣開業了21年的金羅寶韓國餐廳，想起那熱情豪氣的韓國老闆娘和餐廳的美味韓國料理。最終星期六忍唔住要去買個自取外賣回家慢慢品嚐。步入餐廳已經聞到韓國料理的香味，令我垂涎欲滴，原來自取外賣還有八折實在十分優惠 ，經職員量度體溫之後立即下單。很想食韓國燒肉，原來外賣都可以吃到！只是廚師會預先幫你燒好，然後打包，十分貼心，那回家都可以吃到美味的韓國燒肉了！因為我們是兩個人，所以連外賣都有兩個放有前菜的外賣盒，每分都有薯仔、芽菜、菠菜、泡菜、泡蘿蔔、豆角、泡腐皮等等，都十分豐富，已經很有飽肚感！點了《鐵板烤肉套餐 (雞肉) $88》外賣會用錫紙包着保溫，放涼了仍然十分嫩滑入味，配上白飯一流。《紅炆牛肋骨煲 $90》牛肋骨炆得好吃入味，肉質又稔沒有乾身，連汁拌飯一流。《海鮮煎蔥餅 $88》即煎微脆可口，加了辣椒位置帶微辣，蘸上韓式辣醬或醬油更惹味。《燒鰻魚石鍋盖飯 $125》職員預先幫忙把鰻魚跟飯拌好再打包，飯有點微焦可口， 加上鰻魚實在好吃。《辣炒雞肉年糕 $83》辣汁夠多，雞肉本身已調味，再跟年糕都蘸上了滿滿的辣汁，十分惹味，配