金羅寶韓國料理

营业中

休息中

朋友介紹呢間燒烤店啲牛肉好正，嗰日就專登一家人逛完玩完就過去試一試，可能我哋早咗去所以去到都唔需要等位直接可以進入，入邊啲燈光都頗暗，侍應嘅服務態度比較怠慢，雖然入邊冇乜客人但係要點菜嘅時候，都舉手示意左三次才有人行過嚟，但點完菜後好快就先來前菜，覺得最好味都係泡菜又爽脆又夠味，鹹魚仔乾硬了小小，醃菠菜芽菜都不錯，牛肉啲肉質好彈牙，總有好濃郁鮮牛肉味😋😋但係啲牛肉份量少咗啲，唔係好夠食，雖然有飯後甜品🍮，但相對於咁嘅價錢就貴咗少少🤏

星期五晚上去咗食，因為時間都早，六點左右，所以冇乜人。知道金寶羅其實出名係烤肉，先前食過佢嘅烤肉都好好食。但係事隔幾年再試下佢嘅韓式，今次真係超唔掂。我哋嗌咗個韓式炸酸辣雞，一個豆腐湯，一個牛肋骨湯，一個綠豆餅。如相片所說佢嘅酸辣雞係超難食，綠豆餅超難食，豆腐湯正常，牛肋骨湯正常但偏肥。坦白講金寶羅嘅價錢一啲都唔平。但係成餐飯最有誠意都係佢啲小菜。睇嚟好嘅韓式餐廳只會日趨落下，嘢食嘅質素亦都大幅下跌。捱咗四樣嘢，埋單七百幾。貴唔緊要，但真係好難食。。

金羅寶係一個住港島朋友，9年前介紹我食係依個日新月異既香港，能夠9年仍然立足係銅鑼灣既食肆，總有佢過人之處最近突然又心血來潮，想回味一下金羅寶係一間由真韓國人開既韓餐廳入面既侍應有識講廣東話既呀朱媽佢前菜入面最好食既認為有薯仔！甜甜地好淋一個人叫左個 豆腐海鮮辣湯 （不配飯，要另叫）依個湯唔好以為好簡單，其實好難做得好味一係就淡到好似水，一係就只有辣冇鮮，一係就味精過多但依間既豆腐辣湯係做到恰到好處再叫左個 蛋包魚依個好好食，蛋香味濃，魚肉一絲一絲，好似石班魚咁，絕對唔係平價野配埋個汁好惹味！一確8大件最後會送上時日味道既雪糕為甜點依到既雪糕唔知係咪自製，但係食完飯食佢覺得特別好味😋😋😋整體黎講野食都係好好味，服務都幾好我一個女仔黎食，侍應會係咁過黎問我要唔要多d韓式前菜。又會成日睇下我有冇野需要不過老實講，價錢係偏貴叫左2樣野都要300幾差唔多400蚊偶爾一餐會係享受❤️❤️

好地道嘅韓國燒烤點樣都係韓國人呀我重覆佢哋係好多人啦感覺啲裝修呀地方就算差佢都好似去咗韓國咁樣有一陣 頹風 阿豬媽呢就會過嚟問你食咩啦餐牌都係十年如一日嘅不過都勝在有質素嘅要食嘅嘢都有醬油蟹呀石鍋拌飯呀咁樣都鍾意個前菜呀佢係比其他餐廳多㗎仲有薯仔呀菠菜做前菜真係好啱我口味呀 佢唔係多分店嘅所以每一間都真係 好獨一無二牛肉方面配料豐富好好味不過是嗰隻就比較貴囉唔係太抵食建議可以唔食 熟食燒烤都好正燒肉新鮮分量多 你掛住韓國嘅話就可以呢度懷緬下囉

This Korean barbecue restaurant offers a diverse menu of Korean cuisines, featuring barbecue sets (combination of differentkinds of meat and vegetables) and other Korean cuisine. Subverting the exceptions of Korean BBQ, It should be mentioned that this is not an all-you-can-eat restaurant. Food: Judging by the looks, the raw materials looked nice, clean and fresh. The taste partly depends on your cooking skill, so I will leave no comment on that. For the quantity, the only thing I can say is tha

垃圾餐廳，態度超惡劣，Book咗位又比walk in 入咗先, 完全冇秩序可言。餐廳經理仲要用高8度聲線閙客人！第一次食飯會比餐廳職員鬧，實在難以接受！食物質素一般, 肯定唔會再幫襯。

個個伙計都係老鬼，無人肯做嘢，舉手落單，追餐嘅時間多過返學上堂。泡菜絕對吾合格，豬頸肉超多油，牛仔骨又老。收銀阿嬸寸過乜，工作能力低，take個外賣order都要講3次，廢！再吾改革換晒班有用嘅伙計，執硬！

一個人去銅鑼灣行街，突然想食韓國野就去左。我去話一個人，佢叫我等一陣，30秒後，有個男人話2個，直接入左。。嬲到呢，吾會再去。垃圾餐廳一間，一個人無食飯既權利？

一位有鄉音女士用極差既態度叫我哋一家5個人分開兩張獨立檯坐，我地問佢點解長檯（8座）用膠板隔開唔坐得，根住佢用極衰語氣話果d檯係比兩個兩個客坐，你地打晒針咪坐得囉。甘惡劣既服務，即刻走人，唔會有下次，仲要特登上來留言等大家唔好中伏。

上網見到佢係銅鑼灣top one排名的韓國餐廳,朋友即刻話想食,因為我地約平日lunch,係公司有限時間lunch time到金百利用膳原來係有挑戰的。大部分的lunch set都係78-90範圍,以呢區黎講正常同埋算抵食!包湯同甜品仲有咁多碟小菜,而小菜都真係好好食!點左呢個辣炒八爪魚拌飯份量好多,睇落好辣食落口又唔係,個辣度好接受到!八爪魚有咬口,唔會硬,算出色之作至於個豆腐海鮮煲豆腐豆味香濃,滑溜,同樣地好足料,好大隻蝦同好多海鮮係入需唯一要提係唔知人手問題定服務態度問題,每樣野都等好耐!!!出菜到埋單最後lunch遲到返公司

5月28日晚上6:45和3位友人入座，入座時没有說明限時用餐，約8:15分，我們也差不多燒烤完畢，有一男待應問我們枱上的食物還要不要，其實大約還有八，九片肉的，我們各人也猶豫了一下，隨即又再問，像是催促我們，我們便答不要了，隨即收起所有食物和送上甜品，還未等我們主動結帳便奉上帳單，過程十分趕急，好像要趕走你們，令人感覺奇差。離開餐廳時也不看見有客人在等候。 若真是餐廳大排長龍，你也可以禮貌地向客人提出，而不是用趕你走的方法去招待客人，真不知是待應個人問題還是餐廳方針，希望餐廳好好了解和改善這方面問題。

雖然成日都係喺銅鑼灣食嘢 但係真係好一段時間冇再喺金百利食 今次同事介紹去咗呢間韓國嘢😍又真係好介紹喎🤩韓國菜嘅特點就係一嚟就比一推前菜你😂不過八款入面我淨係鍾意食泡菜同薯仔🥔😅🌶牛肉石鍋雜錦飯 $83熱辣辣嘅石鍋飯喺韓國食品中最吸引嘅😍🍚海量嘅牛肉🐮仲有紫菜再加隻蛋😍😍另外辣醬係自己家落去自己撈🌶所以可以根據返自己食到嘅辣度黎落辣醬😋所有嘢撈埋一齊食真係好惹味 佢嘅牛肉唔會過韌 鍾意食飯焦嘅你可以撈飯嗰陣唔撈到落底 我個人係好喜歡脆卜卜嘅飯焦😍😍

ғᴏᴏᴅɪᴇ ᴛɪᴍᴇ 今次就食咗金羅寶韓國料理位於銅鑼灣既鋪頭，坐得都幾舒服😌位置都好闊，可以韓燒，但係都唔會太大油煙😆午市套餐仲會包埋湯同甜品🍨前菜一坐低叫就野食就會比八碟前菜，每樣既份量都唔太多，兩個人既話每樣食到少少🥺不過真係冇咩韓國餐廳會比足八小碟，特別中意食佢嘅豆卜，酸酸甜甜咁，好好味😋泡菜炒豬肉($110)除咗泡菜同豬肉仲有三大塊豆腐，好似第一次見泡菜豬肉會有豆腐！佢啲豆腐係硬豆腐，啱啱好可以解辣😚泡菜炒豬肉我就覺得辣度啱啱好，唔會食唔到🤪而且豬肉同泡菜嘅份量都好多🤩鹽燒鯖魚($88)呢個鯖魚真係好大條，基本上冇咩骨，好容易食到😆味道都好好👅佢仲跟埋啲壽司豉油同Wasabi，但係自己就覺得唔係好夾，就咁檸檬汁已經好好味🍋韓國生菜($75)作為一個好鍾意食生菜包肉嘅人，就叫咗個生菜包住啲泡菜炒豬肉食🥳不過其實生菜真係包燒肉比較適合，因為佢仲會跟一個豆瓣醬，甜甜地辣辣地好好味😍如果食燒肉嘅話就會好夾，但係跟泡菜炒豬肉因為本身已經好濃味，所以其實就咁食已經可以唔使點醬🤪

以前喜歡他的 紅棗茶曾經幫襯幾次但今日 服務質素大大下降本人以後不會再幫襯仲有間 餐廳 好大陣油味好明顯通風唔夠可能要搵食環署去check下，佢間餐廳 通風 有冇問題， 夠唔夠 換氣

好耐冇幾個朋友聚餐，襯食肆限聚令放寬，立即聚一聚，其中一位朋友好鍾意食這間，之前已經因為佢食了兩次，今次繼續襌聯，星期五的晚上，六點半個場已經好多人，好彩我們果日無限時，可以慢慢食慢慢傾，我們叫了炸雞等食物，當然一定會叫生牛肉，因為我覺得唔係好多地方有得食，在生牛肉上放了隻生雞蛋加埋爽口的梨，拌勻一起食，真係好好味，服務方面，可能果日真係好多人，職員也無閒理我們，我們叫了幾次上韓式前菜同甜品也久久未上，不過也諒解嘅，希望下次可以好啲.