金緣居台式料理

# 🍜【食评】长沙湾后街发现台式惊喜 — 金缘居 最近喺长沙湾行街无端端发现咗间新开嘅台式餐厅 **「金缘居」**，位于彰华街入面，有啲隐蔽，不过入到去即刻觉得几舒服。室内装修清新，有花花吊饰、砖墙同木枱，满满台式小清新气氛，好似真系去咗台湾咁。 ---## 🍱 大大份鸡扒卤肉饭 — $88 呢个套餐真系震撼我，同老婆一见个鸡扒上枱即刻「哗」一声，超级大块，差唔多占晒半个碟位！ 外皮炸得金黄香脆，内里鸡肉依然嫩滑多汁，咬落去有声「咔嚓」咁，肉味又香浓，完全唔干柴。卤肉饭亦十分出色，卤汁咸香入味，肥瘦比例刚好，白饭都吸满咗卤汁。 饭量仲可以拣多饭Option，啱晒男仔或者大食人士。 最欣赏系佢个套餐仲附送两款小食菜（咸鸭蛋同炸小丸子）再加一碗甜品，真系10分有诚意。 ---## 🍜 台式三宝面 — $88 老婆嗌咗台式三宝面，入面有牛筋、牛腩、牛肚，全部炆得好腍，完全唔韧。汤底红通通但唔会太辣，系𠮶种带微辣香气、略带椒香嘅红烧汤。 每啖汤都饮得出用心熬制，唔系𠮶啲味精汤底，牛香渗晒出嚟，好地道台湾味。 份量都够晒诚意，一碗面都几大碗，加埋配菜竹笋同炸鱼蛋仔，真系食饱晒。 ---## 🥣 综合酸辣汤（加$20） 原本谂住只系配角，点知又系惊喜位！ 酸味开胃，胡椒香明显，饮落暖笠笠。唔算好辣，但台味十足。入面料都几多，有豆腐丝、木耳、肉丝同金菇，一碗赚番哂。 ---## 🧋 饮品：珍珠奶茶 + 芋头奶绿 呢两杯饮品真系饮出童年回忆𠮶种味。 **珍珠奶茶** 奶味厚实但唔腻，珍珠烟韧有嚼劲。 **芋头奶绿** 芋头味天然香滑，绿茶底平衡到整体甜度，饮落去唔死甜，好顺喉。 两杯都明显用料唔错，有种用心感觉。 ---## ☕ 整体印象 虽然餐厅位置唔算方便，坐落喺长沙湾比较静嘅小街，但店入面装修真心舒服，环境干净、有气氛，食物质素高、份量足。 佢哋啱啱新开仲有优惠活动，饮品买一送一，抵上加抵。 ---## 🌟 总结 | 项目 | 评分（满分10分） ||------|----------------|| 食物味道 | 9.2 || 份量诚意 | 9.5 || 环境气氛 | 8.8 || 饮品水准 | 8.5 || 整体CP值 | 9 |💬 **总评：有诚意、有水准、性价比高。** 无论系炸鸡控定卤肉饭迷，都一定要试试。 「金缘居」系𠮶种行过唔起眼、但食完会记得嘅良心台式小店。 下次我一定会再嚟试佢哋嘅麻婆豆腐饭或者牛肉面，再配返杯黑糖冬瓜茶～ 😋…查看更多

$88喺长沙湾食午餐，的确唔算平，平过佢嘅选择大有人在。睇下餐牌有咩食，睇完用QR CODE 落单依家2点未够，只可以叫全日餐，价钱高啲。人流唔算多，本身系因为新开店，感觉环境静啲，可以hea住慢慢叹，食得舒服啲，系已知嘅好处。不过第一次食台湾套餐，有前菜、小食、饮品同甜品--唔系平但系「抵」；食过之后夜晚份量可以缩减，悭返一餐钱。🍱大大鸡排卤肉饭餐 $88南投云笋麻油凉拌嫩竹笋，沙少辣油够开胃炸花枝丸花枝丸炸到金黄，外脆内弹牙，花枝粒感突出，食落鲜味同咬口一样有惊喜。炸杏鲍菇外层薄脆、咬落烟韧多汁，一丝丝纤维原来有食肉嘅感觉，啖啖菇香完全唔油腻。大大鸡排虽然叫大大鸡排，都用左台湾地瓜粉炸法，不过用鸡腿肉，代替台湾常见嘅鸡胸，呢种做法盐酥鸡比较常见，但大鸡排就好少。炸粉一样香脆，但食落更嫩滑唔干柴，材料更易买，更加确保唔系急冻预制菜。人地切件系为左节省成本，呢度系为左俾俾食多几件，感觉应该有1.5块茶记鸡扒嘅份量，原来假货比真货更好。卤肉饭呢个卤肉饭，有油香分明嘅五花腩粒，配半只入味卤蛋。表面系南部口味，又加咗香港本地元素—用丝苗米取代珍珠米，食落粒粒分明、唔会糊。日式黄萝卜，变成白醋腌青瓜，更加酸甜开胃。食到一半又有惊喜，卤汁放饭底又系大加分，食落唔会湿晒，保持饭粒干爽又入味！真系几多饭都唔够送，完美演绎本地台式fusion！😋仙草芋圆呢碗仙草芋圆睇落超吸引，啲芋圆色彩缤纷又烟韧，真系分到紫色系紫薯，白色系芋头。黑色仙草软滑又爽口，糖浆加奶又香又甜，食完透心凉好满足！😋水果乌龙茶 +$9呢杯水果茶，放弃常见嘅苹果、橙、西柚。改为大大块西瓜加去皮苹果，浸喺乌龙茶底，色水清新，卖相已经赢晒。生果真系预客人会食嘅，满满嘅维他命C。生果本身未开味，等浸耐啲就有微微西瓜清甜渗出，茶味唔苦抢分，完全无柑橘类生果，都做到暑气全消，食材新鲜又冇加工感，港台fusion做到一流！🍉总体卖相一流，色香味俱全，份量大、材料新鲜、冇预制感觉，完美港式台味fusion。总数：$97…查看更多

最近我同朋友去长沙湾睇戏，行行下见到喱间金缘居台式料理，价钱又几合理。我地2个叫左2份全日套餐，红烧牛肉面同埋一份大大鸡排卤肉饭，价钱几十蚊，仲包埋前菜、小食﹑陈饮同埋仙草芋圆甜品。红烧牛肉面红烧牛肉面嘅牛肉煮得软腍入味，汤底浓郁，面条弹牙，有一种置身台湾既地道感觉。大大鸡排卤肉饭讲起台湾野就一定会谂起鸡排，喱到个鸡排卤肉饭都做得唔错，鸡排超级大份，外脆内嫩，卤肉的酱汁搭配白饭简直系绝配！不过我减肥中就真系唔食得咁多啦XD套餐其实仲包括前菜同小食，我地叫左小黄瓜﹑猫耳朵﹑鸡米花同埋香肠，小食既份量唔多，但作为配菜都非常足够，仲可以试多几款。炸地瓜条炸地瓜条值得特别一提，我个人超钟意佢外面金黄酥脆，但里面保持到地瓜的软绵口感，好香口!仙草芋圆仙草芋圆系一小碗份量，滑嫩的口感同头先大有不同，完美咁为我地结束喱一餐。鸡排刈包/粢饭另外，我哋见到餐厅新出左个鸡排刈包，都叫左一份鸡排包同粢饭带返屋企做早餐，鸡排超大旧劲正，松软嘅饼皮搭配埋个比较浓味既鸡排，值得一试！仲有我平时最钟意食既粢饭，粢饭都系用到糯米包油炸鬼，非常足料，作为早餐食劲满足。…查看更多

为食花太郎 Fafafoodblog 金缘居台式料理 🍴大大鸡扒卤肉饭 88 蚊🐥鸡扒真系好大件 出面好香脆 好够咸香味 饭上面既卤肉 肥同瘦肉都有 好有口感🐖🍴招牌三宝面 88 蚊🍜加麻辣鸭血 18 蚊🦆好弹牙大件既麻辣鸭血 加烫青菜12 蚊🥬前菜 小黄瓜 猫耳朵 卤蛋 小食 鸡米花 炸花枝丸 台式香肠 甜品 仙草芋圆芋圆弹牙 甜度适中 个仙草都好够爽滑 加9 蚊特饮 珍珠奶绿黑糖珍珠奶茶 🍴卷葱饼 牛肉36 蚊个饼皮有d似印度薄饼 有层次感弹牙 入面有青瓜丝同牛展肉 好有口感 用埋北京片皮鸭既酱 🦆#台湾菜 #牛展 #准山面 #芋圆 #仙草 #鸭血 #卤肉 Score 平均分< 7.8/10>Taste 味道：👍🏻👍🏻👍🏻👍🏻Present 外观：👍🏻👍🏻👍🏻Decor&Hygiene 环境衞生：👍🏻👍🏻👍🏻👍🏻Value for $ 性价比：👍🏻👍🏻👍🏻👍🏻Service 服务：👍🏻👍🏻👍🏻👍🏻~~~~~~~~~~~~~#金缘居台式料理 长沙湾昌华街23 号地下16 号铺~~~~~~~~~#fafafoodblog #为食花太郎 #fafafoodblog长沙湾====================…查看更多

亲友知我都钟意食台湾菜，佢就介绍我去佢屋企附近新开嘅「金缘居台式料理」，佢话啲套餐好抵食，性价比高，所以，趁周五晚同老婆嚟轻轻松松食番餐。补充一点，餐厅嘅地址写「昌华街」，但餐厅嘅入口实际晌「青山道」，一来亲友有温馨提示，二来小弟对呢区都熟，所以，唔难揾。走进餐厅，一字长形左右两排餐枱，两边仿砖墙，挂上少少油画，睇落就跟台湾无乜关系，而最突出喺天花周围都吊咗好多植物，此外，最紧要都喺地方整洁。先介绍吓餐厅嘅散点餐牌，有非常多选择，分类包括咗前菜、店式小食、卤水、汤、拌面、汤面、汤饭、水饺、饭品及甜品，仲列齐边啲喺人气，边啲喺推介，最好喺唔收加一嘛！不过，讲到抵食，非全日套餐莫属，包1前菜、2小食、主食、甜品同基本饮品，当然可以升级为特饮，又可以追加一啲菜式，易于分甘同味:)。顺便都贴埋早餐、下午茶同儿童餐俾大家作参考，睇起嚟同样划算。基本上，餐厅采用二维码落单，但不得不赞赞佢个落单系统，除咗分类清晰之外，菜式比餐牌显示嘅多，而大部份食物都有再细分嘅选项，好似我拣嘅三宝面，可转淮山面、米粉，汤底亦可以转，特饮可拣冰量、甜度外，仲可以额外加唔同配料，一如晌出面卖台式茶饮店咁，非常有弹性。清炖牛肉汤米+卤蛋+鸡米花+炸花枝丸 $72呢个喺老婆所选嘅组合，由汤面转咗汤米，选番清汤，汤头虽然清，但唔觉寡。卤蛋虽香，但未有溏心效果；鸡米花似喺盐酥鸡，外脆内软；而花枝丸等我下面再讲。虽然菜名叫牛肉，其实喺牛腱位，厚切大大件，好松化嫩滑，确喺唔错。招牌三宝粗面+小黄瓜+台式香肠+炸花枝丸 $88小黄瓜睇起嚟普通，食落就知喺腌渍过，脆爽酸香，好有开胃之效；香肠皮脆咸香，肉质挺实，亦唔觉好肥，仲伴有生蒜头；花枝丸炸得香口，有墨鱼鲜味。三宝即喺牛腩、牛肚、牛筋，先饮啖汤，浓香而不浊，而牛腩好松化，牛肚爽口，牛筋软腍有咬口，样样都卤得入味；面条就拣咗粗面，柔韧耐浸，极具咬口，食到尾都无话腍晒:)。仙草芋圆虽然只得一小碟，纯粹过过口瘾，但质素唔错，刚好三色芋圆（地瓜、香芋、紫薯）每样一粒，咬口有韧劲，而仙草非常滑溜，淋埋花奶，啱晒我。古早冬瓜茶加红豆 +$10老婆想清润少少就选上冬瓜茶，而佢本身好钟意红豆，就加配一份红豆。捞一捞，真喺坚有冬瓜，味道确喺清润消暑，拣咗少甜，甜度啱啱好，合晒佢口味，红豆亦好清甜。黑糖珍珠奶茶 +$9去茶记就近乎必然点奶茶，食台湾嘢又喺近乎点珍珠奶茶，有黑糖就百份百拣黑糖口味。奶茶做出基本水准，因为加咗黑糖，入口就更为醇厚清甜，珍珠口感亦够晒烟韧，拣咗少冰、少甜，就确喺少冰，饮到尾茶味都唔会太过淡。招呼确喺几到位、贴心，而侍应好有礼，目测所见，帮衬都喺街坊多。试过两份套餐，果然正如亲友讲性价比真高，值得回访，支持小店。…查看更多