金玉滿堂

营业中

休息中

話說我提前四日喺OpenRice預約呢間餐廳，理應係比到位我，直至到我預約日子嘅前一日下晝，佢哋公司先WhatsApp我話無位俾我，然後我要個解釋，對方以人手不足安排出錯為理由，俾唔到位我，你地人手不足就唔應該係openrice開放預約功能，呢個係你自己嘅問題，唔應該客人嚟為你承擔.原本睇多人介紹先諗住試一次，間公司咁不負責任無必要試！

呢兩日無啦啦勁凍得七度左右，又到左食羊腩煲嘅好時機！😎朋友做完research之後揀咗呢間同我試☺️我哋6:30去到已經開始要等位，奉勸大家要提早打黎book🙈❤️雙冬扣黑草羊腩煲（中）一打開見到個賣相就已經對佢好有信心🤩個汁底好香好濃郁，羊腩夠入味，唔羶👍外皮彈牙滿滿膠質既口感，肉質軟腍😋枝竹同生菜吸曬個湯汁好好食🤤❤️ XO醬碧綠炒大蝦球蝦球超大粒！見到都覺得好開胃😇蝦球爽口彈牙，蜜糖豆爽脆冇渣👍我同朋友坐好近出餐位置，見到佢哋其他菜式例如酸菜魚同燒雞賣相都好掂！😍下次要搵多幾個人嚟試多幾款菜式先得😆

呢幾日又開始轉凍，系時候又要食下羊腩煲補補佢去旺角行完入左呢間茶記，估唔到晚市有羊腩食，同朋友叫左個中size share ，再送埋生菜，正冰鎮豬手$65見隔離枱個羊腩煲好大份咁，驚食唔曬叫多個冷盤盤冰盤豬手酸酸甜甜好開胃，豬手滿滿骨膠原，冰鎮住又幾爽羊腩煲$368羊腩煲一打開嘩左一聲，勁大煲好多羊腩每件羊腩都好肥美，羊腩多肉，腩肉好冧陣柱候味好香好入味羊腩上面層皮好爽，連埋腩肉食無得頂叫羊腩煲贈送生菜，浸落個湯式好入味食完成個人暖笠笠，建議三個人share ，真心大煲

啲野好難食兼樓面爛仔／師傅去完廁所5洗手／要惠顧請3思／因上次去完之後樓面粗口／廚房又爛仔／所以以後不會去仲有廚房師傅打人。評難食即打人所以真係要3思因為呢間出名爛仔仲有名叫慧姐是老闆娘縱容下屬打人

去開旺角喺OpenRice見到呢間餐廳有羊腩煲，所以專程嚟試。等位大概15分鐘。叫咗一個羊腩煲、金銀蛋豆苗同埋白飯，食完個豆苗同埋白飯仲要等咗15分鐘，羊腩煲先嚟。羊腩煲冇羊味，360幾蚊一煲唔值。枱太細，一打開個蓋羊腩汁彈到一褲都係，然後隔籬枱個羊腩煲打開蓋啲汁又彈過嚟。全場得兩個服務員但係客滿，換gas都等好耐。金銀蛋由娃娃菜改豆苗又無講要加30蚊，直到埋單先至知，兩樣餸、一碗白飯、一支啤酒，埋單624，係尖沙咀酒樓價。環境、食物質素、服務都不值。不會再光顧。

今晚收工，好耐無同同事宵夜，又涼涼地即係係關注組同openrice睇下，呢間排名都幾高，仲要兩三年都係勁多人讚，行過去十分鐘唔洗。9點半去到竟然要等位，仲問我有無留羊腩煲食唔食，香港人唔執輸心態梗係即刻叫佢留個大啦！記住今晚係星期二！等左一陣都即刻有得入，同的comment一樣，普通格局，唔會好靚裝修，但招呼又真係可以喎。又有熱水洗碗筷。正常啊！羊腩煲滾滾下想叫哥仔幫我開，佢叫我滾多陣會幫我開添，咁就食餸先啦。魚皮好正（無影）咕嚕肉真係好好味，唔係普通大排檔料，但講唔出有咩分別因為9點後生海鮮85折，就叫左個蟹粉龍蝦蒸飯，龍蝦係生猛架！羊腩煲食得，每一舊都連皮，同埋無個的骨多過肉個的，味道好啱口味，夠濃唔騷，份量就正常，總括以我唔係專家計，係好好味道！😋埋單先不得了5個人食，292蚊一個人又龍蝦又羊腩又食餸仲有4/5支啤酒，物超所值！掂！同埋星期二都爆到咁，正

臨時臨急先約到屋企人食飯，book到呢間餐廳，座位非常迫，5個人坐4個人既位。都算啦，諗住繁忙時間無辦法。豉汁蒸白鱔算係幾唔錯，調味略淡海鮮價既鮑魚，介紹個陣就話$48一隻，埋單個陣就$78一隻。唔知椒鹽係貴d定點樣。屋企人埋完單先知呢個價錢，感覺取巧。鮑魚算彈牙，但係咸得滯。冰梅骨，等左好耐，味道唔差的，不過無梅味既另外叫左瑤柱豆苗同一品炒飯，都係$138，瑤柱芡汁多過瑤柱，唔推薦。一品炒飯有唔少帶子同蝦仁，而且有鑊氣。5樣野食左$1000左右

好鍾意食大排檔鑊氣小炒，但有時又怕街巿地區太污糟，黎呢d大排檔style嘅小店就最啱。餐廳位於旺角，地點方便，價錢合理，同三五知己食下小炒啤啤佢就最啱🍻我地先叫左2味香口小食，分別係椒鹽豆腐同椒鹽白飯魚😋 2味都好香脆，乾身唔會成口油。椒鹽味道惹味，口感外脆內軟，食到唔停口😋主菜朋友叫左佢最愛嘅咕嚕肉，呢度嘅咕嚕肉味道偏甜，略略帶酸，非常開胃。不過今次我地無叫白飯，反而叫左好考工夫嘅肉絲炒麵🥘 炸麵底好脆，加上上湯肉絲汁，唔會太熱氣但保留微脆口感👍🏼最後食左咁多香口野，叫番個菜清一清，叫左金銀蛋娃娃菜🥬估唔到份量會有咁多，娃娃菜用上湯浸住，清清地但有金銀蛋咸香😋

行完旺角家樂坊就搵吓附近有乜餐廳可以食晚飯，同行朋友想食中式小菜，搵到呢間小店好似幾有風味，睇啲相好似幾有鑊氣，就去試吓。蜜味鮮果牛柳粒 $128鑊氣小炒，一上枱香氣撲鼻😍黑椒牛柳粒火候剛好，唔會乾柴，肉質鬆軟，配上香甜多汁嘅菠蘿粒同埋惹味嘅青紅椒，加上脆口嘅腰果一齊爆炒，呢個組合簡直係絕配👍🏻XO醬碧綠炒大蝦球 $158大蝦球肉質超級爽彈，有少少XO醬嘅香辣惹味😋，好香好香。配上爽脆嘅蜜糖豆同埋本菇一齊爆炒，一啲草青味都冇，食得出夠晒鑊氣👍🏻紅燒BB鴿 $78/隻BB鴿細隻得來都有啲肉地，皮香肉嫩，沾上准鹽食吊吓味，更加滋味👍🏻生煎粟米墨魚餅 $88墨魚餅厚厚一件，好紮實，墨魚膠加入左粟米粒增加咗啲爽脆嘅口感，沾上泰式甜辣醬食，係幾開胃嘅一個小食😋如果可以再加入一啲墨魚粒粒咁就更加有𡁻口。

又是和朋友的餞行飯, 大家都是麻甩佬就去小廚吃鑊氣小炒, 加多兩三支大啤就是最好最暢快的晚餐. 這家餐廳名字矜貴, 但吃的是充滿街頭風味的平民小炒. 中價等級的價錢, 份量夠也是吃得夠爽的, 黃金蝦的鹹蛋黃平均沾在大頭蝦身上之餘, 也夠入味, 而且不會一夾就脫落, 蛋黃也夠起沙. 豉椒炒蜆的蜆肉無沙, 而且絕大部份的殼也是開的, 比較細隻但汁醬味道濃, 送酒一流. 火腩蒜子鱔魚煲湯上枱時夠鑊氣, 肉質爽彈而不會太淋, 件頭夠但略嫌蒜頭味可以再重一點. 梅膏骨醬汁真的有梅子香味, 啖啖肉而餘先炸後也是保持肉質不會太老. 人在異鄉，未必能夠時常吃到這些食物, 希望老友會喜歡, 我們在江湖見.

聽日放假，行完街同老公簡簡單單食完飯再返屋企，旺角呢間小炒店裝修簡樸但有不少捧場客，應該食物不錯，入去試吓。紅燒BB乳鴿$78好耐冇食過，見到menu 幅相，被吸引點了一隻，BB鴿皮好脆，燒得幾香。Xo 醬碧綠炒蝦球$158紅紅綠綠好吸晴，蝦球有8隻，而且大隻，炒既火候拿捏度唔錯，食落爽口彈牙X O醬惹味又入味。椒鹽九肚魚$108 椒鹽味足，幾有大排擋風味，個人認為椒鹽同九肚魚比例做得好好，食落唔會太鹹太辣，好惹味。九肚魚粉漿好薄，炸得香脆，唔會好油膩，九肚魚都幾嫩滑，如果條魚再粗身啲就更好。咸魚雞粒炒飯$108之前幾樣炒得咁好，自然對炒飯有期待，炒飯夠乾爽，粒粒分明好鑊氣，蛋夠香，雞粒用料都多，2個人食，好飽。鍾意食重口味嘅我，覺得如果鹹魚粒再多少少就完美。點了三樣餸加碟炒飯，兩個人食得好滿足，又飽又好味。

放工來到旺角的金玉滿堂食小菜，因為同事食過，大力推介。餐廳係煙廠街入面，不太顯眼，但甚有人氣。晚市經常爆滿。麻香爽魚皮魚皮爽脆，好香麻油味，點上芥末豉油，佐酒一流。花雕醉豬手花雕味十分突出，豬手清得好乾淨，爽脆肥美。香草芥末奇趣元貝皇必食推介，因為出面真係食唔到！脆米香脆帶黏性，入口似食脆脆糯米飯，而且加入了茄子、香菇等材料，煙煙韌韌好好食！元貝肥大肉厚啖啖肉，撈埋啲炸粉絲一齊食，真係多重香脆口感，好出色的一道菜，送酒或單食皆宜。欖角冰梅骨排骨炸到脆卜卜，被酸甜的冰梅醬圍繞，酸甜開胃。每粒都肥瘦適中，好香口惹味！生拆蟹粉扒豆苗豆苗好嫩，翠綠翠綠的，蟹粉好creamy，一齊炒帶出了蟹膏香。剛好是大閘蟹的季節，正好一嚐肥美蟹膏香。小小的店，外貌毫不起眼，但出品的小菜味道出色，難怪訂枱來食飯的人絡繹不絕！

金玉滿堂，呢間餐廳我都試過好多次，真係好有水準嘅一間粵菜館。今次去嗰陣，試咗幾款菜式，真係令我好滿意！首先係佢哋嘅七味炸豆腐，炸得香脆，外脆內軟，仲有啲辣辣嘅味道，好開胃。加埋啲七味調味料，更加提升咗味道，真係令人欲罷不能👍🏻另外一款蟹粉扒豆腐，真係絕對係蟹粉嘅豪華配搭。豆腐滑嫩，蟹粉鮮甜香濃，兩者結合得好完美。呢道菜食落去，真係令人感覺好有質感，好滿足👏🏻如果你鍾意食牛柳，一定要試下佢哋嘅蜜味薯仔牛柳粒。牛柳粒煎得啱啱好，肉質嫩滑多汁，同埋加咗啲蜜味嘅醬汁，帶嚟啲甜味同香味，好開胃，好好味👍🏻👍🏻最後一款係辣酒東風螺，辣度啱啱好，唔會太辣過頭。螺肉鮮嫩多汁，同埋有啲酒香味，真係好開胃，食落去好過癮！總括黎講，金玉滿堂係一間值得一試嘅粵菜館。佢哋嘅菜式精緻美味，質量唔錯，服務亦都好友善

七味炸豆腐外皮穌脆，炸皮唔會特別厚，上枱依然熱辣辣。作為前菜黎講，份量一啲都唔少！老檀酸菜魚（小）酸菜魚就咁睇都已經有十幾舊，二人份量嗌個小嘅真係啱啱好。魚肉食落新鮮有咬口，煮熟左都唔會鬆鬆散散，肉質真係十分滿意。酸菜芽菜呢啲底料十足，味道豐富又唔會過咸。糖醋咕嚕肉糖醋酸甜開胃，梅骨新鮮肉質爽口，冇冰鮮雪味。炸粉唔厚，口感適中。配料足，菠蘿三色椒樣樣齊全，絕對係色香味齊全。椒絲腐乳通菜腐乳椒絲同通菜簡直係經典嘅小菜配搭，夠火候，夠味道。花膠螺頭燉雞湯一飲就知唔係味精湯，花膠，螺頭，雞件，全部都係湯入面搵到。湯頭濃郁，用料新鮮。

✨花膠螺頭燉雞湯呢個湯以花膠同鮮嫩嘅螺頭作為主角，慢火燉煮，花膠口感軟嫩，充滿花膠同螺頭鮮甜嘅味道😍湯汁非常濃郁順滑✨脆皮一品燒雞燒雞金黃酥脆，皮薄肉嫩，燒雞嘅皮好脆口，肉質鮮嫩多汁，帶有炭燒嘅香味🤤 ✨金玉小炒王小炒王好有鑊氣🤩韮菜口感脆嫩，蝦乾有種鮮香味，魷魚好彈牙，小炒王當然唔少得係腰果，炒得好香口脆口，令到整道菜更加有層次感🤗 ✨黃金脆鮮魷鮮魷表面上包裹住一層金黃色的鹹蛋黃醬，外皮十分酥脆，鹹蛋黃醬好濃郁，鹹蛋黃醬嘅鹹香同鮮魷嘅彈牙口感相輔相成，好下飯🤩整體嚟講，呢間餐廳位置好就腳，小炒都幾有鑊氣幾好味，餸菜都好多選擇，服務好好，可以一試！