金潮小廚

今日適逢經開呢度附近朋友仔帶我去試吓啲地道東西真係有驚喜先講吓個地方燈光光猛地方企理服務員態度一流最重要係呢度每樣東西都係大大碟每一碟嘅餸菜，溫度夠晒熱夠晒鑊氣雖然呢度嘅價錢唔係最平但係本人覺得係合理你俾嘅價錢攞返應該攞嘅東西這裏嘅價格算是中價位呢度真係相當之旺總括嚟講每一碟菜真係煮得幾好由湯去到小菜真係冇投訴所以如果經開這裏嘅朋友們不妨試吓…查看更多

首先，環境10分混亂。枱枱之間十分迫。整個環境10分嘈吵。隔籬枱撞到塊膠板不下二十次，每次碰撞都打擾朋友家交談。因為朋友嘅朋友介紹，所以過來試吓。可惜食物質素，不似預期。呢度啲員工，越叫越走...有啲朋友唔飲酒，叫佢哋開第二壺茶，話唔開😅叫做試過就算...無謂俾錢買難受…查看更多

話說呢間餐廳好耐之前食過兩次，一次親戚帶，另一次父親節，幾好食嘅，就係對上一次唔知員工定老細不停催落單催加餐催食完埋單好啦今次帶另一班親戚黎，6點30左右到，我阿爸攞位，點知人地唔比籌，叫佢係出面等，好似話半個鐘，半個鐘期間，我阿媽又話見到好多後到嘅人都有得入，唔知係咪熟客，我唔知係咪真嘅，但我又真係見到有人遲黎又好快有位，可能有人book啦，我唔知，但係最激氣嘅位到啦，個員工問有無5位，我阿爸即刻應機，但無用，最後佢都係走返黎同我地講，有人話佢等咗好耐，個員工即刻比咗個位佢⋯⋯我真係咩粗口都想講出黎，我地啱啱到咩？！半個鐘係佢地眼中係唔係連入去坐既資格都無？！人地話等好耐就比佢入，有咩證據？有籌嗎？哦無喎，佢都唔派⋯⋯於是我地走咗，換咗第二間餐廳。其實對間餐廳黎講係零損失嘅，因為佢真係好多客，只係我地損失咗半個幾鐘啫，仲要有幾個年紀大嘅企到腳痛咁囉我無能力亦都唔係想佢早日結業，我寫咗咁多字，係想表達我真的好嬲，同埋勸吓一啲同我呢次一樣攞唔到籌嘅人，等唔到真係走啦，大家都係想食飯，而唔係想食成肚氣架嘛⋯⋯…查看更多

呢度嘅名菜之一：南乳炸豬手。味道還可以，不過南乳味就唔係好夠，炸得幾好，煙煙韌韌幾好食。另一道名菜：豉油王墨魚咀。個豉油王幾香，令到墨魚咀食嘅時候好香口，啲墨魚嘴都幾大粒。聽講呢一味豉汁蒸白鱔都係出名嘅，白鱔新鮮，肉質彈牙，份量比想像之中多。薑蔥美國桶蠔都幾正，冚住蓋上枱，一揭開就聞到薑蔥嘅香味，啲美國桶蠔真係好大隻同埋好肥美。魚湯竹笙雜菌時蔬清清地，時蔬就揀咗生菜，個魚湯嘅味道就勉強少少。總結就係呢間小菜館味道係OK嘅，不過有冇外面講到佢咁好食，都係嗰種可以食吓，但係又唔係好值得排隊囉。…查看更多

🐑豉汁蒸鱔，係海鱔，肉質比較淋，我唔係咁鍾意，不過食得出係新鮮嘅，同埋個汁都幾好味。🐑黃金蝦，鹹蛋黃超多，簡直爆晒標😆，大蝦炸得好透，殼都炸到脆晒，連殼食唔使Lur。🐑乳鴿，皮炸得唔夠脆，可能吊起風乾未吹夠時間所致。🐑豉油皇墨魚咀，超推介，豉油皇焫得好香，有強烈嘅鮮醬露味😋😋😋，墨魚咀好彈牙，夠新鮮。🐑污糟雞其實係蠔油冬菇蒸雞，雞件好滑，預先用豉油、蠔油醃咗先蒸，所以好入味。🐑鯇魚皮，白灼後立即冰鎮降溫，保持魚皮新鮮爽脆度，另外個辣椒豉油味道調教得幾好味。🐑XO醬爆象拔蚌，象拔蚌片新鮮爽脆嘅，不過個XO醬爆得唔夠惹味，味道輸蝕咗少少。🐑馬拉盞通菜，炒得幾香，但我個人認為可以再辣啲。🐑乾炒牛河算炒得唔錯，如果澳門六記係100分，咁Elements正斗就係80分，而呢度大概70分啦。…查看更多

今日我姐同我開年，我哋得三個人，叫咗三個餸。🥗✨ 沙律蝦球係我最掛住嘅菜式。佢哋用新鮮蝦🦐，彈牙又美味。炸漿不厚不薄，炸得酥脆，加埋醒胃嘅沙律醬🥗，每碟有十粒，雖然收$205蚊，但我覺得好值！🍶 米酒雞湯。 佢嘅米酒同雞湯🍲好足料，飲落去成身暖曬🤗，感覺好舒服。🥚 鹹蛋黃肉碎炒涼瓜亦係唔錯。加入適量嘅鹹蛋黃🥚，所以唔會滯，而老苦瓜嘅苦澀味啱啱好中衡🥒，係一個好好餸飯嘅菜式🍚。呢度嘅環境比較逼夾🏡，聽聞夜晚好多人等位🕰️。不過，出品有質素👍，下次我會叫埋朋友過嚟聚會🍽️，試多啲其他嘅餸🎉。…查看更多

過年前跟兩位美女相聚吃了一頓團年飯！選了間非常火紅的親民小店，氣氛熱鬧菜式也非常美味吃得好開心。這間位於葵芳的金潮小廚真的非常火紅，到達時門口已經排上滿滿的人龍，直至我們走的時候仍然有客人在等位，究竟是什麼「味」力能在這市道脫穎而出！喜歡嚐鮮的我選了這個潮式胡椒大蜆湯$150，超香濃的胡椒湯略帶辛辣非常暖胃，內裏有不少新鮮的花甲，味道又鮮又香真材實料好味道。招牌黃金蝦$150！超巨型爽口彈牙的大蝦被金黃戰衣包裹著，吃下去甘香不油膩趁熱享用非常唰嘴。拔絲黑豚肉$130表現正常但未去到我喜歡的程度！甜酸的味道我覺得可以再鮮明一點，肉質夠腍滑但外皮可以脆多些就更加吸引，啫啫生菜煲 $140雖然份量不少但價位我覺得有點點高！端來的時候滋滋作響盡顯啫啫「味」力，脆嫩生菜伴上蝦乾、豬頸肉等配料非常惹味真的好吃。金潮小廚是間非常有鑊氣的小店，出品好有水準兼且份量十足人均$200便可以吃到飽足，但店家沒有訂位服務想吃的朋友要早點去排隊喔。…查看更多

呢間店都聽咗好耐但位置唔方便未去過，最近有位名㕑話去過放係網上社交平台又有記者試過好好味，有鑊氣。按國內朋友提意去試試，本來book 6點，打去book電話都不用留，多口問句幾點開，佢話中午無休。當日朋友提早完成工作，知食店中午冇休咪早小小打算附近走走，但附近只有街市乜都冇，唯有先去食店坐低，當時大約4:45，冇乜人，我地坐低叫咗啤酒，魚皮，豉油調得幾好魚片又爽，之後再叫一個黃金蝦，幾香脆但冇乜咸蛋黃味及好油，麻麻地。食店沒提供冰筒，啤酒每次逐支叫，然後再order個椒鹽鮮魷，當時大約5:30也無乜人，但有位女服務員問我地食到幾多店，我話我有book,但佢話book咗又點？我話我唔明白？ 係咪需要mark鐘再起？佢立即露出不悅嘅眼神，呢到唔可能比你坐咁耐，我又唔係齋坐，之後有個阿伯走過嚟眼啤啤，每5分鐘走過嚟一次，最終叫多個小炒皇，大約6:30走人，總結食物一般服務態度極差，不會再幫襯。…查看更多

好好味哦，兩個人食三樣嘢胡椒蜆湯：鮮甜微辣，食完好暖胃沙拉骨：炸完酥脆嘅排骨，另上嘅菠蘿可以平衡排骨嘅膩感啫啫芥蘭煲：好香，好惹味，鹹香食唔停口無叫到飯，因為食餸已經好飽…查看更多

雖然只是午市特價套餐，但$50價錢個炒河只有4小片牛肉，豆豉也可以數到只係有4，5粒，同埋午河係分開炒再加汁上碟，比預期差，我寫這個食評的目的係想店鋪有所改善🙏🏻…查看更多

呢間金潮小廚喺葵芳出名有人氣，晚飯時間通常都座無虛席。之前已經幫襯過幾次，佢嘅小菜好多都好出色。今晚又黎呢度飯聚。我哋點咗九個小菜一個飯，全部都好好食。個人最鍾意嘅幾款小菜係金沙南瓜、沙拉醬大蝦球、冰梅骨、椒鹽鮮魷同埋XO醬墨魚咀。佢嘅炸物小菜特別出色，炸物嘅脆漿又薄又鬆化。～金沙南瓜外脆內軟，南瓜香甜軟硬適中。～沙拉大蝦球隻蝦球真係超級大同埋好彈牙。～冰梅骨酸酸甜甜好開胃，外面仲有微微脆嘅口感。～椒鹽鮮魷大大隻又係啖啖肉。～XO醬墨魚咀彈牙又惹味。佢哋嘅小菜仲有好多其他嘅選擇，下次嚟又可以再試吓其他唔同款式。…查看更多

早一星期訂位 話訂位時準時到便可最後 沒有派飛 憑那位高高的阿姐 喜歡叫誰便誰大家耐性好 可以試下這間 不要相信訂位 不要相信服務入了餐廳後 落單又一大挑戰 坐了半小時才有碗碟和下單 但是 90分鐘便要 bye bye想測試自己忍耐力 便來…查看更多

呢間人氣室內大排檔已經食過幾次到今次終於打番個食評🤣呢間野就算打電話book咗枱都好嚟到都需要等一等位可想而知佢係幾咁受歡迎我哋一坐低立即叫番幾樣野醫一醫肚潮式胡椒大蜆呢個湯胡椒味濃絕對唔係是是但但隨隨便便而家啲蜆都好多食極都仲有咁荷葉飯份量大大份我哋叫得太多野食搞到呢個荷葉飯食唔晒要打包到第二日再翻叮已經冇咁好食下次都係趁佢熱辣辣食番碗冰梅骨作為招牌菜冇得輸見到四周圍啲枱都有叫呢個我哋都跟機試下果然超正啲排骨嘅味道好開胃而家又脆脆地口感都唔錯酸菜魚就我哋每次嚟都會叫因為呢度啲酸菜魚都係大件夾抵食味道仲好正添蝦醬通菜炒牛肉啲蝦醬絕不手軟鍾意蝦醬嘅你必食…查看更多

以往每次黎都必定大排長龍既葵芳小店金潮小廚, 平時番工就會黎食 lunch, 今次就同朋友食晚飯, 叫左鎮店荷葉飯、金潮小炒皇同啫啫雞煲。🍚 鎮店荷葉飯新鮮荷葉包裹住香噴噴的米飯，散發出淡淡的草香。打開荷葉，米飯粒粒分明，色澤誘人，搭配咗雞肉和瑤柱等多種配料，每一口都充滿咗豐富嘅層次感，荷葉的清香更讓整道菜增添咗不少風味。🥘 金潮小炒皇這道菜色彩繽紛，包含咗新鮮嘅海鮮如蝦、魷魚，加上時令蔬菜，炒得火候恰到好處，讓人食到停唔到口。🍲 啫啫雞煲雞肉經過特製醃料，煮至軟嫩，湯底香濃，配上各種香料，味道層次分明。…查看更多

香港人個個都話要離港消費，可是有一家在經濟衰退下仍然門庭若市的平民小館，每次經過想去試試門口總看見人山人诲，今晚2024年6月5日一個清涼舒服的6月天約朋友一行4人就去試試。訂了枱原來要人齊才可入座，終於等到了，心裡很好奇和興奮想這家館有什麼魅力？坐下來店子就似普通的小館，一貫的坐得很擠迫，沒有舒適可言。目測每枱都吃的那就點了一味豉汁蒸大鱔，試了，味道很普通。又點了出名的咕嚕肉，試了，炸物的功夫確有一手，可惜咕嚕肉酸汁不夠酸，美中不足唉。又點了西芹菇菇炒墨魚咀，這味菜有些特別，味道不錯，最後點了青椒炒牛肉，普通得很但也很不錯，相信他們先把青椒燒烤了再炒，有炭烤香味。整體來說是遍向味濃，炸物愛好者的首選，最最重要糸吃完不口渴，可以再去試其他菜式。…查看更多