金滿堂甜品

营业中

休息中

今天初六，下午有親友來拜年，便到附近甜品店取單張看看。到金滿堂門外，取了外賣單張，見有一位男店員在門外整理甜品杯，便詢問有沒有甚麼甜品今天沒有供應，這位店員非常不友善反問我:"咩叫做有無啲咩甜品係今日無?" 其實本人覺得經過多日紅假不知有沒有影響甜品材料供貨及經過以往經驗這間甜品店有些單張上有提及的甜品是沒有供應的，所以才提出那個問題，豈料得到此回覆。在私人屋苑的店舖提供此等服務，比街市還差劣! 沒心經營，請早點倒閉!

食完晚餐行左一陣街，覺得唔係幾夠飽，於是走去食個糖水。淘大的甜品店主要集中起地下果層，今次就試吓呢間金滿堂。芒果糯米糍 ($20) ，細細件，兩啖左右就食完，芒果甜，好快就上。龍珠二世。有小丸子、黑珍珠、芒果、水晶珠同雪糕。榴清雲，有榴槤蓉、清心丸、水晶珠同椰果，我唔知個底係榴槤沙冰，以為係榴槤汁或椰汁，有點兒淡。薏米腐竹清心丸，朋友話普通啦。

還記得以前喺調景嶺IVE上堂，同第一個追求我既男仔黎過黎九龍灣行街，行經金滿堂門口時，見到好多花牌，個招牌寫住:少甜低糖，正合我心就同佢入黎食左個甜品，嗰時出面既甜品店冇太多花款，呢間相對好多款式，味道亦好好，唔甜，用料亦唔吝嗇，真係好欣賞呢間甜品店。此後都經常帶朋友，男朋友黎食……所以可以話金滿堂充滿住我既回憶……只可惜由上年開始，發現佢味道同質素已大不如前……直到今日，我既回憶已經完全崩壞……一黎到，發現佢餐牌上好多食物都唔同左款式，都啱嘅，因應潮流嘛。叫左個經典金枝玉葉食~order完，一反常態，竟然唔駛5分鐘就上左菜，已經覺得有啲問題，食落口，嘩，好多冰，仲要唔係碎冰粒，係大冰塊，係好多既大冰塊，已經影左其中兩塊冰塊俾大家睇睇，食落就係好多冰塊，搞到冇咩芒果味，成個甜品就係撈都唔撈，直接喺雪櫃倒啲芒果汁（未溶曬雪嗰隻），再喺面放珍珠，蘆薈，龍眼肉。冇錯，佢冇變到，一樣係低糖，只係味道，質素已經差左好多……呢間甜品店充滿住我既回憶，真係好想佢繼續開業，唔好關門，但以佢質素繼續咁樣下降落去，真係有執笠既可能，真心希望佢可以好好改善。原本好想俾劣評，我既“一般”只係俾我對佢既情意結

金滿堂甜品的舖頭名字，似乎有點老土 ， 就像一套古老的粵劇，不過內裏的佈置又不是那麼古舊，而且食物亦都追得上其他甜品舖的款式，今天我進去光顧， 便叫了一客心太軟，這個甜品製作需時10至15分鐘，一奉上來便見到一個可愛的圖案造型，不需多講是近期大熱的minions，雖然不是食物的一部分，但見到這個圖，總會讓你心情愉快一下 ，心太軟外表好像堅固，用匙羹「桔」落去，見到軟軟嘅朱古力心流了出來，食落去味道不錯，甜度適中，再加上兩個雪糕球，細食可以兩個人分享 ，價錢41元，合理的性價比。

今日到九龍灣逛完街，好想食甜品，於是走去淘大的金滿堂。之前在金滿堂食過好多次甜品，每次都令我稱心滿意。今日我揀了椰皇燉湯丸，聽個名已經覚得吸引。椰皇燉湯丸，有湯丸，椰果和蛋白。先講湯丸，很軟糯。椰果煙韌。而蛋白是我至愛呀，蛋白非常滑，白雪雪，好好味。椰皇燉湯丸甜度適中。真是金滿堂必食的推介。下次來再食過

今日夜晚去淘大花園食完晚餐，再同老公奶奶去食甜品，之前喺FB見到飲食網頁推介一款玫瑰士多啤梨甜品話好好食，所以我哋今日就嚟試。呢個就係傳說中嘅玫瑰花士多啤梨小丸子水晶珠綿綿冰嘩真係喊出嚟！雪糕唔好食，唔滑又唔香，玫瑰味嘅綿綿冰更加有藥水味！成碗野都唔好食另外叫咗個鮮芒果雪糕綿綿冰諗住芒果味嘅嘢應該穩陣！點知又係勁難食......我簡直覺得嘥晒我啲錢！而且餐廳好細又迫硤，坐得一啲都唔舒服。員工嘅態度亦都一般，冇特別好或者特別唔好。不過有d貴，兩碗野都食左百幾蚊。老實講呀，你間甜品譜嘅位置唔係特別方便食物又唔係特別出色我下次真係唔會浪費金錢來幫襯佢

淘大商場入面有幾間甜品店，但始終食黎食去都係鍾情於金滿堂，因為佢選擇夠多，價錢亦合理，成為左我的飯後必到場地芒果小丸子，配有芒果雪糕球、芒果肉及龍眼肉等，口感好豐富，食落凍冰冰，岩晒而家炎熱的夏天食！榴連女皇-可以話係金滿堂的鎮店之寶，非常受歡迎！我最鍾意佢個椰皇燉奶，超香椰香味，仲可以揀熱或者凍食，不過我個人都係認為燉奶要熱食先好食個榴連肉又香又濃，岩晒榴連粉絲金滿堂開左咁多年都仲保持到高水準甜品，不愧為令人一去再去的甜品小店！

每次黎襯九龍灣都會食呢間金滿堂！星期六實係好多人排隊等食，我地兩人攞完飛佢就比餐牌揀定先，咁樣的確有效率得多，因為我地揀完比咗餐牌佢之後等咗無幾耐就有位，期間不停聽到好多人叫外賣，廚房手腳慢少少都唔得啦。一坐低，凳都未坐暖食物已經到齊啦，有效率到呢......👍🏻👍🏻我地兩個都係揀咗榴槤飄香😋$44有少少貴，不過材料都多，有牛奶布甸...西米露...椰果...同埋好多榴槤肉😋榴槤肉都幾香。份量十足，所以口感都十足👍🏻即使人山人海，依然有水準！值得一食再食！

夜晚食完飯行一陣 例牌會去食糖水 今次就去咗淘大商場呢間糖水舖食嘢 見佢附近都有一間糖水舖 咁兩間都攞定飛先 跟住呢間話小人就好快 又幫我地落住order先 所以就揀咗呢間大概等左10分鐘就有位 座位有啲迫 不過都可以傾到計嘅 見呢個有啲特別就諗住試吓 出邊係朱古力糯米包住麥提沙 都幾特別嘅 不過味道就冇乜特別 試一次OK本身叫咗雜果涼粉(芒果底) 不過佢比錯左雜果西米露 同佢講返 服務員都好有禮貌講返句唔好意思 加返個涼粉俾我 涼粉夠大碗生果都好多 可能有埋西米露我真係覺得好好食朋友叫咗個綠茶三重奏 綠茶雪糕加埋個心太軟 一冷一熱好好味 加埋紅豆仲正本身唔鍾意食小丸子 所以唔知道加埋係咩味 不過應該都唔錯嘅埋單嗰陣 個店員仲係咁同我地講唔好意思 因為落錯order 真係好有禮貌第時經過都會再幫襯

晚上跟女朋友食左個唔係太飽的晚餐, 所以就去左食甜品, 呢間甜品店已經幫襯左無數次,因為我跟女朋友都特別喜歡他們的榔皇甜品, 價錢合理又好味, 如是晚上黎到都要等下位先可以入座.點了這個芒果大皇, 原個椰皇奉上, 有熱或凍選擇, 但芒果都是凍比較美味, 椰皇放入滿滿的當然少不了有粒粒芒果, 因為芒果當造, 酸酸甜甜好鮮甜呀.而椰皇以椰奶作汁底, 好香好滑的椰汁底, 而底部就有燉蛋白, 燉蛋白好滑溜溜, 入口即溶, 配上椰汁的香滑, 加上芒果的酸甜清新味道, 口感十足, 整個感覺很清新, 十分滿足. 他們的所有甜品都是以低糖處理, 所以食得健康, 難怪次次去有咁多人排隊. 也成為我跟女朋友的的甜品飯堂之一. YEAH!

朋友話每次黎金滿堂都要食麥提莎糯米糍wo, 但我本身對麥提莎興趣唔高，哈哈 但食落去真係原粒麥提莎有一層好Q軟的糯米糍係出面我會畀8/10分之後朋友話黎金滿堂食椰王是必需的其實佢椰王是有好多款的我睇完D配料 最鍾意都係紅豆加小丸子超搭同燉蛋白，真材實料，相當有飽感而且個椰汁都十分香仲有薄薄的椰肉呢個真係無力抵抗 10/10分之後就到朱古力心太軟我因為鐘意食乳酪所以加左球雪糕10蚊加1球 乳酪味的再加5蚊但呢個味道真係清新好味最重點個心太軟 超香濃朱古力味仲要好流心 如果唔加雪糕只係40蚊但高水準 同埋佢畫出來的公仔相當有心思鍾意食心太軟既人 一定要試其實餐牌上面仲有好多款想試所以回頭率起碼9/10唯一美中不足是要在門口先落單夏天實在係熱呼呼但店員都好 好有禮貌 安排坐風機位等另外就是鋪頭位置太少空間我幾乎與後面的背貼背最後付款時仲有coupon送仲見到少部份廚房位有好多客人食用完的椰殼在垃圾桶所以我都好放心下次要試芒果味的椰王

上星期係附近睇完戲，見到呢間算係新開嘅甜品店。主打少甜，既然可以健康少少，當然要試一試。因為喉嚨唔太舒服，叫左個熱杏汁燉雪耳，滋潤得黎仲可以養顏。特別女性一定要多吃，杏汁有美白作用，而且熱食對身體都好。講返個糖水先，裡面有蛋白，杏仁汁同雪耳。整體我覺得唔算話好少甜，只係比一般糖水舖少甜，食落都有甜味。杏汁煮得好稠，吃的時候覺得係濃縮版糖水咁，係好好食，好香杏味，蛋白有厚度夠滑，雪耳份量剛好。雖然係熱食，但其實唔算出晒煙個種，係可以入口暖嘅程度。另一個係榴槤女皇，凍食。榴槤本身成本貴，外面有唔少店只會俾一兩啖榴槤肉，但呢間好足料。睇得出係一兩舊仔榴槤肉，講緊嘅係平時自己食榴槤，將榴槤分成兩半個種大小。椰汁底非常香，加上椰盅入面可以拎埋椰子肉，除賣相外，都有真材實料。 如果夏天去食，我會推介食椰子有關甜品。因為一坐入去，你會聞到好香好新鮮椰味。以呢個價錢同質素，算有水準的表現。座位唔算好多，我當日去唔算多人，如果多人都會迫，唔係寛敞個種。但衞生都唔錯，再者當日見到出錯左一個甜品俾隔離枱客人，都好快手咁整返個新嘅。服務態度好好😊

由九龍城幫襯到九龍灣，都好多年了，一直保持良好水準，不過近年越來越唔掂！味道嗎？差了，但還好。是偷工減料情況越來越嚴重，甚至連以前½都沒有，部份連⅓也有點不及。杏霜蛋白，蛋白只有以前的⅓差一點點。芒果類，只有以前的⅓。榴槤類，榴槤肉只有以前的一半.... 唉以前真的與相片沒差多少，現在....

公司order外賣甜品下午茶 , 共叫了六十幾個甜品, 當中包括二十多個椰皇蛋白燉湯圓 , 打開一看實在令我嚇了一跳，然後感覺極度嘔心及反胃 , 送來的竟然是附圖中疑似重複再用的椰皇 , 有此猜測是因為椰皇內層白色果肉已全被挖去 , 與以往order的絕不一樣 , 這店的椰皇我與同事已幫襯多次 , 每次食到最後也習慣地用匙挖清果肉食光了才收手 , 見到眼前這東西我聯想到以往食完掉棄之物 , 想一想覺得極度可疑及不安 , 實在不敢進食直接丟掉了 , 之後細問下 , 原來好幾個同事的椰皇也是如此 , 這椰皇是否如我猜測是循環再用 , 大家心裡評價吧 !!!當日送來的椰皇中有些看來是正常的, 為何同一批送來的椰皇, 內裡有這明顯分別 ？是沽清了椰皇但又不想失掉訂單嗎？相信只有店舖自己才知真相附上 比較圖作證 , 如我的懷疑屬實 , 這麽樣的循環再用， 難道是環保嗎？

金滿堂食左好多年，由九龍城食到開左幾間分店。今次去到九龍灣分店就係試椰皇芒果蛋白，椰皇香 芒果甜，但係蛋白真係好飽。今次襯無食晚飯 所以點左呢個食。其實試過幾款椰皇系列 最愛都係呢款🤤🤤