金滿堂甜品

营业中

休息中

與友人到這間糖水店吃糖水由入坐計起不到二十分鐘店員已經不斷催台第一次想收，我的糖水尚有一半！是一半！其後，員工不斷來來回回想收走我們的東西重點是，他們的眼神十分不友善。到底為甚麼香港的服務一定要如此？好像我們做了賊一般當我平等地看待侍應，謝前謝後我們可否也得到平等的對待？也不求我們把自己當成「顧客」了不要讓這歪風漫燃，我不會再光顧了。

即興想食糖水， 見到淘大入面都有幾間選擇， 今日揀咗呢間金滿堂， 一反常態食熱湯水， 仲要揀咗個椰皇燉湯圓， 好似好補咁。入面分咗兩層 ，最低嗰層係燉奶 ，上面就係有啲椰子水加三粒芝麻湯圓。湯圓皮都好薄， 但我覺得芝麻餡料唔夠甜， 真係啱曬啲怕甜嘅人而椰果就麻麻 ，好似咬緊一嚿膠咁。最驚喜就係個燉奶， 好香椰子水味同埋好滑。最後我仲食埋啲椰子肉， 唔知係咪因為燉過， 好難筆到， 我要主動叫佢畀支鐵匙羹 ，我先筆到少少， 之後都冇心機再筆lu。

5個人揸車去咗淘大商場金滿堂食糖水，我叫咗碗“寶島”揀咗雲尼拿雪糕，先講啲紅豆煮得啱啱好(唔硬)，仙草好特別，切成幾舊大嘅圍住個雪糕，芋圓都唔錯，但可以煮軟身少少就仲好，值得一讚係可以揀自己鍾意嘅雪糕，因為有啲係set咗唔俾揀，再配上椰汁底相當唔錯，另外大家share咗個麥提莎糯米糍，細細粒入口即溶感覺好得意、好好味。至於店內環境都算不俗，我哋幾個人坐咗一陣都唔會趕你走(當然我哋都醒目唔係坐好耐啦)，舖頭內都好乾淨整潔，侍應服務都唔錯。價錢略嫌偏貴少少。值得一提係等位時已可選定食物落單，當有位時便有得食，唔需要等好耐。另商場亦有泊車優惠，係揸車食糖水嘅好選擇👍餐牌等位區域店內裝修都不錯寶島(雲尼拿雪糕)芋圓麥提莎糯米糍

今晚同朋友喺九龍灣食完飯之後，就諗住食個飯後甜品，九龍灣嘅甜品舖選擇不多，不外乎松記，就是金滿堂。朋友最後選擇嚟到金滿堂食甜品，一嚟到都一如以往咁多人排隊，跟住我同朋友兩人攞籌兼選擇甜品落單 。店舖好細，眼見好多人排緊隊等入座，就諗住慢慢揀，加上選擇困難症又發作，最後揀咗幾分鐘終於揀好咗。 到落單嗰下原來已經入得，我唔小心講咗句：噢！乜原來入得喇？其中一位男店員就好似串串貢回應我： 係呀，等你好耐。心諗駛唔駛咁嘅態度甜品雖然OK， 但影響咗我食甜品嘅心情。 

吃完晚餐後，還有點口痕， 所以決定吃個糖水才回家，來到金滿堂，以往的我必定點咖啡媽媽，咖啡味雪巴咖啡味濃，好好味，印象中有三球，另外咖啡啫喱也咖啡味濃郁，是我到金滿堂必點的甜品之一。今天看餐牌， 卻被可愛的小熊雪花冰吸引着，用來打卡呃like一流，所以決定點來試一試。小熊造型的雪花冰樣子10分可愛，是奶茶口味的雪花冰， 配上奶茶味雪糕和珍珠，完全是一杯珍珠奶茶，奶茶雪花冰內還有煉奶，本人覺得過甜，一切普普通通，味道方面有點失望。

近年同淘大朋友聚會飯後都會嚟金滿堂食埋個甜品先滿足，試過呢度好多款唔同嘅甜品，個人最鍾意都係呢度嘅楊枝甘露，因為最簡單先係最難整得好食嘅！而朋友就最鍾意食錦花冰，夏天食真係prefect池呀！！冇得輸呀！

嚟淘大呢邊搵甜品食選擇都幾多，今次黎左金滿堂食。「椰汁香芒清心丸」$36叫左凍，但唔係真係凍到連牙齒都發抖嗰啲，所以啱啱好。材料好豐富，有椰果、芒果、水晶珠等，我哋仲覺得呢啲材料太多椰汁唔夠Tim 🤪🤪「蛋白杏仁露」$30 Menu上面寫係即叫即整，所以呢落左單之後都需要少少時間先至上到枱，不過唔緊要好彩有另一款甜品食住先。呢一個係得暖嘅啫，不過呢真係好熱辣辣，好似幾滋補，balance 番頭先食完啲凍野

同好多人一樣呢都會鍾意黎呢一間金滿堂 ，甜品選擇多，價錢合理，雖然有時會好多人等位（真係好受歡迎），但係用餐人流快，通常唔會等好耐。「椰汁香芒清心丸」$36 材料好多，特別鍾意芒果、水晶珠等，口感幾夾，不過材料多到食到最後呢冇哂椰汁，要mix埋另一個甜品黎食 「蛋白杏仁露」$30即叫即整，落左單之後都要稍等一下。不過真係新鮮整好熱烘烘，女仔唔可以成日凍野可以考慮一下Menu上面，仲有好多選擇，下次再黎食

九龍城除左泰國野出名，甜品一樣出名，今晚系附近食完飯之後就黎到呢間甜品店，細看餐牌，呢間甜品款式多，而且某d甜品更系中西合璧，所以好多人系出面排隊進食。初戀小仙子今日點了個初戀小仙子，名字動聽，外型擺得好令。其實佢系一杯草莓雪糕，中間放左玉米片，同埋粉紅色心形草莓jelly，一看賣相已經心花怒放。雪糕牛奶味濃，配合玉米片加jelly口感豐富，有種甜蜜既感覺，可惜草莓味道偏酸，不過呢個價錢已經算唔錯，下次經過會嘗試其他甜品

位於九龍灣淘大花園附近的甜品店-金滿堂簡直是窮人的恩物，回頭率極高。六年前知道這間甜品店後，每次經過九龍灣的指定動作都會幫襯金滿堂。甜品的種類類多，質素一流，價值便宜，可以說是性價比很高。我平日飲飲料都要求微糖，故很少會幫襯甜品店。但對於金滿堂的甜品🍮甜而不膩的水準，我著實要點讚一下。喜歡芒果的朋友, 可以好像我一樣選擇金枝玉葉，金玉滿堂或龍珠二世。芒果甜而香，配料十足，雪糕水準高。我朋友是綠茶鐵粉，每次來都指定要宇治金時。另一位朋友的豆腐太子，她表示豆味濃，質感好，但整體味道稍為淡。另外，現有售純正椰青水，堂食12，外賣8元正。店內環境舒服，員工很有禮貌。店主很有品味，店內播放的音樂都是我喜歡的音樂。

點了3個外賣，去了後面的店舖購物回來不到5分鐘，坐在門外椅子等叫外賣，一直等有20分鐘聽不到叫號，終於忍不住出聲。見到店員從枱面拎出她確認已放了很久的糖水，問較年長的店員為何一直不再叫號碼她說不知道，問門外負責落單的一束馬尾及一男姓打扮的女店員，她們晦氣惡意的回應我叫了很多次。還有本人離開至回來只有5分鐘。根本認得我叫的那份糖水，回來後由得我坐20分鐘，還惡言相向，現今吃糖水要如此受氣嗎?有名氣了，四處開分店，就沒有服務可言? 還是考慮一下聘請一些有禮敬業樂業的員工!

上回講到食飽後去食糖水, 咪就係黎呢間食咯~呢間都算勁喇, 係度開左咁多年..相對差唔多位既糖水鋪, 係咁轉做唔長, 而且近期個間重做到同呢間好似~唔知佢地有冇關係架呢?!好耐都冇黎過, 依家好似唔畀再開出街坐, 只可入鋪食~連MENU 都轉埋, 都好既, 以前個MENU 都睇到厭冇新款..但我個人係食黎食去都係個幾味, 好悶的~所以對我黎講都冇乜大分別~好喇.睇完.......咁最後揀左D乜呢...我老豆既..宇治金時$38綠茶櫻花冰(點解佢地由棉棉冰改左名做櫻花冰既?)+小丸子+紅豆+水晶珠+椰果+煉奶)係我唔愛既綠茶呀, 我試左一啖... 係我唔愛既怪味黎家...><呢個係我既, 白雪奇緣$34小丸子+椰果+水晶珠+蘆薈+龍眼沙冰其實我就唔覺得沙冰底黎既, 因為佢水狀多D, 唔係結身個款~ 一係就溶哂 XDDD旦我係中意既.. 反而我唔會中意一杯好結身個款沙冰咯~~~我媽既腐竹糖水... 我冇試, 但睇落浠左D~~同埋佢係最遲上個個, 可能叮熱需時~XDD阿爺既芝麻糊加湯丸~~~ 阿爺指明要食呢個重識講加湯丸, 好爆笑~~~不過佢睇落唔夠黑同都係唔夠結身~ 如果係

桃花仙子 | $45簡直係為我而設 椰皇燉蛋白+清心丸+桃膠全部都係我至愛桃膠都算幾多 爽爽有咬口 煮得啱啱好清心丸夠煙韌 好正 但只得幾粒唔夠侯呀!椰皇燉蛋白好滑甜度剛好最鍾意食完仲可以刮椰肉黎食雪中送炭 | $33其實都係燉蛋白不過冇椰皇但有芝麻湯圓同清心丸冇左椰皇個燉蛋白比較散 唔夠滑湯圓亦較桃膠同清心丸失色湯圓皮不夠煙韌太淋 糯米粉唔夠都係個椰皇正d

吃畢邪惡的宵夜還未夠邪惡，再下一城來個充滿罪惡感的甜品吧，附近沒太多甜點店可選，在這邊想吃甜品的話，幾乎都是來這間的了。桃花仙子(椰皇燉蛋白+桃膠+清心丸+椰汁底Peach Gum & Coconut Milk Custard in Coconut Milk)早前在廣州吃過不知所謂的椰皇燉蛋白，在這裡看到這個，毫不畏懼，絕不猶疑地點了，因為我深信這裡應該會較用心。往乳白色的椰汁內舀一下，半凝固的蛋白呈現，吃一口，蛋白嫩滑無比，而且熱度十足。桃膠是淋身的，清心丸帶點嚼勁，增加了層次感，椰汁多得像湯汁似的，果然這裡的出品沒令在下失望。

大年初五。開工大吉🎊雖然已經要上班，但係都不忘下班之後約會朋友，團拜！團拜！逗逗利是！哈哈🤪同埋繼續要食有意頭嘅食物 😅 正餐過後當然唔少得食糖水啦！位於牛頭角淘大商場以其嘅呢間糖水店 - 「金滿堂甜品」，個名都已經夠晒好意頭啦！同埋嚟食糖水，都係喻意 ㊗️ 繼續甜甜蜜蜜，開開心心！👍🏽喺呢度我最鍾意佢嘅椰皇系列⭐️其實喺出邊影越來越少地方可以食到椰皇，我選擇咗”桃花仙子”（係野椰皇燉蛋白+桃膠+清心丸）一向椰皇燉蛋白已經係我中式甜品中嘅最愛♥️清心丸又一向只會喺潮州糖水舖出現食桃膠聽說有美容功效⋯⋯依家三樣野加埋一齊，好正好正啊！