金泰美食

真係好鍾意食泰國嘢！食極都唔厭！而且每次食泰國野都會諗起九龍城！金泰美食都食過兩次啦！平靚正，地方又舒服生蝦係必須嘅！其實都好大隻，都幾新鮮嘅青色醬汁就比較辣啲佢個生菜包比較特別，好香濃嘅芝麻味！見到佢有好多壓碎咗嘅花生碎來炒，非常香口！而且佢炒得好乾身，唔會有好多油或者汁滴落嚟。又鍾意呢間店嘅生菜！ 唔會太大塊，而且每塊生菜都有一條坑，啱啱好載住啲肉！食過好多間泰國菜，啲生菜都唔係咁容易包。一是大大塊，一時就細細塊。 呢間就啱啱好！老公每次必食！酸辣度啱啱好，有好多配料！每食一隻鳳爪都會有足夠嘅配料夠晒凍！大大隻蜆！火候啱啱好，仲有湯汁，唔會太乾！鮮味道十足！不過我覺得搭嘅醬汁麻麻哋，唔係咁好食。就咁食蜆會比較好啲女兒最愛！卜卜趣，又香口！唔會油淋淋，唔錯唔錯又係女兒最愛佢好鍾意啲肉鬆，都好足料！ 好多新鮮菠蘿！酸酸甜甜小朋友最鍾意！不過如果有菠蘿海鮮炒飯就好啦！串燒就麻麻地，沙嗲汁都唔係太好食沙嗲汁有啲偏甜，唔夠沙嗲味，花生味好重。同埋佢燒定擺喺度，order先再番燒，但番燒又唔夠熱😕Ok la, 一般炒菜囉😂…查看更多

之前已經同朋友食過一次堂食, 覺得幾好食, 服務態度尚可, 尋日經過入去買隻雞翼同豬肉拎走啦, 等左陣, 佢比左兩串肉我, 咁我就同佢講我要一串豬肉一隻雞翼喎, 佢已經態度唔好咁話果度係一串豬肉一串雞肉呀, 我同佢講我係要一"隻"雞翼唔係一串雞肉, 佢就好悔氣咁整過隻雞翼, 咁我就再等啦, 等佢攪掂比左袋雞翼同豬肉我, 我問佢比D沙嗲汁我, 佢勁悔氣咁一手搶我袋雞翼同豬肉加D沙嗲汁落去, 跟住比返我, 我一行幾步就聽到佢講"咁麻煩", 我已經係自問由頭到尾都好好禮貌咁唔該前唔該後咁同佢講野, 雖然D野食都算OK, 不過哩間態度差到冇人有既野, 以後都唔會去!!…查看更多

九龍城既泰國菜出曬名，今晚就試左呢間金泰美食。青木瓜沙律，辣味十足，青木瓜又夠酸，美中不足的是花生不過夠脆，是一道不錯的醒胃涼菜。泰式串燒，頗為令人失望，肉串太乾身，肉質好硬。泰式青咖喱雞，椰味濃郁，雞肉肉質嫩滑，配上蒜蓉包，十分美味。蒜蓉包，有別於一般的蒜蓉法包，這裡的蒜蓉包是長條型，口感鬆軟，外皮鬆脆得來又沒有法包那麼硬。…查看更多

星期六我對百彈齋主父母，諗九世都諗唔到食咩，3個星期前，媽媽已經話想去九龍城食泰國菜，但係因為呢幾個星期六我都約左人，有嘢做，所以……佢好慘地食咗兩次米線陣再加一次Euro GoGo，所以……今日佢話要去食泰國菜，我即換衫出發~~鹹魚炒椰菜苗 - 鹹魚唔夠，所以唔係好夠味，同埋太硬，如果再煮多陣，煮淋啲會好啲泰式炒金邊粉 - 我係非常鍾意食金邊粉，無論炒定係湯都好，我都會食，今次呢個辣度唔係好夠，鹹味絕對ok泰式辣椒膏炒蜆 - 嘩呢個蜆大隻到好似蚌咁，味道絕對夠，啲汁用嚟沾蒜蓉包係超正，但係個蜆韌到牙都甩泰式咖哩雜菜 - 咖哩比以前稀咗好多，味道唔夠，咖哩味唔香…查看更多

5月5日為慶祝母親節同家人約10人到金泰共進晚餐，訂台晚上7時30分，去到剛好入內睇好餐牌點菜就開始一個不愉快的晚餐，炒椰菜太炒得太生，咖哩虾D虾就係虾米般，冬蔭公湯太甜等，果D服務員態度重衰過好似欠左佢地咁，一邊玩手機一邊吹水，完全唔似做生意，我們好快食好已點菜(因為決定去第二間再食過)，已經唔會再有下次所以結帳時會留意帳單，帳單上完全無中文字同每個菜的價錢(得泰文鬼識睇)，除佢喜歡收多少，跟著除左明爐烏頭取消(因為無嚟)之外全數一千四百幾，一毫子都無比多走人。再無下次。…查看更多

和三五知己去食東東當然要吃又好坐又好啦！這裏地方都寬敞椰青大大個椰青夠凍夠甜又多水又多肉在香港少有飲到喔！青木瓜沙律酸酸辣辣幾野味，加上小蝦毛乾提鮮，還有炸花生好卜卜脆串燒雞腎 爽脆入味又香口雞潤 甘香又不油膩牛肉 雞肉 豬肉 燒得剛剛好又不韌，但略嫌有點咸青咖喱雞蔬菜很多，有營，雞肉夠滑量也不算少，抵吃；青咖喱味道小小辣而且浠浠地送飯食一流蒜蓉包賣相很風趣，這裏用的是嘉頓軟包，軟軟地易食不會像傳統法包製作那些刮損咀，很細心，而內在的蒜蓉牛油很多就咁食都好好吃，想沾一點咖喱來吃又別一番風味。牛肉生菜包平時常吃到的都是用豬肉碎所制的，今次點了牛肉，與別不同的是牛肉絲炒的，比較有咬口，和啖啖肉，炒得夠乾身用生菜包起來吃又不會漏汁比較方便，味道是偏辣少酸都不錯的！…查看更多

每次喺九龍城附近做完嘢，都會來外賣晚餐返屋企食，最鍾意食佢啲串燒同埋生菜牛肉包。講下啲串燒先，有啲＄12串，有啲13，我最鍾意叫嘅就係雞全翼，牛肉，腸，同埋墨魚丸。呢度嘅串燒好食其實都係歸功於個汁，佢有兩隻汁，一隻辣，一隻唔辣，唔辣嗰隻用咗好多花生同埋沙嗲汁去整，應該有自己嘅獨門配料，因為係其他地方食唔到咁好食嘅汁。而辣嗰隻呢就加左好多香料落去，都好辣下但係好香好好食，仲有啲鹹味同酸味，正！另外我一定會叫嘅就係生菜牛肉包，牛肉一樣用咗好多香料去炒，炒到啱啱好一啲都唔老，啲汁香到直頭可以撈飯食，但係一定要食辣嘅唔辣就會無味。生菜佢會切晒成棵俾你，一d都唔姑寒架！…查看更多

世界那麼大我相信做人不可一本通書睇到老的,人生如學懂不再執著我好肯定跟您說您的人生一定快活得多,像我以往不喜歡吃蟶子因為第一次吃的經歷不好,但我放下自己的執著後原來它根本可以好吃非常喔!!好彩這天來到金泰美食吃了一碟超級抵食又味美的蟶子~金泰裝潢好有泰式風情尤以那不銹鋼的餐檯,朋友笑說吃罷用布一抹乾淨俐落~先嚐{酸辣鰂魚湯}(大)$88基本上係冬陰公的前傳,沒帶椰香的酸辣湯味道酸香醒胃更加喝得出鮮甜魚及蕃茄香味,大家也十分喜歡喝至一滴不漏呢!!金泰串燒有多出名蒲開九龍城都應該略知一二,試了{泰式燒雞翼}$13/隻大大隻全翼燒得頗均勻肉質嫩嫩沒嚡口,另外泰式豬,雞,牛各$12/串嘻嘻要留肚食好西沒試喇!!金泰連醬汁都有三款沙嗲,酸辣及香辣汁,我個人偏愛辣汁貪其辣勁十足又香口^0^期待已久的{辣椒膏炒蟶子}$128,嘩一上檯各人也嘩聲四起因為那蟶子大隻得大緊要抵食到爆呀~不過店方表示都要睇貨源有時會用細隻點的不過每碟也會有近一斤的蟶子架!!溫馨提示10/4係九龍城一年一度的{潑水節}大家準備好雨衣,水槍一同去慶祝一番啊到時一定很熱鬧啊^0^…查看更多

上回經常提到的主角 — 潑水節，正式名稱應為「香港潑水節嘉年華」，今年將於4月10日舉行，當然不需要任何入場費，只要您想玩、想投入，想感受，便可以隨時加入，絕對是不分你、我、年齡、種族及無界限的泰好玩節目。參與「香港潑水節嘉年華」的前後，均可順道可品嚐九龍城的美食，盡情領略九龍城的特色與風情，絕對是非常不錯的節目。第二家要為大家介紹的泰美味餐廳名為「金泰美食」，相信不少愛吃泰菜的朋友也不會感到陌生。「金泰美食」有著地道、簡約的泰式裝潢，一排排的金屬檯真的很泰國，令我想起泰國當地不少的食肆，又一再想念家鄉了！大門口的左手邊是主理燒烤的廚房，正值平日下午茶時段的非繁忙時間，連燒魚也要躺下睡一睡了，非常惹笑！泰式燒烤 HK$86泰式串燒燒烤備有15款選擇之多，當食至少點六串，價格隨每款定價來算，做活非常靈活。我們選了雞翼兩串 (HK$13 X 2)、牛肉一串 (HK$12)、雞肉兩串 (HK$12 X 2) 和豬肉兩串 (HK$12 X 2)，端來時香氣四溢，第一時候選取了至愛的燒雞翼。雞翼外皮帶小脆，雞肉不粗糙，最欣賞它醃得非常入味，根本不用蘸醬汁，已非常滿足！另外，嚐了豬肉燒烤，豬肉偏向瘦和薄身，坦白說口感只是一般，可是最吸引我的卻是三款不同口味的泰式醬汁，有沙嗲、酸甜辣和鹹辣，為豬肉燒烤平添不少色彩。泰菜獨有的泰式醬汁，往往是靈魂所在，擁有為菜式畫龍點睛之妙能！酸辣鰂魚湯 HK$88一呷湯頭，已被那清酸、辛辣，混雜著重重的香草味迷惑了。湯韻清而不俗，但卻擁有其誘人之處，酸辣湯跟冬蔭功湯就是兩種完全不同的層次，我也喜歡冬蔭功湯，不過香港鮮有的酸辣湯更令我牽腸掛肚。酸辣湯配魚或海鮮是適合不過，這天魚頭沒來貨，改以鰂魚替代，效果亦非常理想。我絕不客氣，一共來了三碗，一解我相思之愁，異常滿足！泰式辣椒膏炒蟶子 (市價)當看到巨形的蟶子皇，再配合四溢的香氣，一時之間的感味，大家都被凝住了，待片刻才甦醒過來。蟶子確是超級新鮮、超級肥美，入口爽彈交雜，辣椒膏本身味道雖濃厚，但亦難掩蟶子皇的鮮甜，吃得我們不停叫好，簡宜是意外驚喜！值得一提是辣椒膏炒蟶子帶著清香的燈籠椒香氣，沒有死鹹、死濃的弊端，這是「金泰美食」的優勝之處！餐牌上的泰式辣椒膏炒蟶子是配約一斤重普通大小的蟶子，價格定於 HK$128。最後，根據往年參加「香港潑水節嘉年華」的經驗，綜合了以下幾點供大家參考：1. 穿著野外活動，例如可供行上或浮潛 的涼鞋或快乾透氣波鞋2. 衣著以輕便快乾衣料為主3. 帶備多一套衣物及小毛巾，一切物品使用防水背包裝載4. 如有需要，可帶備保護眼罩、雨衣、水槍、防水相機等玩物5. 切記活動要以安全為上，互相尊重，切勿樂極忘形在此，預祝大家擁有一個泰好玩與泰美味的潑水節活動，記得舉辦日期為4月10日！P.S. 小妹正在製作個人網頁，網址為 www.kanlee.blogspot.com，請大家繼續給小妹一點點支持及指導，正不斷努力為網頁增加精彩的元素，希望大家會喜歡！…查看更多

夜晚揸車去九龍城食最正宗嘅泰國菜，勁難泊車，最終泊左喺個好似惡霸駐場嘅停車場。原本去金泰最原本個間店但太full就叫我地去左都係一樣嘅分店，行過隔離only. 首先嗌左飛天炒通菜 Li碟好快就上，通菜條條都好翠綠，炒起勁好味勁有鑊氣，連埋d蒜粒一齊食好正！泰式冬蔭公(大) 好creamy嘅湯，入面有好多隻蝦，無數幾多隻總知不左四碗食極仲有蝦。好多材料喺湯裡面全部都係我喺泰國旅行玩過cooking class見過嘅香茅呀個d~而且辣味好足，亦不是tourist spicy, 係接受到嘅辣，好味！蒜蓉包 Li個一碟五件嘅蒜蓉包嘅filling絕不是齋蒜蓉撻一pat咁簡單，係蒜蓉撈重牛油好均勻地搽喺橫接面，然後喺佢地個類似炭爐上面每面烤出黎，陣陣牛油香再加上一粒粒蒜粒嘅finger bite成為左好好好開胃嘅餐前小食。Pad Thai 我地嗌Pad Thai時她呆了！因為我唔知個正確中文係咩，原來係泰式炒金邊粉。喺泰國多數好窮嘅屋企以Pad Thai做主菜，因佢容易準備d材料夠簡單，我最鐘意li個，唔辣的，有爽爽芽菜，小小炒蛋，咩料都加小小，夠簡單味美。串燒牛，豬頸肉，雞肝，雞腎 除左要一讚d肉係如此嘅tender之外，個點嘅汁都好好味，明顯選料同yip肉方面嘅工作一啲都無馬虎。紅咖哩雞肉炒飯 個飯好似無咩紅咖哩feel,好似普通炒飯，勝在雞肉新鮮，咖哩重小小會令整個飯加分。今晚都係食下d家常菜，簡簡單單叫幾個餸大家share 真滿足，因為上菜夠快有效率，我地最終只須泊一個鐘車咋！ …查看更多

話說今日同女朋友兩個人黎食野，叫左芒果沙冰，菠蘿炒飯，海鮮沙律，我想斯多4 串串燒姐，佢話一定要叫夠6 串先得，我依家唔係爭食串燒wor! 我依家有叫其他野食嫁wor! 最大問題個不嬲另一間金泰都係咁樣order, 點解呢間都得依家唔得先？！…查看更多

九龍城泰式餐廳多，但最吸引我一吃再吃的－－就只有金泰的串燒和燒蒜蓉包。龍眼冰（少冰）：太甜，有點不自然。少冰都見到成杯冰，如果正常冰量，咪會多到好似金泰名物－－沙冰咁凸哂出隻杯柚子沙律：柚子飽滿多汁，配料有乾蔥、香蔥、花生、炸蒜，細心留意原來紅色的不是辣椒絲，而是小蝦。不過，配料和醬汁過多，完全蓋過了柚子的味道。串燒：今次人少，沒有叫燒蒜蓉包，只點了串燒。堂食串燒最少要點六串，今次點了墨魚丸、雞腎、雞肉、牛肉和兩串雞翼。時間尚早，現做串燒熱騰騰，配上香口沙嗲醬，十分惹味。泰式炒金邊粉：我有一個模糊記憶，金泰有一樣食物令我討厭，但忘記了是什麼。當日金邊粉入口的一刻，我又再記起了。今次一定要記錄下來，防止自己再一次中伏。炒金邊粉配料充兄，有牙菜，蛋和數隻彈牙蝦子，油分不多，酸甜醒胃。但，和上次一樣，金邊粉很濕很濕，而且麵身變腍，比較像湯金邊粉…查看更多

來到九龍城，總會心思思想吃泰國小食。這兒的串燒最少要點六串，我們要了雞、牛、羊、魚餅各一，以及兩串雞腎。即叫即燒的肉串，既熱騰騰又帶點焦香味，很難不好吃的。我覺得今次最美味是牛肉，又腍又滑又沒有鬆肉粉味，值得一讚。串燒魚餅的味道也比預期好，魚餅內的泰式香料增添了不少風味。沙爹醬稍稀，但其實不點醬料也不打緊。燒大蜆是必然之選，但只有五隻，以七十多元來說是貴了些，不過蜆肉鮮嫩又鮮甜，而且仍略帶肉汁，算是少食多滋味吧。飛天炒菜（通菜）原來頗辣，雖然廚師還有用麵豉來炒，不過味道並不太鹹。吃串燒和吃辣再送啖啤酒實在很爽。象啤的味道不俗，麥味頗香。…查看更多

細佬身體違和入院小住,探望後跟姨姨及表妹到九龍城晚飯,地點由表妹決定到她常到的金泰美食吃泰國菜,不用動腦筋就有決定真好。週五晚上的九龍城相當熱鬧,就算已是晚飯較後段時間的泰國餐廳仍座無虛席,泰姐指示三人組跟他人拼桌,在通道狹窄的通道間好不容易地擠進座位中,肥大肉厚的我幾乎跟後面客人背貼背嚕。泰姐主動送上碗仔及熱水,有熱水可飲總較安心,加上其中一隻碗仔仍殘留上手的橙色餸汁,這壺夠燙的熱水剛好幫上大忙,只是清潔程度的確是有需要改進。不用動腦筋的泰菜晚餐,先由椰汁雞湯開始,奶白色的泰國湯飄出陣陣讓人食指大動的椰汁香,碗底發現大量香茅、南薑等的香料煮成的湯底同有著濃烈椰香,加上香茅的如檸檬香味,活像是不辣版本的冬蔭功湯,只欠辣油及大蝦而已。湯裡如鮑片的其實是切片雞髀菇,如有我喜歡的秀珍菇會更精彩,煮湯後的雞柳不太粗糙,這道不辣的椰汁雞湯其實真不錯,不過我還是會投冬蔭功湯一票。沒有太留意的看餐牌,自己只說要吃椰菜苗,在幾款椰菜苗製法中,表妹挑了有肉有菜的鹹肉炒椰菜苗,真知我心!這盤泰式炒菜鑊氣尚算過關,椰菜苗也不算太硬,只因吃過比其硬的的椰菜苗,只是幾株菜葉竟有點枯黃,可以除去黃葉才奉客會好看很多;多蒜多油的炒菜也具香氣,帶出菜式鹹味的鹹豬肉是以薄片五花肉炸脆,煮菜後也有一點香脆感,即時令我想起另一道泰式脆卜卜炸豬肉的美味。表妹點菜以串燒為主,堂食以六串起跳,以其他客人的大大盤串燒來看,三人組的這一盤串燒已不算多的了。姨姨的膽固醇萬歲燒雞肝據聞燒得夠香,粉糯雞肝很對姨姨口胃;曾經吃過味道有點酸又有點"宿"的泰式稔肉原來是表妹的心頭好,曾經試過已知道這道泰國小吃不是自己的茶。燒雞腎燒得有點乾,口感也爽爽的也真不錯;QQ魚餅有檸檬葉香草味,比以前吃過的偏辣泰式魚餅親民很多;自細鍾意食的燒雞翼香噴噴的有點燒烤焦香,燒得香脆外皮比內裡雞肉吸引,好吃。幾乎每枱也有的燒蒜茸包,明顯是兒時早餐嘉頓手指包烤成,烤過的麵包勉強有點外脆,當然可以再脆一點有著更明顯外脆內軟的口感更佳,名為蒜茸包其實蒜香一般,就算一人獨享整碟也應該沒有怪味出現。這碟包包其實最好來份咖喱來配。店裡空調有點不足,大夫要我戒凍飲的指示今晚又破戒了,青檸梳打夠氣微甜,酸度也是足夠,冰凍夠酸的解暑最好,一杯真的不太足夠。店子不大客人卻多,人聲鼎沸的泰菜館坐久了耳朵開始有點痛,還是早點離座較佳。…查看更多

九龍城一向出名多泰國餐廳，好多都打著正宗既旗號，真係花多眼亂好難擇。好彩今晚個飯局有位友係金泰常客，於是就發現左呢間正宗又特別泰國菜。五個人叫左六碟野食，碟碟都夠哂大碟，泰國菜黎講真係算好抵食！呢碟酸辣柚子大蝦一上黎個陣都有D驚，會唔會好怪架？好在個酸辣汁夠哂味，完全冇沖突既感覺，每隻蝦都好大隻，抵食之選！之後就係個個都大讚既串燒，可能因為期望過大，除左雞串夠哂滑之外，其他都不過不失；值得一提既係，個沙嗲汁好明顯係自家製，十分正宗，出面未食過既味道，為串燒加分不少。呢碟豬頸肉係朋友大力推薦，果然冇介紹錯。同坊間一般既豬頸肉唔同，半肥瘦之餘十分爽口，個醬汁聽講係正宗泰國南部醬汁，十分惹味。明爐烤魚就食得多，明爐魷魚真係第一次，蒜頭同辣椒既配搭一直都天衣無縫，魷魚又新鮮，讚！總結黎講都係好滿意既一餐~…查看更多