金泰棧 (華都商場20-21C號舖)

🇹🇭 屯門篇 · 金泰棧💬 放工特登同老婆嚟食晚餐，第二次嚟金泰棧，水準依然好穩！呢間泰式小店幾有驚喜，唔單止夠地道夠味，仲有送甜品，細節做到足～🍽 食物全部即叫即整，熱辣辣上枱，炒金邊粉唔會太油、鳳梨炒飯上枱夠吸睛，加埋個泰式拼盤同珍寶size嘅椰汁＋龍眼冰，成件事就係：滿足🥹其實同另一半放工後一齊食返餐都好幸福～❤️📍餐廳資料：金泰棧 Thai Thai House屯門屯利街1號華都商場1樓20-21C號舖📅 用餐日期：2025年8月6日💰總消費：$444（包加一）🍛 餐點：•泰式拼盤 Thai’s Mixed Appetizer（$148）•菠蘿炒飯 Pineapple Fried Rice（$128）•泰式乾炒河 Fried Noodle w/ Soy Sauce（$78）•龍眼冰 Longan Ice（$25）•椰汁冰 Coconut Milk（$25）•甜品一客（送）💑 情侶位推薦指數：⭐️⭐️⭐️⭐️（4/5）環境舒服，啱晒打卡，閨蜜聚會得、情侶撐枱腳都正！#屯門美食 #泰國菜 #小店之選 #金泰棧 #eatingwithcowcow #香港情侶 #放工美食 #打卡餐廳 #泰式料理 #甜品控 #元朗 #情侶晚餐…查看更多

今次金泰棧的用餐經歷令我非常失望，同之前幾次用餐嘅經驗大相逕庭。首先，沙嗲串燒的肉質偏硬，口感差啲，味道還好。接著，肉碎炒飯油膩到令人無法接受，食咗一啖成嘴油淋淋。😕等我哋食完串燒同炒飯，最後先上火山排骨，亦係最差嘅，當我準備食嘅時竟然發現入面有條毛髮，然後同店員講就被佢否認，最後佢就話「咁取消咗佢」，然後就捧走咗個菜，令我覺得極其不被重視。隨後佢就收走埋我哋嘅碗同餐具，好似喺度趕客，令我哋覺得非常唔舒服，咁我哋都唯有埋單走人。🥲呢個服務態度同衛生狀況，令我對呢間餐廳的印象大打折扣，真心不會再幫襯。🙂‍↔️…查看更多

豬踭飯, 好好食, 超淋, 入味..酸辣海鮮湯河清清地, 開胃, 多海鮮..芒果沙冰+$18, 但芒果味好香濃, 仲食到少少果肉, 雖然加錢但覺得抵..泰式奶茶都好香好飲..最最最好嘅係, 每個員工都超好禮貌, 我兩個人食飯霸左兩張枱仔放食物, 多人時我主動讓返一張枱, 佢哋前後多謝左我三次..每個員工都笑容自然, 已經唔知幾多年冇喺香港小店見過, 香港就係爭呢啲有水準+humble嘅店咯想去記得book位, 我好彩早到唔使等, 食飯期間已經排曬隊…查看更多

看到博客介紹屯門華都商場一家新開不久的泰菜館「金泰棧」有提供火山排骨且價錢合理，一直收藏到「想去」餐廳名單中，今天走訪屯門便朝聖一下當天為公眾假期，6:00 入座，用餐時間限 80 分鐘，6:20 左右已滿座；所有食物即點即製，需時稍長-🔹冬蔭功 (小) $68約 30 分鐘出餐足 3 飯碗的容量，加入大量秀珍菇及雞髀菇，去頭大蝦共 4 隻大蝦鮮爽度一般，湯品熱度十足，酸度及辣度偏高，味道平衡；配合芫茜、紫洋蔥及其他香料，層次豐富，醒胃又暖胃美味指數：7.5/10-🔹火山排骨 $128約 30 分鐘出餐份量足 2-3 人享用，上檯時熱度高排骨肉厚軟嫩而多汁，鮮香濃郁，配上新鮮香蔥、芫茜、蒜蓉及紫洋蔥等，酸辣比例完美，也是個人喜歡的辣度，惹味而不膩！美味指數：9/10-🔹西蘭花炒鮮魷魚 $78約20分鐘出餐西蘭花新鮮翠綠，炒至硬脆，蒜香豐富夠滋味；選用𠝹花鮮魷，鮮味稍欠，質感偏軟腍美味指數：7/10-收取加一服務費整體食物質素令我滿意，小店出品味道正宗；服務方面，店員態度親切有禮，惟限時 80 分鐘用餐而出餐速度不高，有點扣分！…查看更多

去開屯門食飯多數都係屯門市廣場，之前經過華都發現有間泰菜排哂隊，所以就決定下次食。咁今次就早少少大約6點半去食。等左10分鐘左右就入到去。今次分別點左菠蘿海鮮炒飯，軟殼蟹咖哩，蒜蓉包同埋馬拉盞炒通菜。首先蒜茸包就好香同鬆軟，外脆內軟比我想像中更大塊。配埋軟殼蟹咖哩真係絕配，咖哩好足料，好鍾意佢落左好多蛋。送包送飯都好正。至於馬拉盞炒通菜就比一般食嘅濃味，偏香辣同鹹，但都適中。而菠蘿海鮮炒飯就係性價比之選，裏面用料好足，雞肉，雞蛋，菠蘿，而且菠蘿唔酸。飲品就叫左杯珍多冰，唔會太甜但都好濃椰香。解辣一流。最後仲要送左甜品斑蘭椰汁糕（冇影到，不過一般🤣）整體黎講係性價比好高嘅一餐，會再食過！不過如果係假日就最好早啲去或者book位，因為好多人！…查看更多

隨意入去食下有驚喜海鮮新鮮 唔霉 咖哩惹味同薄餅係好夾大大份 仲有椰汁糕送芒果糯米餅 熟到剛剛好 又椰香 地方都坐得舒服場內播住泰文歌啲姐姐又熱情有service又有禮貌令我覺得好地道🤣總體感覺良好又有性價比可惜係屯門先有🥺要入大西北先食到…查看更多

友人在社交平台看到推介後嚷著要來試是晚點了泰式春卷$58泰式魚餅$68泰式雞沙嗲$78辣椒膏炒蜆$78泰式冬蔭烏頭魚$168椰汁冰$25先講比較好食嘅魚餅不錯自家製香料滿滿失敗冇影低串燒半打肉厚醃味一般沙嗲汁okay香氣欠奉有可能唔係燒係炸不過唔算太乾都可接受春卷係齋嘅食到紅蘿蔔絲同米粉素食人士請向店員再確認正常炸物冇特別有4條但好細條每條比男士手指公大少少海鮮麻麻地蜆同烏頭都冇鮮味醬汁及湯底係合格嘅飲品okay送了4件椰汁糕清新好食Sawadee ka店員態度幾好但彌補唔到出品質素繼續尋找美味泰菜…查看更多

今天我來到了一間泰國餐廳，點了他們家的三道招牌菜式。首先是他們家的椰汁雞湯，湯頭濃郁醇厚，配料也十分豐富，雞肉肉質鮮嫩。另一道是乾炒金邊粉，非常好食，配料也恰到好處。可以說是這三道菜中的亮點。相比之下,泰式燒大魷魚就稍遜一籌了。雖然外表不錯，但上菜速度慢，口味平淡。總的來說,這間泰國餐廳的表現參差不齊。有些菜式非常好，另一些則有待改進。不過整體來說,性價比高。…查看更多

今天在這間小店內用餐,點了一份豬頸肉飯配凍奶茶。整體來說,這家小店提供的午餐雖然味道中規中矩,但性價比相當高,是一個不錯的選擇。首先來說豬頸肉飯,肉質嫩滑,烹調得當,沒有過於干涸或油膩的情況。飯底是普通的白米飯,不會太乾燥也不會太軟爛,算是合適的分量。不過調味稍嫌單一,沒有BBQ味，缺乏層次感,要用佢個酸辣醬汁來提升口感。配上一碗冬瓜湯就沒有那麼好了，感覺像是使用了大量味精。雖然冬瓜的清脆質感還在,但湯的整體口感過於鹹重,喝起來有些不舒服。凍奶茶正正常常茶餐廳水準，我其實應該叫其他特色飲品，唔記得咗。總的來說,雖然這家餐廳的菜式口味不突出,但價格便宜,性價比很高,適合偶爾想要簡單填飽肚子的用餐選擇。如果對細緻的口味有要求,可能需要尋找更高檔的餐廳。…查看更多

今日lunch黎到屯門行街見華都商場都有唔少平價餐廳我地就揀咗食呢閒嘅泰國菜價錢平均58~60都算ok而且冇收加一仲有野飲我地order咗一仲馬拉盞炒飯同海南雞撈檬馬拉盞炒飯十分出色好香而且蛋煎得好靚係有d燶邊食落唔辣會想食唔停手反而另一款海南雞撈檬就相對上比下去佢地嘅海南雞係有骨而且都幾多碎骨食落要好小心變相唔可以同檬粉一齊食冇好有滿足嘅感覺反而仲要怕會有碎骨同檬粉混埋一齊食呢個係有d失望雖然餐牌上冇寫明係冇骨…查看更多

成日經過屯市，望落去華都，見到排哂隊，碌社交平台見到呢間金泰棧，好似幾抵食，一於book位試下！745去到，但book 左8點，門口姐姐好有禮貌，話去行下先轉頭返黎就有喇。之後755左右打電話黎話可以返黎喇，有位喇，讚！首先有杯珍多冰（唔記得影相）個底有綠色同粉紅色條條，正常發揮。串燒，牛賣哂，今日得豬同雞，豬比雞好食，沙嗲汁濃淡適中，入面有d 花生粒粒的，唔錯（究竟點點醬先可以點埋d 花生粒粒？求指教）小冬蔭功，呢個好飲，酸同辣都好夠，2個人可以一人分到一碗半左右，過下癮都好足夠！入面有4隻都算大既蝦，姑同蕃茄仔再多d 就望落豐富d 喇，不過真係好飲的，唔係坊間個d 好咸。粉絲炒蝦，好有鑊氣，蝦都有4,5隻，2個人每人食左一碗，重可以裝落飯盒做第二日lunch😂香葉肉碎炒飯，鑊氣有既，我就覺得唔係好夠肉碎，無乜餸咁，但店飯都大嫁，味道都唔錯既。最後先黎菜，就咁dry 食就覺得咸喇，如果同飯個d 一齊黎應該會感覺無咁咸。同埋唔算大碟。最後！原來用openrica 訂位送熱辣辣芒果糯米飯❤️好味，芒果好甜好香，飯熱辣辣，椰汁又比得夠，每啖飯都有汁汁包住🥰我見其他枱都有芒果糕送的，送埋甜品呢個服務真係好好啊🙏🏻埋單，2個人4百幾蚊，叫左5餸1飲品又算正常價？唔係話好平好平。但我覺得呢間金泰棧無坊間泰菜咁咸咁重口味，所以我都會再黎的，想試下粉絲蝦煲同蒸烏頭！…查看更多

今晚好想食泰國嘢,近近地,揾咗華都哩間泰國餐廳試下。去到門口,職員已好有禮貌接待。我哋兩個人都細食,所以只叫了泰式蝦醬炒飯,豬頸肉沙律同青檸梳打。泰式蝦醬炒飯: 又幾香幾好食, 唔油,配泰式腸(甜甜地),好味。豬頸肉沙律:微微辣,同平時出面食嘅唔同,哩到用生菜包住豬頸肉食,無咁膩,不經不覺就食晒成碟。青檸梳打:我叫了少甜,鐘意佢夠酸😊餐廳仲送了兩件椰汁糕俾我哋,好重椰汁味。見隔籬枱個蝦餅好似好好食,下次要試。仲想試埋串燒。…查看更多

平時嚟華都係因為帶小朋友嚟夾公仔🧸🤭但原來入面仲有間價錢唔貴又好味既泰國菜🇹🇭店舖地方雖然細 但座位闊落 裝修充滿泰國feel不得不讚呢度嘅店員服務親切又有禮❤️泰式菠蘿炒飯 $128用菠蘿殼盛飯 金黃色的炒飯粒粒乾爽挺身入面用上新鮮菠蘿🍍酸酸甜甜 好開胃🤤泰式沙嗲串燒 $78串燒夠淋 入口juicy又彈牙香濃沙嗲汁甜甜地 配搭串燒好惹味😋肉碎生菜包 $68香料配上微辣嘅肉碎 香口醒胃再包上新鮮爽脆嘅生菜🥬 真係好好味👍🏻青咖喱（雞） $88青咖喱下面原來雞嘅份量都有好多不過都係覺得雞係配黃咖喱會好味啲純粹個人意見😝…查看更多

平時行過都超級多人，好在OpenRice有得訂位。今次食咗佢個乾炒豬肉河，上到嚟好大碟，不過味道適中，又夠晒鑊氣。唯一唔好嘅，就係有少少油。不過呢啲小店係值得支持嘅。會再返嚟幫襯。50零$60食到呢個質素都收貨！…查看更多

Intro: 呢一日工作嘅關係又黎到屯門區，就工作地點方便，去左華都商場食飯，而呢次黎到一間食泰式餐廳食晏，發覺呢到大約嘅午餐55-60蚊埋到單，仲有野飲送，飯類嘅選擇都多，不過坐嘅位置偏少。___________________🍽 菠蘿炒飯💰 55 ⭐️7.5/10✍🏻 份量好大兜，炒料包括腰果、雞肉、三色豆同菠蘿，仲有好多肉鬆蓋面；✍🏻 炒飯炒得偏乾，粒粒分明，而新鮮嘅菠蘿帶點酸，增加左炒飯嘅味道配搭；✍🏻 雞肉雖然細粒，但有好多粒，不過就憶較硬左少少。🍹 凍蜂蜜青檸柑桔💰 跟餐加配 ⭐️4/10✍🏻 就算寫左有三個配搭，都比泰式嘅柑桔搶哂焦點；✍🏻 主要都係鹹澀味，飲唔出蜂蜜應該帶出嘅甜味，整體可以話唔好飲。___________________🏠 金泰棧📍 屯門華都商場1樓61號舖⭐️ 7/10___________________…查看更多