金沙角燒鵝小廚 (已結業)

金沙角？在元朗居然有金沙角，我呢個沙田人幫襯咗金沙角超過20年，呢間就梗係要會一會佢，希望搵得番嗰種味道。佢哋真係小廚素質，並沒有大排擋嘅鑊氣，要有鑊氣煩請稍移玉步到後街就能解決鑊氣呢個問題。今日叫咗燉湯一盅，幾好味有好似無味精，唔錯。燒乳鴿就比較普通，皮唔脆，肉亦鞋。椒絲腐乳通菜，太濕啦，就好似湯浸咁。椒鹽鮮魷拼鴨舌，鮮魷正常而鴨舌炸過頭偏硬。另外再加多支啤酒，全單360（人均180）就因為「金沙角」呢個招牌入去幫襯，而若果用喺沙角金沙角嘅水準來説，真係不值一提。…查看更多

疫情期間，因有限制令，我們5人，只能分成兩枱。正因為分成兩枱，所以$10的特價小菜，我們可以點兩碟。我們點了梅菜蒸肉餅和蒜蓉蒸勝瓜，雖然$10，但份量不少，非常超值。每人也送上燉湯一盅，這個則比較清淡，喝了兩口，便沒有再喝下去，免費的東西，也是差不多魚翅撈飯，只售$98，但欠缺了魚翅湯的味道，一分錢 一分貨，這個也是理解兼明白。其他小菜也是乎合水準，份量充足，價格合理，在元朗宵夜的好選擇當晚也有不少客人，所以有點氣氛，因為疫情期間，很多餐廳非常寧靜，欠缺了外出用膳的氣氛…查看更多

金沙角燉湯小廚呢一間大排檔，食落去水準真係好高！冇諗過一間大排檔環境咁乾淨，而且服務態度好好。一坐低啲侍應就俾咗兩杯水我哋，然後就即刻遞左兩溫暖粒粒嘅燉湯俾我同朋友。個燉湯飲落去，冇乜味精味道，都飲得出佢燉左好耐，所以個湯水好入味！而且入邊都好足料，包括有杞子同瘦肉等等。之後呢一個炸得脆卜卜嘅魚，啲蒜蓉炒得勁香身，但一啲都唔會油，每一舊都啖啖肉，送飯一流！之後呢一個韭菜炒海鮮，真係超足料！入邊仲有啲魚乾、蝦乾、腰果等等，而且又唔會好鹹，真係好好食！而呢一個泰王骨，食落去酸酸甜甜，而且啲肉同啲骨都唔會好黐實個種，除咗配飯食之外，真係覺得食多幾舊都得！而且肥瘦適中，真係好好食！…查看更多

這間位於元朗小炒店鋪！店舖交通都好方便！至於店舖裹面都算好大！坐落覺得好舒適!「至於食物方面款式都好多！食物方面都好夠穫氣！比得住過去年代的大排擋！非常之唔錯！-我叫咗三款特色小菜:太王骨喬菜友炒燒肉銀鱼仔炒勝瓜-太王骨賣相又吸引！味道酸酸甜甜！味道恰恰好！肉質腍滑食入口一口就化開！咸甜適中！肉質好新鮮！味道真係好好味！銀魚仔炒勝瓜味道恰恰好！勝瓜軟硬適中！再加埋D鋃魚仔既魚香味、雲耳再倒勝瓜大炒！非常之正！喬菜炒燒肉！嬈肉非常之味！又夠腍味道恰恰好！將喬菜炒落D燒肉溝埋D喬菜非常之好好食!喬菜又唔會過腍！至於價錢方面中等價錢唔算貴！有質素食物可以接受！外賣還可以八拆售賣！…查看更多

這間位於元朗市中心的餐廳，主要以中式小菜及火鍋為主，而且有很多不同海鮮供應，食物都有鑊氣。一坐低店員會幫忙量體溫，又提供酒精搓手液消毒，防疫功夫做足。另外還送上一人一盅的雞骨草燉排骨，味道清甜。西蘭花炒鮮魷鮮魷是新鮮貨，入口爽彈帶鮮，配上蝦醬更能提鮮，西蘭花翠綠爽脆。豉椒炒鵝腸鵝腸唔會太肥，中間的油脂大部份都已去掉，入口爽脆，旁邊配上三色椒令色澤鮮艷。風沙茄子茄子釀了些似是蟹柳，一樣上了炸漿去炸，炸漿很落又脆，又唔會油淋淋，做得不錯。…查看更多

就係因為呢個餐牌，魚翅撈飯，仲要係堂食平過外賣，價錢都只需要$99，我就係咁俾佢吸引左入去幫襯坐低冇耐就送左碗燉湯俾我地飲，碗湯勁足料，入面有好多蟲草花同瘦肉架食大排檔緊係要叫豉椒炒蜆，有少少辣味但又唔會蓋過蜆肉既鮮味，仲要每隻蜆肉都好大隻食得辣既我仲叫左個麻辣雞翼尖，花椒八角令我既味蕾增添唔少刺激感我同朋友就叫左半隻沙薑雞，其實份量都唔少，有d驚食唔哂，我最欣賞佢既地方就係隻雞既雞皮好彈牙，連平時唔食雞皮既我都忍唔住食返一兩塊生平第一次食既魚翅撈飯，好有仙氣呀，飯係炒左底，個汁就有d似碗仔翅，不過重點係佢地落左真翅…查看更多

下班時間來到元朗吃飯，去了金輝徑去看看，這條街有很多小炒店。但我們看到這家新開的小廚挻多人，未食過決定進去吃吃看吧，看到店舖環境挻大😆。雖然面對疫情及措施，餐廳仍然有不少客人來吃東西。點菜之後店員會為我們送上抗疫湯水"雞骨草燉龍骨湯"，這個湯品清熱解毒，味道不會太咸剛剛好😊。💥美味泰王骨(人氣之選)，擺盤排放到像花形挻特別📸，這道菜是用了泰式甜辣醬令到味道酸酸甜甜，挻惹味又開胃的小菜😍，用來拌飯不錯😗。💥銀魚仔蝦乾炒勝瓜，這道菜挻賣相綠綠的感覺健康，吃得健康一點也不錯。裡面還有雲耳豐富了口感。銀魚仔口感像吃鱿魚絲挻有咬感。💥喬菜炒燒肉，是小店新出的菜式，這道菜雖然有燒肉但竟然不太咸有驚喜🤭。燒肉份量挻多，這個也是綠色食物所以挻健康。食物素質不錯份量不過不失，環境挻舒服冷氣充足，地理位置在嘉城廣場附近。之後發現外賣還有8折優惠，感覺又便宜一點😍。…查看更多

落著雨的黃昏，同朋友買完野，諗住去買埋外賣返屋企食廢事煮啦。行過呢條食街，見金沙角無乜客啲枱又隔咁濶，速食個晚飯都好喎，而且無湯水好耐啦，想飲啖熱湯潤潤喉。同朋友揀左張單邊枱坐，感覺靠邊安全啲，哈哈。店員即刻要度體溫，啱嘅，咁嘅時勢係安全啲好，保障大家嘛。仲送上熱茶一壺，洗洗餐具求安心。新張期間會送燉湯，真係熱辣辣嘅燉湯呀，唔係茶仔啲例水。湯頭清潤鮮甜，味濃且不油膩，熱湯真係好好飲，勁正呀美味泰皇骨呢碟餸如其名，真心美味，哈哈。豬排骨條煎封，沾上蒜香酸甜辣的醬汁，香口有層次，勁好下飯。風沙茄子（半份）原本是一客八件的，但店員建議我們要半份好了，二人吃不到咁多。上碟時一球球的賣相可愛，炸物內裏是墨魚膠包著茄子，外脆內軟呢，而且炸蒜超香，不禁撈了點去拌飯。金沙小炒皇是色香味俱全的小炒皇，賣相閃亮亮的十分吸引。韭菜花炒得翠嫩，大蝦爽口，最正係銀魚仔，蝦乾，魷魚，腰果都下得多，鹹香鮮味，來貨價都唔平，落咁多會不會虧本啦啲餸咁好味，白飯都食左兩碗。好味好味，等疫情過後叫埋親戚朋友一齊食先。…查看更多

是夜到了新開不久的 《金沙角》開飯，貪其就腳方便，加上街坊價錢，經濟實惠，實不二之選！環境乾淨企理，寬敞自在，牆上掛滿了推介菜式，方便美觀！甫坐下即送上是日燉湯，蟲草花燉龍骨，湯水清徹見底，是看得見的燉湯，滾熱燙嘴，味道清甜。黃金中蝦，咸蛋醬夠咸香惹味，蝦肉彈牙，份量多，粗略計約有廿隻，兩口子真的吃不完 😋😋！美味泰皇骨，味道口感有驚喜的，帶點泰式的酸味，好醒胃。肉質有咬口又不會韌，同樣份量都超大，好抵食。風沙茄子，外層香脆乾身，沒油膩感，內層茄子質感軟綿，加上惹味蒜蓉粒，瞬間清碟！二百餘有三餸加靚湯，真的超值扺食！離開前還有開心大發現，原來這裏還有8折外賣荷葉蒸飯，在這段期間實在太應市了！…查看更多

🙌🏻 元朗老街坊誠意推薦既大排擋餸菜❤️❤️今日一次黎試下先，兩嗰人嗌左三碟餸，仲有老火燉湯，白飯兩碗，好夠火喉呀真係😋🎈砵酒焗桶蠔，一般不是薑蔥就係黎去砵酒焗，再唔係就酥炸既，今次我就砵酒焗一焗啦🥳一上枱嗅到香噴噴的，仲要熱辣辣😝醬汁非常濃郁😘食落嗰蠔邊微微既脆，再掛上濃濃的砵酒汁，仲有裡面既洋蔥🧅同紅蔥伴底，又係索哂啲砵酒味，一定要食哂佢地😋🎈蒜蓉粉絲蒸扇貝❤️兩隻扇貝都好肥大肉厚😋扇貝好新鮮呀，重點係粉絲蘸滿了豉油，變得好惹味，索哂所有既精華🥰蒸煮既時間火侯拿捏得恰到好處，調味方面剛好呢，粉絲份量勁多，大愛❤️🎈西蘭花鮮魷吃西蘭花，西蘭花炒得夠硬實🥦夠哂清甜，魷魚大片，仲要好厚身，滑嫩得黎好有嚼口，保留鮮甜既海鮮味😘重點一點都不油膩呀，配上蝦醬相當惹味呀😚😚…查看更多

《🤙🏾炸物介紹時間🤙🏾》今天要來介紹的是我們的👉🏻👉🏻風沙茄子👈🏻👈🏻外面酥酥的茄子 一口咬開是嫩嫩的魚肉美味真的不在話下🤤🤤也是金沙角的人氣炸物！！！許多客人一試就完全愛上了呢😝🧡快來嘗試看看吧😋😋😋…查看更多

和同事來吃個火鍋！好味👍！配料新鮮！牛肉好食！第二次帶朋友來吃，炸乳鴿正！芋頭油鴨煲正！椰青雞煲正！服務好！問問下，原來這店係我細個時，常由我以前家住彩虹，逢假日乘車去沙角邨嘅大排檔！我已訂了25/12再吃！🤗🤗🤗…查看更多

今晚去左一轉！燒味拼盤 必食$158 比85分筍殼魚 外脆內鎖汁 好考功夫90分咕嚕雞球 糖醋有大排擋feel 80分雞油炒豆苗 唔好以為易搞 85分結果5個人 幾百元落樓 不過要等位😂…查看更多