金恆香海鮮酒家

今日落錯左單想食牛肉冇落到想拎張單睇，服務員冇俾，我就話你俾牛肉我，姐姐話牛肉未熟俾唔到，事實我寫錯單牛肉又點會到，講一次唔夠兩個服務員都講，我冇話錯左果碟唔要，只係睇下有冇落單，冇過醒最後傳菜拎出黎，好小飲茶你樓面同我講三個人關我咩事，即刻數行成個場都有十個多人，個個都好唔開心咁，白色衫果d講既野完全冇道理，唔嬲都俾佢搞到火…查看更多

是日無煮飯, 又係外出搵食嘅時候今晚去咗天慈邨間酒樓, 叫做金恒香平日屋村酒樓都坐到一半人, 應該有啲保證隨便叫了幾個小菜, 兩碗白飯!出菜速度尚算可以👍粟米斑塊❤️❤️❤️大大舊斑塊脹卜卜再加一大碟粟米羹酒樓將斑塊同粟米羹分開都好, 因為有啲人唔太鐘意混粟米 或者 唔鐘意太淋😜佢將啲斑塊分開一邊, 自己鐘意混幾多就幾多!😍😍菜芯炒牛肉❤️分量OK, 菜芯都炒得好有鑊氣牛肉略嫌咸咗少少, 但可以接受😀😀京都骨❤️一上菜時我以為係咕嚕肉, 哈哈~ 其實佢應該同咕嚕肉個味一樣, 酸酸甜甜咁好開胃😋😋😋大致都OK, 而且平日又唔使等位,下次可以再黎食👍不過酒樓價錢比餐廳叫餸食飯貴3個小菜+2個白飯就要 三百幾蚊!間中豪一下都OK嘅😁😁…查看更多

今日心血來潮，特意去這間酒樓買了半斤蜜汁叉燒加菜。可惜事與願違，這半斤叉燒一點都不甜，完成沒有蜜汁，只有鹹味。外表乾到柴皮一樣，加上一點點焦黑，內裡一點肉汁都沒有，底下還送上一瓢鹹豉汁。…查看更多

WEEKEND中午5多人, 可直入。蝦餃: 幾對板, 蝦都幾多, 個皮再薄D 更好, 無乜肥肉, 5會膩燒賣: 正常質素, 有菇有蝦有肉, 不過D肥肉都有少少膩叉燒腸: 一般, 多D 叉燒更好, 腸粉更薄會更好鴨腳札: 入面又幾多料WOR, 有蝦肉, 雞肉, 芋頭, 抵食雞絲粉卷: 粉皮超厚......... 入面都係雜菜多, 麻麻....煎薄CHAK: 厚過出面少少, 但個邊是脆脆的, 入面部分是軟軟的, 好香蔥味, 5算好油, 好食。…查看更多

畀咗500蚊訂金訂兩圍， 點知食嗰日等兩個鐘頭先食到一碟乳豬， 仲要員工態度惡劣話:係咁㗎啦等下啦🤬 有冇搞錯呀邊有咁過份， 人哋遲過我哋呢 同我哋叫嘅一模一樣， 點知佢哋都食完埋單。 最後梗係走啦仲等， 部長仲諗住收我哋 一千多元啊 酒樓回覆 廚房 罷工。。。。 咁我想問 罷工 嘅話 人哋又出到食物 千六蚊一圍 為咗賺錢不停入客， 一早訂咗枱 畀曬訂金 嗰啲就唔出嘢食畀人， walk-in嗰啲就照做。。 實在太過份喇…查看更多

今朝早11點左右同父母係天慈樓下金恆香飲茶，點心碟入面有曱甴仔屍體，立刻想叫人換左佢，點知勁耐冇人理，唯有出聲大叫唔該，先有人死死氣走過黎，見到之後只係講句唔好意思就拎走碟點心同單刪去呢碟嘅錢，完全唔比時間我反應，亦冇問我想點處理，作為證據嘅相都影唔切，擺明想我多一事不如少一事，唔好張揚。雖然明白飲食業難做，出街食一定唔係好乾淨，但都唔係咁架！上次食佢晚市就腸胃炎，因為全家得我一個有事，以為唔係佢問題，而家諗返起，肯定係佢d食物本身就唔乾淨事。食物不潔，服務又麻麻，差評！…查看更多

六六無窮開運茶， 當然座枱号好重要，今日感恩大初二，老天爺比張易得易，吉利易我地🙏🏻🙇🏼‍♂️咁當然要d開運菜la,各位甜親蜜友㊗️孖寶同你 處處都係生財路， 發財就手贏金豆， 腰纏萬貫賺金磚， 上天仙踪指引卷 ，健康平安富備卷，當然仲有“金盞銀河笑呵呵“🈵️🈵️🈵️講番我最重視嘅服務態度， 可能因為係新正頭嘅關係笑容都充滿面嘅， 當然我成日都話 做服務行業唔要卑躬屈膝，但係起碼都比較要nice啲呀, 嚟咗幾次今次都見到佢哋有笑容嘅， 不過始終廚房出品個look到招呼客人嘅樓面，形象始終如一個字，“hea“~~🤣講番食味……都ok嘅， 一般舊式茶樓咁， 咸你唔死又唔會話淡， 有呢一碟處處都係生財路講起， 夠大碟，都爽嘅。 發財就手贏金豆就ok， 麵豉醬都夾得好好啲花生都好夠味都有啲發菜仔豬手都ok，都唔錯嘅， 係仲有輕微……!男腰纏萬貫賺金磚就ok啦， 金錢肚啱啱好不爽不淋 ，白蘿蔔同佢都好入味 。其他一般ok，無嘢講， 唔讚得，但冇嘢好彈，呢d級數嘅茶樓咁上下啦， 反而嗰個 金盞銀河笑呵呵 可以喎……凍咗都可以叫味唔錯， 但係佢哋冇辣椒醬配只有辣椒油又輸兩分🤨…查看更多

呢晚同咗屋企人嚟呢間位於天慈邨嘅金恒香食晚飯。一般酒樓格局，以酒樓嚟講呢度面積唔算大。甜酸咕嚕肉 ($80) - 咕嚕肉肉質腍滑鬆化，有豬肉嘅鮮味，甜酸醬汁調得幾好，味道同口感都唔錯。京都焗肉排 ($88) - 焗肉排有少少咬口，醬汁甜甜酸酸，加上香甜嘅菠蘿，十分好送飯。瑤柱海味雜菜煲 ($88) - 有西蘭花、生菜、菜心、白菜仔、魷魚、蝦米，雲耳同粉絲，可惜食唔到魷魚同蝦米味，而且煲入面嘅菜大部分都已經焗到好腍，唔推介！紅燒北菇豆腐 ($78) - 豆腐香滑得嚟有豆味，冬菇厚身爽口，味道唔錯。欖菜肉鬆四季豆 ($80) - 四季豆夠熟又唔會有臭青味，火候控制得宜，配上香口肉鬆，好食。整體嚟講，五個菜只有一個比較失色，其他嗰四個都幾好食，而且價錢夠平，呢度仍然係唔錯嘅選擇。…查看更多

岩岩番香港，男朋友住天水圍，陪佢入去同佢屋企人食飯。佢話呢間金恆香海鮮酒家佢地成日黎食，同好多員工都好熟，所以好彩地我地都冇遇到其他人所講既服務差既問題。咁澳洲係唔會有燒鵝食既，因為鵝係澳洲係受保護動物。番到香港，我男朋友最掛住就係呢度既燒鵝燒鵝肉多，食落唔鞋口，重點係唔會太肥，岩岩好，佢一個人清左接近半份另外，個叫左個波士頓龍蝦伊麵，加30蚊要芝士上湯（汁）。龍蝦肉味鮮，但由於隻龍蝦都有d細隻，所以肉就唔係好多。芝士汁超好味，芝士味濃加埋伊麵係世界級好味！！！食咁多肉同重口味既野，當然要叫番個菜。叫左個西蘭花花姿象拔蚌，不過不失，蚌都爽口既，西蘭花就太硬，味道一般…查看更多

大家認住佢 從未試過有經理可以用粗口鬧客人 要求換走多餘嘅枱布 佢話d枱布用嚟搭枱用 但我表明我唔介意搭枱 但我只係想佢攞走張多餘枱布 跟住佢就講粗口鬧我和家人 說我們浪費一張枱布 但以當時現場環境冷清係唔需要搭枱 我要佢拎走張枱布係因為野食唔夠位放 其實好少嘅件事 但個問題根本就係個經理（懶） 仲用粗口罵我地 仲話有咩投訴就向佢投訴 因為呢間鋪裏面佢最大 有咩投訴就向佢投訴 但係佢表明話唔會受理 我覺得真係好過份 作為一個經理 都唔應該講粗口 我以後都唔會再去呢間幫襯 有心人 見到此post 麻煩傳出去 不可以讓這個經理得逞下去......…查看更多

今日係天慈間金恆香食野，去到拎位，佢就話入面有位，支客帶完我地入去行左圈跟住再叫返我地出門口話轉頭先有位，都吾知玩乜？！tick完點心跟住點心黎啦，見住個呀嬋吸多左兩下，就同佢講:e...你係咪吸多左？之後佢係度數係度望話吾會吸多你架！驚死呃你咩咩？！我調返轉張卡佢睇，佢先話係吸多，拎走張卡時重話我驚死蝕底！個一刻超無奈！似老賣老，話佢都無意思，只會覺得係食客無理取鬧😒😒不過啲野食都吾會太難食，但感覺好差…查看更多

難得今日同屋企人一齊飲早茶，諗住近近地上嚟食。其實原本對呢間酒樓都冇乜期望㗎啦，但都完全估唔到會咁嬲，嬲到我要上嚟openrice 寫佢，都係第一次😤😤我一行到入去，我expect 門口個個侍應一啲招呼都冇，完全唔問人幾多人。我都算啦，照行入去睇下有冇位。但點知行到入去仲衰，我問侍應邊度有位坐，冇人應。Fine~ 咁我兜多一陣啦，睇下有冇人行埋嚟招呼，結果我專登行到5個侍應面前，企响佢面前幾分鐘，佢地都當我透明，完全問都唔問幾多位。就算你間嘢生意幾好，都唔係咁做生意啦，完全唔識招呼人，完全冇服務可言。😡😡😡👎🏻👎🏻👎🏻之後我行埋佢地度，叫佢地安排我坐低，話一張近門口，另一張坐入面啲，咁我就話唔坐門口位啦。即係叫佢帶我去入面啲嘅位，點知個姐姐講完之後，唔單止唔帶我入去，而係即刻招呼另一枱客。🤬🤬🤬後尾我媽同經理投訴冇人招呼，佢地先安排到座位，由到埗到坐低，總共用咗我差唔多20分鐘時間呀。🤮🤮🤮🤮其實本身都激到一肚氣唔食呢間，但係我阿婆行唔到遠路，唔想再行出去銀座食，先逼住食呢間咋。。😡😡😡😡😤😤😤😤而家奉勸各位，如果你地唔介意冇人招呼，冇人帶位嘅話，咁恭喜你啦，你可以嚟呢間應該係"全港首間全自助嘅酒樓"👏🏻👏🏻👏🏻總之一句總結哂，服務超差，唔係，應該係完全冇服務嘅酒樓，以後貼錢俾我都唔幫襯呢間呀！！！垃圾！！前所未有嘅垃圾！！！🤬🤬😤😤後尾上菜時，我地又係個間房入面第一枱落單嘅，但最後先叫嘢食個枱客竟然上菜先過我地。。真係除咗冇服務之外，上菜都慢吞吞。ps1. 有時真係寧願俾貴啲，食好嘢，服務招呼周到嘅餐廳，都好過貼錢買難受。。。Ps2. 如果openrice 有得俾負分，我一定俾足哂佢!!!…查看更多

有時候會突然想食點心但唔係次次都有閒情逸致坐低係酒樓飲茶食點心，所以我都幾經常買酒樓外賣點心食價錢方面我就唔知係同堂食相比係點，但至少外賣冇加一同冇茶錢其實我鐘意酒樓燒賣多過街邊魚肉燒賣，雖然都係好肥好唔健康ga la酒樓燒賣出名肥豬肉係多，但就係好食好像是22蚊一份，四大粒，做早餐就剛好因為一買就即食，所以有時會同店員講唔洗膠袋好快幾啖就食完一份燒賣如果有時係買外賣返屋企食，就會買下其他點心，亦都試過買排骨飯，以屋邨酒樓黎講其實大部分都唔錯…查看更多

是晚一家人同老爸食晚飯慶祝生日，老爸為其就腳方便，就選擇了在屋企附近的酒樓用膳。這間酒樓位於天慈商場一樓，從天水圍西鐵站轉乘輕鐵既話，一個站就到了。如果步行既話，15分鐘左右就可到達，其實都幾方便。裡面環境都幾光猛，空間感都大。另外，大堂中央有部超大的電視機因為是星期一同埋做街坊生意，所以今晚人流不是太多。我們一坐下，老爸便開始研究菜單，準備叫餸開餐1) 至尊孖寶 $148.00(抵食，價錢平，份量足)燒味拼盤 鴨同雞都比左隻脾我地啊清蒸龍躉仔都幾大條下，而且肉質厚實軟淋2)上湯焗龍蝦(一隻)伊麵 $158.00龍蝦算大隻，而且肉質厚實，有咬口。3) 椒鹽八頭大連鮑魚 (6隻) $174.00鮑魚都算是大隻，但用椒鹽整，確實食唔出原有既鮮味，所以都應該係要清蒸肉質厚實，彈牙4)片皮鴨 1隻$98.00片出黎既皮都非常多，而且沒太多肥膏5) 薑蔥炒肉蟹1隻 $118.006)原籠蒜香糯米蝦 $78.00蝦肉新鮮彈牙，用蒜香一齊蒸，充滿蒜香味，正!*** 憑卷於晚飯用餐，免費贈送脆皮燒雞一隻有效期至30/4/2018 *** 開頭以為送既嘢一定不會太好啦，點知...........好大的一隻雞.............出乎意料喔外脆肉嫩，雞肉厚實，我都忍唔住，夾了好幾舊…查看更多

媽媽在下午茶時看到有晚市優惠覺得很抵食，所以晚上我們就來試下由於時間很早，再加上是平日的晚市所以人流不多食物由爸爸發板，我們一共叫了九味餸首先就是叫了片皮鴨，另外也可以選擇一鴨兩味即叫即燒，仲會係你面前切片抵食套餐（龍躉+燒味拼盤）$148上海龍蝦伊麵 份量都唔算少，而且都算啖啖肉薑蔥炒蠔都好大隻下鮑魚$29/隻 （2隻起落單喔）食落口感好特別，而且都好彈牙^^薑蔥蟹蒜蓉糯米蝦最抵食的是因爲媽媽在這裡飲下午茶所以有張送脆皮燒雞的優惠券4人以下送是半隻，5人或以上是送全隻的而且仲幾大隻下，同埋燒得好香好脆添整體來說：食物質素也算不錯以晚市散叫九樣餸埋單每位也不用$200來說可以算是很抵食，而且當中還是以海鮮為主呢…查看更多