金屋泰國菜館

营业中

休息中

小編有次經過呢間餐廳，見泰式風情十足，而且長期都好多人食，就bookmark左佢。今日同朋友慶祝生日終於試到啦，而且仲有好好嘅體驗！ 🧆泰式拼盤 $138 泰式拼盤入面都有幾款小食，包括蝦餅、炸魚餅、春卷、串燒雞，配搭咗三款唔同嘅醬。雞肉串燒記住點沙嗲汁，味道更好食！拼盤嘅小食全部都熱辣辣，好香口！小編建議大家記住襯熱食！ 🐟泰式明爐烏頭$158 泰式明爐烏頭有大半手臂咁長，味道酸酸甜甜，啲魚肉好滑而且一啲都唔腥！餐廳 更會隨魚俾多碗汁你，怕煮乾左條烏頭會唔好食，好貼心呀！ 🍝泰式鮮蝦炒金邊粉 泰式鮮蝦炒金邊粉整體炒得好好，金邊粉唔會痴埋一PAT野，條條分明，而且酸甜味道好適中！鮮蝦都算幾大隻，而且口感都幾彈牙！ 🦪泰式煎蠔餅 $78 泰式煎蠔餅係用鐵板上，上枱嗰陣仲係好熱！蠔餅煎得金黃香脆，而且蠔仔份量非常多，啖啖食落去都咬到蠔仔 🥭芒果糯米飯 $50 芒果糯米飯分別由紫糯米同白糯米組成，兩種糯米都好香糯，配上大量椰漿，小編真係好滿足！不得不提吓啲芒果，係好香甜嘅水仙芒，而且係熟透又靚仔嘅芒果！ 小編要係呢到讚下餐廳嘅員工，因為佢地真係好有禮貌，好細心，又會主動加水，服務嚟講，係小編

喺荃灣見呢間鋪頭都好耐，但入去食都係第一次，今次叫咗幾樣嘢食泰式拼盆通常包含了多種小吃和開胃菜，如泰式春卷、炸蝦餅、泰式魚餅、串燒等。一次過品嚐到多種泰國風味，非常適合一班朋友分享。泰式炒通菜係一道經典嘅泰國菜。佢清炒嘅方式將通菜、蒜蓉、辣椒等配料炒熟，味道香辣鮮美，認真開胃。椰奶雞湯，亦都係一道經典嘅泰國湯品。用椰奶為基礎，加入雞肉、香茅同其他香料，味道濃郁香濕，微辣。泰式明爐烏頭將烏頭放係鐵盤上面煮熟。呢道菜帶有酸、辣、甜和鹹的平衡，富有層次感。呢間舖頭仲會額外比多一兜湯嚟等你主刀光嘅時候慢慢再加入佢獨特調味過嘅濃湯。泰式鮮蝦炒金邊粉係一種受歡迎的泰國炒麵款式。金邊粉同新鮮蝦肉、蔬菜一齊炒熟。再用佢獨特嘅調味，味道鮮美，結合了金邊粉嘅彈性同蝦肉的鮮甜。芒果糯米飯，黏軟口感同芒果的甜蜜香氣，本人非常喜愛。

小炒皇夠晒鑊氣同惹味，好大碟同好多料，抵食，好好送飯，會列入必點項目容記第一咀原本想叫椒鹽魷魚，但係見到呢個幾特別。上枱時都幾熱，外皮炸漿幾脆口同埋有調味，味道幾好，而且墨魚咀夠大粒好有咬口士多啤梨骨甜酸度啱啱好，小脆但唔鞋口，亦都唔韌，幾岩呢個食肉獸美極香煎大海蝦啲蝦肉都算彈牙，而且煎大蝦真係超級香，煎完之後又超級香口，味道幾好，值得encore海皇撈粉絲呢部嘢夠晒大煲，超多粉絲勁多料，叫咗呢個等如一個炒飯，真係必食！

星期六晚食周圍都人多而且我地人又多都係打去book 定位又吾洗等一早上網已經睇定有咩叫人多好處就係可以食多點吾同的野①青芒果絲炸鱼沙律辣度可以有得選要左微辣甜甜地又酸酸地開胃②碎肉生菜包（走辣）走左辣有點甜味生菜新鮮爽脆豬肉肥瘦比例適中，醃料充足③泰式煎豪餅煎蠔餅用鐵板上🔥一上枱仲係滋滋聲而且入面十分足料🦪勁多蠔仲隻隻都大隻見多人推介就試試自問我就覺得一般④泰式卤豬手見有人話有大量菜心墊底成餐都吾多菜就叫左呢個豬手炆得夠鬆軟富骨膠原的豬手皮及肉均非常嫩滑鹵水味道吾夠鹹，鹵水味再重一點更完美⑤鮮菠蘿海鲜炒飯呢個好耐無食⑥ 沙爹串燒(豬+牛+雞)醬上串燒可以mix就每樣都叫左2串沙爹味道係帶甜,花生味濃仲有絲絲香茅味揸多啲沙爹醬食多幾串都唔覺得漏⑦泰式香茅燒雞 （半隻）服務員建議燒雞好香 唔油又唔點醬甘食都吾覺得好乾身咬落去啖啖肉有汁⑧芒果糯米飯拼盤（8款）食到最後又點可以無甜點識叫一定叫呢款拼盤吾洗諗又多款重點佢地的甜品吾會太甜原全係我喜歡的甜度2 x 椰青超清甜消暑正藍莓啤酒 x4 glass1 x 椰汁三色冰1 x 凍檸檬

荃灣咁多嘢食，食咩好？今日去荃灣探朋友，朋友就帶咗我去食泰國菜。餐廳是泰國式裝修，簡單舒適。座位與座位間不算太闊落，客人滿滿，熱鬧非常。😋是日選擇：1️⃣泰式紅咖喱豬柳🍽豬柳肉質嫰滑，配上紅咖喱更惹味。2️⃣泰式拼盤（蝦餅、魚餅、串燒、春卷）🍽蝦餅彈牙，魚餅味道濃，雞肉串燒配上沙嗲醬美味，春卷餡料十足。3️⃣馬拉盞豬頸肉炒勝瓜🍽勝瓜及豬頸肉份量多，辣辣地，令人好開胃。4️⃣椰汁千層糕🍽千層糕口感軟糯，喜歡泰式風味的朋友一定要試試。5️⃣西米椰汁糕🍽濃濃的椰香，椰奶味香，椰汁西米糕香甜卻不膩口。

🚩荃灣楊屋道🚩約左朋友食🇹🇭泰國菜😚😚😚成日經過都見到呢間泰菜餐廳金碧輝煌😀所以今日同朋友約食呢間餐廳☺️🥬碎肉生菜包 $88 （可走辣🌶️）今次要走辣，因為生左粒大飛滋既關係，雖然今次走咗辣以為冇咁惹味，但係佢竟然都重香茅同酸酸辣辣咁，都一樣咁好食😍😍😍🌱馬拉盞炒通菜 $72大大碟既菜，點都會有少少既辣😀😀😀🦐泰式鮮蝦炒金邊粉 $88熱辣辣既金邊粉好有鑊氣，旁邊仲有花生碎同菜寶，將佢地撈勻，食每淡面都有菜寶，感覺好有咬口🥰🫶🏻💡座位寬敞，仲有卡位坐，坐得舒服又可以坐耐d☺️除左泰式小菜，我仲見到佢有各式各樣既泰國糕點😍好想食，但我已經好飽了🤣🤣🤣📍 金屋泰國菜館 (荃灣)🗺️ 荃灣楊屋道69-71號地舖

泰國菜一向係港人至愛🙆🏻‍♀️當然我作為一個本土香港人，對泰菜同邊爐既熱愛都係不容置疑🤣今日就為大家揾到間唔起眼但係性價比極高既泰國菜🇹🇭。今日算係食個early dinner，所以去到既時候都仲有tea set同Lunch set😍見到啲價錢真係眼都凸埋，估唔到可以咁抵👍🏼四十幾蚊落到樓，仲要唔係小食既Set👅連飯同野飲都咁抵但因為係dinner關係，我地都揀左啲我地想試既餸，而今日我就係衝住呢份香芒鱸魚沙律而黎🐟。🐒泰式生蝦刺身(8隻)💰$98🐒香芒鱸魚沙律💰$158🐒泰式鴛鴦串燒(豬&雞各二)💰$48🐒泰式薄餅(2塊)💰$42價錢黎講都係比坊間泰菜平少少，而今日主要係呢個香芒鱸魚沙律🥭記得之前係九龍城食過覺得好特別就想朋友都試下😍同時介紹俾大家認識下👯‍♀️呢個香芒鱸魚沙律其實並唔係冷盤，因為佢既鱸魚係炸過，之後再加上一啲泰式醬汁同青芒木瓜絲💦開胃之餘仲食到唔同口感。而其他菜式相信大家都唔陌生，特別係泰式生蝦刺身十分大隻，肉質都好彈牙🦐真係極高性價比🥇

晏晝三點令，肚仔餓🫃🏼，搵間泰菜館食個屬於炎夏嘅下午茶☀️今次就喺荃灣比我遇到佢✨一間位於楊屋道嘅金屋泰國菜館‼️簡而精就係：份量足🌜味道佳🌛價錢公道🌝👇👇👇今日食左呢啲👇👇👇👇🐔泰式海南雞飯$43👉🏻咸檸7+$10🌱蘭塔青咖哩雞飯$42👉🏻熱檸水 海南雞搭油飯，喺呢個天氣下食真係好舒服，淡淡嘅雞味，帶住油飯嘅香喺口入面碌嚟碌去，成道菜唔會好濃味，食肉又唔會覺得膩，最後呷一口個餐湯，好清好舒服☀️同樣都係雞，呢味就好唔同喇，青咖喱帶住微微嘅辣，好惹味🤤襯個白飯撈住啲咖喱，個餘香係會搞到啲口水係咁湧出嚟。啲雞肉好大舊，每啖都係肉，下午茶超滿足😋兩個人食一餐，一舊水有找，今時今日去邊搵😚平得嚟質素高，仲要份量足，性價比超高👍🏼🥇

甘啱朋友約佐我出荃新天地嗰頭,突然好想食泰國菜,去佐楊屋道附近間金屋,平時搭車經過都試下！※泰式拼盤 $138包括炸蝦餅、炸魚餅、春卷同雞肉串燒各2串,炸蝦餅同炸魚餅炸得金黃脆口,入口仲好彈牙,記得點埋泰式辣醬更好味😋雞肉串燒,,唔會燒到好乾柴,保持雞肉肉質鮮嫩,再點埋餐廳沙嗲醬好好食!朋友都話好惹味春卷餡料好豐富飽滿;都吾錯！食泰國嘢當然要叫支象啤啤啤佢啦🍻※泰式鐵板烙蠔仔$88鐵板烙蠔仔好香,雞蛋煎到金黃色, 蠔仔份量多,粒粒都飽滿,用鐵板上冒晒煙、蛋香味更濃郁,蠔肉肥美唔腥,煎得香脆惹味,加上大量芽菜食落不會太油膩👍※馬拉盞炒通菜 每次食泰國菜我必點嘅菜式 ,馬拉盞炒通菜係超級惹味😋份量都幾足幾大碟,好好味👍※椰汁千層糕椰汁味濃又夠煙韌又Q彈完美結束今個晚餐😋滿足

突然想食泰國菜就同朋友嚟到呢間位於荃灣嘅金屋泰國菜館，餐廳係典型嘅泰國式裝潢，雖然大部分嘅員工都係泰國人，但都識得講流行嘅廣東話，感覺就係一間正宗嘅泰國餐廳👍🏻🔸碎肉生菜包 (HK$88)呢間嘅碎肉生菜包食落幾惹味，唔會太辣，配搭埋清爽嘅生菜一齊食，一啲都唔會膩👍🏻🔸泰式青咖哩雞 (HK$88)佢地嘅泰式青咖哩雞嘅醬汁係偏濃稠個隻，有勁香梛奶味，就算唔食得辣嘅朋友仔都可以食😋雞肉都唔會話好柴，送飯一流😍🔸豬頸肉撈檬 (HK$58)豬頸肉撈檬嘅份量都幾多下，以呢個價錢嚟講性價比好高。豬頸肉口感彈牙，味道酸酸辣辣好開胃🤤不過醬汁有少少偏甜🔸芒果沙冰 (HK$30)本身有啲擔心個芒果沙冰會唔會有藥水味，但完全唔會！飲落係新鮮濃郁嘅芒果味，都好大杯，消暑又解膩🥭

這是一間由樓面, 茶水以至廚房有九成員工都是泰國人, 但侍應們能操到一口流利廣東話 👍🏻 所以這是一間非常正宗的泰國餐廳, 也是典型的泰國式裝潢。蟹肉芒果炒飯 $88飯並沒有十分乾身, 有少許濕度, 還是可接受的程度。除了蟹肉, 還有蛋香, 芒果非常甜, 只加少許鹽已經足夠入味 👍🏻泰式炸蝦餅 $78蝦餅切半分成八小件, 蝦肉彈牙, 蝦餅炸得金黃, 配上甜酸醬, 醬汁稍為偏甜, 個人比較喜歡配泰式辣醬 😅 蝦餅如果可以再熱一點上碟會更理想。泰式濕炒豬肉河 $78很久沒吃過濕炒河, 個人認為要煮出一個好的濕炒河並不容易, 濕度要拿捏得很準確。 這個濕炒河很好, 醬汁量剛好, 同時不會太稀也不會太濃稠 😊 配料甚多, 有豬肉片, 草菇, 蘿蔔條, 西蘭花和菜心。泰式香茅燒雞半隻 $98大概師傅在雞肉身上放了不同香料, 雞肉燒得十分香口, 很重的香料味。雞肉嫩滑, 就是肥了點, 配上燒雞醬, 微微的辣, 為雞肉再添滋味 😋芒果糯米飯 $50糯米飯分別白糯米和紫糯米, 同時享受兩種口感, 師傅又毫不吝嗇的加了大量椰漿, 另外芒果比早前炒飯的芒果更鮮甜 😍 大滿足!!!整體餐廳不錯, 食物正宗就

荃灣有唔少泰菜小店，今次試左間評分幾高、價錢經濟、服務唔錯嘅小店。唔知係咪因為行左三個鐘山，個個都好餓，所以覺得呢度D野幾好味😆星期六下午未夠4點嚟到，餐廳有午市同下午茶供應，價錢相當親民~😍(午餐)曼谷鮮蝦炒金邊粉$52配料有蛋碎、豆乾粒、芽菜、韭菜；炒粉味道唔酸、唔辣、無魚露香，較濃茄醬味，同埋偏甜；鮮蝦雖爽但得2隻😂 由於本身麻麻地茄醬味嘅野，所以覺得呢個炒粉一般😅。(午餐)金屋乾炒牛河$52炒河上枱果陣已經聞到好香，食落好有鑊氣!! 😋牛肉大大塊，不過韌D🙈 河粉唔會炒到碎濕濕，調味好夠鹹香，一致認為呢個全餐最好味!🤤(下午茶)泰式海南雞飯$43雖然午餐同下午茶都有雞飯，但價錢不同，雞量亦有所不同。我地點嘅係下午茶，所以雞量無餐牌咁多。雞無雪味，而且有雞味，算唔錯。招牌炸蝦餅$48食得出即炸出嚟，個心好熱；蝦滑幾彈牙，口感唔錯。青木瓜沙律$45出面閒閒地都$6X-$7X，呢度算抵食，份量亦唔算少；夏日炎炎，最啱食呢D酸酸地嘅野😏 唯一缺點係面頭D花生粒，唔脆亦唔香。泰式鴛鴦串燒$48/豬雞各2呢個正正常常，都係果D又乾又硬嘅口味，旨在過下口癮🤣四個人連加一埋單$317，午餐份量

優質泰國菜｜📍荃灣金屋泰國菜館路過見到呢一間餐廳都幾多人幫襯，於是就入去試一試🫶🏻發現有啲店員係泰國人🧏🏻‍♀️即刻覺得成間餐廳好正宗😂溝通方面佢哋都可以講到流暢嘅廣東話💕而且店員嘅服務態度都好好🫶🏻相當加分🥰♡泰式青咖喱雞♡｜💰$88呢個上菜嘅時候超級熱辣辣，店員會好貼心咁幫客人揭開蓋，一開就索到勁香梛奶味😍咖喱食落都唔會好辣但好香😆就算唔食得辣嘅朋友仔都可以食☺️入面嘅雞肉量都比想像中多🫶🏻幾有驚喜💓而家打緊食評都好後悔無嗌多碗白飯$12撈咖喱汁🥺♡豬頸肉撈檬♡｜💰$68豬頸肉切得薄身份量都幾多食落嘅口感係偏向爽口😆肉質唔會柴而且邊邊位燒到焦香微脆🥰檬粉方面份量都好夠食，配埋佢嘅碗先甜後酸嘅撈檬汁好開胃😆撈檬汁嚟講都相當出色🥰♡泰式薄餅（2件）♡｜💰$38😆食咖喱點都一定要配薄餅！薄餅每一件望落都係靚爆鏡嘅金黃色😍質感偏向薄身同時做到有酥脆感+保留到少少韌度😆就算唔配咖喱就咁食都好香🥹就算無咖喱都可以輕鬆食哂💛淨係嗌一碟一定唔夠喉😂♡芒果沙冰♡｜💰$30😳上到枱真係o咗嘴😂成杯沙冰真係超足料💓講緊喺街求其買杯沙冰都近$4x嘅情況下，佢$30就已經有大大杯俾客人堂食果陣飲❤️‍🔥仲要真係滿

呢間泰國菜好正宗，見到好似係泰國人開。我叫咗以下食物：👉🏽香芒軟殼蟹米紙卷$82啲芒果肉香甜多汁，應該係新鮮嘅芒果🤤🤤🤤軟殼蟹炸得好成功，口感酥脆，唔會太油，米紙又脆又香，青瓜絲紅蘿蔔絲粉絲好清新，配埋啲醬汁香辣好開胃。👉🏽泰式煎蠔餅$88嚟到泰國餐廳，一定要試吓個蠔餅啦。味道真係唔錯嘅。佢嘅外觀同普通蠔餅相比，略為厚實，但炸到香脆，一口咬落嘅口感好正。裡面嘅蚵肉鮮甜多汁，同埋加咗泰式嘅香料同辣椒，令味道更加豐富。青檸梳打$30椰汁珍多冰$30

啱啱去咗金屋泰國菜館食飯，啲野食好正💕泰國金柚子鮮蝦沙律$88啲蝦好鮮甜有彈牙，加埋啲金柚子肉同腰果，味道非常清新，唔會太甜，啱晒而家咁熱天氣食！💕鮮菠蘿海鮮炒飯$98鮮菠蘿海鮮炒飯啲飯粒香糯唔黐牙，海鮮份量都唔少！有蝦、青口、魷魚、蜆、帶子、肉鬆、提子粒加埋菠蘿令到味道好豐富。💕泰式煎蠔餅$88蠔肉份量都唔少，配埋啲醬汁好開胃，啲香草同埋辣椒令到味道更加豐富。如果煎得薄少少就更好了。總括嚟講，呢間泰國餐廳嘅菜式真係好正，食材新鮮，味道豐富，價錢亦都幾抵！呢幾日咁熱，食完呢幾樣菜之後真係覺得好正😆