金子半之助 (利東街)

呢日下昼专登请咗半日假去「会展」行展览，专注嘅程度真系连饭都唔记得食😌 行到打烊，饿到肚仔都打晒鼓... 好想食碗热辣辣嘅饭🍚补充吓！醒起 #利东街 开咗间「金子半之助」，一于去寻回和式风味🤤餐厅大门装饰得极有气氛，推门入去已经闻到阵阵香气，非常期待🫶🏻 餐牌上嘅食物以天妇罗🍤为主，我哋最终拣咗 #江户前天丼、#迷你海老天丼并乌冬 开心share🫶🏻✨江户前天丼#丼饭 放上满满嘅 #天妇罗，成把间尺咁长嘅 #穴子（#星鳗），#海老 （#虾）、#小柱鱿鱼天妇罗饼、#海苔、#荚豌豆，仲有 #温泉蛋，单系卖相已经够晒吸引👀 用 #特制芝麻油 炸出嚟嘅天妇罗🍤特别香口，而且入口松化，再加埋啲甜豉油喺面... 话咁快我哋就清咗面前碗饭喇🤭✨迷你海老天丼朋友另外点嘅 #迷你天丼 份量都唔少，#菇菌、#海老、#南瓜、#海苔、#温泉蛋、#荚豌豆 ... 样样齐😉 另外我哋仲加咗$20加配 #牡蛎（#蚝），肥嘟嘟嘅蚝肉铺上薄薄炸浆，零舍香口🤤 而套餐仲包咗一碗 #赞岐汤乌冬，乌冬口感烟靭，我哋喺汤底加入 #草花 同 #木鱼花，令味道更加鲜味🤤✨日本产牡蛎为食嘅我哋，追加咗一份 #牡蛎天妇罗，即叫即炸嘅天妇罗份外好味🤤 最后再饮埋店员为我哋准备嘅 #黑豆茶🍵 暖一暖个胃... 整个组合完美呀🫶🏻📍金子半之助 (湾仔) 皇后大道东200号利东街地下G16号舖 …查看更多

呢日喺湾仔听完讲座，就近近地去咗利东街分店嘅金子半之助。晚市时间依然人气十足，平日都座无虚席。一坐低，餐厅就送上黑豆茶，健康有益又解腻。穴子及牡蛎天丼来到金子半之助，点可以唔食穴子天丼？点咗穴子&日本产牡蛎天丼，穴子足足有成只手臂咁长，好夸张！店员细心地帮我酱油另上，确保穴子新鲜炸完去都上枱一刻依然外脆内软。食嘅时候再将秘制酱汁淋上面，令到每一件天妇罗挂满酱汁，呢个方法系江户时代流传至今呢！酱汁亦大有来头，沿用百年古早秘传酱汁食谱，全店均采用日本制天妇罗小麦粉及胡麻油，难怪味道如此香醇！穴子肉厚无骨，食落啖啖肉！牡蛎都好肥美，炸浆好薄! 另外仲有炸虾、炸秋葵等，最正系炸温泉蛋，轻轻一笃，蛋汁就倾涌而出，好澎湃。煮穴子迷你丼&荞麦面呢度除咗天丼之外，亦供应荞麦面及稻庭乌冬选择，钟意样样都试吓嘅人更加可以点「迷你丼&荞麦面／稻庭乌冬」，一次过试齐两款！点咗煮穴子迷你天丼&荞麦面，穴子肉质细致，不过个人都系钟意食炸多过煮，口感会更有层次。荞麦面好有惊喜，面质弹牙，食落有阵阵荞麦香，值得一试。明太子玉子烧玉子嫩滑，塞满咸香嘅明太子，味道好夹。…查看更多

周五收工后，同女朋友约咗去利东街周边食嘢relax下，拣咗呢间日式小馆。店舖环境几好，装潢简约日式风，座位算宽敞，唔会觉得挤迫，适合边食边聊天，气氛好chill。仲有个小惊喜，果汁加13蚊就可以享受果汁放题，无限畅饮新鲜果汁，超抵食！今晚试咗几款菜式，从沙律到乌冬、天丼，每样都好有心思。半生熟烤牛肉沙律呢个沙律真是一个好开胃嘅选择！牛肉系半生熟，肉质鲜嫩多汁，切薄片配上沙律菜，脆生生嘅生菜同红萝卜丝好解腻。酱汁系日式风味，微微酸甜，淋上去完全衬托牛肉嘅鲜味，食落好平衡，唔会太重口，适合当小食开胃。半之助沙律原来「半之助沙律」系用虾肉做主角，虾仁新鲜弹牙，煮得恰到好处，表面铺有海藻，增添咗脆脆嘅口感同淡淡嘅海洋香。沙律基底系清爽嘅绿叶菜，配上轻盈嘅日式酱油味，食落好轻盈，虾肉嘅甜味同海藻嘅鲜味互相提升，绝对系一个清新嘅健康选择，尤其适合夏天食。稻庭乌冬（咖喱）稻庭乌冬本来以为只系普通粉面，但一上枱就发现好有惊喜！乌冬条弹牙有劲，汤底浓郁鲜美，原来可以自己加好多小料如葱花、裙带菜之类，调配出个人风味。咖喱版特别有心思，咖喱酱浓而不辣，将乌冬捞埋咖喱酱一齐，食落好特别，咖喱嘅暖香同乌冬嘅滑溜完美融合，汤汁吸晒入面条，一碗食到饱足又唔会觉得单调。獭祭雪糕呢个雪糕系今晚嘅亮点！獭祭清酒雪糕有好浓郁嘅牛奶味，奶香滑顺得像云朵咁，入口即化，甜度适中。淡淡嘅清酒香气喺尾韵浮现，唔会太烈，但够晒清新，感觉好高雅。雪糕质地细腻，唔会有冰粒，食落好疗愈。穴子＆日本产牡蛎天丼「穴子」原来系一种鳗鱼（穴子鳗），招牌穴子天妇罗长达30cm, 超厚肉身, 肥美软滑值回票价！穴子鳗炸得外皮酥脆，内里嫩滑多汁，配上新鲜日本产牡蛎，牡蛎肉肥美带海鲜鲜味，两样一齐天妇罗炸，金子半之助采用日本特制高级胡麻油, 胡麻油制成的天妇罗芳香扑鼻及色泽会较深。香脆得不得了。白饭热辣辣，戳开蛋液同饭拌匀，再浇上甜咸酱汁，蛋香同鳗鱼油脂混埋一镬，食落好满足，汁水渗入每粒饭，简单但正到爆，绝对系主菜嘅王道。总结呢间利东街日式小馆真是一个周五放松嘅好去处，环境舒适，果汁放题仲加分，食物质素高，每样菜都好有层次，从清爽沙律到浓郁天丼，满足晒我哋嘅口腹之欲。价钱合理，适合情侣或朋友小聚，下次一定要再嚟试吓其他款式，强烈推介！…查看更多

每隔两三个月，我都去"金子半之助"食佢地既天丼🍤🍚，餐厅所制作既天妇罗系即叫即炸，粉浆薄身，入口又脆，果真系日本人气天丼专门店👍🏻虽然系开放式厨房，但入到铺里面完全不觉油烟味🤗💥穴子&日本牡蛎天丼✨原条穴子跟筷子一样长炸到色泽金黄，外脆内软。超厚鱼肉，肥美软滑，比起鳗鱼肉身更结实，鱼既鲜味亦较明显，非常适合炮制天妇罗✨牡蛎口感扎实而弹牙，炸后蚝味更加浓厚，嫩滑鲜甜，一粒炸蚝真系不太够喉，最后要追加多粒!!✨再配埋特大赤海虾、小柱鱿鱼、海苔及荚豌豆的天妇罗，各款外层都酥脆蓬松，而且保持鲜嫩多汁，令人回味! 还有白饭吸收了天妇罗的精华，加上古早秘传酱汁，完美融合，真系令人陶醉💥穴子迷你丼&北海道稻庭乌冬(冷)✨迷你穴子丼份量唔算多，但却充满咗惊喜！首先丼碗好精致，取源于江户时代陶瓷工艺，碗底制造成空心设计，咁可以令碗中食物保持温度，果真细心✨穴子铺满烧汁，非常入味，烧过后肉质柔软，与日本白饭一齐食，是只完美既补充💥北海道产稻庭乌冬（冷）✨乌冬拉得细致顺滑，口感烟韧，配清淡嘅酱汁，加上葱丝及芥辣，带来一点清新感🌟唔止炸蚝追加，连温泉蛋都要! 食到白饭一半，就将追加既流心蛋吉破连同天妇罗酱汁一齐捞埋碗日本白饭一齐食，真系一啖一啖食晒成饭，真心惹味!!!🔥套餐加$13有果汁放题，有芒果绿茶、巨锋乌龙茶及菠萝杂果汁，三款不错选择，因为不太甜，饭后饮可消滞!每次黎都好似第一次咁有惊喜，Keep到水准!…查看更多

今次喺湾仔撞正日本「天丼金赏」连续八年霸主，点可以唔试？餐厅主打江户前天丼，传承自江户时代嘅秘方同手艺，听落已经令人垂涎三尺！一踏入餐厅，简约日式嘅装潢即刻畀人舒心嘅感觉，木系色调配上柔和灯光，环境干净企理，坐得舒舒服服，啱晒同朋友轻松聚餐。店员服务亲切，落单快手。我哋点咗几款招牌菜，试下佢哋嘅天妇罗同乌冬有几咁真章。迷你海老天丼&稻庭乌冬真是一个「一箭双雕」嘅选择！迷你天丼虽然细份，但材料丰富：炸虾弹牙、菇菌同南瓜香甜、温泉蛋入口丝滑，配上秘制酱汁同日本米，湿润嘅口感令人一试难忘。不过，酱汁略为偏甜，钟意清淡口味嘅朋友可能要调整期望。稻庭乌冬就系另一亮点，面条幼滑烟韧，配上葱花、海藻同天妇罗碎，简单却层次分明，冷食尤其清爽，喺炎夏食落真是一个「透心凉」！穴子&日本产牡蛎天妇罗御膳卖相精致，穴子同牡蛎天妇罗外酥内嫩，特别系牡蛎，鲜味浓郁，咬落仲有啲海水嘅咸香，绝对系「鲜」情万丈！不过，穴子略为偏瘦，唔及预期中肥美，可能系当日食材嘅差异。御膳配菜同饭量适中，食完唔会太胀，啱晒想试多款菜式嘅人。刺身4点盛合性价比高到飞起！赤虾同日本帆立贝新鲜甜美，鲑鱼同鲣鱼入口即化，虽然份量唔算多，但作为前菜已经够令人满足。整体嚟讲，食物质素稳定，上菜速度快。天丼走嘅系江户前「湿润」风格，酱汁同炸物融为一体，唔系追求极致脆口嘅路线。如果你系钟意传统日式天妇罗嘅食客，呢度可能会略为颠覆你嘅想像，但正正系呢份独特嘅湿润美学，畀人感受到江户时代嘅饮食文化。餐厅用嘅有田烧丼碗同高级胡麻油，都系用心嘅细节，令人食得开心又回味。…查看更多