金仔米線

話就話係金仔米線，但十次有九次黎都係食佢個雞煲，雞煲黎講，呢個都幾入味既，配料又多選擇😋另外反而對佢米線冇乜好感，食過一次，啲味一般，就之後都冇再叫過仲有知道有個鱼煲都好多人幫襯，有機會應該都值得一試…查看更多

認識這店鋪只是偶然機會，路過門口，聞到陣陣辣味，於是即時決定入內試試，有人食雞煲，有人食魚，我喜歡辣，當然係重慶然煲啦！但驚中辣太辣，所以揀了小辣。先食雞，食完先叫職員加湯、再打邊爐。食雞煲，辣味雞當然好食，但一定要食洋蔥，辣的洋蔥既辣且甜，起好味。我地另叫了貢丸、豆卜、響鈴及紅薯粉。豆卜稍硬，不太索味；響鈴份量算幾大，有6-7件，所以兩三個人食都有點多，紅薯粉索了辣味，好味，不過加了幾次湯，所以味道有啲淡了，不夠好味。原先想叫皇帝菜，但冇，有點失望。整體來說，還算不錯，回味！…查看更多

其實好吾明？？？明明塊多士窿到黑曬，但是廚房都可以當無事，而職員都可以當睇吾到的？咁樣嘅多士叫客人點食呢？黑都算啦，塊多士連花生醬或者奶油都無搽...唉，好無語發覺沙田這間金仔米線真系越來越差，食物差，服務也差！…查看更多

譚仔和譚仔三哥分店數量之多，可能比大家樂和大快活兩間加埋還要多，但吃得多，總有點生厭的感覺。今日行經沙田禾輋邨，見到有一間賣米線的餐廳，於是抱著嘗試的心態試一試，結果令人驚喜。點的是麻辣米線，配上豬扒、墨丸、火腿。先講湯底，辣中帶麻，麻中又帶辣，兩者的味道十分突出，而餸料份量足，味道不俗，值得推薦。…查看更多

一心諗住食烤魚 一入舖就即刻點左蕃茄味魽魚 (細:$188)之後侍應就話入廚房問下仲有無貨出番黎就話 細既就要烤比你 大約等四個字中size就唔洗等 因為趕時間就直接叫左中size ($218)結果 都係要等 同侍應催單 又誅多籍口 話從來都無細size(明明餐單有寫) 之後又話蕃茄味多料要加30蚊 一時一樣我寧願佢一開始話得番中size 依家有種比人搵笨既感覺等左好耐 終於有魚食大失所望！當無食過就算如果真係要黎食垃圾 建議大家企硬食細size 無咁肉赤…查看更多

一點鐘左右經過禾輋商場，見呢間米線店嘅服務員在店外招倈生意，話下午茶時間已經開始， 望下個錶，咁早有下午茶？好抵喎！就入去食個下午茶。下午茶米線套餐由$27至$39，包一杯飲品，凍飲加兩蚊。咁就試個最貴嘅猪軟骨蟹子丸腸仔米線喇！米線嚟喇！望吓個樣都ok嘅，豬軟骨有兩嚿， 蟹子丸有兩個，仲有啲腸仔㖭。先試下啲豬軟骨，好鹹，跟住試蟹子丸，都ok嘅，但啲腸仔就出事啦 ~ 非常差嘅質素 好耐冇食過咁嘅質素嘅腸仔，湯底麻麻地，無乜味，芽菜同腐皮份量都好少。試埋凍咖啡，好稀。埋單$41，只可以講，平有平嘅質素， 唔好諗住有意外驚喜。…查看更多

難得今日係星期日，竟然要特登出沙田上堂，真係連休息嘅時間都無。我就唔太熟悉禾輋果邊有咩食，係去過附近幾次。有一個半鐘食lunch，咁就狗周圍行下睇下有咩食啦。係禾輋商場入面行左個圈，最後揀左呢間米線食，因我比較鍾意食米線。入去坐低，阿姐就比左個餐牌我，但係一睇之下，點解下午茶黎嘅？當時大約十二點兩三個字，原來都可以照叫嘅。咁我就點左個炸醬墨丸米線，麻辣湯底。啲米線都還可以，但個湯底就無咩味，個炸醬好重豆鼓味，墨丸就一般果啲貨色。我聽到好多人叫沙爺湯底，如有機會我都會試下嘅 。…查看更多

有奶占多，咁即係有甜奶，咁但是就冇奶茶走（奶茶加甜奶），個侍應話，冇得入機，都吾可以叫水吧加甜奶，點解都仲有d咁吾適變通的舖頭。好討厭，包括早午晚餐，都吾會再入去食…查看更多

放工後跑完步咁辛苦，點都要食啲嘢既補充返既，我哋就去咗運動場對面既商場揾嘢食，然後見呢間平平地入面都幾夠人就入去喇。我嗌咗個重慶酸辣米線，湯底辣得好刺激，食到變孖潤腸嘴，俾男朋友笑！ 迫到我嗌杯熱檸蜜降下火。可惜碗米線得三粒墨丸，有啲失望，雖然價錢同譚仔差唔多，但啲料好唔足，總之去譚仔喇。男朋友就嗌咗豬軟骨飯，佢就話幾好食豬軟骨夠淋，味道都好。雖然間嘢叫金仔米線，但大多數既食客都係度食緊烤魚，等我下次試下好唔好食先！…查看更多

今日路過禾輋邨又在金仔米線開餐，$22下午茶豬扒米線豬骨湯底，$34豬扒腸仔米線豬骨湯底，一份午餐一份下午茶餐，米線份量看來差不多，午餐多一條細腸仔、一片腐竹和幾個豆腐卜，豬扒味道尚可，豬骨湯底嫌重味一些。餐飲要熱奶茶，就無留意是配午餐定下午茶，無所謂，一杯熱奶茶兩人分享。原本味道咁普通的米線，不值得一寫再寫，但今次最欣賞是的筷子，在筷子盒拎起的筷子原來熱辣辣又乾爽，真係除了在酒店餐廳外，從未試過咁爽的感覺，咁仲以為自己去咗酒店餐廳吃添！…查看更多

每次行過金仔米線，總嗅到好香的麻辣味，門口也總是大排長龍，究竟有咩咁大既吸引力，小編就要去試試看:小編當日並沒有試呢個菜式，但聽朋友說這道菜有黃油烏頭 / 鉗魚可供選擇，一整條魚肉浸入以各式辣椒及香料熬煮成的辣湯，邊吃邊煮，香麻夠味，當日小編發現有近一半的食客都係食這個菜式，下一次可以試試。聽說這個雞煲用了廿多種材料調成的雞醬，如小茴香、沙薑及花椒等，小編叫左半隻雞都好足料，整塊雞既香且微辣很惹味，雞肉咬落仲好有彈性亦都無雪味，正!!!食到差不多，小編order左雪花肥牛套餐作打邊爐配料，有肥牛﹑芝士腸﹑墨魚丸﹑魚皮餃﹑豆卜﹑蓮藕﹑蘿蔔等，配料吸滿麻辣湯底既精華，超級好吃 ~~~ …查看更多

今日中午去咗依間食，之前食過米線叫做不過不失（如果唔係禾輋少選擇又冇乜時間都唔想食）。心血來潮想食飯，於是叫咗個$4x 蚊海南雞飯。落單時，同個阿姨講想要雞胸，佢就以差劣態度話：「下，就算係都冇可能全部比到你」根據我食胸肉經驗，其實依句說話真係冇乜意思。而且佢根本冇同我寫要胸，當我再三要求佢就走咗去。而最後，嚟咗一碟又多血又全部骨既「雞渣」。$4x 食海南雞渣飯。因為等依個飯等咗15-20分鐘關係我已經費事叫佢換，食咗啖飯就走。員工們態度差之餘，下午時段更加係打仗一樣，坐位逼到不得了。比錢就食垃圾。所以我認為冇唔寫上Open rice既理由。想食得好不仿建議大家到隔離和平餐室，環境好食物乾淨俐落，價錢有實際。…查看更多

今天去吃平平晚餐、初看是港式茶餐廳、不過其實是合国內人口味食店（濃濃/更濃）、材料相信也由大陸入口（平價料果隻）。食材來説比較不安、服務員和管理也和深圳東莞差不多...不試也把…查看更多

上星期約3點去食，入到去坐低，叫野食，有個高大肥女人態度不太好，叫了㱧3餸，腩肉的好好味，味缐也不錯，值得一食，食物除了好食之外，服務也很重要。不過金仔也是值得一試的…查看更多

金仔米線不一定食米線, 金仔除左米線, 仲有烤魚同土佬雞煲.今次唔係魚, 叫左半隻土佬雞煲 ($108), 可以揀大中小辣.小辣都有幾隻辣椒, 煲內有洋蔥等等, 雞肉都煮得入曬味, 黃油雞黎, 每件都連住厚厚有脂肪的皮, 雞肉十分香滑, 辣味係慢慢係口腔辣出黎, 愈煲得耐愈辣.幾足料, 2個人食半隻都夠.…查看更多