野見拉麵

每次經過太子都好想去試野見🍜，但見到條長長人龍就卻步。今次的起心肝想試，所以專登早咗去排隊，排咗20分鐘就有得入。Menu好簡潔，得雞白湯、雞鹽味、雞醬油三款麵揀，今次為雞白湯而嚟，當然亳無疑問直接揀佢！🐥🍜雞白湯拉麵拉麵附有雞胸肉、叉燒、味玉、少許蔬菜。湯底乳白濃郁，入口順滑唔油膩。麵條有肉眼可以嘅小麥顆粒，但掛湯力一般。雞胸肉好surprise，食落完全唔鞋，非常軟滑。美中不足係份量有啲少，女仔都只係勉強夠飽🫣…查看更多

見啲人講到天上有、地下無咁專登過海去食真係唔明點解會係排隊店雞醬油湯嘩！味道十足公仔麵嘅湯、好鹹，得個鹹字食完勁口渴雞鹽味拉麵淨係食到鹹味⋯完全都無雞味又係好似味精湯咁、係我回憶裡嘅雞蓉味雞白湯拉麵三款之中算係正常、但湯唔濃絕對唔係傳說中講到咁好食、好食到要排隊咁lor隻蛋都做到溏心、但無味性價比唔高題外話：兩大兩細叫4碗、預左小朋友食唔晒小朋友7歲，平時兩個小朋友share一碗、好多拉麵店都ok但呢度問左唔可以、話要一人一碗。咁我地就叫左四碗（兩個雞白湯、一個雞醬油、一個雞鹽拉麵）自備左盒都話唔比帶走個waitress 話食剩都唔可以帶走我比錢買左碗麵、碗麵唔係我？！仲要無寫明唔比帶走、個職員自己up…查看更多

今天專程到太子「野見拉麵」探店，店鋪位於柏樹街6號地舖，地方不大，僅能容納約16人，卻充滿溫馨的日式氛圍。我點了一碗招牌雞白湯拉麵（$98），一上桌便聞到濃郁香氣，湯底乳白醇厚，口感綿密，每一口都感受到師傅熬煮的用心與時間。麵條軟硬適中，掛湯力強，搭配低溫慢煮的叉燒，整體非常出色。食完拉麵後意猶未盡，追加了一碗雞胸粥（$28）。粥品清淡卻不失鮮美，雞湯底清甜順口，雞胸肉足足有四片，嫩而不柴，為這一餐畫上完美句號。雖然店小，但食物質素極高，絕對值得再訪！**店舖資訊：** 野見拉麵 地址：太子柏樹街6號地舖…查看更多

唔講唔知🫣太子開左間主打雞白湯拉麵🍜地鐵站🚇行過去@3mins排左@30mins建議大家早啲去排隊叫左雞白湯拉麵🍜 $98附有:雞胸肉/叉燒/味玉/香蔥拉麵唔會好鹹 份量幾多👍🏻湯底都幾好味加埋個流心溫泉蛋 好正🤪…查看更多

📍 整體評價：4.3/5 (會為了這碗湯回頭！)身為拉麵控，今次專登去試咗呢間人氣幾高嘅「野見拉麵」。主打嘅雞白湯拉麵果然名不虛傳，濃厚得嚟唔會死鹹，配上經典配料，簡直係絕配！🍜 雞白湯底 (靈魂所在！) - 4.5/5 一上枱已經聞到超香濃嘅雞湯味。湯底呈現奶白色，口感順滑綿密，好似飲緊一碗超濃郁嘅奶油蘑菇湯，但係充滿咗雞嘅鮮甜味。每一啖都掛滿喺麵條上，味道層次豐富，飲完唔會覺得口渴，證明真材實料，唔係味精湯。絕對係全碗麵嘅精髓！🐖 豚肉 - 4/5 採用低溫慢煮嘅方式，肉質非常軟嫩，幾乎入口即化。脂肪同瘦肉比例適中，浸喺熱湯裡面微微融化，增添咗油香，但又唔會過份油膩。同濃厚嘅雞白湯非常夾。🥚 塘心蛋 - 4.5/5 絕對係畫龍點睛！蛋黃呈完美的琥珀色流心狀態，一篤穿，濃稠嘅蛋漿即刻流出。將蛋漿同本身已經好creamy嘅雞白湯混合，湯頭瞬間變得更加香滑濃郁，口感再升級！蛋味香濃，醃得入味，必點配料！🌽 玉米筍 - 4/5 呢個配搭好聰明！本身濃湯拉麵需要一啲清爽嘅元素平衡。玉米筍清甜爽脆，正好可以中和一下濃湯嘅厚重感，咬落嗦嗦聲，增加咗口感同清新感，令人食完成碗都唔覺滯。🍜 麵條 - 4/5 揀咗佢哋推薦嘅中粗直面，硬度要咗普通。麵身有咬口，彈牙有韌性，而且非常掛湯，每一箸都能帶上大量濃郁的湯汁，正！🍽 環境與服務： 典型日式拉麵店格局，座位有少少逼。服務效率高，落單快上菜快，乾淨企理。…查看更多

呢間太子人氣拉麵經常排長龍，夜晚6:15開鋪時間去到居然可以直接入座😌 全店唔賣小食，只專注拉麵質量~🍜今次試左雞白湯以外兩款清湯底：醬油嘅鹹香混合鮮甜雞湯，茶色湯底上面見到一層好靚嘅雞油，但入口無油膩感，更帶有回甘甜韻💯另一款雞鹽味湯底飲落較柔和淡身，層次比醬油湯稍為單一，但勝在清新不膩，飲晒成碗湯底都唔會口渴👌🏻配料有慢煮雞胸肉同半熟叉燒，雖然偏薄但肉質處理得非常嫩滑軟腍，肉汁飽滿！仲有鋪面嘅新鮮香蔥同流心效果可以更好啲嘅味玉🥚 麵底係嘅幼直中太麵，帶淡淡麥香同粒感🌾 但質感偏腍唔夠爽口。整體CP值高，相信好快會再去試佢嘅招牌雞白湯✨…查看更多

野見📍 旺角通菜街75-77號地舖┄┅┄┅┄┅┄┅┄┅┄┅┄┅┄┅┄真人實測平日7點正到 半個鐘就可以入座絕對值得排(｡ì _ í｡)▫️ 雞白湯拉麵($98)湯底比較重膠質第一下飲落有啲似花膠雞湯🤣雞胸肉顛覆我想像完全唔鞋但又好重雞胸味🤯豚肉叉燒大大片 肉質柔軟拉麵用咗幼麵 十分掛湯配菜粟米仔好甜！拉麵包埋糖心蛋 唔使額外加(⁎⁍̴̛ᴗ⁍̴̛⁎)最後個湯真係越飲越好味🥹輕鬆清碗┄┅┄┅┄┅┄┅┄┅┄┅┄┅┄┅┄…查看更多

閒日夜晚六點三，成功做到第一輪，只有一個師傅煮麵，不過都好快手，我地由落單到食完走人，前後半個鐘，出返去門口已經有條龍，不過相信流動率都高😱▪️雞白湯拉麵 （8/10）💲98面頭有層薄身泡沫，並非厚稠嗰種，但入口係濃而不膩😛啲雞胸肉幾出色，肉質軟腍之餘雞味突出，薄切叉燒色澤粉嫩，味玉溏心效果唔錯，且有蛋黃香，幼身麵條偏挺硬，掛湯力不足，同埋份量較少，男士們未必夠飽🤓▪️雞醬油拉麵 （7/10）💲108湯頭有層雞油，但雞味被比下去，反而醬油味重，感覺比較鹹，麵條比上者更爲幼直身，其餘配料一樣🫣🔎 整體評分（7.5/10）…查看更多

【大排長龍人氣拉麵店🇯🇵🍜主打雞白湯拉麵】終於有機會試到評價好高嘅拉麵店 當日夜晚去到大約等咗45分鐘~店內座位唔多 裝潢簡約 好有日本feel🇯🇵✧ 雞白湯拉麵🐓🍜 | $98湯底口感順滑 creamy濃稠但唔膩 鮮香味同鹹味平衡得好好✨配料有誠意 慢煮雞胸肉嫰滑 薄切叉燒粉嫩入味 油脂分布平均 溏心蛋煮得啱啱好 拉麵有淡淡嘅小麥味 可惜質地稍為遜色 有少少湯麵分離感🤏🏻整體係一碗相當有水準嘅拉麵~📍野見拉麵 (太子)💌太子柏樹街6號地舖…查看更多

呢排喺香港真係越嚟越多拉麵店，不過如果你問我有咩推介，太子野見既雞白湯拉麵我真係要講下。野見專做雞白湯拉麵，有3款揀，分別係雞白湯，雞鹽味，雞醬油，我第一次黎，揀左雞白湯，食完真係覺得唔講唔得。一坐低，侍應已經好快手送上拉麵，賣相好正，湯底奶白色，表面仲有一層泡沫，好吸引。聞落有淡淡雞香，未食已經流口水。雞白湯真係呢間店嘅靈魂，飲一啖湯，感覺到超濃郁雞味，但又唔會過鹹，完全唔油膩，飲得出用咗好多雞骨慢火熬製，啲湯好滑，入口好順。麵條方面，屬於偏硬身嗰種，掛湯力好高，每一啖都帶住湯底嘅精華，咬落仲有少少彈牙。配料都幾有誠意，有兩片雞叉燒，一片豬叉燒。半熟溏心蛋好正，蛋黃流心，味道帶少少鹹香，配埋湯底一齊食更加突出層次。仲有粟米筍同蔥花，清新得嚟又唔會搶味，做咗個好好嘅平衡。成碗拉麵食落去，唔會覺得膩。個人覺得呢間野見雞白湯拉麵CP值幾高，份量足，味道有層次。唯一小小建議就係如果多d湯就好，我加左個替玉，食完第一個麵d湯已經差唔多到底，仲要個碗係上闊下窄，最後要就住就住黎食。不過整體嚟講，真心推介畀鍾意雞白湯拉麵嘅朋友，下次想食拉麵記得去試下！…查看更多

✿雞白湯拉麵 (雞白湯附有雞胸肉/叉燒/味玉/玉米筍/蘆筍)湯底色澤奶黃🟡質地帶微稠creamy🥣湯頭雞味濃郁仲帶點牛油香味😗入口順滑,但飲飲下會帶少許膩感🤓而麵條幼身質感彈牙😛但掛湯力較弱,容易食到麵條帶微微粉麥味🥸雞胸肉非常嫩滑,完全不乾鞋👏🏻叉燒薄切帶油脂香,脂肪比例平均分布😋肉質很不錯的～💫✿雞鹽味拉麵 淡淡雞味同鹽香🧂湯底質地較稀,帶微雞油香🐔飲落順口,但層次相對較單一👀還是雞白湯更值得試試🤪雞白湯拉麵 $𝟵𝟴雞鹽味拉麵 $𝟭𝟬𝟴…查看更多

野見拉麵價錢: $98好味程度: 4/5服務🍴: 3.7/5環境🗾: 3.7/5性價比🥢: 4/5回頭率😚: 3.7/5-太子呢個拉麵區域，今次終於試到呢間野見拉麵。放假的lunch，等幾個人就入得。湯底都係得白湯、鹽味同醬油味3款。入面已經要齊雞胸、㕚燒同蛋。-✅雞白湯。通常有得揀我一定會係叫雞白湯！呢個湯有啲似金寶忌廉雞湯類型，唔算係泡沫系，色澤偏黃🤣偏濃稠厚杰，飲落口感好黏口，連唇邊都會有黐埋嘅感覺，係有熬煮過的濃厚質地😬 味道舒服唔太濃味，飲到啖啖雞鮮味。麵條偏幼，係睇得到小麥顆粒嘅麵條，掛湯能力高，但好容易就吸晒啲湯，有啲一patpat。慢煮叉燒脂肪比例幾好，食落冇肥膩感同怪味😋另一塊慢煮雞胸肉都嫩滑的，但個人覺得有啲雞腥味🙈 味玉100分，靚蛋黃+淡淡醬油香+流心程度🤩 另外仲有啲粟米仔同蘆筍做配菜。-整體都ok，但個人口味都係中意泓一的泡沫係雞白湯多啲。呢個比較似熬煮左好耐的雞湯。但如果唔洗排隊都很可以！…查看更多

終於去咗試呢間人氣雞白湯拉麵!! 星期五晚18:20 去到已經大排長龍 等咗大概20分鐘師傅一人主理 只供3款拉麵 ─ ⊹ ⊱ what we had ⊰ ⊹ ─𓍯 雞白湯拉麵 - 4.5 / 5 $98 配料誠意十足 有慢煮雞胸肉 薄切叉燒 半熟溏心蛋 粟米芯 露筍入口清淡但雞味十足嘅湯底雞味濃得黎又唔會膩 飲落去好舒服好純粹嘅雞味 冇忌廉creamy 嘅感覺少咗一份濃稠口感 飲晒碗湯都唔會好油膩麵質偏硬身 咬落有少少小麥粒感慢煮雞胸肉質軟滑 唔會有雪藏雞味 煮得好腍叉燒薄切脂肪比例平均 肉味突出溏心蛋係半熟流心 蛋味香濃 仲帶淡淡醬油香─ ⊹ ⊱ tldr ⊰ ⊹ ─雞味香濃 口感唔會太creamy隻雞白湯拉麵 水準之作味道: 4.5 / 5價錢: ~ $ 100 pp服務: 3.5 / 5 環境: 3.5 / 5cp value: 4 / 5re-visit: yes…查看更多

鐘意食雞白湯拉麵，見最近無咩人題就諗住搏下唔使排咁耐，平日18:30到都有十幾人排緊，不過條隊都消化得快，20分鐘到就入得🪑入面有吧枱同2人卡位，枱上面有射燈影相打卡幾靚，menu只有3碗麵，專心做好食物係唔需要太多選擇🐔雞白湯拉麵 （$98）單聞都有好香雞湯味，湯底濃郁，雞胸肉嫩滑，叉燒唔會太油膩，幼麵麵質掛汁，整體唔錯，不過份量相對小啲…查看更多

旺角太子 柏樹街 野見拉麵雞醬油拉麵+替玉+可樂+冰凍飲用水由於位置方便，如果有時間，都會走到野見拉麵吃，早點時間去都會有空座，不用等候可以直入，但稍晚一點去就會有長長排隊的人龍。野見拉麵麵款不多，分別是雞白湯拉麵、雞盬味拉麵及雞醬油拉麵，出品一向水準相當穩定，客人入到店內，日式裝潢加上燈光昏喑，令食客彷彿入到另一個空間，視綫只專注於光猛的廚房，看著廚工勤力的工作。拉麵全都用潔白的拉麵碗盛載，更感吸引好吃。主廚只得一人，有時一旦同一時間處理多碗拉麵，或長期處於滿客狀態，主廚的精神就會繃緊疲憊，製作有時會變得急促，幸好主廚沒有偷懶，工序沒有缺少。野見拉麵的雞白湯拉麵不容錯過，十個客人會有七個客會點，雞盬湯拉麵是拉麵愛好者會選擇，絕對是水準之作。至於今次我選的雞醬油拉麵可以一試，醬油味雖然未見太突出，但雞叉燒不俗。食完結帳才發現野見有蝦湯拉麵供應，下次再來野見會試一下。…查看更多