野玩田店

营业中

休息中

一間日系田園風西餐廳，環境和食物味道同樣清新，Weekend Lunch 半自助餐只需$百多元，提供多款原汁原味新鮮菜式，有即種即摘即煮「微菜苗」～室內窗邊位置陽光充足：近門口的靚靚打卡位：⭐️菠菜雞肉忌廉意大利粉(推介)⭐️大啡菇蕎麥意大利飯 （飯質硬，不推介)⭐️自助沙律甜品吧(約廿三十樣小食品，如海藻、三文魚、日式凍豆腐、烤南瓜、麻醬秋葵、芝士蛋糕、新鮮水果、沙律菜、雞翼、翠玉瓜、西蘭花等等）⭐️包括一杯一般咖啡茶，還有餐湯麵包店面外面：餐牌：

野玩田店由K11個位搬左去IQUARE好似方便左D~~ 起碼易搵左, 嘻嘻店內地方好光猛, 好舒服, 人都精神D~好有野外陽光充沛既感覺餐牌都幾多款食物選擇~~前菜, 小食, 主菜, 甜品等通通都有齊店內種既植物~用黎做伴碟, 自給自足餐包暖暖的~ 口感鬆軟!芝士蘑菇釀雞翼 $98脹卜卜既雞翼賣相好吸引!!外皮微微焦香, 雞肉嫩滑Juicy芝士蘑菇餡同雞翼味道超夾~~好好味, 食到停唔到口炭燒美國頂級安格斯無激素西冷配黑松露燒汁 (12安士)$37812安士份量非常足夠2個人~~西冷扒牛味濃郁, 肉質甘香細嫩~點左5成熟, 剛好到位, 口感軟腍生熟度o岩o岩好~~蟹肉蘆荀闊意大利麵配忌廉汁 $158啖啖豐富蟹肉蟹肉鮮味十足, 清甜可口~~忌廉汁CREAMY, 唔會太杰或太稀~闊意大利麵軟硬度適中....

本身諗住去食半自助午餐 但冇留意原來有時間限制😂3點左右去到 唯有改食tea set😅另外見到仲有三層架下午茶 下次都可以試下☺️餐廳以光潔白色牆同小盆栽為主 感覺舒服開洋😚窩夫外脆內軟 好香 香蕉上面嘅焦糖都烤得好脆👍🏻

原來旺角TOP既野玩田店搬左去isquare, 之前想試但成日排長龍, 今日咁岩經過見無乜人等位就決定入去晚餐。餐廳裝潢簡約, 放有綠色植物同盆栽, 田園風令人感覺舒適。order後先來麵包盤。磨菇芝士釀雞翼雞翼去骨釀滿餡料, 就咁睇都見到好飽滿, 賣相吸引。入口芝士味突出, 雞翼本身亦揸左醬汁煎得香口, 好味👍🏻無激素豬意大利飯意大利飯口感creamy, 如果再煙韌d會更好! 加入左三色豆同埋豬肉, 味道簡單直接, 不錯。海鱸魚魚大塊厚身啖啖肉, 魚皮位煎得香脆, 魚肉嫩滑juicy, 無需醬汁更加食到魚本身既魚香, 配菜仲有烤香過既薯仔同蔬菜, 整道菜無落太多調味, 健康又好味。Pineapple Tree菠蘿特飲用上超高身杯, 幾得意吸睛, 菠蘿味道天然不死甜,香甜解渴。

和仔仔去尖沙咀K11購物藝術館的「野玩田店」餐廳吃晚飯，餐廳以田園自然風為主題的餐廳，更搜羅多款Superfood丶新鮮蔬菜、自然無激素肉類及其他時令食材入饌，用簡樸的方式烹調以保留食物本身的鮮味，既健康又有營養。我們主菜吃了美國頂級安格斯無激素西冷牛扒，炭烤後非常惹味鮮嫩；還叫了兩份小食，芝士磨菇釀雞翼，外皮炸到脆卜卜，裏面滿滿都是芝士和蘑菇，非常有口感；大蝦串燒，烤得很入味，因為很香口，波士也愛吃，下次要再去一回✌🏻甜品是很清新香甜味道的椰子雪糕🍦！

今日來到isquare呢間田園風木系餐廳hightea，地點十分方便就係isquare 3樓，小清新格調感覺滿舒服的.Hightea set $268.芝士蘑菇釀雞翼炸蝦卷蟹肉酥盒燈籠椒多士曲奇雜果撻檸檬林明頓奶凍合桃蛋糕.Jo最喜歡個雞翼，味道好得意甜甜地，入面係芝士蘑菇仲係起哂骨食得好開心😋 有檸檬林明頓真係滿驚喜好耐好耐無食以前中學成日食，懷念的味道🥰合桃蛋糕也滿不錯幾鬆軟，加埋椰絲和合桃幾有咬口👍🏻Jo仲叫左杯紫薯鮮奶幾香滑好飲呢！.呢個價錢可以舒舒服服坐成個下午，地點又就腳環境也不錯，咁岩係isquare可以去chill番一個下午🥰

前幾日同朋友黎左尖沙咀呢間野玩田店食lunch，主要係因為朋友對佢嘅自助沙律吧好有興趣，食完再去行街。呢到叫任何一款lunch set就可以有任食沙律吧，都幾抵。🥖首先送上餐飽同餐湯。個包有啲黑糖味，幾好味。🥗自助沙律吧嗰度嘅食物款式都唔少，有唔同嘅沙律菜、生果、甜品、小食，仲有煙三文魚、泰式魚餅同埋雞扒添。一開始就食少少沙律菜同埋煙三文魚，食完main course之後又會食下生果同埋蛋糕，食到勁飽。我同朋友食得最多嘅嘢就係西瓜啦，好清甜，相當適合夏天食黎消暑解渴。🍝Spaghetti Carbonara $148Carbonara非常creamy，味道濃郁，意粉煮得軟硬適中，好味。🍛Coriander and Dried Lotus Root Risotto $158呢個係朋友叫嘅，賣相都幾靚，朋友話幾好食。🥑Avo-apple Smoothie +$30呢杯超大杯，飲落飽足感極高。因為有牛油果，所以口感係好細滑濃郁嘅，蘋果味就為呢杯飲品增加咗少少清甜同清新嘅感覺。🍑Peach Iced Tea +$15朋友就叫咗一杯凍嘅蜜桃茶。

之前見網上分享推薦好抵食，所以約左朋友一齊去試。估唔到平日中午時間都咁多人，好彩提早訂左位。因為呢個位置人流其實算少，所以見咁多人排walk in 都有啲surprise.呢到semi buffet 形式，揀個主菜同杯飲品，前菜同甜品就自行出去拎，點餐後會有餐湯同麵包。開始時候勁多人出去拎野，我地等左陣先去睇，野食都refill 得幾快幾足。食物款式唔算超多，全部都細細份可以試晒都唔怕。由於我地4個人，所以可以叫4個主菜試。個扒叫左5成熟，又真係做到炸魚都幾好，2樣都配薯菜好夠飽。但意粉同飯就覺得麻麻地，特別個飯，賣相都好一般，不過味道正常嘅。其實overall 有啲似k buffet, 感覺幾得意。

野玩田店由K11搬正 iSQUARE後第一次正訪，餐廳仍然是主打健康食材，亦有素食選擇，與之前沒大分別。餐桌旁有植物感覺更親近自然，伴碟的迷你菜也是有機種植，於上菜前才被收割的。先送上熱麵包兩個，有牛油，但美中不足的是沒有餐刀，作為一間西餐廳，實在大大扣分。《燒南瓜藜麥無花果沙律配草莓醋 $128》十分健康的配搭，當中有南瓜、藜麥、無花果、沙律菜，配上草莓醋，新鮮可口。《燒雜錦蔬菜串配照燒汁 (2串) $78》是茄子、黃瓜和青瓜，拌碟也有燒過的車厘茄。瓜燒得腍，沒有焦苦味，都清甜。《蟹肉露筍闊意大利麵配忌廉汁 $158》寬意大利麵掛滿忌廉汁，味道香濃，蟹肉鮮甜，露筍脆綠，整體不錯。《日本頂級帶子蕃茄汁意大利飯 $198》有汁潤，飯亦不會過乾硬，並加入瓜粒增加口感，帶子7成熟亦彈牙，整體惹味。《Kiwi Beet $68》紅菜頭、奇異果、檸檬汁及蜜糖。但注意是是沙冰，並非一杯純果汁。下次齋期可以來吃素。

煙三文魚牛油果紅菜頭沙律配青檸醋🥗味道正正常常，賣相不錯，三文魚🍣同牛油果🥑都擺成花樣，很棒🤗黑松露蛋黃醬薯條🍟無得輸，好好食😋成個醬都係滿滿黑松露👍🏻👍🏻炸水牛芝士🧀必食推介😋新鮮炸起，一咬芝士拉到絲😚黑松露炒蛋意大利麵🍝無錯，又係佢😆通常去到餐廳，一見到有就點這個～今次有小小失望，蛋煮到過火，有小小乾身，跟我期待有小小落差😙不過黑松露味道十足，滿滿的🤓西班牙植物素雞菠菜苗配黃薑粉意大利飯🍚挺滿意，好食😋一開頭以為黃薑粉會搶哂個菜飯味道，所以只倒了小小落去，但原來5係，尼隻黃薑粉只係淡淡薑味，配合得好好👍🏻紫薯鮮奶🍠🥛賣相好吸引😄奶紫色飲料，蓋上cream同碎紫薯粉，再配上半根紫薯，靚😍天然蝶豆花伯爵茶湯力🧊🥃好得意😂第一次見尼款飲料，自行將伯爵茶倒入去紫色蝶豆花茶內面，入面仲有一個冰波🤣玫瑰烏龍茶🌹🍹不過不失，如果玫瑰花味濃返小小就更好😆

去野玩田店後悔無點沙律點了😽日本頂級帶子拌青瓜莎莎$138帶子算大粒，大概係2s的大細。咬起來挺軟嫩，也鮮味。拌碟的莎莎比較少。調味比較簡單。😽海蝦龍蝦汁意大利飯$168四隻大蝦，挺爽口的。龍蝦汁酸酸鹹鹹的，挺開胃。😽吉列炸釀海鮮蟹蓋$108蟹蓋內的釀海鮮蟹絲好少，有攪碎左的魚柳和魷魚（？）之類，吃不太出來放了什麼海鮮，像在吃打邊爐那種海鮮丸的味道。不過炸得挺酥脆。😽Avoapple$68全餐最滿意係牛油果蘋果沙冰。蘋果的酸甜味配牛油果的香滑無得輸。Fresh的感覺！😽mocha fever$48普通mocha的味道，咖啡味挺重。😽烏龍茶蛋糕配雲尼拿movenpick雪糕 $98明明係戚風蛋糕但好結實，空氣感不足。烏龍茶味淡，但有種黑糖味。忌廉挺滑很好吃。movenpick好細球，大概連一小杯也沒有。就這餐而言，我覺得價錢貴但食物質素一般。但我見隔離枱的沙律之類感覺是好大碟賣相也不錯。

雞肉燈籠椒意大利麵配香辣茄汁$148呢個香辣茄汁辣得來又唔會太辣，少少食少辣嘅人就最啱美國無激素豬肉意大利飯配芝士汁$158黑芝麻鮮奶 $58又是一篇飲食紀錄，你通知埋你黐埋一舊㗎係個底度，唔太甜其實都唔錯嘅全部都係熱辣辣咁上台好好正嘅感覺喜歡食物熱辣辣咁上枱出哂煙咁食耐啲都仍然暖暖的很新鮮感覺感覺呢iSquare嘅餐廳都特別寧靜好喜歡呀

今日約咗朋友去傾偈聚舊食飯，就揀咗尖沙咀isquare國際廣場入面嘅野玩田店食西餐。今次order咗12安士炭燒美國頂級安格斯無激素西冷配黑松露燒汁，蟹肉意大利闊條麵，飲品就有鮮蘋果汁同埋熱朱古力。前菜先嚟法國餐包配牛油，個麵包真係好有法國風味但一啲都唔硬，啱曬香港人口味。之後係主菜無激素牛柳，因為無激素關係絕對健康，牛柳好juicy好用牛味，加埋旁邊嘅田園配菜，食到好滿足。蟹肉闊條麵就有超多蟹肉，加上意大利配菜同埋意大利醬汁，令到個 闊條麵帶上唔同層次。另外，呢度地方寬敞及方便，絕對啱曬約朋友聚腳食飯。

野玩田店之前係灣仔，搬左去iSquare 裝修好光猛，中間用UV light 種住唔同既植物幼苗，前菜每人有包羽衣甘藍巴馬火腿西柚合桃沙律好大份，羽衣甘藍好新鮮，配埋果香沙律醋酸酸甜甜好refreshing，仲有巴馬火腿、西柚同合桃，令味道口感更豐富.蟹肉蘆筍闊意大利麵配忌廉汁蟹肉雖然唔多，但個調味剛好，sauce creamy 又香，欣賞佢闊麵入味又唔會太腍，好食燒焗加拿大無激素豬鞍架及燒扒菠蘿配黑醋燒汁主角，真心。呢道可以話係我食過最正嘅豬鞍架。好厚身，而烹煮時間剛剛好。面層可見燒烤過嘅網紋，亦可能因此更加鎖住左肉汁，所以切開入口肉質係好juicy, 口感軟中帶彈性，有燒過香味，一邊菠蘿Grill 完超甜，配埋豬鞍架食減少膩度，好出色

辛苦工作了一天，想好好輕鬆一下，到了尖沙咀isquare野玩田吃晚餐。吉列炸釀海鮮蟹蓋 $108Menu 寫住三個，但實際有四個，外皮連殼炸得金黃鬆脆，內餡係蟹絲、蝦等，配沙律醬挺鮮味。香煎日本頂級帶子伴青瓜莎莎 $138加大碼大隻原粒刺身日本帶子，共3隻。配少量青瓜粒、蕃茄粒和自家種種小菜苗。帶子表面微微煎香，很清新，非常適合夏天無咩胃口的日子。海蝦龍蝦汁意大利飯 $168有四隻大蝦，挺爽口，龍蝦汁酸酸甜甜，飯有點偏硬有咬勁。烏龍茶蛋糕配movenpick 雲尼嗱雪糕 $98戚風蛋糕沒有想像的空氣感，比較結實。有淡淡黑糖味，忌廉挺滑，配生果挺清新。雲尼拿movenpick雪糕係天賜恩物，配蛋糕一起吃口感更豐富。Iced Mocha $48夠朱古力味，唔甜，加了cream做裝飾，攪拌後甜味剛好。Avoapple $68牛油果和蘋果是健康美味的拍擋，大大杯，很冰涼，不太甜，夏天必選。