野玩田店 (已搬遷)

呢間餐廳環境非常好，上次試左佢既牛扒同埋特色菠蘿黃金樹特飲，外型非常特別，高身菠蘿樹造型杯用黎打卡真係一流，而且仲好好飲。另外牛扒肉質嫩口，咬落去有肉汁流出，雖然價錢較貴，但同食物質素成正比，值得一試…查看更多

餐廳位於K11 Art Mall (唔係K11 Musea!!)位置唔太顯眼 要喺2樓行入去一個小角落先見到但平日都有好多上班族嚟食lunch.🦀蟹肉燈籠椒忌廉汁意大利飯 ($98)意大利飯煮得唔錯 唔會太濕蟹肉略嫌太少 但勝在忌廉汁夠濃郁🤔.午餐另外可以加$38跟餐湯、餐飲同自助沙律吧🥗沙律吧都幾多選擇各類沙律菜、水果、唔同種類嘅火腿應有盡有👍🏻.午餐時段比較多人最好訂定枱就一定有位✨.📍 野玩田店 (尖沙咀) …查看更多

🍴香煎日本頂級帶子伴青瓜莎莎 HK$138刺身級帶子表面煎香，入面依然鮮嫩，莎莎醬用鹽同橄欖油簡單調味，清新爽脆。🍴黑松露汁炒野菌 HK$78野菌份量都幾多，又香又軟。🍴炭燒美國大草原自然西冷配黑松露燒汁（12安士） HK$368表面燒得幾靚，充滿炭燒香氣，西冷夠厚身，叫五成熟岩岩好，唔韌，肉味濃郁，鹽同黑椒落得剛好，黑松露燒汁亦好香，調味出色。🍴美國自然豬柳白菌闊意大利麵 HK$158闊意大利麵尚算煙韌，厚薄適中，豬柳夠腍，白菌清香，連埋番茄醬一齊煮，就好似清新版嘅肉醬意粉，食多幾啖都唔覺膩。🍴菠蘿黃金樹 HK$78、Hazelnut Berry HK$68菠蘿黃金樹用新鮮菠蘿肉攪碎而成，充滿菠蘿香味，夠冰爽。Hazelnut Berry由藍莓、雪梨、榛子、蜜糖打成沙冰，果味均衡，榛子碎增添口感，幾清新。餐廳以大自然為主題，大部分食材來自本地農場，就係呢種天然原味吸引到我。呢期午市85折，仲有沙律吧，晚市75折，趁有優惠就食下。📍野玩田店 尖沙咀河內道18號K11購物藝術館2樓201號舖…查看更多

朋友介紹今日嚟咗呢到試食, 點解我會話係隱閉餐廳呢? 因為間餐廳唔太容易搵到, 你唔會諗到行到最入會有間餐廳, 門口有好多唔同既攤位賣紅酒或其他日用品精品, 好彩有指示牌, 一早訂咗位, 接待位行入去就會見到個開放式既廚房, 見到所有廚師喺到煮嘢食, 店內環璄都好舒適, 地方夠大而且位與位之間都冇壓迫感, 好開揚既感覺, 侍應都幾好禮貌亦都會主動介紹有咩好推介餐包炸魷魚圈配千島醬 - 炸粉唔算太多, 恰到好處, 魷魚好新鮮芝士蘑菇釀雞翼 - 雞翼裡面餡料好足, 芝士溶化晒落蘑菇裡面, 好食慢煮清酒鮑魚 - 冇諗過呢到會有得食鮑魚, 仲要係小食嚟, 咁樣整既鮑魚反而帶出到佢本身既鮮味, 酒味唔太濃, 但有鮑魚既香味同煙韌感, 幾好食蟹肉牛油果羅馬菜沙律配田園醬 - 沙律最醫要係食材新鮮, 呢到就做得到, 菜好新鮮爽口配以牛油果食, 感覺好FRESH日本頂級帶子蕃茄汁意大利飯 - 賣相真係好吸引, 帶子好新鮮, 外層有輕輕煎過, 內層就好軟熟感覺食緊半生熟既帶子刺身一樣是日野玩甜品拼盤 - 甜品拼盤真係有好多種類, 有蛋糕, 布甸, 雪糕, 千層酥等等, 睇得出廚師既用心既製作天然碟豆花伯爵茶湯力 - 賣相真係好特別, 要自己倒落去, 而碟豆花就應該係雪成圓形波既冰粒, 味道還可以紅菜頭沙冰 - 賣相唔錯, 濃濃既紅菜頭汁, 有益羽衣甘藍沙冰 - 味道唔錯, 營養價值好高總結 : 值得去試, 每款食物都睇得出廚師既用心製作, 價錢雖然係中位價, 但食物品質更加重要, 一分錢一分貨, 呢到做得到, 值得推介俾大家溫馨提示 : 可以俾餐廳少少既意見, 餐牌方面可以再加多少少既小食類, 沙律, 意粉, 飯同扒類都足夠, 如果再加多啲小食供客人選擇會更加好, 因為餐牌越多選擇會令食客有選擇困難症, 而令客人有機會再返嚟試食之前未食過又想試既菜式…查看更多

喺K11行完街,嚟到位於二樓嘅野玩田店醫一醫肚。前菜點咗呢未凍食嘅慢煮清酒鮑魚。慢煮清酒鮑魚$148鮑魚入曬味，咬落肉質富彈性，口感非常好。鮮紅火龍果乳酪$78一層色彩奪目嘅紅色火龍果，一層雪香乳酪，賣曬非常吸引，味道原始自然，健康又美味。炸魷魚圈配千島醬$88一圈圈魷魚炸得金黃香脆，好食到停唔到口。鮮果窩夫$108窩夫外脆內軟，配上色彩豐富嘅鮮果，加埋movenpick 雲呢拿雪糕，呢個組合絕對係令人無法抗拒。…查看更多

好鐘意呢間日式田園風餐廳🌿健康得嚟又好味😋食多咗都唔怕有罪惡感今日放工同男朋友食晚飯 晚市優惠主餐牌仲有七五折！好抵啊！先叫咗吞拿魚莎莎酥黑配珍珠醋呢個之前未食過 見到賣相幾靚酥皮撻好香脆 上面鋪咗吞拿魚肉碎 好新鮮！Scramlled Egg Spaghetti 松露蛋味好香 一上枱就聞到😌炒蛋口感滑溜 加入黑松露 味道突出意粉軟硬適中 淡淡都食到黑松露嘅味道Veal Pappardella牛仔肉蘑菇加入牛肉汁煮 口感好creamy特別鍾意食闊意大利麵 口感比較豐富有咬口 而且十分掛汁 牛肉汁鹹鹹地同意粉好夾！食落唔會太油膩😍推介甜品嗌左雪糕窩夫🧇呢個真係要留肚食👀因為超級大份窩夫即叫即整👍🏻👍🏻非常香脆配雪糕同生果食 味道唔會太過單一！…查看更多

誠市中的一點綠,絕不能錯過的餐廳帶子番茄忌廉意大利飯一上枱就聞到陣好香番茄味，意大利飯煙煙韌韌，每一啖飯都食到細粒椒同洋蔥，好香，口感好好，超入味！帶子半生熟，唔無煎到老，食落口仲係軟滑口感酥皮番茄忌廉三文魚個酥皮好香脆，加上三文魚油香，點埋少少酸味嘅番茄忌廉醬，又好味又唔會膩。不得不一提佢伴碟的沙律，佢加左少少黑醋，佢呢款黑醋好香甜，有少少水果味！忍唔住想問下佢有無得單賣Location: TST …查看更多

之前幫襯過餐廳嘅姐妹店，1111晚藉住光棍節約朋友食晚飯。我哋去咗K11嘅「野田玩店」，因為見佢現時有75折優惠，折完慳返唔少，可以食多個甜品😛。環境面積比想像大好多，因為原來行到入去仲有好多位！整體感覺唔錯，店員仲好細心送上籃子畀我放袋🧺，服務絕對值得表揚。另外，佢哋做嘢唔馬虎，當我問上菜式詳情時，佢哋有唔清楚嘅地方會向廚房求證，而唔係亂答，態度正確👍。我哋一坐低店員就送上麵包🥖，味道正正常常。同時，枱面上有一大樽水，我朋友係咁讚啲水樽同水杯洗得好乾淨，哈哈。美國自然豬柳白菌闊意大利麵($158)，闊麵超寛，口感彈牙，好正、好得意。所謂嘅豬柳其實主要係做成肉醬🍝，但亦有幾嚿大啲，成個組合好好食。如果麵條多啲就更好。炭燒美國大草原自然西冷配黑松露燒汁12OZ ($368)，齋睇價錢覺得塊扒都幾貴下，不過出到嚟發現真係好大塊，斤両十足😍。牛扒上面嘅炭燒紋好靚，色香味俱全！牛扒我哋要咗七成熟🥩，切開見到肉嘅中間呈粉紅色，但又唔會太生，熟度啱啱好，保持到肉汁。更重要嘅係牛扒好厚，估計起碼有一吋厚，食落好滿足😋。基本上唔需要點汁都已經好夠味。牛扒以外，仲有唔有伴菜，包括新薯、椰菜花、翠玉瓜、蘿蔔同粟米仔等，好豐富🥕🌽🥦🥔。食返啲菜感覺健康啲。主菜菜式定價唔平，但勝在夠大份。不過另一邊廂，甜品選項就好似較為相宜。再者就係樣樣都好似好好食，所以我哋好放肆咁食咗三樣🙊。野玩驚喜($128)，雖然話係驚喜，但我大致上都估到係乜，哈哈。一開始甜品嘅造型係一個雲石花紋嘅球體🌍，店員會俾我哋先影相。其後佢就會淋上熱嘅朱古力醬，將球體外殼溶解。比較可惜嘅係呢個動作係由店員代勞，而唔係我自己玩🤣。老實講呢個甜品好玩多過好食，味道唔太特別，因為主要都係朱古力同雪糕，不過都叫做有冰火嘅效果。薑汁芝士餅($78)，芝士餅嘅實物同相片係一模一樣咁靚㗎！碟邊有啲水果同果醬作點綴，色彩繽紛🌈，令人好歡喜。芝士蛋糕有別於切餅嘅形狀，因為佢係圓柱體，薑味濃度啱啱好，唔會嗆喉。只不過我唔太好偏滑嘅Cheesecake口感🤔，芝士味亦未算突出。蘋果酥配Movenpick雲呢拿雪糕($88)，呢個甜品嘅造型藝術成份甚高！雪糕上面有一塊用糖膠整成嘅鳥巢脆片，好有心思😙。酥皮帶點煙靭嘅感覺，酥上面好整齊咁鋪上一片片蘋果🍎，口感好有層次。再配合埋雪糕食，真係相當搭調。原來餐廳仲有一個Superfood Corner，健康健康🌿。總括嚟講，餐廳唔係得個樣，每一款食物出品均讓人有意外驚喜，好高質🤤。呢一餐真係冇乜地方可以挑剔，折完後我仲覺得幾抵食添，推介⭐️。…查看更多

放工同閨密喺K11 Art Mall行行下街，俾呢間充滿田園feel嘅餐廳吸引咗😂食物仲要好有驚喜添🥗🥞🥂餐廳環境走清新田園style，好有文青feel，平時喺香港生活節奏咁急速，黎到呢度感覺好放鬆💕餐廳主打super food同彩虹飲食法，食物同飲品種類都非常多😍<炸魷魚圈配千島醬>好邪惡呀！魷魚圈炸到卜卜脆，唔會炸得太厚身，而且份量係！超！多！推介！<法國羊肚菌雞肉意大利飯>我呢個cream怪表示好興奮！每一啖都充滿羊肚菌香味，非常creamy，唔覺唔覺我地好快食哂成碟飯！😶<鮮果窩夫配movenpick雲呢拿雪糕>一定要試！waffle充滿濃郁蛋香，鮮果有士多啤梨、奇異果、藍莓，配我至愛嘅custard，仲有焦糖脆脆，正呀！<菠蘿黃金樹>超大杯呀！有好多菠蘿果肉，好refreshing!…查看更多

首先所有配菜都好新鮮，讚👍🏼芝士蘑菇釀雞翼，完全係蜂蜜薯片嘅味道，好特別，每人食2件岩岩好烤海鱸魚配燒薯仔，鱸魚燒到塊皮好香脆，無腥味，好味，配合新鮮蔬菜，好清新，做得出色😋蟹肉龍蝦汁闊意大利麵，龍蝦味唔係好濃，但有蟹肉碎而麵既份量好足夠整體：唔錯，每道菜都係有心機既會再幫襯，入座率9成，服務質素都唔錯…查看更多

剛去完staycation，中午先食得好豐富又滯滯地，老公點名要晚上食健康d又唔想中餐，所以揀左呢間。呢間係內河道K11的2樓，我地行勻全層2次先搵到 估唔到佢攝左入d賣natural野既舖頭內。但入到去都好舒服同feel good。燒南瓜藜麥無花果沙律配草莓醬, 呢個配搭口質一流，草莓醬係mix左黑醋，食落酸酸甜甜好開胃蟹肉龍蝦汁闊意大利麵好食! 龍蝦汁不會濃到蓋過蟹肉的鮮味，闊意大利麵好煙un，係我好鍾意既口感蒜香炒雜菜, D菜食得出新鮮又爽口燒焗自然美國豬鞍架配燒扒菠蘿配黑醋燒汁, 真心好食切開仲有肉汁滲出，豬肉味突出。燒菠蘿超好食Super Kale飲完幾日都去得好順暢Kiwi Beet老公話呢杯冇紅菜頭既草青味，飲得好舒服…查看更多

有時我覺得太刻意既浪漫往往好似做多左，尤其是我呢D崇尚佛系人生觀既凡夫俗子。真係一動不如一靜，隨遇而安，今晚巧遇尖沙咀「野 玩 田 店」，佢地以農莊推動呢種自然風格，將Farm to Table主義配合新鮮有機概念，為枯燥既生活增添不一樣既風貌，呢種就係我想像中既活出生命！👇📌R i s o t t o -▪ Japanese Scallop · Tomato Sauce Risotto - $198▫ 何謂頂級？或者你試下呢個「日本頂級帶子·蕃茄汁·意大利飯」，你會得到答案。帶子屬於刺身級數，表面睇落煎得夠香脆又厚肉，食落相當鮮甜彈牙；而個飯底既番茄味非常突出，酸酸甜甜好開胃；飯粒口感做到正宗Risotto既感覺，值得推介！📌P a s t a - ▪ Pappardelle·Veal·Wild Mushroom·Veal Cream Sauce - $168▫ 另一招牌意粉「牛仔肉·野菌·闊條意大利麵」亦有驚喜，個蘑菇汁係我食過暫時最出色既；加上寬條麵吸收哂牛仔肉既香味，同埋野菌忌廉汁既配搭，成個口感特別煙韌腍滑，份外濃香入味，無得輸。📌D e s s e r t -▪ Waffle · Fresh Fruit · Mövenpick Vanilla Ice-Cream - $108▫ 最後甜品揀左呢款「鮮果·窩夫·雲呢拿雪糕」，成個賣相色彩繽紛。窩夫食落相當脆口，仲帶少少焦香，唔錯；中間加左大量雜莓，口感豐富；配上Mövenpick品牌雪糕，質感滑溜，整體相當滿足！…查看更多

五年前就食過野玩田店嘅灣仔店，當時覺得個午市半自助幾驚艷🌿，可惜宜家灣仔店已經無左，得番今次黎食嘅K11店。今次黎就點多幾款小食🍤。1⃣️炸魷魚圈配千島醬（$88）好脆身，炸皮又唔會過厚，千島醬好夾。2⃣️芝士蘑菇釀雞翼（$88）釀料都幾多，一咬已經齊曬🧀芝士蘑菇同雞肉味。3⃣️吞拿魚莎莎酥盒配分子珍珠醋（$108）酥盒中間放左🐟吞拿魚粒同🍅番茄碎，味道同口感都好豐富。4⃣️牛仔肉配野菌闊條意大利麵（$168）個汁充滿牛肉原汁，🥩加上吸汁嘅野菌仲有粒粒牛仔肉，🍝整體而言都好滿意。…查看更多

環境：👍👍👍👍服務：⭐️⭐️⭐️⭐️⭐️味道：😍😍😍😍影相：📸📸📸📸📸Encore:90%📝進入前要度體溫 ➖➖➖➖➖➖➖➖➖➖➖➖➖➖➖雖然位於K11較隱蔽嘅位置但佢嘅人氣始終都係好旺盛🔥以田園風為主題嘅裝修設計一入到去就會feel到清新原野嘅感覺場內好熱鬧，好岩飯聚Gathering🥳款式種類吾係好多但勝在樣樣都好大份架😘一開波仲會送上餐包，食住等🙆‍♀️.🔸芝士磨菇釀雞翼 $88呢種釀雞翼我想食好耐🙈所以一見到呀我兩眼發光🤩半全翼炸至黃金色雞翼皮薄香脆，吾會感到油膩裡面係磨菇蓉同芝士層次感豐富帶濃濃芝士香💕.🔸炸魷魚圈配千島醬 $88以「盤」黎形容佢嘅Size可見份量真係十足足料3-4人齊齊Share呀😍每條魷魚圈都好大一圈炸粉吾會好厚，食落香脆又彈牙🥳.🔸美國自然豬柳白菌闊意大利麵 $158以蕃茄肉醬做底每條闊意大利麵都掛住豐富嘅醬汁鹹酸帶點肉粒嘅口感，開胃又有嚼勁加上大量嘅白菌，磨菇同自然豬柳絲，口感豐富！.🔸蘋果酥配Movenpick雲尼拿雪糕 $88底層係酥香薄脆嘅蘋果酥，啖啖蘋果肉上層係雲尼拿雪糕，有雲尼籽架！食落更香滑🥰.🔸鮮果窩夫配Movenpick雲尼拿雪糕三個字形容：勁澎湃💕每塊窩夫都裝滿濃濃嘅cream仲有草莓粒，奇異果粒，雪糕等等最surprise 嘅係焦糖脆脆好似蜜糖蜂巢嘅口感又有焦香嘅甜香.🔸紫薯鮮奶夢幻紫，睇到人著迷☺️紫薯味突出，仲要吾會好甜架.PS. 依家晚市有75折優惠🥳而午市係85折，仲有salad bar添🥗…查看更多

一早已經留意到呢間 走農舍自然風 既主題餐廳 : )用上本地有機蔬菜、肉類, 同埋可持續發展既海鮮食得健康D, 同時對地球負返點責任.知道佢地而家做緊午市85折/ 晚市75折, 就快快手打黎訂位食飯 ~(知道lunch time有埋salad bar!! 下次想黎試埋~ )以自家種植有機蔬菜入饌環境舒服闊落, 帶有大自然氣息可能因為食材都新鮮同本地直送既關係, 整體價格偏高一點但個人覺得可以接受~ 因為食物份量都唔細 !同媽媽兩人, 先叫左個小食試下先 : )芝士蘑菇釀雞翼 $88一共4隻~ 雞翼飽滿, 皮烤得好香 !中心塞滿蘑菇同芝士 ~ 兩者比例平均, 食完都唔覺太滯烤海鱸魚配青檸牛油汁配燒薯仔 $268青檸牛油汁是重點, 好香好正鱸魚肉質夠滑, 食得出鮮味, 用上新鮮食材絕對係一啖就食得出架底下有幾件新薯, 我鐘意吱少少青檸汁上去食, 更清新 ~日本頂級帶子蕃茄汁意大利飯 $198共有4粒帶子, 煎得剛好, 鮮甜多汁, 如果再厚切D就好啦~~意大利飯飯粒分明, 有嚼口, 粒粒都沾滿鮮甜既蕃茄汁, 不錯蕃茄汁味道天然 感覺無添加, 加分!差D講漏, 佢地仲有提供餐前麵包架 : )本來諗住試埋呢度既甜品 (見到好多人都有叫水果窩夫啊)但我地已經太飽食唔落, 唯有下一次 : D整體黎講 呢度用既食材最令人impressed ~新鮮同高品質既材料, 煮出黎既菜式特別天然好味環境舒服同地點都方便~ 不錯啊 會想再黎試多幾款呢 ~…查看更多