野川拉麵の深燒食堂

营业中

休息中

妹妹由澳洲回來，都未和她吃過飯，今日一於下班後就相約食餐飯。我們約了去元朗，近近的，食完坐車很方便。野川拉麵之深燒食堂，之前已經和其他朋友食過，今日就和妹妹來食，地方寬敞，冷氣夠，人均消費$342。自家製豬軟骨讚岐手打烏冬芝士湯底$90一大片鮮黄芝士舖在上面，豬軟骨肉睇看，都看到軟骨的半透明狀夾雜住豬肉。湯底芝味豐富，手打烏冬彈性可口，整個份量都算多。燒豬頸串 $28 燒蜜汁墨魚丸 $18燒到外微脆感，內裡就保留着一少許肉汁，所以咬口微脆，但肉質不老不過硬。燒半殼蠔 芝士味 $45燒半殼蠔 蒜蓉辣味 $45燒扇貝 蒜蓉味 $28燒扇貝 蒜蓉辣味 $28蒜蓉辣味十分惹味，芝士味就感覺較有飽肚感。燒蠔燒到蠔身脹卜卜，蠔汁依然存在，蠔肉飽滿咬口佳。扇貝不感腥味，肉質嫩飽口感好。脆脆鰻魚串 $42外皮脆香可口，肉質嫩滑美味，而且不感腥味，唯獨有鰻魚幼骨要小心，但質素新鮮。甲羅燒伴燒鱈魚干 $88鱈魚干薄如脆紙，本身自帶味道，味道頗特別，微鹹，伴甲羅燒一起食，蟹膏和蟹肉份量都多，美味可口。香辣牛油錫紙金菇 $38香蒜牛油錫紙娃娃菜 $38娃娃菜新鮮爽口，金菇份量亦頗多。兩者食完其實都幾飽，哈哈。

平時聽聞元朗美食多不勝數，今日同朋友兩人來到元朗玩~~搵左一間價錢合理既日式小店食晚飯。入到去餐廳位置都算幾大，睇睇餐單食物選擇都係非常多，有串燒﹑刺身﹑拉面﹑鍋物等等，重點係價錢好合理，好抵食!!所以我同朋友都冇就住叫，想食既都叫哂。先黎既係刺身同飲品，刺身新鮮好鮮甜，上碟時擺盤靚靚有冰塊係底飲品方面我叫左一個芒果沙冰蘋果酒，極度推薦大家試下喱個野飲，份量多到嚇親我地，平時係其他餐廳可能要賣80蚊既野飲，喱到50左右就飲到啦~~朋友都叫左一個活乳酸奶蓋飲品，都係大杯到嚇死人~好抵其他野食方面我地叫左活煮蜆﹑串燒牛舌﹑串燒安格斯﹑鰻魚﹑燒扇貝等等。不得不讚既係喱到既串燒水準不錯，燒既火候掌握得好好沒有出現太老或者乾既情況，肉味香濃，而且朋友非常鐘意個鰻魚，話佢個魚肉夠厚好好食。另外，我地都叫左蒜蓉牛油金針菇﹑茄子以及炸軟殼蟹作為佐酒小食。特別鐘意就係個炸軟殼蟹，超脆口唔油膩，而且七十幾蚊價錢就有兩隻軟殼蟹，真係大件夾抵食呀!!試完今次真係覺得元朗好多值得去食既小店，下次有機會會帶朋友再過黎飲酒食串燒

元朗有邊度野川拉麵之深燒食堂🍜宵夜諗唔到食咩嚟過呢度食好多次有主食、有串燒小食、又有酒飲價錢仲要好抵食👍🏻👍🏻最鍾意食呢度嘅拉麵，非常港式嘅拉麵豬骨湯底，係出前一丁嗰隻。吉列炸蝦拉麵，炸蝦會分開上，脆卜卜最鍾意食嘅串燒有燒雞軟，燒鴨舌。燒大頭蝦都好高質，蝦頭好多蝦膏，仲有特價👍🏻👍🏻啤酒都係有特價好抵飲 大大杯🍺喺元朗咁多年都有好多熟客，星期五六日8pm後都要等下位。推介大家試吓～～

呢日同朋友喺元朗諗住搵個地方食宵夜，路經這間餐廳見到人頭湧湧，就決定入去試下。當時已經晚上九點半，餐廳都仲係咁多人，好熱鬧。以下係一個一入舖頭就映入眼簾嘅擺設，係一個巨大ironman! 忍唔住打左張卡呢度嘅食物種類有很多，包括啤酒、刺身、串燒、拉麵、烏冬、壽司、鍋物等，好豐富。以下係ordered food:富士山頂汽水$35呢間餐廳嘅人服務好好，仲好有心機咁serve呢支汽水，有曬冰同倒掛裝置，非常適合打卡。汽水味道唔錯，唔會太甜，有清清地嘅波子汽水味。清酒煮活蜆 $68 呢度啲蜆係超級新鮮！係隻隻都開曬，仲要係好肥美！一定要食！大推！油甘魚刺身x4，三文魚刺身x4，鮮帶子刺身x6，甘蝦刺身x4 ($68,$56,$42,$48) 超級厚切同新鮮！真係幾高質，性價比好高！全部都好鮮甜！燒鮑魚 $23 好抵食，又大隻，又新鮮，好爽口，好好味！燒大頭蝦 $16一隻都好大隻好新鮮！仲要有膏架！香蒜牛油錫紙娃娃菜 $38 呢個菜好好味！燒得好淋好入味，好中意食菜嘅我，好想encore多幾碟燒半殼蠔 $45一隻 大大隻，好鮮甜，加上上面嘅蒜蓉，真係好滿足。香蒜大茄燒 $38呢個茄子嘅份量出乎

元朗嘅野川拉麵の深燒食堂，設室內外座位，帶埋寵物都no problem！適逢萬聖節，店員都化身成各式鬼怪，連Iron Man都變成惡靈，氣氛極佳！餐廳設特惠餐牌，只要上社交平台share同埋留言就得，食物飲品低至半價，記得要開心share！食物方面，亦貫徹開心share嘅宗旨，價錢實惠之餘，仲要超大份，勁抵玩！三得利生啤 700ml 分享價 $46罐裝汽水 $15巨大化嘅生啤，分享價只需$46，難怪全場都喺度暢飲！蜜汁墨魚丸 分享價 $11/串大頭蝦 分享價 $16/隻穀飼牛仔骨 分享價 $30/份爽彈嘅墨魚丸串燒，爆膏嘅燒大頭蝦等，分享價都係10零蚊，食得好爽！燒黑豚肉五花腩 $28/串燒豬頸肉 $28/串厚燒牛舌 $32/串其他食物就算係正價都同樣抵嗌，串燒好惹味！油甘魚刺身 $68三文魚腩刺身 $78鮮帶子刺身 $42餐廳同時供應刺身壽司，油甘魚爽嫩鮮味，三文魚腩極度肥美，帶子清甜可口，唔錯！燒三文魚頭 $68三文魚頭燒到皮香肉嫩，加埋勁大件勁多肉嘅魚鮫位，不得了！蟹籽沙律 $62牛肉壽喜燒 $98巨大化嘅沙律同埋壽喜燒，真係夾極都有，夠3-4個人share，超抵食！

食個芝士地獄海鮮拉麵先65蚊一定要加錢轉特飲我次次都會飲一杯綠茶雪糕配綠茶紅豆冰唔太甜又大杯必叫性價比刺身三文魚刺身超厚切 啖啖肉帶子刺身好滑好鮮味 朋友encore 又encore甜蝦刺身大大隻 好粉嫩呀～～炸物叫了雞軟骨，魷魚鬚，必推榴槤炸彈全部即叫即炸 大大兜 價格很相宜 建議有兩個人share食同埋啤酒好平 三得利麥啤 700ml 都係50蚊仲有唔洗10%服務費啤酒加炸物 非繁忙時間 兩個人由心事講到世界大事都冇壓力最後叫左個芝士蛋糕做甜品日本直送 柚子味芝士蛋糕雖然唔係自家製 但味道吊打好多麵包鋪入口好軟滑 好清新柚子香 爭食😂朋友即刻話encore雪糕方面我覺得綠茶特飲個綠茶味比較好吃 榴槤味雪糕相對比較淡唔洗加一

星期日放假又係我出動揾食嘅時候，今次去咗元朗一間呼氣好高嘅日式料理「野川拉麵の深燒食堂」餐廳有Outdoor Area可以帶埋狗狗一齊食飯，一入到舖就會見到好大個iron man🤩而家只要like 社交平台就可以低至半價加配啤酒、飲品、小食、壽司、刺身、爐端燒等等👍🏻四品刺身盛合三文魚、北寄貝、活赤貝、甜蝦厚切三文鮮足足1cm厚，超級肥美，活赤貝爽脆鮮甜，甜蝦大大隻，樣樣刺身都非常新鮮，份量十足帶子刺身我地追加多份帶子刺身，6切，入口爽甜鮮美厚肉豬軟骨讚岐手打烏冬地獄湯底辣辣地夠晒惹味，豬軟骨炆得軟腍入味，配料豐富，有糖心蛋、粟米、木耳，烏冬口感滑溜彈牙，不愧為店家嘅招牌菜👍🏻芝麻雞翼即叫即炸，皮脆肉嫩，香脆可口，啱晒送啤酒爐端燒鮑魚新鮮彈牙嘅鮑魚只係$23隻，火侯燒得啱啱好，一啲都唔乾，保留Q彈嘅口感大頭蝦推介👍🏻蝦頭嘅蝦膏味道濃郁，蝦肉新鮮爽口，必點，優惠價只係$16隻，呢度嘅爐端燒做得非常出色牛油蒜蓉焗蜆我地揀咗辣味，蜆肉粒粒肥大飽滿，鮮味十足，湯底又鮮又辣，連湯我都飲埋😆泡菜豚肉鍋大大片嘅豚肉配上酸酸辣辣嘅泡菜湯底，配料十足，有粉條、冬菇、金菇、椰菜、豆腐，上枱時會有個爐熱住，

野川拉麵の深燒食堂元朗又新街40-48號榮豐大廈地下B號舖元朗又新街係搵野食既好地方呢到有好大screen播住韓國勁歌熱舞 門口有隻大Iron Man 裡面個設計幾摩登好岩年青人尼飲野 食燒烤 拉麵 壽司 刺身麵有多野食得尼 價錢唔貴 想有feel D可以坐出面深燒食堂 想食宵夜都幫到你 開到凌晨一點食物大份 酒杯都大過人燒烤系列 大頭蝦 鮑魚 千層燒大蔥 燒韭菜串 蒜蓉辣燒扇貝落既調味料幾惹味 辣定唔辣，記得寫清楚講清楚蕃茄湯底照燒雞扒贊岐手打烏冬芝麻雞翼（2件） 甜薯香芋丸 炸魷魚鬚 炸雞件北寄貝刺身蟹籽沙律芝士奶蓋藍莓乳酸梳打日本哈密瓜汽水日本信州蘋果梳打

今天無所事事，和家人入咗元朗逛逛。(野川拉麵の深燒食堂)店舖門外坐滿食客，抱着多人食地方應該心態，內進醫吓個肚仔先🤣🤣❣️芝士地獄海鮮拉麵麵條彈牙有嚼勁，海鮮豐富多樣，口感鮮嫩，湯頭濃郁醇厚，帶著辛辣的刺激感👍👍❣️粗粒牛角漢堡配薯條/沙律餡料牛肉和豚肉為主，口感豐富多汁，牛肉帶有濃郁的牛肉風味，豚肉則帶來豐富嫩滑口感。配上一塊芝士和鬆軟牛角包，每一口都是滿滿的肉香與口感的滿足❣️三文魚刺生肉質鮮嫩，口感豐富滑順❣️油甘魚刺生肉質豐盈腴細嫩，油脂豐富，入口鮮美滑嫩❣️甜蝦刺生肉質鮮嫩彈牙，帶著濃郁的海洋甜味❣️鮮帶子刺生肉質爽脆，口感鮮嫩多汁，帶著微甜❣️炸魷魚鬚外層酥脆，內裡鮮嫩有嚼勁❣️小食拼盤💥芝麻雞翼~酥脆多汁，帶著濃郁的芝麻香氣💥脆米流心芝士波~外脆內軟融化的芝士味道"正”👍💥榴槤炸彈~香甜濃烈，外層酥脆，內裡充滿榴槤風味💥炸魚手指~鮮嫩可口，外皮金黃酥脆一個拼盤擁有多重口味組合🥰🥰❣️芝士蛋糕+雪糕💥蘋果的酸甜與芝士的濃郁相融，帶來多種的層次感💥榴槤雪糕散發濃郁的榴槤香氣，口感綿密滑順另外跟餐飲，只要加十多至二十多元就可以改為特飲👍👍

野川拉麵の深燒食堂今次嚟到呢間日式料理係拉麵、壽司、串燒同酒吧集於一身嘅餐廳，最近仲做緊優惠只要留言分享社交平台專頁有抵至50％ OFF，啱哂有選擇困難症嘅我去食，又多選擇揀又有優惠，即刻唔使諗就入咗去食！👍👍👍呢間餐廳門口都係有一級，又係出動我塊斜板嘅時候，入到去見到牆上好多打卡嘅霓虹燈， 仲有一個好高大嘅iron Man，最近佢因為萬聖節都換咗新裝，我都馬上同佢影張合照添！🤣🤣🤣1.燒扇貝（蒜蓉燒辣）（一隻）$28（10/10）叫咗兩隻燒扇貝，燒到唔乾，夠鮮多汁，蒜蓉味好重同夠辣！2.香蒜牛油錫紙金菇（辣）$38（9/10）每一啖金菇都索哂辣汁，好正！3.香蒜大茄燒（辣）$38（9/10）落咗大量辣粉，令茄子好惹味！4.肥牛金菇卷串（一串）$38（8/10）叫咗兩串，唔知點解出咗四串細，每串都有三舊肥牛金菇卷串，份量超多，肥牛唔乾多汁！5.香草內蒙羊仔架（一件）$42（7/10）呢個羊仔架唔算肥，瘦咗少少同韌咗少少！6.甲羅燒 伴燒鱈魚乾（一份）$88（10/10）呢個甲羅燒好正，除咗蟹膏，佢哋仲加咗秘製醬汁，仲有食到蟹柳絲，配埋燒鱈魚乾令到更香更脆！7.火焰三文魚壽司（二件）$1

這次我同太后黎到元朗一家日式餐廳品食午餐，叫左1個SET LUNCH-豬軟骨拉麵套餐配特飲-紅豆奶茶拼3.6牛乳雪糕。此外，我地仲叫左好多款小食，包括$50無骨鳳爪、$48/3隻芝麻雞翼、$30/4粒炸椰汁波波以及4款刺身。刺身有三文魚刺身、油廿魚刺身、帶子刺身和甜蝦刺身。另外，我太后仲要左杯人氣蘋果油芒果沙冰。首先講下碗豬軟骨拉麵。湯頭鮮美唔油膩，豬軟骨入口即化, 唔UN冇渣。最正既係d拉麵, 面條彈牙有嚼勁，唔似其他店舖d麵軟淋淋。而且搭配左好多木耳Ｃ同蔥花， 增加左食物既層次感。整體黎講，哩碗豬軟骨拉麵好高質！！而杯特飲-都好大杯，奶茶夠濃郁， 紅豆有得咬，3.6牛乳雪糕夠香滑， 結合係黎真心正，加＄都好值！ 太后叫左杯蘋果油芒果沙冰，士多啤梨汁配上芒果，又好睇，又解渴！小食方面，無骨鳳爪是一大碟，肉質彈牙，酸酸甜甜，好開胃。芝麻雞翼外皮酥脆內裡多汁，肉好嫩！炸椰汁波波係一大驚喜，外層酥脆，入面既椰汁餡料好爆漿。刺身方面，每款刺身都非常新鮮，亦都好夠凍，三文魚同油甘魚真係好厚切！我食完都飽到一半！最後叫咗個甜品，富士蘋果芝士蛋糕配綠茶雪糕！即叫即整，夠新鮮！

住左元朗咁多年，都唔知原來呢到有間平民拉麵店咁高質，都係朋友介紹我先知原來已經開左好多年呢間「野川拉麵」門口勁多霓虹燈，相信到左夜晚一定會再靚再sharp啲，點解之前會留意唔到原左拉麵呢到仲有好多小食、丼飯，不過黎得呢到緊係要試下佢個拉麵先啦照燒雞扒&叉燒拉麵50蚊一碗估唔到勁高質湯底都係豬骨湯無乜好講，最突出係呢啲肉，雞扒厚身得黎好軟身，啲皮仲要勁脆卜卜叉燒亦高質，一食落去已經知道醃得好入味好香醬油味炸椰汁球 & 炸榴連球小食方面都唔執輸，除左榴槤球仲有未見過既椰汁球，入面係滿滿既椰汁西米露雞肉漢堡牛角包包皮好香牛油味，食落勁酥脆，連埋塊免治雞肉一齊食成口都勁香炸雞豆腐桶見到個名即刻想叫黎試下，炸雞外脆內軟，估唔到既係豆腐原來都係炸過，內裡完完全全keep到豆腐個隻白滑彈手，出色奇異果🥝&藍莓🫐活乳酸奶蓋一上枱我地異口同聲哇左出黎，真係勁大杯面頭加左好多乳酪雪糕，真係當甜品食都得呀

今次嚟到元朗雞地的呢間拉面店，之前嚟都係飲啤酒食小食，今次試吓午餐先。泰式鳳爪入口酸甜開胃、洋蔥鳳爪夠爽炸魷魚新鮮炸起，層粉少少厚，送啤酒一流椒鹽雞軟骨椒鹽配七味粉，非常香口四品刺身盛合（油甘魚、三文魚、北寄貝、蝦）呢間的刺身比較厚切，有啲un自家製豬軟骨拉麵湯底幾濃，豬軟骨夠淋粗粒牛角漢堡生菜新鮮、牛肉唔會太厚身、女仔食都唔辛苦、牛角包幾新穎青檸柚子梳打+活乳酸奶蓋活乳酸奶蓋比較出色，面頭仲有幾粒爆炸珠芝士蛋糕+雪糕榴連雪糕作結非常滿足

辛苦搵嚟志在食，與老婆一齊收工到元朗覓食。行過此店門口，被它五光十色的燈牌裝潢吸引，望望餐牌，菜色五花八門，徵詢老婆意見，決定一試。我們點了不同的串燒，有牛舌、鰻魚、豬腩肉、安格斯牛肉，每樣都很有質素，肉質鮮嫩，只用鹽調味已經很足夠。另外，我們點了蒜蓉燒蠔和牛油蒜蓉焗蜆，蒜蓉加了辣，非常惹味，蠔和蜆亦鮮味十足。老婆點了壽喜燒，我就點了六品魚生盛合。壽喜燒份量多，加上雞蛋加持，口感和味道不得了。魚生要力推，厚切不在話下，海膽肉厚是前所未見，口腹很滿足。飲品賣相更可以滿足打卡的需要。適逢萬聖節，餐廳內外佈置已充滿氣氛。真心值得一試。

今晚同朋友去試吓啲特別日本野，係一間位於元朗的地鋪，位置十分方便，喺輕鐵大棠路站附近，穿過同益街市及元朗賽馬會廣場再行大約5分鐘就到。門口裝修有啲懷舊同酒吧的感覺，仲有幾枱室外座位，對於有寵物人士來講十分方便。 入到裏面，整體空間感幾好，樓底幾高，樓頂燈係用啲類似舊齒輪組成，有一種懷舊機械感。特別的是有一個成個人咁高的ironman figure。店內仲有啲Halloween裝飾，感覺幾特別。我和朋友坐喺餐廳近門口的位置，佢啲座位似用貨櫃和油桶改裝再油上唔同顔色，設計都幾特別而且坐得舒服，餐廳整體有一種工業風。 之前上網睇過呢間野係出名做親民日式料理、串燒同飲品質素唔錯。佢晚市食物好多選擇，烏冬、拉麵、壽司、小食、炸物、刺身、串燒、壽喜燒等等。牛肉壽喜燒🍲壽喜燒湯底應該係用照燒汁，湯汁甜而濃郁，上面放左幾片牛肉，蘸上生雞蛋並將之淥一陣，陣陣牛肉味散發出嚟。湯中還有配菜包括冬菇、蔬菜及彈牙粉絲吸收牛肉湯汁，吃左之後好溫暖好滿足。 自家制叉燒讚岐手打烏冬🍜我地揀左蕃茄湯底，自家制叉燒入口味濃而鬆化，手打烏冬吸收了蕃茄湯，啖啖蕃茄清香，加上原隻温泉流心蛋同其他配料，整體感覺十分完整。刺身(油