重慶劉一手火鍋店 (旺角商業大廈)

牛肉最平二百幾蚊得十塊都算啦 始終係明碼實價 但係每一塊煮完後都一分為二 真係咁大個人都未見過 其他野都貴過出面至少一半有多 但係質素都係一樣甚至差d 傳統重慶湯底基本上得辣味 都係花椒同乾辣椒 欠缺左應有的香 豬骨湯底有幾塊大骨頭 但湯底都是沒什麼肉味 似是用蘿蔔和玉米煮出來的湯一樣 略嫌普通環境係好既 嗰位好大好舒服 走廊都寬敞 服務員質素都好好 會自動加湯同收碟 有圍裙提供 醬料提供都算豐富抵唔抵食就見仁見智 基本上都唔會選擇回顧…查看更多

之前同朋友去過銅鑼灣嗰間覺得幾好食😋於是就同老竇老母一齊嚟旺角呢間試吓-旺角依家感覺上比銅鑼灣嗰間大✨位置都比較闊落✨同上次一樣都係冇黃喉亦都冇糍粑 😟😢-火鍋湯底半價💰88全鍋💰168可以揀兩款合成鴛鴦鍋(˶‾᷄ ⁻̫ ‾᷅˵)次次一定要食正宗重慶麻辣鍋(´･Д･)」有大辣/中辣/少辣.同埋我都係超鍾意食佢個豬骨湯💕真係都幾濃鮮甜而且真係有大大嚿豬骨可以藺🤣-📌牛頸脊（一份💰388）次次黎都必食(´･Д･)」新鮮重牛味.📌團圓鴨血（6件💰68）好嫩滑厚身💕滿滿鴨血味(˶‾᷄ ⁻̫ ‾᷅˵).📌羊肉片（💰108）重羊味夠鮮夠羶.📌鮮墨魚滑（4粒💰58）重墨魚味(⁎⁍̴̛ᴗ⁍̴̛⁎)好淋身中間有彈牙嘅墨魚粒✨覺得整體可以再爽口啲.📌龍躉（8件💰108）新鮮‼️抵既.📌闊粉（💰38）冇之前咁煙韌😟一夾就斷但唔係碌咗好耐索哂麻辣湯好食ψ(｀∇´)ψ.📌炸響鈴（💰38）夠脆重豆味-打邊爐有圍裙唔使驚彈到落件衫度🤣覺得銅鑼灣好食D，食物少少參次…查看更多

今日同朋友一齊去打邊爐，於是嘗試一間未試過嘅重慶火鍋店。個位置都方便嘅喺朗豪坊隔離，容易搵到。上到去店舖個位置都闊落，坐得都舒服。而家鍋底仲做緊半價優惠（都係去到嗰陣先知）😂，間舖頭嘅牛肉都傾向貴，亦都有好多選擇例如：和牛／安格斯有嘅我哋點左1️⃣麻辣湯底2️⃣椰子雞湯我哋三個女仔🧍‍♀️平均每人消費369元，因為我哋都叫咗好多嘢食，所以相對來說好飽。個整體都OK，但唔會係特別出眾嘅重慶火鍋😼…查看更多

朋友想食麻辣火鍋; 之前劉一手食過 2次都吾差，所以再去。去刭order2款湯底，椰子雞湯好夠味連朋友都讚d雞好滑。麻辣出名冇理由唔叫麻辣，所以叫咗個小小辣 (都好辣呢)。而家做promote, 所有湯底半價，真係好抵。朋友推介牛胸爽好特別，牛就叫左牛頸脊，有入囗即溶感覺，吾錯的選擇呢! 另外再叫左其他火鍋配料，不過眼闊肚窄，结果食吾哂。用餐限時2小特，如果再多半小時可能好啲。希望貴公司考慮如果冇客人等位可以弹性處理時間，吾駛我地未食哂都要離開。因為朋友識人關係，所以埋單比左9折我地。…查看更多

二零二零年六月五日晚上七點黎到旺角 重慶劉一手火鍋當然係要先探熱後入座店員好主講解湯底辣度 食物種類麻辣火鍋都無係香港食過 係時候要試下自助調味 自己揀蔥 芫茜 蒜蓉 辣椒 花生醬 花生粒 老干媽 腐乳 蠔油 陳醋 一樽仔麻油 任君選擇自己隨意拎我地一行五人就揀左鴛鴦鍋 酸菜魚同重慶麻辣湯中辣$168中間有個隔筲箕 可以用黎煮麵同d 細碎食材 好窩心酸菜魚好入味 啖啖魚片 中辣湯已經好刺激食到嘴都紅哂 成晚都熱辣辣 好爽火鍋配料：准山 冰豆腐豬頸肉$88肥瘦適中 夠長夠厚牛頸脊手切$388豚肉片$108老重慶鮮鵝腸$138 團圓鴨血$68 墨汁墨丸 貢丸油炸骨蝦滑4 件拼牛脷酥蝦滑4件 $88熱辣辣上枱 好特別嘅小食油炸鬼同牛脷酥好脆卜卜蝦滑真係好滑同彈牙 好特別嘅小食芝麻沙冰 竹笙蝦滑整熟左 有竹笙包住長條形蝦滑 一次過食到有軟有彈牙嘅口感手打鮮蝦滑丸$88好彈牙嘅蝦滑丸 食過翻尋味蓮藕 冬瓜 土豆片蔬菜慢慢煲住個中辣湯 吸哂d 精華整體都唔平 因為係單點 但有增值卡 最小可以食夠$3000 減$300 $5000 減$500 多d 人食可以叫多d 款大家想食麻辣火鍋可以黎劉一手試下…查看更多

加水的時候沒有說一聲然後彈到我的女朋友亦沒有說一聲對不起 然後攞了兩張濕紙巾給了我女朋友難道你哋不知道比水彈到那種感覺是多麼的痛苦多麼的痛 衣服也弄污糟了也沒有一聲對不起 草草了事令我極之失望…查看更多

公司同事決定收工大家一齊食一餐，一致決定食重慶火鍋，麻辣嘅感覺真係非常正！😊😊呢間正宗重慶火鍋真係好唔錯呀！湯底好正宗！😝配料要自己出去攞，配料都非常齊，幾乎有曬啱打邊爐嘅配料，滿足好多人嘅口味😊火鍋配菜每一份份量都好足呀！真係非常美味😍…查看更多

最近因為疫情關係好多餐廳都好早收，大概9:30左右見到旺角劉一手話係收凌晨所以行入去睇睇，喺樓下一樓見到有套餐，影咗張相，跟住職員就話我哋10:30last order ，11:30 離坐，都覺得有兩個鐘可以食所以都選擇左入去。睇來睇去所有餐牌都唔見有樓下影相既套餐，舉手舉左勁耐冇人理，終於有個男仔理我，時間關係，我直接同佢講叫樓下影左相既套餐，仲比張相佢睇，終於都落到單。之後大約15分鐘上齊，都算快。牛肉好好食😋新鮮，鴨血配麻辣一流。其實成個過程食物都非常唔錯，唯一缺點員工真係趕住收工，我自己都唔好意思唯有叫佢攞個外賣盒，每個外賣盒兩蚊雞我都覺得我係好應該俾佢，成個過程佢哋不停掃地抹枱，所以真係唯有11:15就走啦。…查看更多

One of my favourite hot pot joints in Hong Kong! 湯底依然夠辣帶麻，帶點牛油香。牛頸脊油脂分佈平均，每次都是必點。這次試了極尚牛肉拼盤盛（小），盛惠$398，質素卻有點令人失望，以後還是只叫牛頸脊。另外的食材，如招牌劉毛肚、爽脆黃喉等都有保持一貫水準，每次都必點。響鈴、魚皮不像現炸，卻也品質合理。疫情期間每個人都要先量度體溫，配料也都是蓋上的。大家記緊要保護自己，一定要用公筷喔。…查看更多

食麻辣火鍋最重要係乜嘢？梗係食肥牛啦，呢間麻辣火鍋啲肥牛，上枱時還結冰，不能逐片逐片放落煲，我叫嘅係拼盤，最大塊嘅同最細快嘅，錄完之後非常韌，中間size嘅就吾錯。因為我唔知最大塊同最細快嘅係咩部位，所以唔識話你哋知。我叫嘅係三百幾蚊嗰個牛肉set。我覺得最好食嘅係「牛脷酥蝦滑」，麻辣牛丸一啲都唔辣，竹蔗茅跟水都幾好飲。不過肥牛係我嘅重點真係失望，而且所有食物偏貴，兩個人每人食咗$400！我應該唔會主動再去下一次！…查看更多

其實呢間劉一手第一次食！仲覺得超值得去食～因為呢間火鍋裝修幾好，光猛，環境又舒適，仲好乾淨！最好就係佢有條即棄圍住，唔驚整污糟件衫。一入大門就嗅到陣陣既麻辣味！成個人精神哂！我地叫左個鴛鴦湯底，一邊係豬骨湯，一邊係中麻辣。叫左個海鮮拼盤！同半份手切牛肉。我想同大家講：個海鮮拼盤d海鮮係新鮮識郁嫁！🙈🙈D 牛肉都好好味～唔太厚，又唔韌～好有牛肉味！其實我仲叫左墨魚丸同烏冬嫁！但唔記得影相囉～打邊爐最唔少得既野飲：啤酒！2個唔洗叫太多，飲杯酒，傾下計，開心！…查看更多

本身想試下九宮格🤣但最尾都係要咗鴛鴦鍋😍麻辣(小辣)同山珍雜菌鍋💕其實小辣都夠曬辣🤤又唔會辣到嗆喉🔥勁正🥳🥳而且雜菌湯底又可以當湯飲，足足飲咗幾碗😹好入味🤓------------------------------要咗極尚牛肉拼盤盛$398💕有霜降牛肉粒、澳洲和牛小排同美國雪花肥牛😆啲肉質真係好靚，真係淥10幾秒就食得，老咗就曬晒🙈仲有鮮鵝腸😚$138份量都好多，勁爽口😍------------------------------而且個火鍋有個細格仔，唔會怕游走，好細心🥰🥰仲叫咗珊瑚蚌$148，又好新鮮，淥完都唔會點縮水🤩不過蟶子都唔平，$78/1，叫咗2隻試下$156🙈無沙係好值得讚😹我覺得特選丸拼盤$128係最抵食，有4款丸，每款4粒，川辣牛丸、牛骨濃汁牛丸、墨魚丸同芝士流心丸🤓同出面現盛買嘅唔同，牛丸係幾彈牙😎------------------------------一路食一路飲緊成Jar竹蔗茅根$78，有一公升，都飲到好多杯😏而且好解辣，透心涼😍平心而論，價錢唔算好平，不過質素真係好好，一定會再嚟😝…查看更多

一行十二人黎到呢間行過好多次都好想試既火鍋店，一齊歡送同事。book左一間房，好似有minimum charge，不過除番開人頭都唔算好貴，一定meet到。出邊有個全自助式既調味料區，自己決定要幾多，調咩味🤗我哋嗌左鴛鴦鍋，有辣有唔辣，任君選擇。配上麻辣鍋必嗌嘅鴨血響鈴夠晒索味牛肉拼盤肚餓既可以嗌啲串燒頂住檔先凍豆腐都係麻辣火鍋既最佳拍擋。總括而言，呢間火鍋店啲火鍋料無論賣相同埋質素都算係中上。但係敗筆在個麻辣鍋，既唔香，又唔知點解煲極都係唔係好辣，得個油字。最驚係啲油凍左之後全部都係鮮橙色，個感覺好似食緊色素咁。如果話劉一手係以重慶麻辣火鍋為主打嘅話，咁真係唔多得。大家都話無下次。…查看更多

成日覺得鍾意食辣既人就好似永遠戒不了毒的癮君子一樣🤣🤣 總是越食越辣、越辣越愛，無辣不歡，haha～ 我就是其中一個啦！今次目標就是全球有過千分店既👉🏻劉一手重慶火鍋！我同辣友黎咗大家都方便既旺角店，舖面光猛闊落，一大班朋友或2個閨蜜傾下計一樣啱！呢到嘅自助醬料區，款式比其他火鍋店多而又比較特別，例如有紅油腐乳、老干媽等～枱面放咗圍裙，🤪食之前著定就唔怕俾辣油彈污糟件衫la！首先梗係要揀個靚湯底啦！🌶麻辣(中辣)拼滿滿膠原的滋補豬骨鍋~ 我地個鍋嚟之前已經聞到隔離勁香既麻辣味啦！我地2個女仔叫餸唔算太多、不過每個種類都試吓～介紹一下先！🥢牛頸脊🐮(手切牛肉)～厚薄適中、肥瘦均勻、肉味濃，正！🥢桂花蚌~ 爽口彈牙又鮮味～🥢牛脷酥蝦滑🦐～ 好特別的配搭！一試愛上！新鮮炸起上枱，即食又得，放落鍋淥幾秒一樣好食，一脆一彈，😋口感非常獨特！🥢鮮墨魚麵🦑～ 有得自己唧唧控制分量！似條狀墨魚滑，略帶鮮味～🥢響鈴～ 鮮炸又香脆，放麻辣湯一秒即食無得彈！🥢韮菜餃🥟～ 餡料靚，粒粒脹卜卜！🥢蔬菜拼盤🥗～ 新鮮靚菜，吸埋d豬骨湯仲好味!今餐劉一手麻辣聚，我同辣友都好滿意，食材高質，staff有禮，👍🏻湯底真正鮮、麻、香！…查看更多

最近天氣有返啲秋意，最啱就係食麻辣火鍋啦。銅鑼灣嘅劉一手我就試過，覺得非常出色，知道旺角都有分店，睇下同銅鑼灣嗰間有冇得揮先由於男朋友唔係好食得辣嘅關係，我地叫咗鴛鴦鍋，廢時佢食得太辛苦一邊係椰子滑雞煲，令一邊就梗係呢一度主打嘅正宗重慶麻辣鍋啦。由於吸收過喺銅鑼灣分店嘅教訓，知道呢一度嘅麻辣鍋真係真材實料，真係好辣，所以今次就淨係叫咗小辣。鍾意食辣嘅我其實本身對個椰子雞冇乜期待，但係估唔到佢入邊嘅雞件又真係好滑，非常之入味，湯底嘅調味亦都好適中，有雞湯嘅濃郁味道亦有椰子嘅清甜，有啲似我阿媽係屋企煲嘅老火湯，個湯底完全可以就咁飲。唔叫肥牛嘅話就唔叫做打邊爐，我哋叫咗極尚牛肉拼盤盛，我特登close up 咁影啲肥牛，見到呢一個色澤就知道牛肉嘅質素非常之高，細既拼盤分量亦都好多，夠我地兩個牛魔王食。索曬啲麻辣汁嘅肥牛真係超級正。食得多韭菜餃，今次專登叫咗呢度獨有嘅羽衣甘藍豬肉餃，估唔到羽衣甘藍除咗沙律之外仲可以擺落餃子度食，非常有新意。至於爆醬賴尿牛丸就如想像中嘅出色，不過大家食嘅時候就要小心熱，因為真係會爆汁架。食麻辣火鍋我超級鍾意叫土豆片，劉一手嘅土豆片切到好薄，唔使淥好耐土豆片就已經好入味。齋睇相係咪完全估唔到呢個係乜嘢食呢，其實係鮮蝦麵嚟嘅，可以自己jit 蝦麵出嚟，非常過癮。佢既口感好爽滑，真係食到一粒粒既蝦，真材實料，唔係得個名。除咗打邊爐之外，我哋叫咗波士頓龍蝦鉗，食龍蝦唔使自己剝殼，可以大啖大啖咁食甜美嘅蝦肉，估唔到除咗打邊爐之外佢哋嘅熟食亦都唔錯。今次已經係我第二次食劉一手啦，依然比我滿滿嘅驚喜，佢哋食物嘅質素絕對冇留手啊真係。…查看更多