醉鮮靚湯特色粉麵

营业中

休息中

每次去親葵芳諗唔到食乜，我都會揀呢間醉鮮靚湯麵，因為佢嘅魚湯湯底清甜而不鹹，無味精，飲完唔會覺得口乾，醉鮮麵爽滑 ，而佢嘅沙薑豬手皮肉清爽，每次必點，今次點左皇牌牛筋腩豬骨湯河，炆得好腍，味道適中，唔鹹。鮮鯇魚咀醉鮮麵，足足有一個大魚頭，最後仲點咗一個必點香檸薏米蜜，大滿足

醉鮮係一間間唔中就要去下既餐廳，因為除左野食，佢地仲有個秘密武器係令人會心掛掛要去😍個秘密武器就係佢地放仔枱面既蝦仔！！！係完全將整個湯底同泡飯昇華！！！好香口、口感又過癮❤️👍🏻照舊叫左魚湯泡飯，不過今次係食下午茶所以配左惹味雞翼！朋友就叫左秘製豬扒～個魚湯真係好好味，食得出冇乜味精～雖然魚味唔算特別濃，但飲下飲下就會飲哂😋惹味雞翼炸到外層好脆，調味一流，雞翼又大大隻😍相比之下朋友叫既秘製豬扒好似就差少少～不過佢地既份量就不嬲唔算多，食完好快就肚餓😝

星期日嘅午餐，揾到葵芳有間先前未食過嘅米線，有唔少好評，就黎試下。兩個人叫左兩碗米線（佢嘅米線，偏「林」）+1份小食。胡椒酸菜豬肚雞米線$49『濃味選擇』朋友點嘅，佢話食到自己好熱，因為胡椒同薑味都好突岀。睇落幾豐富，有酸菜、豬肚絲、雞件、蘿蔔、木耳絲同豆卜。雞件入味，配上其他食物，有多重口感。鮮鯇魚腩米線$46『淡味選擇』可能走左青，上碟時好似好清，視覺上有少少失落。湯可以揀魚骨或豬骨，我揀左魚。魚湯比較清淡，但魚味濃。鯇魚腩總共有3件，鮮味唔黏骨，大骨好易食，但要小心細骨。醉豬手（例牌）$53以為係凍食，但上枱時係室溫，同預期唔太一樣。例牌都已經有七舊，唔知其他份量有幾多。豬皮無想像中咁爽口，而酒味都係普通。應該會再黎嘅

吃膩了譚X、川X米線，是時候試試新意思。位於禮芳街的醉鮮靚湯粉麵，看上去比較清淡，也別於一般米線鋪的餸菜配料，沒有炸醬、腩肉，反而有醉雞、鯇魚腩。點了醉雞鮮鯇魚腩米線，魚湯呈奶白色，味道鮮甜，有幾件大大塊魚腩，略嫌有點腥。醉雞味道不錯，酒味剛好不太濃，這個組合真的很新鮮呢！可惜米線煮得有點過淋。再加小食豬手，豬皮充滿膠質，口感彈牙，推介👍🏻這是媽媽的胡椒酸菜豬三寶，酸菜味不太強烈，配料也鋪滿碗呢。

湯味夠濃、夠鮮味，食物新鮮可口，價錢公道，大眾化，夠特色，市面唔多搵到，值得我們搭車咁遠水路都去食，好掛住D魚腩、雞亦，廚房出餐速度快，伙記醒目快手有禮。正呀。

到葵芳廣場，除了指定"掃街"動作，也努力搜尋可 舒服坐下來慢慢用膳的餐廳， 對上的星期日，在網上找到醉鮮靚特色湯粉麵，碰巧在晚飯時間路過這兒，看見門面光鮮，室內格局企理整潔，最重要還是菜式合心水，價錢大眾化嘛，就決定進來内用餐。魚湯超鮮甜，魚味夠重，飲咗唔會口乾，無味精醉鮮麵係呢到先有嘅麵，個樣似賴粉但係口感似米粉溝咗薯粉同魚湯一齊食好夾好好食！值得一讚是此處的服務，店員會介紹食物之外，亦會盡快回應客人。

有位食家朋友帶過我黎後，我就被呢間小店深深吸引左，每次同朋友係葵芳唔想掃街，就會推薦佢地黎呢間！雖然店鋪小小，但成條街只有呢間餐廳門口人流不斷，我基本上每次去都要排隊（大約3-4張台），你就知幾受歡迎！佢最出名係魚鮫，超大超滑超鮮，但要預先打電話去預留定，我呢日7點幾去到已經冇晒，所以冇影到相。但其他食物都係有誠意之作，絕不馬虎。首先係胡椒系列，胡椒豬肚個湯底係重點，胡椒味百分百十足，加埋酸菜，個味唔怕寡或得個辣字，冬天食完暖笠笠，每位朋友試過都大讚！三寶有豬肚，腸同豬腰。之後係皇牌「醉鮮麵」魚湯，醉鮮麵其實係比較煙un的米粉，好幼細但唔怕斷，容易吸收到湯汁之餘，十分有咬口，唔會食完都冇野落肚咁！哈哈，每次去都必叫！湯底可以揀魚湯或者豬骨湯，兩款非常唔同，豬骨湯較濃味，魚湯係屬於鮮甜同淡味，兩種都係誠意之作，但我個人推薦魚湯，因為豬骨湯好多地方都有，但鮮甜魚湯呢間真係不錯！配埋容易吸收湯汁的醉鮮麵，相輔相成！麵同送會分開上，冇魚鮫所以轉食牛筋腩同豬軟骨，牛筋腩不愧係皇牌，啖啖肥美，豬軟骨稍為軟淋淋左少少，一夾就散，牛筋腩更勝一籌。每次我都會叫檸檬薏米水，今日去到熱飲已經賣完，可能係入冬

行葵芳多數會過泥食呢間麵，其實本人非常鍾意食魚，所以我都成日周圍去食下唔同既魚湯米線之類，呢間係我暫時食過最新鮮魚同無味精既店。「胡椒酸菜紅燒魚腩」$49先講魚腩煎到金黃色，有3大舊好香口又脆，入口魚肉實正唔腥👍正，佢有比隻碟放骨，但我有時都會放條魚係上面等佢脆耐d.豬肚ok正常，我不是豬肚專家評唔到，其他配料好似酸菜咁唔會太酸洽到好處，胡椒湯可以飲埋唔會太辣，冬天一流，但唯獨是豆pop想講下,睇得出廚師既刀工，十分之薄......可唔可以厚番d麵我選左「醉鮮麵」口感類似過左冷河既粉絲食完都冇口乾狂飲水，個人覺得呢種係無味精或多鹽既正常反應，同埋見到佢入面落左蒜頭薑蔥，煮過飯都知加左呢類天然香料仲有胡椒酸菜豬肚一齊煲，基本上都不用加味精已經夠鮮。總結是一間用心煮食既街坊小店，👍而且味道係好食個類，有時食飯真係唔好諗住話比到好多錢就食到咩美食，錢同美食唔係掛勾。

環境: 小店形式, 晏就都好多人食, 4個人等左5-10分鐘先入得, 不過等得證明餐廳水準同質素不會差呢！餐廳唔大, 座位唔算太多, 不過不會迫夾的.食物: 通常我去未食過既餐廳都話叫佢既招牌菜, 我諗個個人都係, 所以今次叫左佢招牌醉雞湯麵. 我個人食完覺得呢間餐廳冇改錯名, 完全符合醉鮮兩個字. 首先, 醉雞酒味非常濃烈, 我覺得醉雞要好食首先酒味要夠濃同要入味, 呢間醉雞可以做到. 雞滑而爽口, 我認為同鼎泰豐既醉雞可以相比.另外, 佢湯底可以揀豬骨湯或者魚湯, 我就揀左魚湯. 魚湯十分鮮甜, 我諗都真材實料, 配埋醉雞真係唔錯既配搭, 黎葵芳既朋友都可以試下呢間麵店！價錢: 價錢唔貴, 比葵芳新都會連鎖食店平就一定, 中午食大概$50, 我覺得食物質素十分有水準, 仲要唔算貴, 絕對可以一試.

真係好好味～當老公問我有沒有想吃什麼的時候，第一個想到的就是醉鮮雞肉！！！！吃了一次就會不停想要再去吃，但是因為用餐時間都好多人，所以基本上都不是內用。 吃了幾次還是不知道醉鮮麵有什麼特色，也沒有特別有味，所以我和老公後來都是點泡飯，無論是濃厚鮮甜的魚湯或是香醇濃厚的豬骨湯，都非常的好吃唷～有時就算忘了走青，仍努力把整碗吃光且喝到見底。 A1醉雞，份量多，酒香十足，夠味，咬下去唇齒留香👍👍👍👍欲罷不能，真的是會想念的味道 D1香煎鹹魚肉餅，十足十足夠的香，而且不算太油膩，也是我們的必點。 A3醉鮮牛肉，味道不用說，一定好的，只不過份量較少，所以點過一次後，想吃醉鮮系列還是會點雞來吃，就不會點牛了。

好日都唔去葵芳，真係唔知果頭有咩好食，唯有上網睇下有咩好推介。見到好多人都推介呢間醉鮮靚既醉雞，仲話咩「以後食醉雞唔洗入元朗」咁勁呀！lunch hour都幾多人食嫁！因為我係single rider既關係，10分鐘倒就坐低了～【醉雞米線加魚腩】一黎到試咗啖湯先，好鮮甜，無味精，唔錯。不過米線既份量算少，我細食都唔係好飽。但我幾鍾意個米線，因為佢比平時既米線幼身，同埋好滑，佢會比平時食開既淋身，我個人係幾喜歡既。但佢既配料就無咩特別，講講個魚腩，兩大塊，$16，幾抵食，都幾滑，都有魚既鮮味，但就唔係特別impressive。如果有下次，我會選擇椒鹽魚腩！佢個醉雞就真係幾impressive啦，一d都唔醉。冰鮮味好重，酒味完全無入到個雞到，仲有好多毛呀！fail！總結，下次唔食醉雞，或者唔會再黎食！

No artificial flavour (or at least very little). The fish soup is brewed by fresh ingredient and i drink every drop of it every time. The fish is good and fresh. Personally i prefer fish than drunk chicken. I also recommend the special drink lemon semen coicis water. Everything so home-made flavour!!

我同男朋友 間唔中都會去葵芳搵吓嘢食而我就同男朋友好鍾意去一間叫做醉鮮麵嘅餐廳我哋覺得入面嘅鹹魚肉餅係最高質嘅因為唔會太鹹但係都保留到鹹魚嘅鹹香所以呢個小食係我哋每次都必叫嘅

醉鮮果然係最鮮 店舖賣鮮甜靚魚湯 ☝️😋小編可以講真係鮮 冇乜味精 小編嗌左3款 😃3款都係配魚湯同米線圖一係配牛腩 牛腩入味到呢😀 超有濃郁牛腩汁 配上些少肥肉👅豬軟骨就差好多拉 明顯d料 碎dd 似罐頭貨咁🥫仲嫌佢有d鹹鹹魚肉餅配上米線有出其不意既效果 鹹魚香味四溢 更加能突出魚🐟鮮

今日約左好朋友去葵青劇院欣賞節目時間唔係好多所以搵D粉麵食下就算喇朋友推介呢間餐廳估唔到會爆哂咁濟遲一步都無位啊本身以為呢D食粉麵既餐廳實有位花多眼亂都唔知食咩好最後我就叫左個有手指公推介既泡飯搖柱肉鬆蠔仔泡飯湯底好濃郁但係唔係味精味相信個湯底都用左唔少時間煮出黎之前食過一啲蠔仔泡飯既蠔仔都有好多沙呢間餐廳既蠔仔係無沙而且數量都唔少好加分啊呢個泡飯比起米線份量感覺都多半所以食完飲左啲湯都幾飽架而朋友就叫左一個醉雞米線朋友呢個餐份量就比較少雞只係得幾件而且米粉都比較碎米線多返少少咁會飽好多依加呢個份量只係剛好食完唔會餓不過值得一讚既係就算食米線時連湯一齊飲食完呢碗麵都唔會覺得口乾拿拿聲食完就要走喇