醉雞火鍋店

以前幫襯過佢幾次，唔錯。對上一次叫，都好似一兩年前。唔知係咪換左老細，頂左手？完全唔掂！同以前完全唔同味。D 湯無酒味，無甜味，雞好細隻，斬得好碎，又唔入味。買左一隻289，湯同外賣盒，open rice 要俾多20，搵笨。親身買就10！總括而言，無下次，湯底差過海底撈湯包。晚市見佢堂食得兩枱，價錢越嚟越貴，質素差。再係咁，應該頂唔到幾耐就執笠都似。唔知難食，所以食前無影低。食到最尾，忍唔住想寫負評，先影低！…查看更多

🍲🥢嚟到大埔呢間新開既鍋物店，真係開心到爆炸！我地一行四人，一坐低就點咗份古法藥膳醉雞鍋，啫喱個湯底一開蓋，酒香撲鼻而過，湯底醉人真係好正！紅棗跟龍眼放晒落去，飲一啖湯，個味甜甜地，暖笠笠，好舒服。隻雞，我講嘅，真係軟熟得滑，爽口得嚟入味。我哋再搞啲餐廳自製黑椒牛丸同鮮美韮菜餃來試下，個黑椒牛丸辣辣地刺激到舌尖，愛辣既朋友一定讚到無朋友。試埋啲牛柏葉，嗰種新鮮嘅嘢，係真係爽口到不得了。芝士龍蟹丸，哇喂，大贊！個龍蟹丸同芝士醬混合埋，啖啖肉，一咬落去芝士流晒出嚟，勁爆味蕾。啱啱啖啖，心情好到不得了，食完之後，全身都暖笠笠。總之，來到大埔，試吓呢間鍋物，溫暖你個肚，都實在係一個好選擇喎！👍🤤😋…查看更多

放工好晏同同事去打邊爐食完真係番唔到轉頭🫠成日都好掛住佢既牛筋丸同牛肉呢間火鍋店私下已經encore左好多次舖隻細細大家坐逼啲稱唔上坐得舒服😉電視一直播Disney+啲電影🎞️食物上菜速度都快(樓面得一個人黎講)------------------------------餐牌選擇可以話係超級多種類每種都仲要有好多款揀係有啲選擇困難症既~<古法藥膳醉雞鍋>叫左半隻雞係為左食更多其他野啫~雞都好好食 次次都忍唔住係咁搵雞食🐓主要係因為個藥膳鍋好香甜如果完全接受唔到藥膳味既朋友仔就搞唔掂了😂如果麻麻地藥膳味既 呢個甜甜地可以試試💁🏻‍♀️<安格斯手切肥牛>次次都必嗌呢款!牛味好香 質地嫩滑🐂好彩既話 老闆切一份多油脂啲既仲正🤤每一次都最少啪兩碟✌🏻推薦🤡<鮮枝竹>比想像中好食喎~好索湯汁 有甜味又有枝竹香味之後次次去都會嗌🙊<水魷魚>朋友鍾意食所以叫 正常水魷魚🦑<鮮魷>新鮮&鹹鹹地&正常味道no comment了😂<特級牛筋九>一定要嗌!!!!!!咬開啲牛油B晒出嚟💦成粒牛筋丸超級香同我食過嘅所有牛筋丸同牛丸都冇得比🥹(食完之後搵左好多牛筋丸黎試都冇佢好食)次次都叫兩碟起跳✌🏻因為我一個人都可以食一碟😂🏆🏆火鍋店MVP一定係佢🏆🏆<本地手切鮮牛>唔係唔好食只係有比較下佢就差啲🙊肉質煙韌啲 筋比較多 牛味都香既未必會再encore了~<鮮蝦雲吞>正常嘅雲吞~粒鮮蝦都幾大隻🦐<蝦滑>味道正常口感唔算太好對我黎講 唔係一定要嗌~------------------------------總括嚟講牛肉同牛筋丸係最好食嘅🐂雞煲都幾啱我口味(好唔好味因人而異啦)🐓其他食物不過不失 睇個人喜好叫啦~呢間火鍋店都算係宵夜好去處🙌🏻上一次去都見到好多人一邊飲酒一邊傾偈🍺坐耐少少都唔怕😗…查看更多

今晚同朋友打邊爐。太和大埔呢頭，唔打邊爐都唔覺有咁多專打邊爐既餐廳。今晚就食間醉雞火鍋。朋友黎到先，我到果陣個鍋已經黎左，鍋底係好香甜既醉雞湯。點左出名既手切牛。一上枱就知同平時既急凍牛係兩樣野。牛肉顏色鮮紅，而且睇落閃令令咁，好新鮮既感覺。食落都係鮮嫩，而且牛味濃郁，完全冇雪味，果然貴得有理由。醉雞煲湯底都幾濃，味道偏甜，酒味唔算好勁，但都有酒香。雞肉都嫩滑，份量都還好，我地六個人都夠分。六個人火鍋料當然叫左唔少，墨魚滑、響鈴、餃子、丸類等等。但除左火鍋料，佢地仲有唔少川味小食。我地叫左皮蛋同青瓜，味道都唔錯。食物選擇多，成餐感覺都豐富左。…查看更多

店舖地方細細, 不過睇得出店主好用心擺位, set 枱都非常認真仔細, 預留足夠空間放食材, 唔會好似出面啲舖頭咁,隻碟鬼死咁大但張枱細🤣4人食, 用6人位, 坐得舒服~藥膳雞煲非常好味, 濃淡適宜👌🏻雞味濃~🤤紅棗圓肉非常足料💪🏻其他食材都幾好, 除了龍躉腩片比較鍟, 安格斯牛和手切牛也很好！芋頭勁好味!❤️不得不提店舖好細心, 餐牌有半分叫,好適合二人邊爐總括來說我會再嚟食, 不過只限4人以下就好坐得舒服啲。…查看更多

這邊的藥膳醉雞煲真的沒的輸!!!真的超超超好喝!!!酒味香濃～湯底又甜～雖然對我來說很遠～可是每次來到都覺得很值得🥰手切鮮牛跟手切秘制鮮牛都好好吃👍🏻海鮮也很新鮮～還有藥膳雞腳也是必點～很入味也很容易吃👍🏻…查看更多

終於可以試到這一間醉雞火鍋這裏無論 食物質素 服務質素 人情味質素 都攞滿分清清地嗌左個蕃茄豬骨窩材料充足 湯底夠味 食了過足癮每一樣食材都真材實料半隻醉雞走未入晒味雞味濃郁如果人多嗌就一隻 好味到隨時要嗌兩隻首設牛肉切雙飛好刀工肥瘦均勻所有雲吞餃子鮮嫩飽滿我認為必食推介聖子扇貝10分新鮮記住較好時間入口啱啱好唔好太過腦啊曬曬啲好嘅食材好好味嘅響鈴香脆非常呢個湯底真係不得了一定要嗌返個烏冬或者公仔麵朔埋啲汁入去一敵都唔好晒打邊爐嘅嘢梗係你唔開啤酒啦大大支青島都係$30真係抵到爛啦人情味豐富服務非常之好超級有禮貌又有街坊嘅味道所以嚟到大埔呢一度一定要嚟下呢間舖頭試一試但係溫馨提示最好就係預先預約因為座位有限唔係行入嚟就一定有位㗎啦…查看更多

今日朋友帶我入大埔食好西😋😋點知有驚喜😍話說想食雞煲好耐 朋友仔就話帶我食新野-藥膳雞煲雞煲一上枱 侍應會係你面前落雞件 雞件份量都幾多 差唔多食得個陣 又會走埋嚟同你講雞差唔多可以食得 可以湯飲先 服務態度非常好💯飲一啖湯 即刻嘩出聲🤩超好飲 勁香酒味又唔會過重 藥材味都好出 連雞件煲咗一陣 個湯有雞香味 藥材同雞都好夾 即刻讚一讚個朋友冇介紹錯👍🏻講返啲雞件好大舊 每舊都好多肉 重點係時間控制得超好 每件雞啲肉都係超級滑同吸晒所有藥材味☺️值得一講個炸魚皮 人生未試過帶骨炸魚皮 超香脆又有魚香味😍食完一碟唔夠喉即刻再嗌多碟😂仲叫左手切牛肉 鵝腸 白魚蛋 象拔蚌刺身全部都非常之新鮮 食得出係新鮮貨 手切牛肉個蝴蝶刀都切得好靚👍🏻食落好似係牛頸脊 吾肯定因為冇標明 不過可能真係😂總括嚟講 今餐飯非常之滿意💯💯💯…查看更多

嚟到大埔一定要試下呢間醉雞火鍋店嗌左個套餐有象拔蚌刺身加1隻雞 再另外加左好多火鍋料首先店員拎左瓦煲出嚟入面裝住藥膳 紅棗 黨參等等 好足料 再拎一大盤雞倒落個煲 店員仲會幫手計時間幾時食得啲雞雞雞仲有2分鐘先食得 店員建議我地試下個湯頭一飲 有酒香 有棗甜 有參甘 非常好 但店員亦提醒我地唔想個湯太甜嘅話最好撈返起啲紅棗 雞好嫩滑 又入味另外仲叫左啲配料 特別欣賞豬紅 炸門膳魚皮（必試！！！！！！！） 店員服務態度又好好整體嚟講超正呀！！！…查看更多

記得訂位啦～我試過walk-in 幾次不成功因為店舖細，座位少合理食8點好易訂枱醉雞偏甜，未係我杯茶，不過藥材味香,重料隻雞唔大隻，肉質尚可以可惜叫個豬膶出事，洗唔夠清，好騷壓理應好配藥膳的，浪費了臨尾整個出前一丁就夾啦，掛哂湯…查看更多

上星期同朋友叫咗醉雞養生雞煲，雞湯湯底好清甜、醉雞味道清香又唔會太膩，就咁飲個湯底都好正、好養生。小菜出得好快，唔使等好耐。叫咗豬紅、蘿蔔、肉丸、牛肉等等。其中牛肉份量都ok，但可能係因為叫最平嗰款，好似切得碎咗啲，一夾就爛曬，係唯一美中不足既地方。特別覺得好食既係手工包既韮菜水餃，味道鮮甜多汁，一試難忘，後悔無叫其他款既水餃試下。至於野飲我非常推薦檸檬柑桔梳打水， 一杯既份量可以兩個人飲，唔會太甜又解渴。由於太好飲，所以我地飲完即刻又叫咗一杯，必定要試下。總括黎講，整體質素都好高，味道好真材實料，不過記得要先book定位，因為座位有限而且好多人食，Walk-in 幾乎每次都等唔到🥺一定會再去食～…查看更多

天氣開始涼，老公放工話有興趣打邊爐，咁就試下屋企附近間火鍋店啦！我地揀咗個套餐半隻醉雞鍋加象拔蚌，先泥左象拔蚌刺身船，口感很爽甜，不錯不錯輪到醉雞火鍋登場，滿滿既藥材同配料十足，我地等啲雞熟透之後即刻飲番碗湯，味道濃濃藥材帶有甜甜既口感，身體瞬間熱起泥同場加映有本地手切牛，打邊爐冇牛點得㗎!海苔炸響鈴叫左想食既豬潤加魚皮餃，呢度有個好地方就係可以叫半份上，價錢不貴…查看更多

睇餐廳名就知，主打醉雞火鍋～不過佢唔止醉雞咁簡單，而係好足料嘅藥膳湯底，睇見啲藥材都覺得補。難得打邊爐可以飲個湯底，味道香濃入味（平時經過都會聞到！）又補身又美容養顏，即刻趁加湯前飲多幾碗！老闆有每枱詳細咁介紹當日有供應嘅海鮮同埋套餐同普通散叫火鍋湯底嘅分別，幾用心～套餐包象拔蚌，可以當刺身食又可以淥，十分爽甜～手切肥牛賣相唔錯，食落有肉味不過可以再多啲油香。唯一冇咁好嘅就係餐廳較細座位較逼狹，打邊爐嚟講就冇咁舒服。…查看更多

呢度嘅醉雞鍋，幫襯過兩次，總括兩次嘅經驗，藥膳醉雞鍋係好食嘅👍今次order醉雞鍋（1份）加象拔蚌套餐。跟煲藥材都唔少，酒味香濃，加埋雞件煲滾後，先飲湯，藥材湯底味道係唔錯嘅。象拔蚌可以做刺身，食落都好鮮味。安格斯手切肥牛肉（1份），油花幾靚。高級鮮牛丸，幾彈牙。鮮蝦雲吞，名副其實係有蝦和豬肉，但食落嘅質感有啲怪，唔係我杯茶。炸響鈴上枱時都係脆，唔錯。其他蔬菜類唔講啦，都係普通野冇特別。呢間嘅食物整體都唔錯嘅，但座位實在太擠迫，一路食一路擔心，輕微嘅碰撞都會碰跌個鍋，希望舖頭可以改善座位空間。…查看更多

九點左右到店，門口仲有人等緊位，幸好有兩人枱，唔駛等，店鋪唔算大，大家坐得都幾密，眼見都係一家大細或者慶祝生日，氣氛幾溫馨，店員又同顧客有講有笑，有家既感覺。第一次試呢間，店員熱情介紹食物和食法，我地要左個醉雞加象拔蚌套餐，另叫其他火鍋料。醉雞鍋十分香濃，雞非常入味又夠滑，我個人認為酒度足夠，但略為甜左D，蓋過左D藥材味。象拔仔唔錯，幾新鮮彈牙；蝦亦都夠大隻爽口；不過蟶子就好細隻，而且可能開耐左唔算新鮮。牛肉非常正，肉味夠有咬口；脆鯇有三大件，完全係厚切，爽脆抵食；自家製餃其實口感唔錯，不過醃肉應該重手左，鹹左D。整體黎講都算不俗，可以再試。…查看更多