醉瓊樓飯店

越來越多人喜歡食懷舊餐廳美食，醉瓊樓多年來都係人氣鼎盛，鑊氣十足的大排檔菜式！食得最多就係四道經典勾起味蕾狂想！沙薑雞皮爽肉嫩，沙薑加鹹香惹味；牛仔骨濃郁黑椒汁包裹，肉質鬆化帶嚼勁，醬香直攻靈魂！雜菜煲清甜解膩，白菜、冬菇與粉絲吸飽上湯精華，暖胃暖心；壓軸小炒王集合魷魚、蝦乾、韭菜與腰果，脆嫩鹹香在口中爆開，鑊氣逼人！配上一杯啤酒，簡直完美享受！人均百元價親民，街邊風味勝過星級餐廳，是香港人宵夜標配！…查看更多

每次來倒坐低，鑊氣撲面而來！一定會食嘅沙薑雞，雞皮爽滑微脆，肉質嫩滑不柴，沙薑獨有的辛香滲透雞肉裡，鹹鮮中帶一絲辛辣，是經典的粵式風味。 黑椒牛仔骨鑊氣十足，濃郁的黑椒醬汁緊裹帶骨牛肉，肉質彈牙有嚼勁，黑椒的辛香與洋蔥的甜味在口中碰撞，佐飯一流！ 粟米魚柳斑塊將西式醬料融入港式烹調，炸至外脆內嫩的魚塊淋上甜滑粟米醬，斑塊的鮮味與粟米的甜意外和諧，老少咸宜。 仲有蒜蓉開邊蒸蝦鮮活逼人，蝦肉飽滿彈牙，蒜蓉與豉油蒸香後徹底融入蝦中，還有粉絲下飯一流。四道菜都係大排檔粗獲中的細緻功夫。…查看更多

油塘醉瓊樓又到星期日, 油塘附近的食肆買少見少,  雖然仍舊有得選擇,  但好不好吃, 又見仁見智．這間舊式的飯店, 歷史悠久, 多年來廚師水準一直保, 絶不失望。環境就是七八十年代的裝潢, 說不上華麗, 枱椅餐具各樣都是有歷史的, 但摸上手又沒有油立立的感覺, 所以整潔度我是會接受的。所以偶然我也會邀請好朋友來此吃飯, 因爲好吃.多年來餐牌菜式也沒有大變動, 除了價錢。 始終通貨膨脹, 每年加一點就是了。 今晚兩口子, 還是選了 三小菜, 例湯, 白飯, 因爲抵食. 先來一碗雞腳湯, 不能看輕, 煲湯材料十足, 就是因爲多雞腳~ 絶不是例水. 醉瓊樓最多出名是鹽焗雞, 雞香肉滑, 配上沙薑醬, 層次又再上一層. (圖 加了$15改半隻雞)再來西蘭花炒花枝, 豉汁蒸大鱔.  選材新鮮, 配上大排檔廚師的實力, 色香味俱全. 除了以上的菜式, 粟米斑塊, 椒鹽豬扒, 京都肉排, 也是我喜愛的,  絶不能錯過. 還有不能不提, 就是一人也從不孤單碟頭飯, 白飯足之餘, 餸菜也不少. 很多單身男仕配上啤酒, 好好享受, 又一個美好的夜晚. …查看更多

今日收工一個人，諗住返到油塘先食飯，突然好想食雞，但係又唔想食炸雞。於是便去左街坊飯店醉璟樓。坐低見到餐牌，都適合一個人享用，碟頭飯價錢根本係香港裡面都好難搵，一個雞髀飯50蚊真係去邊度搵。呀姐姐重非常好咁送個例湯俾我，我自己就點左個招牌鹽焗雞髀飯，個飯好快就到了，鹽焗雞肉的份量非常多，而且非常香雞味，一啖飯一啖雞肉非常完美的配合，而且鹽香咸味非常夠，根本就不需要點另上的醬汁，如果再跟一些配菜就好了，非常好的一人晚餐。…查看更多

這間抵食平民飯店位於油塘中心商場內，冇乜裝修的一間飯店，但有着正宗客家菜嘅味道，價錢亦大眾化，兩位用套餐只需$228，我們點了例牌鹽焗雞，西蘭花花枝片和梅菜鯇魚，鹽焗雞夠惹味，鯇魚肉嫩，三個餸都很下飯👍…查看更多

油塘想吃到客家菜, 除了商場的連鎖酒樓, 也有這家打着醉瓊樓名字的餐廳, 除了價錢更為親民外, 裝修更有街坊風味, 在食評網上它是佐敦醉瓊樓的分店, 我就沒有深究, 但也是油塘沒有太多選擇下的其中一個選擇. 午市以碟頭飯為主, 但也有小菜提供. 鹽焗雞飯是我的最愛, 40多元的價錢有相當入味的雞飯, 雖然雞肉肉質有點韌, 但比起一般的茶記算是較為特別. 梅菜扣肉的味道也調得夠濃, 又夠甜, 豬皮和脂層也夠腍, 同樣都是肉比較韌, 不知是否火候控制問題, 還是餐廳的風格. 最邪惡的炸大腸, 做得最好, 內裏處理得很乾淨, 外皮夠酥脆夠熱燙, 配以啤酒一流.…查看更多

還記得小時候因屋企附近有間東江菜，跟家人常常都去光顧，但自從結業以後就鮮有機會能夠食到，加上市面上專經營東江菜的餐廳少，都不是很記得對上一次食這類菜式是幾多年前了。先排爸爸找到一間傳統的東江菜，他品嚐過覺得質素不錯，週日就提議帶我們來到位於油塘的醉瓊樓食晚飯。一直都知道佐敦有間醉瓊樓，若干年前食過，原來油塘也有一間呢，不知供應的菜式是否一樣呢？我們一行四人帶了一客六人餐，包括了一隻雞、自選四款小菜以及六碗白飯，多款菜式任君選擇:)落單後店員就送上了一大碗老火湯為我們開啟晚餐的序幕。金牌鹽焗雞(一隻)肉質比一般餐廳食到的結實一點，不算肥，有雞味，輕輕沾上少量沙薑更添風味，果然是她們的招牌菜梅菜扣肉一直是我幾喜歡的一道菜。扣肉肥瘦均勻，食入口不會感覺很油膩，夾著底部吸收了所有精華的甜梅菜非常下飯，絕對是一道讓人不知不覺吃了很多飯的菜式煎炆釀豆腐的豆腐邊做到有點焦香，底部有些菜墊底，味道正常發揮，只是調味有點偏鹹而已。粉絲雜菜煲清清的，裡面也有一些白灼海鮮，少油少鹽健康之選，與其他餸菜平衡一下。環顧四周，晚飯時間基本上是全場爆滿，沒有環境、裝修，檯凳都是摺檯圓凳，卻深受街坊歡迎。點了六人餐的我們四人部份食物吃不完，只點一個四人餐好像又不太多，所以我們直接點六人餐再自帶器皿帶走，那就可以試到更多招牌菜式:) 喜歡食東江菜的不妨到來一試這間抵食又正宗的餐廳啊！…查看更多

有睇開揾食肥華，揾食經驗嘅朋友，都知道肥華正揾緊，幾拾年前在西貢醉瓊楼午餐必食嘅，荳腐肉片炒河，可惜試過兩三間客家或東江飯店都失望而回，各店家都未能提供此款美食，12月27日肥華再度出擊與靚媽到游塘灣呢間老牌客家飯店，繼續尋找荳腐肉片炒河的故事，但此店大厨向肥華表示，在午市時段此店没有炆荳腐供應，衹能做到紅燒荳腐肉片炒河，既然一埸來到，此店大厨又肯為肥華做呢款，此店菜單上没有供應的食品，肥華亦欣然接受，呢碟荳腐肉片炒河二點零，此碟炒河雖非原裝正版，但味道OK，靚媽仲大讚個兩件紅燒荳腐好好味，再加上此店招牌鷄飯和跟餐例湯，都係滿意之選，到此店尋找美食，都算不枉此行👍✌…查看更多

連街坊生意都黑，唔執無天理！！！之前已經有濫收錢既前科（見截圖），上次焗要係因為屋企人趕食，點知事隔2年仲係無改進，仲聲大夾惡鬧客？？！！個女仔客問點解要+$但打來order個陣無同佢講，阿伯主廚+阿嬸侍應一唱一和：「飯就係$47，你換河粉咪+$5囉！（打來個陣唔講？）」「我地唔係下下都要同客講架喎（吓？！刻意迴避亂+價？）」「（咁保留另1個，河粉換返飯？）$5你都要拗？」然後就發脾氣唔賣嚕~依家咁做生意...不如等我問返佢地：「為咗呃$5，輸咗商譽，值得？」…查看更多

飯堂 好多鑊氣小炒任揀叫左 生炒骨 （but cool lo 肉）西芹鮮魷 生炒骨 味道 唔會太甜 骨不止得骨 有肉食 舊舊 夠汁唔over洋蔥配菜好好食西芹鮮魷 輕輕 拖過油唔鞋身 舊舊 魷魚都界左花有口感 新鮮 魷魚 西芹 我自己少整所以 都好鐘意叫依個送我地叫小菜 通常我會自己煮飯其實都有單點 $18/2大碗飯=一盒飯…查看更多

同幾位同事收工到油塘「醉瓊樓」飯店食飯，呢間飯店我細細個已經都喺度營業，一直屹立不倒。因為無論人情味定食物質素都有一定質素。今日同三五知己叫左六人套餐。合共5個小菜。👍1.金牌鹽焗雞（一隻）醉瓊樓招牌！一定要食，味道甘香，入口嫩滑，配埋d沙薑汁，送飯一流！🤤2.沙嗲牛肉粉絲煲其實我一直都唔係好明點解要放菠蘿入去，個人覺得唔係好夾，加上今日d沙嗲汁有d失色，不過見牛肉都足料，畀個合格你。🙃3.豉汁蒸大鱔兩個字，好食。🙂三個字，唔夠食。👏豉汁配大鱔唔會輸囉，想食多幾碟。4.京都焗肉排糖醋豬排，汁夠甜，菠蘿水密桃夠酸，豬排啱晒一班食肉獸。❤️5.味菜炒豬肚略為有少少油，一般般，最好食係d味菜😛豬肚都爽口。醉瓊樓可以係油塘屹立不倒咁多年，人情味就係其中因素，油塘有咩食？我點都會諗起「醉瓊樓」。飲酒食飯嘅一個好選擇。…查看更多

深入油塘一間住宅舊區裡的大排檔雖然有鋪位餐牌依然包羅萬有蒸炒炆焗炸，百般武藝其實依家人大左少少出開街都係去果d大商場連鎖店外國菜已經包曬個場有時候仲衰到好似重重覆覆，熟口熟面唔多吸引經朋友介紹，去完鯉魚門果邊睇完日落過番黎油塘同佢兩人食番個兩人晚餐200蚊包左例牌，加少少錢可升級到半隻仲包兩個餸胃口細少少都食唔曬我地跟左豉汁蒸大鱔+西蘭花炒花枝鱔係有份量的雖然唔算大條/好肥美但係抵食花枝質地都幾好有炸過一樣雖然唔可以話真係最高質不過抵食主打沙薑雞唔點沙薑已經好好夠味半隻不少上碟雞胸雞脾一樣好食總結坐位就一定唔算好坐都係果d港式大排檔風味抵食真係無得輸200左右又雞又鱔又花枝不過地方都唔算方便要用心行入黎…查看更多

行完山肚餓，喺商場行咗一圈諗唔到想食邊間， 所以出返大街諗住搵個特色d嘅地方食送湯送飯。飯。結果係個舊式商場地舖搵到呢間醉瓊樓，俾個門面吸引左，好懷舊。 星期日晏晝都有好多捧場客，見大部分都叫左招牌鹽焗雞（髀）飯。 點左個二人餐再加餸， 都算幾大碟，而且有鑊氣。 本來食食下都話滿足要收手，點知最後都係全部清盤。 朋友話如果每次行完山都有餐咁嘅食，都可以考慮行多啲山哈。 d 阿姐叔叔都好熱情， 同我哋傾咗一陣，知道我地第一次過嚟就話出面無咁便架啦，$175/隻雞。…查看更多

油塘除咗有鯉魚門商場同埋大本營商場之外，油塘中心附近而家有好多嘅餐廳🤣🤣不過唔係住油塘嘅人可能就會比較少搵到～呢一間醉瓊樓飯店，主打食唔同嘅小菜，我覺得CP值都幾高👍👍-佢有個二人餐，係包一份例牌鹽焗雞，可以自選兩款小菜同埋包兩碗白飯❤️呢個二人餐嘅份量超級大，基本上我覺得三個人嚟食都會夠飽🤣🤣佢哋嘅鹽焗雞好滑，仲有沙薑可以俾你點😋😋佢嘅京都肉排份量都好多，數數下應該有差唔多10 舊，得閒黎呢到食下住家飯嘅味道，好滿足❤️…查看更多

痴線！打去醉瓊樓叫外賣然後去買，個阿姐收貴我居然仲話因為叫既豉椒班腩炒麵係out of menu、班腩&豉椒係貴D所以要+$、慣例係咁🙄咁打來落單你5講？！依家明搶仲咁理直氣壯？！做街坊生意都夠膽黑，聽執啦😡…查看更多