酔庵

今晚完全交給店主安排食物、介紹清酒🍶 簡直超越期待中好、食物新鮮、味道絕配、環境優雅、服務到位、店主是年輕一族創業、堅持食物出品味道、清酒都是自己挑選、很合我這個愛清酒的人😆 今晚與友在醉庵聚餐𣈱飲、別有一番風味😘…查看更多

不知不覺甘就離開左香港7年了，趁着復活節返香港陪屋企人，順道也嘗嘗久違了的香港味道，昨晚從遊舊地唸住再品嚐師傅的吉列豬扒，怎知道已經沒有了，失落之際，太太忽然話不如打卑師傅問問在那兒，這樣今天我們就來了西環吃午飯，順道朝聖一下位於海旁那間「%」今日來到又見到師傅（師傅又肥左了😂）我地由師傅揸主意，等食是漫長的，我地就周圍望望，這𥚃地方細細只有18個位，但就相當舒服，就屋酒屋而言很有氣氛我覺得提子梳打好味D聽到師傅叫了聲😍我知道有野吃了美國安格斯肉眼，就呢個定價吾算貴，反而覺得超值，目測份量都有5至6安士，我一個男人來說絕對夠吃，跟餐還有沙律，漬物，麵豉湯（湯入面有菇同埋聞到有淡淡的柚子香）呢個餐牌無既，侍應說這個是今天的廚師推介，咖哩牛肋肉，最正就係個滑蛋，配上咖哩飯，超正，滿足鵝肝牛肉飯，牛肉普通，但師傅加入了露筍、粟米仔、菇一起炒，再加上特別的醬汁，不錯，鵝肝我不吃的，不過見到大大件，燒得香脆，太太話好正，入面好juice好香師傅說之前呢度休星期一，同埋只開晚市，所以客人不算太多，不過我相信以這樣的食物質素及對食物的態度，相信憑師傅的手藝可以打出一片天的，師傅聽到我們説要去朝聖，他說假期通常好多人，好難影相，佢話如果想飲咖啡可以試一下對面的小店，他說味道很不錯的既然師傅這樣説，下一站就先來這裡吧🤣🤣…查看更多

西環都屬於一個隱世地區，既然是個隱世的地區自然就有一些隱世的食店，今次經朋友介紹來到西環一間叫酔庵的居酒屋，聽聞佢哋換咗新師傅，自然要過來嘗試一下今天比較早來，朋友也還未到，只有靚女老闆在，呢度和上次來一樣好有家的感覺，好舒服😍既然人未到，先飲住酒，老闆介紹這枝李白，聽聞攞獎的，先偷步飲一下，米香味濃，易入口（會吾會好易醉架😆）西京燒日本黑豚豬腩，大大件有D似叉燒，D肥位又吾會太油膩，反而吃落好爽口南蠻炸雞😋酸酸的汁帶微辣，雞肉很嫩滑仲要大大件跟住又叫左幾款串燒免治雞肉棒，不得了，本身很軟滑，再加上自家製醬汁和蛋同吃，正👍燒牛舌，厚切，雖然貨色普通，但師傅掌握火侯恰到好處牛肋肉，呢個系出面無乜試過，意外地見到，師傅用汁燒，很香有肉味，不太肥岩我地女孩子呢個餐牌無既，老闆話師傅請我地吃試下味，燒得好香，黑豚肉包飯團，師傅再用特製的醬汁燒，好香，我地想再叫多份都冇，有點可惜🥺，師傅話廚師推介會間中有驚喜野老闆請我地吃了酒盜芝士，我就驚驚地吾敢試，但朋友話好味，不過無相，因為我吾鍾意就吾影了飲飽食醉，期待下一次的聚會🤣…查看更多

日式招呼設計，食物質素很好！清酒選擇多，唔喜歡就麒麟生啤！飲酒傾計一流，同老婆浪漫開心過一晚！兄弟們！姐妹們！來吧！生蠔味道很足！日本居酒屋在香港也找得到！會再來！…查看更多

Happy Friday 又到了！ 當然要為 Happy Friday 慶祝一下啦！ 今日好大雨，但冒著大雨都要去下 堅尼地城，近年 堅尼地城 有好多小店。今日去左一間 食日本 串燒店！佢亦都有沾麵，拉麵，同小菜。因為想食多d 串燒 所以無叫到 飯麵。一坐下，會每人有一碟小食，今日係海帶群邊。今日有兩款生蠔，每人叫左一隻，十分新鮮，亦叫左我地先食大的淡d 味，再食細的 海水味比較重。每款串燒都燒得剛剛好！恰到好處！雞肉串燒亦都配左雞蛋同櫻花蝦配沖蔥。很用心會回食的餐廳！…查看更多

忙碌的工作過後我跟老公總愛到這裡，好味的食物，舒服的環境，親切的服務😆😆牛油果蟹肉沙律是我的最愛，一上枱就會立刻食哂，又好味到唔記得影相😜今晚仲食左串燒，大蔥牛肉煎餅，好好味😋…查看更多

星期日，天氣同心情好好，去了西環閒攝，想影所謂的天空之鏡，呢排天氣好好，無落雨，影唔到天空之鏡的效果。約左朋友，可惜朋友遲到，見肚子餓了，無意中經過厚和街，沿著呢橫街，食店林立，有越菜，印度菜，日本菜，泰國菜，粵菜及西班牙菜等。發現左日本餐廳，鋪內擺設充滿東洋風格，好似居酒屋，走進入店內，仿如置身放日本。可愛公仔無臉人，你放上零錢，他會張開大口，把零錢吃掉一個人的午餐，簡簡單單食份青魚定食，在西環這個好地方，一份定食$55,送埋飲品，包括有:面豉湯，前菜，沙律，青魚和白飯，我等左一陣，辣騰騰青魚定食已放在桌上，絕對不是之前煮定，有人客叫餐，厨師立即烹制而成，青魚鮮甜，一點唔腥味，而且一點唔油，而沙律好清新。而豆豉湯尚可，不過不失。見朋友來接我，而小店休息時間2:30pm,不打搞店員休息，就離開小店，如果一個人唔知食什麼東西，呢間小店值得來呀！環境舒服及價格抵呀。…查看更多

已經第二次來呢間小小居酒屋，成間鋪頭大約有20個座位，眼見廚房加埋樓面大約係3-4人，坐位空間比較窄，適合糖黐豆形情侶。上一次黎嘅時候，試咗佢嘅生蠔、牛油果蟹肉沙律、大葱酸汁煮牛筋、黑蒜油叉燒拉麵、串燒。整體質素其實都唔錯，係串燒差d啫。今次諗住叫d新野試吓， encore嘅有牛油果蟹肉沙律，encore原因好簡單，因為蟹肉、牛油果份量都好豐富，咁抵食就試多次啦。跟住上枱係嚇人嘅牡丹蝦+赤肉刺身。刺身一上枱已經心感不妙，望落去知道佢哋被雪藏左好耐，非常唔精神。赤肉刺身放入口嗰一刻，已經凍到個心騰騰震，要飲杯熱茶中和一下。牡丹蝦更差，本身去殻嗰part已經做得唔好去得唔夠乾淨。原本諗住再加多個海軍膽沾面，不過見到佢啲刺身個水準咁低之後我就真係唔敢再叫。最後一樣係唐揚一口雞隱陣菜式，係咸左少少啫。另外叫咗兩杯啤酒買單一共係＄460係食唔飽嘅情況下，唯有轉場再食。…查看更多

日本居酒屋意思指小酒館，即係提供酒類同飯菜嘅料理小店，呢個正正係小店老闆開創酔庵居酒屋嘅原意－－提供一個讓上班族收工後可以Chill一Chill嘅地方。平時返工工作壓力咁大，搵唔到好方法去釋放，小編推介去酔庵居酒屋，同朋友一邊傾計一邊小酌一杯。小店擺放各種日本清酒，小編見到都心思思想叫一細樽嚟小酌一番。店内環境舒適，裝潢似足日本居酒屋，牆上掛有富有日本特色海報，橙黃色燈光更讓人陶醉在此。世界各地都有生蠔出產，但只有寒冷海水，先可以生長出肉質鮮美爽脆嘅蠔。蠔肉爽口，鹹味較重。唔講唔知，原來生蠔汁海水鹽度愈高，生蠔味道就愈鮮甜。天然礦物質釋放，食落令人有一種特别快樂嘅感覺。選用去骨雞腿肉，雞腿部位因經常活動，所以肉質結實，脂肪較少，好適合油炸。炸雞肉汁香濃，醃製後雞肉更美味。除咗有生蠔、炸物，串燒都係配酒佳選。小店嘅串燒選擇非常多，實有幾樣你會不停點。小編對豬軟骨情有獨鍾，肉串本身已經夠晒入味，再加埋醬汁，味道更加錦上添花。…查看更多

和老公,朋友晚上來吃過幾次, 喜歡這裡寬敞樓底高,座位寬鬆,不像一般吃店擁擠,可以慢慢吃慢慢談天摸酒盃底,喝過他們的手工啤酒,老公超喜歡.他們的串燒,即叫即燒,所以要有耐心等候,食材都非常新鮮,兩位年輕老闆好用心做. 燒魚頭非常好吃,新鮮多汁,串燒燒到剛好調味又不會太鹹,叫了日本烏冬麵,老闆説是日本入口的,所以吃下覺得味道比外面好. 我喜歡那個南瓜餅,吃落Q彈微甜,成碟我吃晒! 午飯我和朋友也來吃過,由於比較多客人所以出菜時間比較耐D,如果想慢慢享受和吃得舒服,還是選擇晚飯時間會好一點.…查看更多

Been here for a few times.  The environment inside is clean and cozy, that I can stay for hours, slowly enjoying my food and drinks. The food is delicious (my favourite is Grilled White Eel and Grilled Chicken with Spring Onions). The restaurant staffs are very friendly. And gotta say I love their look and feel inside!Overall experience is great with Shuian. Highly recommended!…查看更多

中環返工搵食難，朋友推介坐幾站地鐵落堅尼地城，行5分鐘就到醉庵。店舖小小但坐得舒適。午餐選擇多，set lunch賣相好精緻，份量啱哂女仔。男仕就要叫靚女老板娘加飯😁食左幾次，首推咖哩，豬排好juice，咖哩汁好好味。鰻魚飯，牛排定食同拉麵都好好味。次次帶同事嚟個個都讃👍誠意小店，真心推介。…查看更多

不知所謂！！人手唔夠就咪開門做生意啦。落完order過左20分鐘先同我講漏單，重新落order等左20分鐘黎左第一碟食物-燒秋葵4支，打後10分鐘繼續無動靜。用左50分鐘食你4支燒秋葵。。。唔等落去叫埋單走人，個女侍應夠膽死拎張全數單過黎比我埋!!!!!果刻我心裏面既怒火差啲爆出黎！！！比著早幾年我唔鬧到你七彩？！最後放低碟燒秋葵既錢走人。。。永遠唔會有下次，並一定要同身邊朋友講唔好黎呢間店！！！…查看更多

放工過來有要事，我們來到常來的厚和街覓食，這裡的泰國菜與西班牙菜都試過了，看見這裡一間新開的小店，就入內試試。三文魚生是他必食的，這裡的與灣仔大亞味的很相似，新鮮味美。炸雞炸得不乾硬，內裡juicy, 不妨一試。雞翼算是大隻，而且juicy, 燒得不燶。白鱔與牛舌較遜色，白鱔有少許腥味。牛舌頗韌。鰹魚茶漬飯我們只食了少少，飯身硬，魚都頗腥，有改善空間。不得不提冷氣很大，令人坐得不舒服。…查看更多