酒筷子

多謝朋友們搞飯(酒)局, 提早食團年飯, 可以包房、寫菜單、BYOB之餘仲有酒杯提供, 嚟緊應該更多酒局可以係到搞先上幾碟開胃冷盤做前菜清酒鵝肝 - 用上法國鵝肝更顯入口即溶, 同潮式有d唔同, 少飲酒嘅朋友都接受嘅酒味清酒醉鮑魚 - 切開一半食既時候方便好多砂薑蟶子王 - 如果蟶子更多就好😂豉油皇鵝腸 - 新鮮冇怪味, 豉油調味剛好帶得出鮮甜爽脆順德煎魚餅 - 配埋蜆蚧醬更惹味突顯鯪魚味羊肚菌菊花羹 - 菊花係指豆腐切幼絲,  𢳂起浮咗豆花絲會好似菊花檳城胡椒肉蟹 - 胡椒非常惹味, 如果更厚肉就更滿足豉汁蒸蟠龍鱔 - 影相後店方會幫忙剪開, 白鱔夠肥美就自然好食菌皇脆炸新鮮雞 - 外脆內軟, 跟埋內臟要讚上湯蒜子浸豆苗崧子帶子炒飯 - 夠鑊氣, 而且極多崧子, 香口有口感, 炒飯粒粒分明十勝砵仔糕 …查看更多

分享一下 #Mark Six 小組飯局，早前在公眾假期中午，為壽星 M小姐賀壽。上年她生日也是到「酒筷子」吃飯慶祝，今次來個第二回，也已預先想好要再吃的菜式呢。再介紹一下，此餐廳主打以酒入饌的「新派」中菜，餐廳主理人周權忠師傅入行超過 40年，擅長用醬汁醃料提鮮；而且他很有心，在不同節日也會送上心意時節食品，感謝他的心意！為食 turbo 開動。先來 encore「清酒鵝肝」$238法國鵝肝先用牛奶浸泡12小時，用清酒及調味糟滷，雪凍後切片奉客。解凍變成近室溫後吃，嫩而不膩；我們重口味，覺得酒味可以再加強呢 XD中午來的好處就是可以品嚐一下它們的點心，估不到有驚喜。「山竹牛肉球」HK$26大家都對這讚好，新鮮熱辣出籠，牛肉很鬆軟：「水晶蝦餃皇」HK$38蝦肉彈牙，有少許爆汁，摺痕足，若皮再薄一點就更 good fit：「咖喱蒸土魷」HK$26咖喱汁香而不油，裏面有薯仔條，魷魚爽口：「娘惹煎腐皮卷」HK$28這個成為是日的 MVP！「娘惹菜」其實是中國菜與馬來菜的混血兒，以前中國人與馬來西亞人結婚生下的女兒就是叫做「娘惹」。娘惹菜口味濃重，這個用之為名，我估計是裏面的蔬菜餡料多了一份類似蝦醬的味道，就是娘惹調味料「峇拉煎」。它原是呈褐色，很硬很乾，聞起来很香蝦糕味，可算是惹味的來源。腐皮卷外皮脆口，餡料豐富味重，不用點喼汁味道已夠好：「話梅叉燒酥」HK$32，外皮做得非常酥，有下過功夫。主角「鹽焗新鮮雞 (連雞什)」HK$498 上場要預留的菜式。港人吃飯無鷄不歡，我自己也很喜歡吃雞，除了過時過節會吃外，喜慶日子也少不了，生日就來一隻賀一賀佢！原隻新鮮三黃雞先用鹽醃盡量保留原有雞鮮，廚師將它的味道整體醃得不錯，帶有少許南乳及酒香，皮下脂肪甚少，皮香肉嫩：吃新鮮雞，雞什也是寶：因為當天我們吃不完，我拿走吃剩的半隻回家焗返熱作晚餐，依然好食！現在能吃到具肉鮮而嫩的雞已不易：另一主角也是要預先留的，某程度上都是為它而來，「鹽燒海方脷」$568 / 條炸起新鮮熱騰騰，也沒多餘油份，突顯師傅的炸功：解方脷魚不同鰨沙魚，兩者外型相似卻大有分別，方脷算是名貴魚種，貴過鰨沙很多。方脷的肉不太厚，是比較薄肉的魚款，只得一條大骨，油炸後連旁邊的碎骨整條吃也不怕啃骨，非常鬆化脆口：連皮帶肉帶骨，有脆口位、有肉位，想去哪款式隨尊便自己挑選。它本身已經帶有少許椒鹽酥香，吃時可以伴一些甜豉油增添風味：方脷本身很有魚油香，我喜歡吃它的裙邊位鬆脆，魚身肉質則口感幼嫩鮮甜，未吃過的朋友值得一試。「上湯蒜子菜心」HK$118嫩綠的菜心，浸在無味精湯中，略帶紹酒香：為壽星奉上「十勝紅豆砵仔糕」，還有「生日壽桃」：送上我們的心意，也祝福願望成真 XD當日大家悠閑地傾傾講講，互相分享，乜都笑一餐，很合意的一個下午。在此再次祝壽星牛一愉快，心想事成，最緊要身體健康！：）…查看更多

高質中菜性價比好高！係近期食過比較滿意嘅一餐！基本上每款菜式都好味道服務超級好仲可以book房免開瓶費佢嘅玩法係幫你寫菜單Book房嘅話，大概10人左右，$500-$600一位嘅菜單其實佢哋都好flexible , 冇話一定要幾多錢點樣又唔使要你落訂金成個感覺好舒服但係我唔肯定坐出邊人少嘅話係咪都係寫菜單，定係自己叫餸。定位嘅時候，可以問吓。我嘅菜單；清酒鵝肝✨黃金豆腐，清酒醉鮑魚，順德煎魚餅✨桂花陳酒蜜叉燒✨八寶冬瓜盅，醬皇安燒方利✨雞油花雕蒸肉蟹（配生麵）✨菌皇脆炸雞✨上湯孫子浸莧菜，淮陽炒飯，十勝砵仔糕全部嘢都好味，又大碟，蟹仲俾兩隻！我自己最鍾意就係上面打星星嗰幾款，特別係鵝肝，叉燒，煎魚餅，方利，同埋蟹！叉燒好正，方利第一次食，好香口！鵝肝超級creamy! 魚餅好好食，我食咗兩舊😆類似係顯解鯪魚球嘅魚餅版。菌皇炸雞，下面真係有一咋菇菌，好正！雞油花雕撈埋啲麵好正，不過我個人喜好會鍾意配河粉，或者陳村粉嗰類多啲。反而佢哋好似係招牌菜嗰個安格斯牛，我就覺得一般。所有朋友食完都話好想encore! 一席10位 $5380 抵！Rating : 9/10 …查看更多

第一次到訪酒筷子，是家人提議光顧…環境尚可，但座位之間較迫…🤦🏻‍♂️📖一看餐牌，食物的種類實在太少 （尤其是點心）今次是🍽️午餐時段光顧，所以主打想吃點心👍🏻2人叫了4個點心，1個炸物，1碟炒飯🍚點心味道還可接受，但是炒飯十分油膩，只吃了三份一已經吃不下，最後要外賣……🥡整體食物以這個💲價錢及尚可接受，但於這區經營，價錢則太進取，始終地段問題🤷🏻‍♂️服務態度真的有待改善，特別是招待的同事，如果多一點禮貌會更好👍🏻…查看更多

N揸車經過幾次見到依間餐廳個名幾特別，去OP一睇先發現超多好評，所以就黎試吓到底係咪打手😂餐廳環境簡潔有D似私房菜，枱同枱之間都有距離係幾舒服，打開餐牌雖然款式唔多但都幾特別🔸清酒鵝肝依個做法幾特別，先蒸再凍食減低油膩感，酒香撲鼻但保留鵝肝既香滑，唔錯🔸辣子雞係超級出色，佢地加左新鮮辣椒去炒所以係譚仔三小既辣度，真係好食。雞件香脆嫩滑又無骨，好似麥樂雞咁好正，成個餸既味道處理得好好，超快清碟🔸鳳梨咕嚕肉個賣相普通，點知食落有驚喜😍炸粉粉漿調配啱啱好，炸得酥脆又唔過厚咬落仲有脆既感覺。醬汁甜酸都適中，係我近排食過最好食既咕嚕肉🔸豉油王鵝腸超肥😍好好食，唔咸又夠香，用銀芽鋪底吸晒啲汁好好味🔸醬皇慢煮安格斯牛講到係招牌菜咁一定要叫，慢煮牛味道好濃郁，脂肪分佈平均，入口好嫩滑個顏色仲好吸引，配菜既菇菌蔬菜加左松露炒都好好食🔸古法鹽焗雞一定要預先訂，咸香味好夠連啲雞肝雞腎都入哂味，表皮焦黃酥脆但又唔會過分油膩，肉質偏向爽口特別嫩滑，我估係因為新鮮雞既關係⁉️成餐飯都好好食，連甜品都有心思係砵仔糕，可惜我哋唔記得影相。餐廳整體都高質不論服務食物都做得好好，唯一唔好係條樓梯，啲防滑膠係最滑，痴線嫁😂…查看更多

青馬六人組又去搵食啦！首次試下呢間大角咀區飯店。環境算乾淨企理，燈光都夠光猛，座位尚算濶落，招呼OK啦！冬瓜盅和新鮮鹽焗雞要預計，是這一餐最好味的餸菜了，其次竟然是臨尾吾夠飽加叫的肉絲脆麵和叉燒酥。不過雖然鹽焗雞幾好味，但就預訂左都出菜奇慢，食晒全部仲要催先上到枱？補充一提鹽焗雞有分冰鮮雞和新鮮雞，菜單標示鹽焗雞單價$288，埋單就$498？原因上枱是新鮮雞，當然新鮮是好味好多的，故不爭議了，照找數。如果訂菜時先解釋，咁我呢類新客比0就吾使誤會啦！一樣會訂新鮮雞。至於其他小菜就碟頭細，味道一般囉！例如清酒鵝肝，希望越大失望越大！咕嚕肉、柚子蝦皮、豉椒鵝腸就行貨水平。最吾掂係聖子蒸千葉豆腐，不予置評了。最後甜品送上砵仔糕，粉粉地吾夠彈牙。…查看更多

之前已經出過一次食評 事隔兩年味道依然咁出色 😋甚至服務同食物仲細緻咗，工作人員好熱情，食物水準高環境又舒服，8 個人嗌埋啤酒人均 $350 左右，絕對物超所值 🍻⋒ 雞油花雕蟹｜$600呢個蟹已經食咗三次都仲係咁鍾意 🦀 滑捋捋嘅蒸蛋、醇厚花雕同蟹汁精華完全融合，𢳂埋啲蟹膏撈飯，係即時想轉圈圈嘅美味程度 👯‍♀️💕 蟹肉細嫩、蟹身處理得好仔細容易進食，必點！💯💯💯⋒ 薑蔥蠔煲｜$208一上檯已經全部朋友都話好香好香，手板咁大隻嘅桶蠔超肥美 🦪 肉厚爆汁蠔味頗重，調味剛好完美掛汁，蔥段焦香齋食都好味 🤤⋒ 菌皇脆炸雞｜$148雞皮脆到好似薯片咁，肉質嫩滑無乜肥膏，佐以乾炒黑松露菇菌，超級香！😋⋒ 千島玻璃蝦球｜$148外層麵衣薄如蟬翼，裹滿開胃沙律醬後仍然香脆，蝦肉鮮甜、爽脆彈牙，伴以琥珀合桃非常香口 ✨⋒ 桂花陳酒蜜叉燒｜$148肉質偏瘦但口感軟腍，外層無焦香嘅蜜汁，改以清香桂花蜜代替，味道唔錯但無其他菜式咁突出 😛⋒ 醬皇慢煮安格斯牛｜$248店內招牌之一，牛肉呈完美粉紅色帶有少許血水 🥩 配上芥末風味醬汁、黑松露炒菇菌同萵筍幾惹味，個人認為叉燒同呢個牛任擇其一就夠。⋒ 羊肚菌燒豆腐｜$128豆腐金黃滑溜，伴以大片蠔油花菇及羊肚菌 🍄 連墊底嘅菜芯都刨咗皮，留低最嫩嘅菜遠位置，欣賞廚師用心 👨🏽‍🍳⋒ 清酒鵝肝｜$2xx鵝肝以牛奶浸泡慢煮而成，火候控制得剛剛好中心保持粉嫩，滲出醉人米香 🍶⋒ 白蝦鵝肝炒飯｜$148鋪上大量小蝦乾，米粒乾爽加少少辣椒油更加香 🍚⋒ 話梅叉燒酥(3 件)｜$38上檯時新鮮焗起，酥皮蛋香濃郁一拎上手就感受到極致鬆化，掃上酸酸甜甜嘅話梅蜜 🍯 一咬開熱辣辣叉燒餡爆晒出嚟，好少食到咁好食嘅中式酥餅 😍 ( 真係勁熱小心辣親嘴 👄 )💰 $350 p.p.📍 酒筷子大角咀塘尾道51號新港豪庭地下A號舖…查看更多

位於大角咀小小角落嘅一間小餐館,估唔到背後大有來頭, 係出自香港連鎖飲食集團嘅行政總裁,擁有40年入廚經驗嘅粵菜大廚之手, 將不同嘅傳統中菜改良,以酒入饌,引進不少創新嘅烹調手法👏🏻.多款前菜小食已經非常有驚喜：🌟[清酒鵝肝]呢個係必叫！建議最好預先落訂! 第二間餐廳搵唔到嘅口味🤪 鵝肝先用牛奶浸泡6小時,再用清酒🍶浸4-6個鐘, 令到食落口感香滑而不膩,更係有入口即溶嘅口感😍.🌟[順德煎魚餅]將鯪魚球肉打成肉餅,其靈魂在於旁邊嘅一碟蜆蚧醬😍鮮味非常令到肉餅更能提鮮👏🏻.[黃金豆腐]簡單嘅一道椒鹽豆腐, 皮唔會炸到好厚豆腐入口嫩滑.主菜環節：先嚟個[原盅佛跳牆]非常足料老火湯, 原隻鮑魚😍非常大隻,湯唔油膩👏🏻.🌟[鹽燒方脷]亦係必點之選！最好預先order. 方脷好似撻沙魚嘅一種, 原來係香港四大海鮮一種(方脷、三刀、蚌、紅斑). 師傅將其整條灑上鹽巴燒, 上嚟個陣呈U 型向上非常驚豔,然後將剪成數塊, 油炸後嘅方脷仍然能保持裡面雪白嘅魚肉嘅鮮嫩,外脆內嫩, 食時可再加上甜豉油吊味,味道一絕💯.🌟[雞油花雕蒸肉蟹]($時價)原隻肉蟹以花雕酒連水蛋一齊蒸,上碟前未見其型已聞其香😍, (圖三)成隻蟹箝雪白肉質鮮嫩,食時千祈唔好浪費佢嘅蟹汁同蛋可以叫上一碟生麵撈嚟食👏🏻🤪.🌟[醬皇慢煮安格斯牛]以48小時慢煮,口感軟腍, 食時可配以岩鹽或菌醬..[淮陽炒飯]幾飽都好最好都留返肚食埋個炒飯😹 簡單嘅蛋炒飯但其實要好高技巧先可以做到顆粒分明,油香而不膩..最後嚟返個傳統甜品[十勝砵仔糕😋] 搽用北海道十勝紅豆,甜度適中,懷舊味十足嘅甜品作結👏🏻…查看更多

今次已是第二次食這店。第一次食是因為就腳，為遷就在附近工作的老師，就在地圖上找呀找，就被“酒筷子”三個字吸引住，再去睇餐牌，覺得菜式都有些特別，就決定它了。果然沒有失望，今次再與近十年無見嘅朋友聚會，所以就決定再次選擇此店，又一次獲朋友讚選得好，今次點了：杏汁豬肺湯($298)、肉末甜菜茄子($98)、鳳城魚餃淮山麵($138)、千島玻璃蝦球($148)、黃金豆腐($42)、蝦乾野菌泡斑球($238)，贈送迷你缽仔糕做飯後甜品，連茶芥，每位都只係$281，食物質素好又抵食！朋友明言，下次來香港也要encore此店！另外必推：白桃烏龍茶，一致確認：好飲，好香！，還買了一盒回家呢！…查看更多

食物美味，服務優質，三五知己聚會暢談嘅好地方小食：順德煎魚餅，魚餅配蜆介醬，彈牙有魚味，食得出自家出品椒鹽豆腐，脆漿夠味豆腐嫩滑清酒鮑魚，建議唔好點太多Wasabi，入口先有清酒香味，咬落有淡淡荔枝清香湯：冬瓜盅（預訂），清香足料加咗羊肚菌，但個人偏好味濃，所以感覺淡咗D小菜：濃湯粗疏，豆腐質感好特別，口感似食魚蛋同蒟蒻之間，一般老媽豉油新鮮雞（預訂），嫩滑入味自家製叉燒，有別於一般食開嘅叉燒，賣相唔吸引，但加咗桂花有淡淡桂花香，幾得意主食：蟶子皇豉油王炒麵，麵唔會太乾身聖子皇嫩滑，但得兩嚿聖子比較少甜品：豆腐布甸，好味送嘅砵仔糕，紅豆足料，糕底煙韌唔會好甜…查看更多

適逢母親節，又唔想成日去酒樓， 最後選擇左大角咀酒筷子，我地一行4人仲pre order 左佢地既招牌菜佢地既鹽燒海方脷😋😋😋😋😋原條上， 待應仲會上左俾客人影相先再幫手切細。之後叫左醬皇慢煮安格斯牛😋😋😋😋😋， 中菜好少可以煮到西式牛扒敢， 好有肉味又唔鞋。另外掛住食無影相仲叫左黃金豆腐😋😋😋😋，秘制海山骨（即係南乳骨）😋😋😋，菌皇脆炸雞😋😋😋😋佢雞下面有炒過既野菌好野味…查看更多

聞其名已久嘅新派中菜廳 坐得寬敞價錢相宜  成餐飯印象最深刻就係隻菌皇脆炸雞🤩 香口夠入味 連雞胸位嘅部份都仍然嫩滑😋  另外叉燒肉質軟腍 面頭淋咗桂花蜜汁 不過略嫌舊半肥瘦梅頭未醃得夠味😛  值得一提嘅係安格斯牛 (bavette位肉味重) 同炸雞都有配嘅黑松露醬炒雜菇 非常有誠意👍🏻  📸  菌皇脆炸雞 ($150) 桂花陳酒蜜叉燒 ($108) 醬皇慢煮安格斯牛 ($248) 香油菜遠 ($98) 冰鎮話梅涼瓜 ($48) 淮揚白湯斑球 ($238) 十勝砵仔糕 ($28/3件)…查看更多

呢次係第2次來ENCORE!!因為第一次出席朋友既飯局時，意外驚喜到好難忘！於是一直念念不忘咁想再來多次！佢同一般既中菜酒樓唔同，食物食得出係有心機既菜式，自己最鍾意已經決定以後嚟親都要必點既係１～清酒鵝盰２～醬皇安格斯牛呢晚仲食左菌皇炸子雞，咕嚕肉，白灼赤米炸子雞都好好食，夠入味，調味好，仲有菇菌伴碟～好食！一直都係赤米既忠實粉絲果晚偷聽到今日返左赤米！即刻秒速落單！！咕嚕肉外表睇落好平凡，但食落完全唔係平凡，係高質皮脆肉質鮮嫩最後再點多個輕量甜品如果唔係胃容量有限我會每次都想所有野都叫哂～～…查看更多

今次已經是八次以上到餐廳用膳。食物質素有保證，味道吸及熱度適中。每次去到必吃的食物有蘿蔔糕，牛柏葉或金錢肚，海鮮剪米粉、砵仔糕、炸豆腐。雖然店舖不大，但每次來到都幾乎滿座。看得出這間小店，用心經營，所以食物質素能保持良好的水平。價錢方面非常合理。但湯羹則比較貴一點。餐廳的甜品不多選擇，要是能添加芝麻糊或中式糕點甚至乎是壽包或是紅豆沙，就更加好。所有職員也是態度有禮，要是覺得不方便嘅地方就是要行樓梯及得一格女厠所。其他大部份都非常好。…查看更多

今晚約咗以前的同事一起慶祝生日同事推薦嚟食呢度嘅中菜訂枱時先預訂全隻雞同壽桃包行過一條樓梯上嚟就可以入座呢度以藍白色為主調，感覺好舒服同優美格調有別於其他菜館餐牌都設計精緻蝦乾小炒王蝦乾較大隻，韭菜花入口爽滑無渣食落鑊氣十足又惹味蝦子菌皇海參煲海參滑嫩柔軟，菇菌炒得香味四溢每一匙都有好多蝦子，十分美味有位同事係牛愛好者，特別叫咗嚟試又估唔到咁好味醬皇慢煮安格斯牛表皮香脆微焦，食落肉味濃郁，肉質細膩柔軟又多汁菇菌同上碟類似，仲有好幾粒牛肉粒就較韌預訂之全隻新鮮雞連內臟表皮炸得焦黃酥脆，食落鮮嫩柔韌，果然係走地雞內臟滋味香濃又嚼感十足，值得推薦👍🏻淮陽炒飯飯炒得粒粒分明，雞蛋絲蛋味濃郁，調味簡單又美味壽桃包細細個唔會太膩，包鬆軟蓮蓉好香平時菜館係送紅豆沙，呢度係送砵仔糕仲要超多豆，紅豆好大粒，甜味剛好又夠Q彈整體食物味道不錯，餐廳細細間幾適合傾偈聚會坐得舒適，值得再來～…查看更多