酒泉日本料理

今日同朋友去左一間於元朗的酒泉日本料理，依間餐廳都好耐歷史了，裝修比較舊，好有老店嘅風格，我地叫左甜蝦，吞拿魚腩，左口魚群邊，帶子壽司，油甘魚壽司，象拔蚌壽司，及海膽壽司等、壽司口感不是太新鮮，冇味，唔爽，攞到埋黎已經暖暖地，仲叫左軟殼蟹手卷、這個味道比較正常，紫菜都仲脆嘅，另外串燒牛脷就比較硬，冇乜味，芥末芝士焗生蠔，太多芥末，好辣，蓋過晒芝士同蠔味，懷疑係d蠔，唔太新鮮，要用芥末去蓋過佢，d蠔又細隻，蟹子沙律（一人前），蟹子都算多，下面有少少蟹柳，但份量唔多，味道一般，海老什菜天婦羅好大碟，但係完全無味，兩隻炸蝦，一陣雪味，其他9件都係蕃薯同茄子，無其他蔬菜類，大大舊食到唔想食，其實除左海膽壽司及軟殼蟹手卷叫做過得去外，其他都好難食，十年前食都幾好食，依家好難食，唔會再去 ><…查看更多

2021-9-5同老公去食，食左5百蚊左右，乜都食下，啲大甜蝦唔新鮮有陣腥臭味，象拔蚌好似食緊膠咁，一啲都唔新鮮，佐口魚裙邊一擺落口就馬上吐出黎，完全唔知係咩黎，凡立貝帶子唔夠新鮮但都擺到落口，花之戀一夾啲飯就散開，仲有鹽燒三文魚鮫。啲肉酸宿左咁，加15蚊有碗拉麵🍜，諗住麵點都唔會好難食啦，點知啲麵硬過我條命，又無味。總結5百蚊其實我哋都食左好多野，壽司有20款左右，串燒小食都有，總括黎講算平，但無下次…查看更多

已經有超過一年沒有去幫襯 (因為之前住酒泉附近, 後來搬走了)今日一行四人(3大一小), 六點去到, 唔使等位, (七點後就滿座了).環境 : 因為防疫關係, 枱少了, 但枱一樣係甘細張, 再加上放了個隔板, 台面更細了.我們點了以下十款野 , 基本張枱太細,  放低四碗烏冬, 已經幾乎無位了  然後後面來的小食壽司, 唔係左攝右攝, 或放係佢地的食品出口處放到凍了才拎來, 叫佢俾多張櫈來放都話唔得.招呼 : 有兩個侍應一個老闆(或經理),  當時才六點, 一半人客, 坐低等舖紙, 等茶, 等碗筷, 乜都要等.落好單, 之前店員會在面前核對一次才拎去入單, 現在直接收走, 結果點了十樣, 漏入了兩樣, 食物 :  點了四客烏冬,  幾款壽司, 雞軟骨, 天婦羅, 蟹子卷, 尤魚鬚, 炸豆腐.帶子壽司, 三文魚腩壽司, 望落大件 食落無味.天婦羅, 好油好油, 應該隔了油才拎來比較好, 下面的紙全俾油浸濕了.炸豆腐, 正正常常.尤魚鬚, 等了大半小時才到, 又係一樣好油.烏冬, 個豬骨湯底好奇怪的白色, 唔知點形容價格 : 總價580元,  由拉麵轉烏冬要加15蚊, 即係個拉麵係零元成本架, ?   可能太耐無來, 反正酒泉已經唔係抵食好食了…查看更多

廢話唔多講，$25/件嘅吞拿魚腩壽司，一上枱嚇親，仲以為係生嘅肥豬腩肉片，老公咬咗啖都忍唔住要停口，只見到肥膏⋯留意唔係油花😂😂😂😂🤣🤣🤣🤣🤣咁經典真係要記錄一下。…查看更多

前兩日放假獨自走左去酒泉食晏就飯，我叫左幾舊壽司同埋一碟芝士年糕，其實加埋都差唔多成百蚊。我開頭食件玉子壽司已經覺得唔係好乾淨咁，但係我個時又冇諗咁多，然後我食蟹肉壽司，我係成舊拍入口食，跟住我咬咬下發現交到舊好硬既野我忍唔住吐左出黎，個舊野個樣好似大牙牙齒，我忍唔住問職員呢舊係咩黎，佢問我食左邊舊壽司，我照直答佢我食左蟹肉壽司，佢同我講係骨黎，因為啲蟹肉係meet出黎所以會有骨，但我真係唔明，蟹會有骨？因為我好少遇到呢啲事，我都唔識點處理，個陣應該報驚報食環定點？不過我都係想放假食餐飯我冇再問落去，但係個職員真係一句sorry都冇講，照收左我錢，我真係好怕如果個舊真係人類牙齒食左咬過會唔會有愛滋，萬一我真係一個唔覺意食左會唔食啃親，呢次食飯真係我既惡夢，希望大家唔好似我咁中伏…查看更多

巨大嘅壽司🍣比想像中更大件‼️‼️低估左個size😵😵😵..............................份量係夠嘅👍🏻👍🏻👍🏻但質素一般過一般🤭🤭唔可以話係難食嘅😌😌😌舊壽司飯無乜壽司醋味🙃🙃🙃啲飯唔夠實😅😅..............................咁多款入面係得海膽同帶子舊刺身較為有鮮甜味⭐️⭐️其他刺身唔夠新鮮同埋無乜味唔知食緊啲乜🤣🤣🤣…查看更多

我完全唔知道呢間野嘅好評係喺邊度攞返嚟😱，一向都唔係特別成日寫食評，所以都冇咩特別影相嘅慾望😌，所以冇影低大部份嘅嘢食，但係由頭到尾就係一個伏，伏到我最尾唯有影最遲上嘅海膽經歷恐怖到3秒記憶的我,竟然記得全部叫過嘅嘢食:「三文魚壽司左口魚壽司辛辣油甘魚碎壽司三文魚子壽司蟹子沙律牛舌心安格斯肉眼串燒雞軟骨串燒海膽一版熱清酒一瓶」我哋嘅故事正式開始。一開始想個沙律正正常常畢竟只係青瓜蟹柳沙律醬然後就開始上咗件三文魚壽司同埋左口魚壽司三文魚係友人食嘅聲，稱冇味左口魚壽司完全冇味食完兩件壽司之後就開始上牛舌心完全係over cook呢個時候，我嘅清酒都仲未上到嚟串燒就開始上嚟喇雞軟骨，安格斯肉眼串燒簡直可以用健康來形容，一啲鹽都冇😲即係冇味，食到一半我怕支清酒味道就已經食晒啲串燒唯有催催佢🤔，結果可能訊息傳遞有誤📨,辛辣油甘魚碎壽司三文魚子壽司竟然比一按即有嘅清酒仲快上泥！！！為咗唔想冇嘢食送酒，我耐心等待⌛️️歷時5分鐘️️佢終於都拎到支清酒過嚟啦呢個時候我滿心歡喜，咬落我件辛辣油甘魚壽司度😳！我明白佢咁耐送酒上嚟原來係別有用心因為未融得切雪啊🤯三文魚子壽司正常👍🏻所有嘢食完先至送上本來應該係頭盤嘅海膽刺身....埋單408用$408食垃圾我真係無言，只係希望大家唔好再中伏…查看更多

叫左2件三文魚腩1件三文魚 黎到3件都一樣.... 仲要食三文魚既時候食到有骨 吉到個嘴流血 然後仲要漏左件帶子 但店員態度好差 好似質疑我地呃佢咁 然後叫左2件希靈魚 其中有件好難食 質素好參差整體食物普普通通 用餐體驗欠佳…查看更多

新春同朋友拜個年同啲小朋友放下電,開下大食會*啲壽司件件都好大件,啲反好軟,刺身都幾新鮮,呢個大食會直程頂住個肚仔*蟹柳青瓜沙律都幾唔錯,份量勁大,沙律醬自己落自己撈,正*第一次食雞泡魚乾,出乎意外地好食,朋友們講得岩,最好配啤酒*朋友們大讚清酒煮硯好濃味*芝士餃子都唔錯,我覺得堂食芝士仲熱辣辣食仲正*總括黎講係好食,可以encore,朋友仲話平日外賣仲抵食添~~~~~…查看更多

元朗好多壽司店都出名抵食夾大件，呢間都唔例外呀。我地兩個人叫左呢碟軟殻蟹反卷，黎到勁大碟，有成六大舊咁多。蟹籽同青瓜都好多，軟殻蟹唔油脆口，點埋個沙律醬食一流。食完呢碟都好飽下。…查看更多

今日去元朗酒泉食下午茶，唔低食，無下午茶價錢，食物水準差，偏咸，鵝肝壽司鵝肝硬，琼晒一舊，唐揚軟壳蟹，唔脆又凍，鹽燒牛舌、火熖三文魚、還可以，咁就4百幾🥵，茶餐廳重低食，起碼暖胃…查看更多

限聚令下見唔洗等位所以揀咗呢間嚟食環境都係街坊日式料理鋪 冇咩特別但出品真係好唔得個鵝肝反卷 鵝肝完整一舊都冇都未係最爆最爆係一d配料都冇 成舊都係飯問完啊姐 啊姐仲敢答正常嫁係咁極度失望…查看更多

中學時期經常光顧的日本料理，很久沒去食發現已經轉手，餐牌亦有改動，沒有了以前很喜歡吃的芝士年糕很失望，唯有試試其他新菜式，食物種類非常多，但兩個人不算太餓，所以只點了3樣試試。廣島蠔陶板燒（$58），份量不大但每隻蠔都肥美飽滿，推薦！日式牛肉鍋（$98），選了壽喜湯底（另外可選昆布鰹魚湯底），牛肉份量很多但肉質偏鞋，鍋裏的蔬菜鮮甜好味，不過食到後期感覺湯底太甜。芒果甜甜的不會酸，包住炸得香脆的海老天婦羅，配上沙律醬跟三文魚子，食落好開胃。…查看更多

經常優惠時段黎食，真係平過出面買料平過自己煮，我諗應該係因為佢係自己鋪慳左租金，所以先做到咁平又唔係太差嘅食材。同一條街另一間相樸料理d食材就差好多，呢間魚生好過果間好多。食物方面：蟹籽沙律（大）：優惠時段$29，正價$49，超大碗足料，當碗面食都得。試過自己買料整，刨到手軟，仲要買料都成$80，所以呢度真係超抵食，平過自己整。日式炒雜菜$48：係呢間鋪唯一食過最難食嘅野，超油，又咸，同食油無分別燒物類，蒲燒鰻魚（原條）$48：好咸好細條，我諗佢同珍寶大鰻魚（9吋長）壽司係同一條，價錢都一樣，我諗食壽司會好d，因為淨食太咸燒油甘魚鮫$58：好抵食，好大隻，燒得又香又滑，自己買急凍都唔止咁嘅價錢燒三文魚腩：優惠時段$32，兩條長過手掌，好香油脂又滑，其實兩個人食唔哂，因為真係太大條，兩條太膩法國生蠔：係即開，有海水味同鮮味，三十上下左右一隻，正常價位三文魚雪花腩5片$58：叫巨大壽司好過，佢係正常刺身尺寸，但三文魚腩壽司$10條魚長好多，都係同一條魚巨型壽司優惠時段真係超抵食三文魚腩$10，三文魚$9，劍魚腩$10，油甘魚$12....全部都超長厚肉，又好食火焰左口魚群邊$6唔抵食，超大舊飯得一片魚原隻活赤貝$25好抵食，平時出面叫一隻最平都$48，新鮮👍三文魚籽$10勁抵食，咁大件壽司上面係鋪滿哂三文魚籽，無青瓜架京蔥拖羅茸$9唔係拖羅，唔夠油香明太子沙律$10必食，料多到成座山咁另外見到人地檯食炸豆腐同天婦羅都係超巨型又新鮮炸起，聽到人地咬開勁脆，優惠時段4件巨型豆腐只係$18，10件好似日本食果d巨型天婦羅拼盤都係$58，因為近幾個月要戒炸野，遲d身體好番一定會試…查看更多

多年前曾到此餐廳幫襯過，難得今天來到元朗重遊舊地，當然要幫襯下。餐廳環境乾淨食物美味抵食夾大件，一如以往無太大分別。只係身邊男友換成另一人，可說是桃花依舊人面全非。蟹籽沙律(一人前) $26沙律份量十足，一人前夠二人食。粒粒蟹籽勁大篤，青瓜絲夠凍夠乾身爽脆，處理得唔錯。絲絲蟹柳口感軟彈，沙律醬另上自由添加十分貼心，整體非常美味！軟殼蟹反卷 $58壽司大大件絕無欺場，反卷包住軟殼蟹，咬落卜卜脆唔油膩，好好食。金菇鹿兒島豚肉卷燒 $48金菇加豚肉完美配搭係我最愛，豚肉厚度適中捲住大注金菇口感爽爽的好味。連伴碟的炒雜菜都咁好味，好味抵食。浦燒鰻魚(原條) $48配 稻庭烏冬 $20原條鰻魚比想像中細，魚肉不太厚身，肉質軟腍有油份，襯埋鰻魚汁十分美味。豬骨湯底嘅稻庭烏冬湯味濃，紫菜厚身，烏冬煙韌軟彈，整體唔錯，鰻魚加廿蚊有烏冬都抵。…查看更多