遙

营业中

休息中

老闆/娘非常友善， 地方乾淨寬敞， 可以好輕鬆食一個午餐。 假日都有午餐set， 非常抵食， 烏冬同丼都好好食。 叫咗幾個set， 加咗啲小吃， 冰凍紅豆甜品正到冇朋友！ 大小朋友都食得好開心。

係土瓜灣想搵間日本野都唔容易呢間原來只係開左一個月到原本係係佐敦開左幾年（食完店員介紹番間餐廳）環境無咩特別，整潔佢成份menu 一張相都無 舖頭裡面都唔見有貼出黎既相 可能因為新開 所以睇左一陣 我同男朋友選擇問下staff 有咩介紹最後 我地就試左佢介紹既 小鯛 做刺身+湯（點埋個酸汁 ，湯係miso鮮甜，如果唔想煮湯 可以做tempura)另外都叫左大路既燒物：牛舌（牛舌一般,所以無再叫燒物）芒果蟹子沙律芒果甜 本身終意食蟹子沙律sushi （一般）三文魚腩 海膽 蔥吞拿魚蓉三文魚鮫 （有水準）釀蟹蓋 （一般 下次唔會試）食完都好滿足 性價比幾高見到另一枱食龍蝦sashimi 問左店員 早幾日訂先有 下次想試下

今天同屋企人諗住出街食飯，見到間日本野都幾多人食，所以就入去試吓。一行3人叫了個2人餐加多個牛油果軟殼蟹卷。估唔到個2人餐都幾豐富，份量又多，還幾好食添。個餐有蟹子沙律 ，刺身拼盤 ，鐵板燒魷魚筒+帶子，鐵板燒牛柳粒同海鮮炒飯。因開頭冇預咁好食，所以冇影相。但值得推介，一定有下次。

今日星期日，諗住出外食飯會多人，所以係屋企附近食算，九點先放工，見分享D相咁靚所以去試吓，book咗九點半，九點二十分到，原來只得一台客，心知不妙以為因為舊區無乜物人都算正常，可能新開環境舒服優雅，點了壽司、雞肉棒、煙肉海鮮炒飯，等咗廿分鐘居然係雞肉棒先上塲，以為鰻魚壽司鰻魚燒熱再做壽司原來諗多咗，之後主角上塲⋯⋯⋯煙肉海鮮炒飯上塲，初頭我以為我點錯了！ 點解好似茶記炒飯，再問服務員原來冇點錯，海鮮炒飯原來只數粒蝦仁，可能我見識少，原來日式海鮮炒飯得蝦仁是正常，我以為會有魷魚、魚肉、蟹柳等⋯⋯⋯

第一次寫食評 唔會再試呢間野原本以為係之前食開嗰間日本餐廳，點知轉左手。。。反正去到就試下啦。真係勁失望。我同男朋友叫左比目魚定食同三文魚海膽飯 外賣。比目魚咸到傻 食哂啲飯都餸唔到啲魚真係懷疑個廚落triple 份量嘅鹽。魚生一啲都唔新鮮 更唔好講啲海膽。外賣又冇俾豉油。等外賣果陣都聽到有其他枱唔知投訴啲咩。唔知係咪新開張嘅關系，服務ok 但食物真係唔掂。雖然九十幾蚊一個餐唔算貴（土瓜灣黎講都唔平），但咁嘅質素真係一啲都唔值。唔會再試。

遙，這間日式料理小店，從佐敦店已一直支持，後來有日去到佐敦發現結業，當時真係傷心了一段日子⋯⋯最近得知他們原來喬遷往土瓜灣，於是拉大隊去為食一下雖然地點冇咁就腳，但地方大咗，寬敞了，所以坐得比從前舒服。由於小店經營，想食好野就要預先同老闆預定一些海鮮，藍龍蝦刺身、赤貝、小鯛、拖羅、Gillardeau 都很新鮮，龍蝦刺身上枱時，龍蝦頭還郁郁下龍蝦頭兩食作炒飯和滾湯相當美味價錢也很合理，朋友們讚口不絕⋯⋯牛油果壽司在舊店已是我至愛，這間用心經營嘅小店，實在值得推介

放工後在土瓜灣上堂，所以在附近食晚飯。行到落山道，有好高的工程圍版，昂高頭，遙遙見到有間日本餐廳，真係名副其實的「遙」😂我諗間餐廳都幾陰公，因為block晒視線咁滯，搞到無晒客人去。門面是咁的。然後入到去，同朋友唔想諗，就揀咗二人餐，鐵板燒二人前，有蟹籽沙律、刺身拼盤、魷魚筒、帆立貝、蒜片牛柳粒、海鮮炒飯，再加兩罐汽水，盛惠$398加一。魷魚筒份量多：沙律都好多：份量都幾足夠，兩個人食到飽晒，而且味道唔錯，算係土瓜灣黎講比較貴但高檔少少的日本菜！

食物很好 只是等待時間有點長服務員態度好 又親切That's a Nice restaurant, all food are delicious and the waiters are friendly. I'll come for it again for sure!Recommend: all BBQ, sushi and sashimi. By the way, the most I like is the sea food fired rice, with a cup of beer - die for it !

跟老朋友在土瓜灣逛街， 心情不錯，今日想食好少少咁啱路過見到這間店門面唔錯，於是決定入去試試點了很多食物:牛油果大虾沙律配搭不錯海膽新鲜甜美三文魚腩刺身新鮮牛舌串燒香口牛柳粒牛味濃，跟醬汁配搭一流店内地方寬敞，係約朋友傾計聚會好地方，下次會再約朋友黎

居住土瓜灣區其實冇乜日本嘢好食，最近我竟然發現附近新開咗一間日式餐廳，裝修雅致，看得出老闆用心經營，食物🍱應有一定水準。今天趁午飯一試，果然喜出望外，拉麵🍛丶刺身丶壽司🍣都不是求其上碟，最近要新鮮美味😋，唔怪得之午市都座滿啦！老闆娘好健談，好多熟客！細問才知道他們是從佐敦搬過來，經營咗好幾年嘅人氣推介餐廳，之前要排隊入內㗎😲 老闆係韓國人，對食物好有要求，亦好燒酒文化，仲識講少少廣東話㖭！我兩個囡囡最愛烏冬，下次要帶埋佢哋黎試先得！

今日同媽媽係屋企附近食午餐，見到一間新開日式餐廳，午餐價錢公道決定一試。我同媽媽分別叫左三文魚海膽丼同胡麻醬雞絲冷面。套餐包左麵豉湯同沙律，湯係徧甜既白麵豉湯，唔似外面好多日式餐廳咁會有好咸既感覺。另外沙律係用柚子汁做既，口味清新而入面蔬菜都好新鮮。之後到我個三文魚海膽丼，其實我好怕係香港食海膽，因為好易有唔新鮮同變左既味道，但今次呢到既海膽好甘甜，三文魚亦好多，魚生飯係調好味既醋飯，味道好好，係魚同飯中間仲有青瓜絲，加入左清新感。媽媽既雞絲冷麵好大份，佢食唔晒，所以我就食埋佢，發現佢雞絲，雞蛋，蟹柳同拉麵口感好一致，另外有青瓜絲增加左爽脆感同埋胡麻醬食好開胃，好適合夏天食！👍🏻之後加左15蚊食章魚小丸子，外脆內軟，但八爪魚比較少加10蚊既柚子茶好大杯，都係夏天開胃好選擇總結係呢到午餐性價比好好，我既海膽三文魚丼只係72蚊仲有湯，沙律同甜品糯米糍，以後有機會都會多啲去幫襯。

佐敦舊店停業 終於搬到新店 大咗座位亦多咗 食物種類跟以往差唔多 價錢合理 刺身保持到高水準 會繼續支持 地鐵開通後交通會更方便韓國老闆友善可愛 中文叻咗好多 洗手間是要經露天地方 下雨上廁要打傘

朋友通知遙在土瓜灣另覓新舖開業, 約埋老婆大人去放工試下, 因為實在懷念佢地個牛舌串燒同燒比目魚, 新店比以前在佐敦闊落, 座位與布座位之間有足夠距離, 天花樓底高不會像以前有壓迫感. 食野環境比較舒服. 今次再次光顧當然叫了我的至愛串燒牛舌, 太興奮食左唔記得影相, 仍然係咁好味多汁爽口, 店主推介的炸雞塊又幾香口而唔會炸到乾真真, 唔錯. 食完炸物食返個沙律清新一下. 個沙律醬恰到好處, 唔會太厚, 蔬菜亦新鮮. 跟著就輪到主菜壽司拼盤同燒比目魚, 比較一讚係佢地的壽司飯握得實, 唔會一夾就散. 魚生亦鮮甜, 最喜歡配带子壽司, 大大粒夠厚肉. 芥末魷魚壽司更加係老婆至愛. 另外叫多二件佢自己一個人食晒. 燒比目魚燒得香噴噴, 醃得好入味, 肉質鮮甜及嫩滑. 味道恰到好處, 不會醃得過火. 好滿足的一餐. 原來廚房師傅依舊係以前舊店原班人馬. 怪不得水準依然. 期待下次再試其他新菜式.

最近，有好姊妹約我來個週末午聚！原來之前在佐敦德興街屹立五年的人氣日式餐廳 <遙> 搬到舊區土瓜灣的落山道！早幾天開始試業，剛剛6月1日開業！於是，我放工搭巴士過來，沿土瓜灣道行到落山道，見到 OK 便利店轉彎便會看見！不算難找！新店比較舊店闊落而樓底更高，以木色為主，一室柔和的暖色系，給人舒適悠閒的感覺！ 加上陽光從玻璃窗滲進室內，顯得光猛自然！皮膚白晢貌似韓國妹的老闆娘靚女又好客！ 至於，韓國籍老闆也懂說不少中文！女店員都好殷勤有禮，印象中舊店也見過她！就算搬了新舖，食物價錢跟舊舖差不多！ 同時，加入一些新元素美食，可以留住一班舊食客之餘，亦可吸納新客！生啤$52天時暑熱，先喝杯生啤解渴，最好不過！牛油果大蝦沙律 $62先來個沙律打開味蕾吧！新鮮爽脆的沙律菜，配上牛油果及大蝦，倍感清新！牛油果新鮮即切，保持翠綠，口感軟滑，與爽口的大蝦及沙律菜同食，口感豐富！味淋魚干 $98這款味淋魚干跟另一款的燒河豚干，口感截然不同！ 前者入口較為軟身，甜美又帶鹹，蘸上沙律醬別有一番風味呢！令人忍不住一條接一條！日本黑豚肉鍋 $88店方選用日本黑豚肉，果然不惜公本，有3塊之多！火候