遇見小麵 (荃新天地)

营业中

休息中

終於今個嚟到荃灣遇見小面，過到嚟嘅時間咁啱係下午茶嘅時間，所以我哋點咗下午茶嘅紅碗豌豆雜麵配白玉酸梅湯、安格斯肥牛小鍋冒菜微辣、白玉厚椰乳、鍋巴土豆、將爆豆腐串😋紅碗豌豆雜麵非常大碗，豌豆醬、肉醬、菜和花生都好多，撈勻啲麵一齊食，面質非常彈牙，感覺超滿足好好味😋安格斯肥牛小鍋冒菜有肥牛、豆皮、菜、土豆粉、類似豆腐卜嘅豆腐丸，湯汁非常惹味，肥牛非常大片，而且唔韌唔嚡，其他配菜亦都好好味，其實叫多個白飯更加好😋值得一試。鍋巴土豆真係炸得非常香脆好味，外脆內軟。爆漿豆腐串口感非常得意，真係有爆汁，配合辣汁，真係非常惹味可口。白玉酸梅湯白肉滑嘟嘟，酸甜度適中，夠凍。白玉椰乳椰漿味濃。CP值高地方企理服務一般

📸遇見小麵為食妹由佢係黃埔開第一間鋪果陣已經開始食次次去到都要排隊🤣因為真係價廉物美！講緊酸辣粉都只係$19一碗街邊企係度食果啲酸辣粉都做唔到咁平🥹宜家仲開咗2間分店 分別係旺角Moko同荃灣荃新天地今次就黎咗荃灣店原來宜家有下午茶餐 低至$28難怪差唔到2:30已經有人龍係門口今次想試吓啲唔辣菜式 於是叫店員推介幾款🥢 陽光蕃茄牛肉麵 配 半隻脆皮雞 $56仲包埋飲品 不過我就加$2升級做冰粉店員話平時佢自己都係叫呢款估唔到真係唔錯😌 蕃茄湯底香濃 帶微酸 食落開胃啲牛肉片都算嫩滑最正都係隻脆皮雞🐓 基本上每次黎都要叫一份🤭外皮香脆 咬落又有肉汁 肉質又唔柴 調味又唔會太濃因為佢唔係炸 食落無咁油膩🥢酸菜滷肉飯 $38本身以為咁平應該比較細碗點知成塊面咁大兜🤣🤣🤣滷肉肥瘦均勻 唔會太咸溝埋酸菜食幾開胃最後都係食唔曬啲飯🙈🙈🙈🥢串燒拼盤招牌豆腐串x旋風大麵根x自選牛肉/羊肉串豆腐串又係次次黎都要食 搽上咸香調味醬豆腐外皮香脆 入面爆汁大麵根同羊肉串都係第一次食 又幾好食喎衰鬼🥹📍遇見小麵黃埔花園荃灣荃新天地1期旺角Moko

早兩日放工同謙謙去荃新天地搵野食， 原來最底果層開左遇見小麵我都唔知，貪新鮮的謙謙拉左我入去食。✡️ C1安格斯肥牛陽光蕃茄湯麵套餐 ～個湯麵加$5有菜，謙謙話個番茄湯酸酸地幾開胃， 肥牛份量適中，麵質係佢鍾意嘅幼麵掛湯力强。佢話個套餐幾抵唔飲野轉食琥珀冰粉都係加2蚊，冰粉清清涼涼帶微甜。✡️ A4脆皮半只雞麻辣小麵套餐 ～ 跟滋潤八寶茶，加$13有肥腸加$5有滷蛋。為食的我見個套餐有半隻雞即叫，個雞炸得香口，謙謙忍唔住爭左我個雞髀食， 滷蛋肥腸滷得夠入味，我個麻辣湯底，夠哂濃郁， 味道幾正宗。✡️ 大草原羊肉串 ～ 羊肉串燒夠惹味。

呢間位於荃灣嘅全國連鎖小面分店，真係夠晒抵食🥰！午市套餐份量大大份，味道夠晒惹味，仲可以自己去自助吧攞配菜同埋茶飲添😋。安格斯陽光蕃茄牛肉麵套餐，裏面牛肉份量幾多，而且蕃茄湯底超級正💖！湯底裏面有濃郁嘅蕃茄酸甜香味，配埋牛肉嘅鮮味真係超夾🫶🏻。脆皮半隻雞麻辣小麵套餐，就更加滿足！本身麻辣小面嘅辣到啱啱好，超級香口惹味，食到停唔到✨，仲要加埋脆皮雞，隨口嘅感覺同滿足度都滿分。仲可以加配小食，今次揀咗原味酥脆雞扒，炸皮夠晒酥脆，調味好香口🤤。白玉厚椰乳又有濃郁椰香味，又有好滑好Q彈嘅口感，超夾濃味嘅嘢食🙂‍↕️。💰安格斯陽光蕃茄牛肉麵套餐($52)💰脆皮半隻雞麻辣小麵套餐($56)💰原味酥脆雞扒(加$12)💰白玉厚椰乳(加$4)

香港終於都開左遇見小麵，之前去內地玩成日都見到，出名平靚正咁，估唔到你香港開店啲價錢都抵食🥰今日黎到荃灣食下午茶，就試左佢啲下午餐套餐蔥酥骨湯抄手，係份量好多，勁多粒😂，口感滑捋捋，一啖一粒，好好食🤤安格斯牛肉串孜然味配牛肉串係無敵😂，牛肉肉香都好出🤓脆皮半只雞外皮脆身，薄薄地咁，唔會太厚，食落好乾脆，唔會有油感仲有雞排同大餃子🥟，炸得香脆，入面餡料好飽滿，幾有驚喜白玉厚椰乳，椰香味幾出

遇見小麵係內地有好多間分店，宜家香港開左越嚟越多分店，一樣都係好抵食！1⃣️ 紅碗豌雜麵有炸豌豆、肉醬等等配料，麵條有咬口，拌麵一流，味道帶麻香但係唔算好辣👍2️⃣ 琥珀冰粉解辣一流！冰粉滑嘟嘟～面頭有桂花瓣，配合花奶底，甜甜地冰涼清甜。3️⃣ 香酥蔥油餅（鹹香）外圍厚身啲，中間薄，食落蔥油味香😋4️⃣ 旋風大面筋（2串）（微辣）幾特別，最外圍既邊邊位少脆，香料味道惹味。5️⃣ 爆漿豆腐串（2串）（微辣）好好食！外面係辣辣地，咬開真係有爆漿感！中間既豆腐好滑～6️⃣ 鍋巴土豆（香辣椒麻）外皮焦脆，係偏甜辣風味，惹味得黎唔會太辣。7️⃣ 原味酥脆雞排（1塊）（免辣）比較薄身但真係好脆，呢個價錢算抵食。8️⃣ 天府鴨血小鍋冒菜呢款都幾辣幾重口味🌶️薯粉夠爽！一啖食落辣味好正！仲有好多配料，鴨血份量都算多～

咁啱係附近行街唔知食咩好，見到佢哋最近新開就諗住去試吓，估唔到咁有驚喜，一開始以為位置不多，但入面先發現店面都幾大，而且唔會太過迫夾咁啱係下午茶時間（好抵食！），所以就叫咗個酸辣粉配原味酥脆雞扒，再加$4轉咗白玉厚椰乳推薦指數💥：🌝🌝🌝🌝🌚唔好以為碗酸辣粉看起來咁細碗咁，但其實食落都好飽肚，而且酸酸辣辣，好開胃；個酥脆雞扒真係超香脆可口，咬落熱辣辣，仲會有肉汁流出來，不過其實碗酸辣粉食完都真係幾辣，即刻飲返杯白玉厚椰乳解辣，椰奶味超濃，但又唔係死甜，再加上白玉令到整體味道達致平衡之後朋友就叫左一個醬香滷牛肉小鍋冒菜，作為食肉獸的他即刻加多一份肥牛，一路食一路下面還在熱住，可以放心慢慢食；滷牛肉很香，配搭湯汁一齊就是下飯神器，而且加的肥牛份量也很多，再埋上這麼多的配菜（有豆乾、薯粉這些）兩個人食也綽綽有餘，然後還加了一份琥珀冰粉和香嫩牛肉串 牛肉串燒到外脆內嫩，食落唔會乾柴柴，再加上孜然粉，就更加惹味，琥珀冰粉真係解辣神器！食落唔會太甜，有淡淡桂花香 ✨整體來講，價錢不單止便宜，可以選擇的款式都幾多，就算係同屋企人，朋友一齊食都適合，值得一戰 📍遇見小麵地址💬：荃灣楊屋道1號荃新天地地

重慶快餐廳今日吾系好肚餓，想搵小小野食做下午茶，記得哩間開左幾個月的重慶餐廳有下午茶同小食，咪又去試下新野味道(4分)金碗酸辣粉+八寶茶($29)4分— 辣度可以選擇，— 小辣帶酸，平時吾食辣都可以接受，酸得幾過癮。— 番薯粉幾滑幾Q— 涵料無乜，就好似去到當地食麵差不多，主要食個湯，真系吾可以同食開的茶餐廳下午茶比較，— 八寶茶甜甜地，配合食完辣野，剛剛好— $29都算值得澳洲羔羊羊肉串($19)5分— 肥瘦各半，有最重要有羊味加合適膻味，羊肉好”林”— 咁價錢三串，仲咁有質數，無得輸。環境(4分)— 位置寬敞，裝修又新服務(4分)— 哩個真系個人感受，— 平時下午茶自助搵位，當然無所謂，吾知道星期日或者食飯時間會點— waitress     —見客人來同走都有打招呼     — 問問題都可以答曬— 自己落單加埋單至出菜，對我來講好方便，但老人家可能就麻煩。衛生(3分)— 筷子都系每對有膠袋— 小食系免費，但如果有蓋會衛生d抵食(4分)

和太太在內地試過遇見小面的金碗酸辣粉，覺得十分好食，見香港開了分店就過來捧場。理所當然我地點了招牌的金碗酸辣粉。酸辣粉酸辣煙韌，配以榨菜花生，口感層次豐富，令人回味無窮。接著是脆皮半只雞麻辣小麵套餐。雞皮酥脆，肉質鮮嫩，與麻辣小麵的結合簡直是絕妙搭配。小麵有彈性，配上麻辣的湯底，而且還可以續麵，性價比極高。另外也點了幾款串燒，有安格斯牛肉串、爆漿豆腐串及旋風大麵筋串。牛肉鮮嫩多汁，烤制得恰到好處。爆漿豆腐串更加大推，外皮金黃酥脆，內里則是嫩滑的豆腐，豆腐的香氣撲鼻而來。旋風大麵筋串則以其獨特的口感和豐富的調味，調料的香味深深滲透。最後是天府鴨血小鍋冒菜。鴨血鮮嫩滑爽，薯粉入味，與其他食材搭配在一起，湯底濃郁，香味撲鼻，每一口都充滿了地道的麻辣風味。

呢間喺香港越來越多分店嘅重慶小麵店，而家喺唔同地區都食到啦😝！今次喺荃灣行街行到肚餓，就去咗佢嘅荃新天地分店食，呢度都係價錢好親民，而且嘢食嘅味道又夠晒香口😎。.🐥脆皮半隻雞麻辣小麵($49)麻辣小麵嘅湯底辣度啱啱好，夠晒惹味，食到停唔到口！而且裏面仲有重慶特色嘅脆豆、榨菜等等嘅配菜，令到成碗麵更加有風味🔥。套餐裏面仲包埋半隻燒雞，夠晒香脆又油香。.🍜酸菜肥腸麵($49)酸菜同埋肥腸呢個經典配搭真係好好食！肥腸本身嘅油脂感超級邪惡，配埋酸菜嘅酸香，中和咗肥腸嘅油脂感😆。濃郁嘅味道超級夾成碗湯麵。.🐔原味酥脆雞排($14)呢度嘅雞扒都好值得試！咁多次食呢個品牌嘅炸雞扒都係外層脆卜卜。咬落去雞肉嘅份量都唔少😎。.🌴白玉厚椰乳($22)嚟到呢度一定要試呢款濃郁嘅椰奶飲品！裏面仲有白肉增加口感，加埋本身香濃嘅椰奶香味，好夾味道濃郁嘅小麵👍🏻。

入面明明有枱，成5、6個待應冇人執枱帶位，個個湧晒去出菜位扮工，等左10分鐘，老公入去問佢地係咪自己搵位，佢又叫我地響門口等…終於等到有人帶位，見到滿枱凳辣椒油，我問佢有冇抹枱，仲答我已經抹咗，我叫佢重新抹一次，佢求其抹完都仲係污糟…..😡隔離枱冇電子支付，叫待應幫手落單，點知落錯單，再隔離枱個姨姨話佢果碗麵都係落錯單……🫠我地野食黎到，叫左杯凍檸茶，圖片係鮮檸檬茶，但黎到既係香精味檸檬茶，裡面係有兩片好薄既檸檬，但有篤過既行跡，都唔知係咪重用既檸檬🤮碗麵明顯味精粉湯底，咸到痴線，以後都唔會再幫趁……

遇見小麵 (荃新天地)位於楊屋道1號荃新天地地下G30, G32 & G36號舖，環境都几舒服，店内装潢采用现代简约风格，桌椅整齐排列，墙面上方有宣传标语，整体氛围舒适且时尚。食午餐時同朋友過咗嚟邊覺得好吸引 ，決定入去開餐，分別點咗，鎮店招牌紅碗豌雜面，這個簡直係摯愛，豆煮得超爛，將肉碎同豌豆拌麵簡直停不下來，每口都食到多樣食物，口感超豐富！酸菜鹵肉飯，酸菜同平時食的有少許分別，這裡的酸菜比較幹身，不會太酸，配上滷肉飯，口感都幾特別。祕制脆皮半只雞，賣相不錯，但口感超正，外脆內嫩，以為好幹，裡面肉汁豐富，都幾有驚喜，有食乳鴿的感覺。旋風大麵筋， 爆漿豆腐串，香嫩牛肉串，這個拼法可以一次食到多款烤串，牛肉真係好鮮嫩，麵筋口感像吃香腸，豆腐簡直係最愛，外脆裡嫩，一口落去真是會爆漿，加上燒烤粉，簡直絕了！餐後再來杯白玉酸梅湯，酸酸甜甜，超解膩！今日呢個午餐真是心滿意足！

遇見小麵係內地有接近 400 間分店，而家進駐香港喇！ 主打重慶小麵、酸辣粉、冒菜系列，另有各種風味小食！ 之前北上玩就已經食過，喜歡遇見小麵菜式有辣唔辣，品牌來到香港依然保留超抵套餐👍🔸陽光蕃茄牛肉麵 $54 跟飲品轉熱飲不用加錢 點了八寶茶 蕃茄湯底濃郁帶少少咸味，挺喜歡牛肉是薄切牛𦟌部位，唔會好乾～🔸秘製脆皮半隻雞 $35雞皮好香脆，食落熱辣辣撕開雞脾仲有滿滿肉汁🔸金碗酸辣粉 $19正宗風味酸辣粉係經濟之選，可揀辣度～串燒小吃點了小辣剛好🔸旋風大面筋 $15 口感Q彈，少少麻辣幾惹味🔸牛肉串 $19/3一共有3串，咬落都有保持到肉汁幾不錯！

之前見荃新天地開咗就一直想嚟試,冇諗到午餐同下午茶都非常抵！ $50左右已經有飲品！就算唔食辣都有選擇，唔洗擔心冇嘢岩食！比較要注意係呢到要手機落單俾錢先的！今次我就嗌左蔥酥骨湯抄手+飲品凍檸茶 $49 ，再加多左個甜品琥珀冰粉 $18抄手份量都幾多，我仲食淨左幾粒。湯底幾清新，抄手足料之外都好好食！凍檸茶都係好飲的，不過甜度冇得改。琥珀冰粉其實就係茶凍，份量都多又大碗，最後我係食唔晒的😹Overall 職員服務都好好，地方又好闊落，坐得好舒服！遇見小麵 (荃新天地) (荃灣)荃灣楊屋道1號荃新天地地下G30, G32 & G36號舖

咁大個人，第一次食嘢，要食到一肚火😡😡😡。亦都第一次寫食評。見大家樂對面間上海姥姥執咗，轉左間新既內地品牌既餐廳，諗住同frd試下會唔會有驚喜，開始正常排隊喇，都幾快可以入座，目測都有幾台空檯等緊收拾，可能人手不足，冇咩特別。前面排隊既有對情侶，咁嗰靚仔waiter帶咗佢地佢6人檯坐，👀👀，到我地入座就正方形細檯，ok算數，兩個人呀嘛；跟住我後面嗰佬，坐卡座，乜意思先，佢地叫野食多啲定係點？？ fine 前面當佢地冇reception既concept。 我叫7樣，你張細檯放唔到，咁你作為服務員係咪執一執位呢？？ 求求其其擺兜麵，擺兜嘢食落黎，咁不如似大家樂我自己service我自己，你班waiter，waitress齋收野算啦？係香港開餐廳，請班大陸講普通話既，聽普通話既侍應，咁學咩人做香港人生意呀？？ 以為香港人鍾意返深圳消費，就開間垃圾就可以係香港插旗？？真係唔明🤷🏻‍♂️🤷🏻‍♂️仲有咁多排隊人等食佢呢間垃圾。可一不可再！！