遇見小麵 (荃新天地)

荃新天地這個位轉手幾次了見新開了一間遇見小麵嚐新試試點了蔥油麵+烤雞十分之快上菜蔥油麵不錯蔥油十分香不是食過最好食的蔥油但味道算是不錯麵有韌性烤雞就一般了肉質麻麻，汁也不夠埸地座位多，食客自由坐整體性價比高…查看更多

這間麵店在荃灣已經開咗好耐、小店早餐超正！order左皮蛋瘦肉粥配油條，爆漿包同肉包，个肉包好好吃👍仲有免費豆漿添，另一款鬆脆雞扒蔥油麵配雞蛋，加上有免費豆漿無限添飲。環境乾淨，啲職員又好好，人多都唔覺好擠，好適合早晨嚟歎番吓。最緊要價錢一啲都唔貴，比一般連鎖嘅快餐店重要平、抵食😋…查看更多

麵紅紅火火嘅湯底，香氣撲鼻，睇住就好有食慾。麵條勁彈牙，吸滿晒湯汁嘅精華，每一口都係鮮香帶住麻辣，仲有花生、蔬菜等配料，口感層次好豐富，食完暖曬身。烤雞，外皮烤到金黃酥脆，望落去油光閃閃。雞肉好入味，仲保持住 juicy 嘅口感，啖啖肉都好過癮。無論係味道、份量定係價錢，都覺得好抵，性價比高到爆，絕對係抵食之選！…查看更多

「遇見」的三款招牌菜式各具風味，令人回味。羊肉串外焦內嫩，脂香四溢，醬料微辣帶甜，完美平衡肉味與香料。蔥蘇骨湯炒手則湯底鮮美，炒手皮薄餡足，吸收湯汁後更添滋味，湯底以骨湯熬製，濃郁鮮美，吸飽湯汁後更顯滋味，蔥香與湯底交織出層次豐富的口感，每一口都像是回到家的溫暖。三道菜式既有街頭小吃的豪邁，也不失細膩手藝，是一次味蕾的驚喜旅程。琥珀冰粉以茶香為基底，晶瑩剔透的茶凍在奶香濃郁的底層中浮動，入口冰涼滑順，是炎炎夏日中最療癒的甜品，口感層次分明。…查看更多

辣癮起好想食酸辣粉！今次就去咗試遇見小面，貪佢夠晒抵食，夠酸夠辣之餘，味道好正宗，薯粉都好煙韌啱啱好！除咗酸辣粉之外，都叫咗招牌小鍋冒菜，好似個迷你打邊爐咁，叫咗醬香滷牛肉，好足料，丸子同滷蛋好入味～ 仲叫左好多款串燒，最鍾意爆漿豆腐串，外脆內軟，旋風大麵筋相對就更加有咬口，大草原羊肉串 肥瘦均勻咩都有 加埋孜然粉同辣粉好惹味～🥢遇見小麵（荃新天地店）📍 地址：楊屋道 1 號荃新天地一期地下 G30, G32 & G36 號舖 （中庭花園）…查看更多

呢間人氣內地品牌嘅小麵店，開到嚟香港都仍然保持住抵食又好食嘅賣點😍！無論係正餐時段，定係下午茶時段嚟到，都夠晒大份夾抵食，今次鼠尾草🌱嚟到荃灣分店都坐滿晒人。安格斯肥牛陽光蕃茄湯麵啱晒唔想食咁辣嘅朋友🫶🏻！蕃茄嘅酸甜味道好開胃，而且湯底夠晒香濃🥰。加配埋酥脆雞扒，食落熱辣辣又香脆，好夾咁濃郁嘅湯麵。加埋白玉厚椰乳，濃郁嘅椰奶香味好解膩✨。麻辣小麵揀咗重慶辣度，夠晒惹味😋！而且彈牙又大份嘅麵條，配埋湯底真係食到停唔到口🥳。加配埋滷蛋、擂椒、鴨血，味道夠晒豐富又香口。唔少得要加白玉厚椰乳，一飲解辣👍🏻。💰自選安格斯肥牛陽光蕃茄湯麵$69💰自選麻辣小麵$64遇見小麵地址📍: 荃灣楊屋道1號荃新天地地下G30, G32 & G36…查看更多

餐廳主打正宗川渝風味，麻辣鮮香一次過滿足🌶️ 簡約木系裝潢配暖黃燈光，溫馨又舒適～ 午市套餐抵食，晚市仲可以慢慢嘆串燒啤酒🍻 麻辣控必收藏！推介❤️🔥 安格斯肥牛小鍋冒菜 湯底麻香十足卻不嗆喉！肥牛片嫩滑得入口即化，配料多到瀉～ 薯粉吸飽麻辣湯汁，嗦一口直擊靈魂✨🥟 蔥酥骨湯抄手 皮薄餡靚！豬肉餡鮮甜多汁，骨湯濃郁👄一大碗份量好滿足❄️ 琥珀冰粉 解辣神器！冰粉晶瑩剔透似琥珀，酸甜清爽瞬間降溫🌬️🥥 白玉厚椰乳 椰香濃郁，厚厚口感🏝️ 配搭冰粉，甜度剛好，飯後甜品首選！🍢 內蒙古羔羊串 x 安格斯牛肉串 羊肉串肥瘦均勻，孜然香氣撲鼻🐑 安格斯牛肉串juicy爆汁，炭火香氣十足😍➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋 環境指數：🪴🪴🪴🪴 回頭指數：💖💖💖💖💖 #lifeistooshortforbadfood #hkfood #香港好去處 #食好西 #foodiehk #吃貨 #打卡 #hkfoodblog #hongkongfood #hkfoodieblogger #香港美食 #荃灣美食 #川菜 #麻辣控 #冒菜 #串燒 #手作甜品 #抵食套餐 #椰乳冰粉 #麻辣抄手 #安格斯肥牛 #荃新天地 #川渝風味 #嗜辣必試#遇見小麵 #重慶地道美食 #紅碗豌雜麵 #金碗酸辣粉 #黄埔美食…查看更多

小朋友開始放暑假了，帶住佢哋搵地方醫肚，嚟到荃灣荃新天地發現內地人氣重慶麵店- 遇見小麵，雖然要排隊等位，決定試吓。醒神陽光番茄麵小朋友唔食得辣，試咗佢嘅陽光番茄麵，酸酸嘅番茄香，加上彈牙嫩滑嘅麵條。原味酥脆雞排酥脆雞排外面脆卜卜，咬落口肉質鮮嫩唔太油膩，小朋友好快食晒。蔥油拌麵拌麵除了蔥油以外，還放滿不同配料，撈勻所有配料同麵一起一起吃，第一啖食到香濃蔥油味，之後食到其他配料，口感層次豐富。秘製脆皮半隻雞外層皮脆，咬落口雞肉嫩滑，每一啖都係脆口與嫩滑之間，性價比高。琥珀冰粉開頭以為會係好死甜嘅啫喱類甜品，點知食落口淡淡桂花香，冰粉彈牙爽口，配上淡花奶，每一啖都流連在香濃與絲滑之間，令我一試難忘。爆漿豆腐串（2 串）豆腐串配上微辣香料，啱晒鍾意食炸豆腐嘅我。安格斯牛肉串 （3 串）牛肉肉質鮮嫩，配上調味粉香口惹味。澳洲羔羊羊肉串 （3 串）羊肉串羊臊味唔太重，小朋友都食到津津有味。凍檸檬茶，檸檬味為主，唔會太甜，食完濃味嘢飲番杯檸檬茶醒神晒。總括而言，食物份量足，性價比高，唔使特登北上，近近哋落樓下都可以好抵食。…查看更多

之前返大陸食過遇見小麵，但就未晌香港食過。今日早咗收工，行過見到間鋪都多人食喎，早少少食個晚餐先🤪我同老公各自叫咗一個套餐😛我就食 脆皮半隻雞麻辣小麵套餐，個麵都係麻辣湯底，我揀咗微辣，都超級惹味，上面啲花生同豌豆幾多下，麵嘅份量都足夠，配搭埋湯底，一啖接一啖停唔到口😄。至於隻脆皮雞，個皮真係好脆，肉質好嫩滑🤤，一啲都唔鞋，直程想追加嗌多半份雞。老公就食超級碗（多拼澆頭麵）套餐，因為佢比較肚餓，所以嗌咗呢個多餸，有牛𦟌、肉丸、豬大腸，真係超級大碗😂啱晒重口味嘅人士安格斯牛肉串正如佢形容所講係鮮嫩多汁，孜然味好香，調味超惹味。唔會好多肥肉，食完都唔會有罪惡感。好想追加多幾串😂檸檬茶食重口味嘅嘢，配搭返凍冰冰嘅檸檬茶真係好清爽，份量都幾大杯，我飲唔晒要拎走飲😅…查看更多

今日去荃新天地行街，行到累時便找間餐廳吃飯。坐下後，掃枱上的二維碼下單。🔸紅碗豌雜麵這個是店鋪的招牌麵，可以選微辣/重慶辣/霸道辣。選了微辣，拌勻後每條麵沾滿汁，但又唔會太辣，配料豐富之餘麵條非常煙韌，花生脆口好想不斷加！🔸凍檸檬茶檸檬茶夠冰凍，茶味香濃，酸甜適中。🔸葱酥骨湯抄手抄手份量都幾多，皮都算軟身，加了青菜和滷蛋，每款加$5，骨湯味道濃郁，一口一粒抄手非常滿足！🔸茉莉凍凍酸梅湯酸梅湯味道酸酸甜甜，底部有啫喱，很解渴。🔸秘製脆皮半只雞雞的肉質頗滑，啖啖肉之餘味道酥香，很惹味。遇見小麵地址📍: 荃灣楊屋道1號荃新天地地下G30, G32 & G36…查看更多

遇見小面喺荃新天地嘅29元下午茶餐真係幾抵食！麻辣小面湯底夠香夠辣，麵條煙韌，辣勁啱啱好，唔會太嗆。雞扒炸得外脆內嫩，肉質保持多汁，配埋酸梅湯，酸酸甜甜好解辣，飲落清新又開胃。環境方面，座位算寬敞，落單用QR code，方便快捷，等餐時間唔算長。以價錢嚟講，呢個下午茶套餐份量足，味道有驚喜，特別推介畀鍾意食辣嘅朋友！…查看更多

入座後，掃碼落單，付款後，食物由店員送上。店內提供免費自助酙水、自助調料……每枱都有即棄筷子、牙籤、紙巾，都很貼心乾淨。價錢親民，份量十足，味道好。紅碗豌雜麵套餐 $49 加牛肉 $13自從係大陸食過，就有點掛念的味道，大前提是喜歡豆，所以個人特別鍾意呢個口味。有豌豆、花生、肉末、油辣子，一定要拌勻食。味道香辣不燥，香料味濃郁，加上豌豆的軟綿感，令人更飽足，爽滑麵條沾滿濃郁肉末同香料，每啖都好滋味。加左牛肉更有肉感，嫩腍好味。超級碗套餐 $69 多拼澆麵材料好多，有滷蛋、軟骨丸子、肥腸、牛展……當中的軟骨丸子超正，口感有咬口，啖啖肉。雖然睇落好紅，但不算辣，只係帶點麻，味道好。串燒 $19 （3串牛，3串羊）香料味夠重，好味，牛肉連少少肥肉，味道正，香口惹味。羊肉只有微微羶味，好岩我地口味，只係份量偏少。白玉厚椰乳 套餐加$3超級濃椰奶味，香滑可口又甜，白玉爽嫩滑，增加口感，必飲。凍檸檬茶（套餐）味道幾好，但偏酸，有鮮檸，夠哂凍。網上付款，方便。…查看更多

好少嚟荃新天地食嘢，今次專程嚟試吓呢間內地過江龍餐廳 - 遇見小麵😃見佢性價比高，下午茶好平好抵食！老麻抄手份量意外地多，起碼有十幾粒，一大碗雖然紅噹噹，但唔太食得辣嘅朋友仔可以放心，揀微辣嘅話係真微辣，唔會辣到變孖潤腸😆安格斯肥牛小鍋冒菜香辣火鍋好豐富，原來有薯粉同飯，等我仲額外加咗份安格斯肥牛同肥陽，太多嘢食😂肥牛真係幾肥幾嫩，肥腸食落都肥美彈牙。酥脆雞排幾邪惡但好好食！外層脆卜卜，咬落去雞肉好嫩滑😎。琥珀冰粉個人覺得冰粉好好食😋清涼爽滑又彈牙，甜度適中一啲都唔死甜，食完辣嘢食佢過下冷河超正，即刻解辣！📍遇見小麵（荃灣店）🏠楊屋道 1 號荃新天地一期地下 G30, G32 & G36 號舖…查看更多

成日經過都見到呢個位人山人海，仲成日有人係入口位排隊等。終於搵到機會去試試佢食返個晏！自助落單想快食午餐都好方便，餐牌基本上係湯麵加小食再加嘢飲，味道當然係離不開酸辣麻辣，不過最出位嘅係價錢，下午茶最平28蚊就有交易🤝，唔怪之得每次行過都咁多人食咗川味酸菜牛肉麵同金碗酸辣粉份量夠多夠飽，唔會因為平而俾得少嗌咗微辣都已經好夠辣！兩個麵食有啲酸菜炸菜另外有個自助位可以再加啲醃製配料一齊食老麻抄手好足料，辣辣哋好開胃，仲加咗個爆漿豆腐串係外脆內滑嘅，有少少紅油係面層不過唔會好辣大熱天時叫咗 2 杯凍飲消暑解渴凍檸檬茶酸微微好解辣！ + 茉莉凍凍酸梅湯有少少茶凍啫喱口感勁豐富！…查看更多

內地人氣重慶小麵品牌「遇見小麵」🇨🇳🍜 黎左香港啦😆 價錢拍得住內地甘抵食 吾洗特登北上都食到😌脆皮半隻雞陽光蕃茄湯麵 $56雞皮金黃酥脆 而雞肉醃製入味🍗 湯底酸甜開胃 湯麵份量十分足夠飽肚🍜➡️ 另外+$5 要多左份青菜 同+$4 加配埋飲品「白玉厚椰乳」安格斯肥牛小鍋冒菜 $53湯底麻辣濃郁🍲 用上口感嫩滑既安格斯肥牛🥩 鍋内仲有吾少蔬菜同豆製品同薯粉 配料豐富 滿滿既飽足感😌➡️ 另外+$6 轉左套餐 包埋白飯同凍檸檬茶 再加左+$5 滷蛋🥚鍋巴土豆 $16用上優惠價錢加購😆 土豆外酥內軟 麻辣鮮香🥔…查看更多